හෙරොයින්වලට වඩා පනස් ගුණයකින් බලසම්පන්න කෘත්‍රිම මත්ද්‍රව්‍යයක් වන ෆෙන්ටැනයිල් වෙනිසියුලාවේ නිෂ්පාදනය කරන්නේ නැහැ: එක්සත් ජනපද සෙනෙට් සභික රැන්ඩ් පෝල්

Oct 25, 2025 at 03:04 PM

|

Lanka Leader

එක්සත් ජනපද සෙනෙට් සභික රැන්ඩ් පෝල් පවසා සිටියේ  හෙරොයින්වලට වඩා පනස් ගුණයකින් බලසම්පන්න කෘත්‍රිම මත්ද්‍රව්‍යයක් වන ෆෙන්ටැනයිල් වෙනිසියුලාවේදී නිෂ්පාදනය නොකරන බවයි. එබැවින් වෙනිසියුලාව තුළ එම මත්ද්‍රව්‍ය නිෂ්පාදනය කළ බවට ජනාධිපති ඩොනල්ඩ් ට්‍රම්ප් කළ චෝදනා ඔහු ප්‍රතික්ෂේප  කළේය.

කැරිබියන් මුහුදේ ධවල මන්දිර නියෝග මත පහර දුන් යාත්‍රා එක්සත් ජනපදයට මත්ද්‍රව්‍ය ප්‍රවාහනය කරන්නේද යන්න අමෙරිකාවේ  කෙන්ටකි ප්‍රාන්තය නියෝජනය කරන සෙනට් සභිකායා වැඩිදුරටත් ප්‍රශ්න කළේය.

ඒ අර්ථයෙන් ගත් කල, පුපුරුවා හරින ලද බෝට්ටු මියාමි වෙත යාමට 20 වතාවක් පමණ ඉන්ධන පිරවීම සඳහා නතර කළ යුතු බෝට්ටු බවත්, ජනාධිපතිවරයා කරනු ලබන චෝදන අසම්භාව්‍ය බව අවධාරණය කරන බවත්ය.

පෝල් මෙලෙස ප්‍රකාශ කළේ තීව්ර වන දේශපාලන ආතතියක සන්දර්භයක් තුළ වන අතර, මෑතකදී කැරිබියන් දූපත් ආශ්‍රිත මුහුදේ එක්සත් ජනපද හමුදා යෙදවීම සහ “මත්ද්‍රව්‍ය ජාවාරමට” සම්බන්ධ යැයි පැවසෙන බෝට්ටු ඉලක්ක කරගත් මිසයිල ප්‍රහාර මගින් එම තීව්‍රතාවය සලකුණු කර ඇත.

මෙම තත්වය කොංග්‍රසය තුළම සහ මෙම මෙහෙයුම්වල නීත්‍යානුකූලභාවය සහ යුක්ති සහගතභාවය ප්‍රශ්න කරන විශ්ලේෂකයින් අතර විවේචනයට ලක්ව තිබේ.

පසුගිය සතියේ, රිපබ්ලිකන් නායකත්වයෙන් යුත් සෙනෙට් සභාව, කොංග්‍රසය තවදුරටත් ප්‍රහාර අනුමත කළ යුතු බවට ගෙන ආ යෝජනාවක් ප්‍රතික්ෂේප කළේය. ඩිමොක්‍රටික් පක්ෂය ඇතුළු සෙනෙට් සභාව නියෝජනය කරන සියලුම දෙනා පාහේ යෝජනාව ප්‍රතික්ෂේප කිරීමට සහාය දැක්වූ අතර, රිපබ්ලිකන් පක්ෂ සාමාජිකයන් දෙදෙනෙකු වන- රැන්ඩ් පෝල් සහ ලීසා මුර්කොව්ස්කි  පමණක් යෝජනාව ප්‍රතික්ෂේප කිරීමට සහාය දැක්වූහ.

බෝම්බ ප්‍රහාර සඳහා නීතිමය සහ සාක්ෂි පදනම පිළිබඳව පෝල් සැක පළ කළේය. “අපි ඔවුන් මරා දැමීමට පෙර මරා දමන අයගේ නම් දැන ගැනීමට සහ ඔවුන් කළ වරද පිළිබඳ සාක්ෂි මොනවාදැයි අප දැන ගැනීමට ඇසීමට  අයිතියක් නැතිද?” ඔහු ප්‍රශ්න කළේය.

එක්සත් ජනපද සෙනෙට් සභිකයා පැවසුවේ, “අපේ සැකයෙන් 25% ක් වැරදි විය හැකි විට මියාමි හිදී බෝට්ටු පුපුරවා හරින්නේ නැහැ - අපි වෙනිසියුලාවේදීත් එසේ නොකළ යුතුයි,” එම බෝට්ටු බොහොමයක් ෆෙන්ටැනයිල් හෝ ෆ්ලොරිඩාවට ගමනාන්තයක් කර ගැනීමේ කිසිදු සම්බන්ධයක් නොමැති කුඩා ධීවර බෝට්ටු පමණක් බව සඳහන් කළේය.

නීති සම්පාදකයා නීති විරෝධී ක්‍රියා “සාරාංශගත මරණ දණ්ඩන” ලෙස විස්තර කරමින් වරදකරුවන්ට  නිසි ක්‍රියා පටිපාටියට මුහුණ දීමට ඇති අයිතිය ආරක්ෂා කළේය: “අපි යුද්ධයක පැටලී නොසිටින නිසා අපට අවිධිමත් ලෙස මිනිසුන් මරා දැමිය නොහැකියි. නඩු විභාගයකට මුහුණ දීමට සෑම කෙනෙකුටම අයිතියක් තිබෙනවා.”

පසුගිය මාසයේ සිට මේ දක්වා එක්සත් ජනපද රජය කැරිබියන් මුහුදේ යාත්‍රාවලට ප්‍රහාර නවයක් එල්ල කර ඇති අතර, 30 කට වැඩි පිරිසක් එම ප්‍රහාර වලින් මිය ගොස් තිබේ.