කතෝලික පල්ලියේ යම් පාර්ශ්ව පාස්කු ප්‍රහාරය පෙන්වා බෙදුම්වාදී උවමනාවන් ඉටුකරනවා - ජාතික සංවිධානවලින් චෝදනා..

Oct 22, 2025 at 11:49 AM

|

Lanka Leader

"වතිකානු නිව්ස්" සේවයට සාකච්ඡාවක් ලබාදෙමින් සමාජය සහ ආගම පිළිබඳ මධ්‍යස්ථානයේ (CSR) විධායක අධ්‍යක්ෂවරයා වන ෆාදර් රොහාන් සිල්වා දේවගැතිතුමා සඳහන් කරන්නේ ආණ්ඩුව වහාම ස්වාධීන අභිචෝදක කාර්යාල පනත සම්මත කර එම ක්‍රියාවලිය ආරම්භ කළ යුතු බවය. ඊට අදාළ බලපෑම මෙවර ජිනීවා මානව හිමිකම් සැසිවාරයේ දී සිදුවූ අතර බෙදුම්වාදී බලවේග විසින් රණවිරු දඩයමට අදාළව සම්මත කළයුතු බවට ඉල්ලා සිටින ප්‍රධාන නීතියක් වන්නේ ද අභිචෝදක කාර්යාල පනතය.

ඒ අනුව දේවගැතිතුමාගේ ප්‍රකාශය ජාත්‍යන්තර බෙදුම්වාදී බලවේගවල උවමනාවන් සමග සමපාත වන්නේ කෙසේදැයි ලංකා ලීඩර් විසින් ජාතික සංවිධානවල මතය විමසන ලදී.

මේ වෛද්‍ය වසන්ත බණ්ඩාර මහතාගේ අදහස් ඔහුගේ වචනයෙන්,

"හදිසියේම කතෝලික පූජකතුමන්ලා විසින් අභිචෝදක කාර්යාලය පිහිටුවීම ඉල්ලා සිටීමට හේතු දෙකක් තිබිය හැකියි. පළමුවැන්න ඒ මගින් නීතිපති දෙපාර්තමේන්තුවේ බාධක අතික්‍රමණය කර පාස්කු ප්‍රහාරයේ වගකිවයුත්තන්ට දඩුවම් කළ හැකි යැයි අවංකවම විශ්වාස කිරීම.

දෙවැන්න කතෝලික පල්ලිය තුළ සිටින බෙදුම්වාදය ප්‍රචලිත කිරීමට දායක වන යම් පූජකතුමන්ලා පාස්කු වින්දිතයන් පෙන්වා බෙදුම්වාදීන්ගේ ඉල්ලීම් ඉටුකිරීම සඳහා ඉතා සූක්ෂමව ආණ්ඩුවට බලපෑම් කිරීමය.

කෙසේවෙතත් පාස්කු වින්දිතයින් කණගාටුවෙන් පිරිස් එය සිදුකරන්නේ අවංකවමද යන ප්‍රශ්නය මතුවේ. ඊට හේතුව එතුමන්ලා එදා සිටි පාලකයින්ට සහ යම් ආරක්ෂක නිලධාරීන්ට චෝදනා එල්ල කළත් එම ප්‍රහාරයට මුල්වූ ඉස්ලාම් අන්තවාදයට විරුද්ධව එක වචනයක්වත් කතා නොකිරීමයි. වින්දිතයින් ගොදුරුවීමට මුල්වූ 'මූල හේතුවට' විරුද්ධ නොවී ඔවුන්ට සාධාරණයක් ඉටුකරන්නේ කෙසේ ද?"