ලූවර් කෞතුකාගාරය කොල්ල කෑවා -ප්‍රංශ සංස්කෘතික ඇමති

Oct 19, 2025 at 08:41 PM

|

Lanka Leader

අද සිදු වූ මංකොල්ල කැමක් හේතුවෙන් පැරිසියේ ලූවර් කෞතුකාගාරය වසා දමා ඇති බව ලූවර කෞතුකාගාරයේ පාලන් අධිකාරිය පැවසූ බව පංශ මාධ්‍ය ආයතන වාර්තා කරයි. මේ අතර තහවුරු නොකළ මාධ්‍ය වාර්තා වලින් අනාවරණය වූයේ අපරාධකරුවන් කිහිප දෙනෙකු නැපෝලියන්ගේ ආභරණ එකතුවෙන් කොටස් නවයක් සොරකම් කර තිබෙන බවයි.

මෙම සිද්ධිය ප්‍රංශ සංස්කෘතික අමාත්‍ය රචිඩා ඩැටි විසින් සිය X හි ගිණුමේ සටහනක් තබමින් පවසා සිටියේ “අද උදෑසන ලූවර් කෞතුකාගාරය විවෘත කිරීමේදී මංකොල්ලයක් සිදු වූ” බවයි. තුවාලකරුවන් පිළිබඳව මෙතෙක් වාර්තා වී නොමැති බව පවසන ඇය මේවන විට පොලිස් පරීක්ෂණයක් සිදුවෙමින් පවතින බව තවදුරටත් පැවසුවාය. කෙසේ වුවද ඇය වැඩිදුර විස්තර ලබා දීමට කටයුතු කළේ නැත.

“සුවිශේෂී හේතූන්” නිසා එය දවස පුරා වසා තබන බව කෞතුකාගාර පාලන අධිකාරිය පැවසීය.

ලේ පැරිසියන් පුවත්පත පොලිසිය විසින් කළ මූලික පරීක්ෂණයක තොරතුරු උපුටා දක්වමින් පවසා සිටියේ, ලෝකයේ වැඩිපුරම නැරඹූ කලා කෞතුකාගාරය වන ලුවර කෞතුකාගාරයේ ඉදිකිරීම් කටයුතු සිදුවෙමින් පවතින ගොඩනැගිල්ලක් හරහා හිස් ආවරණ පැළඳ සිටි අපරාධකරුවන් කිහිප දෙනෙකු කඩා වැදුනු බවයි. ඉන් පසුව එම කණ්ඩායම ප්‍රංශයේ ඓතිහාසික රාජකීය ආභරණවලින් කොටසක් තැන්පත් කර ඇති ඇපලෝ ගැලරියේ කාමරයකට පිවිසීමට භාණ්ඩ ප්‍රවාහන සෝපානයක් භාවිතා කළ බවයි.

නැපෝලියන් අධිරාජ්‍යා සහ අධිරාජිනියගේ ආභරණ එකතුවෙන් මාලයක්, හාරිච්චියක්(ඇඳුම් එකට කර තැබීමට භාවිත කරන සාරි කටුවක් වැනි කටුවක් ), හිස පළඳනවාක් සහ තවත් භාණ්ඩ කිහිපයක් ඇතුළුව කෞතුක භාන්ඩ නවයක් සොරුන් විසින් සොරකම් කර ඇති බව පුවත්පත පවසයි. කෙසේ වෙතත්, ඩොලර් මිලියන 60 කට වඩා වටිනා යැයි ඇස්තමේන්තු කර ඇති කැරට් 140 ක රීජන්ට් දියමන්තිය සොරුන් හට සොරා ගැනීමට නොහැකිවී ඇති බවද පැවසේ.

ලේ පැරිසියන් පුවත් පතට අනුව සොරකම් කරන ලද භාණ්ඩවලින් එකක්, III වන නැපෝලියන් අධිරාජ්‍යාගේ කලත්‍රයා වන ඉයුජිනි අධිරාජ්‍යනියගේ කැඩුණු ඔටුන්නක් ලෙස පෙනී යන බවත් එය, කෞතුකාගාරයෙන් පිටත තිබී ඇති බවත්ය.

Crown of Empress Eugenie. ©  Wikipedia

Louvre robbed – culture minister