රංග දිසානායක අල්ලස් කොමිසමේ ලොක්කා කිරීමේදී ආණ්ඩුක්‍රම ව්‍යවස්ථා සභාවේ සාමාජිකයින් නොමග යැවීමක් සිදුව ඇති බවට දයාසිරිගෙන් කතානායකට ලිපියක්..
අල්ලස් හෝ දූෂණ කොමිෂන් සභාවේ අධ්‍යක්ෂ ජනරාල්වරයා ලෙස මහාධිකරණ විනිසුරු රංග දිසානායක මහතා පත් කිරීම සම්බන්ධයෙන් ආණ්ඩුක්‍රම ව්‍යවස්ථා සභාව තුළ ඇතිවූ මතභේදකාරී තත්ත්වය පිළිබඳව පාර්ලිමේන්තු මන්ත්‍රී, නීතිඥ දයාසිරි ජයසේකර මහතා විසින් අද කථානායකවරයා වෙත වරප්‍රසාද ප්‍රශ්නයක් ඉදිරිපත් කර ඇත.
මන්ත්‍රීවරයා විසින් කථානායකවරයා වෙත යොමු කරන ලද ලිපියේ දැක්වෙන්නේ, මෙම පත්කිරීමේදී ආණ්ඩුක්‍රම ව්‍යවස්ථා සභාවේ සාමාජිකයින් නොමග යැවීමක් සිදුව ඇති බවත්, එමඟින් සමස්ත පාර්ලිමේන්තුවේ ගෞරවයට හානියක් වී ඇති බවත්ය.
අධ්‍යක්ෂ ජනරාල්වරයා තෝරා ගැනීම සඳහා ආණ්ඩුක්‍රම ව්‍යවස්ථා සභාව විසින් 2024.10.14 වන දින අයදුම්පත් කැඳවා ඇත. පසුව නීතිපති දෙපාර්තමේන්තුවේ නියෝජ්‍ය සොලිසිටර් ජෙනරල් මාධව තෙන්නකෝන් මහතා සහ මහාධිකරණ විනිසුරු රංග දිසානායක මහතාගේ නම් අවසන් අපේක්ෂකයින් ලෙස තෝරාගෙන තිබේ.
ආණ්ඩුක්‍රම ව්‍යවස්ථා සභාවේ රැස්වීම් මිනිත්තු අනුව, මෙම පත්වීම සඳහා අපේක්ෂකයින් දෙදෙනාටම ලකුණු (100න්) ලබා දී ඇති අතර, ඉන් වැඩිම ලකුණු (80.55) ලබාගෙන ඇත්තේ මාධව තෙන්නකෝන් මහතා (Tag No: 10) වන අතර, රංග දිසානායක මහතා (78.00) දෙවැනි ස්ථානයේ සිට ඇත.
මෙම තත්ත්වය මත, මාධව තෙන්නකෝන් මහතාට පක්ෂව පස් දෙනෙකුත්, රංග දිසානායක මහතාට පක්ෂව හතර දෙනෙකුත් ඡන්දය ප්‍රකාශ කර තිබේ.
අවසානයේදී, ආණ්ඩුක්‍රම ව්‍යවස්ථා සභාවේ සාමාජිකයින් අතර පැවති ඡන්ද විමසීමේදී: මාධව තෙන්නකෝන් මහතාට පක්ෂව විපක්ෂ නායකවරයා, අජිත් පෙරේරා මහතා, ආචාර්ය ප්‍රතාප් රාමනුජම් මහතා සහ ආචාර්ය දිල්කුෂි අනුලා විජේසුන්දර මහත්මිය ඡන්දය ප්‍රකාශ කර ඇත.
රංග දිසානායක මහතාට (Tag No: 2) පක්ෂව අග්‍රාමාත්‍යවරයා, බිමල් රත්නායක මහතා, අබුබක්කර් අදම්බාවා මහතා, සිවඥානම් සිරිතරන් මහතා සහ ආචාර්ය දිනේෂා සමරරත්න මහත්මිය ඡන්දය ප්‍රකාශ කර ඇත.
ඒ අනුව, ඡන්ද 5-4ක් ලෙස රංග දිසානායක මහතා අධ්‍යක්ෂ ජනරාල් තනතුර සඳහා නිර්දේශ කිරීමට ආණ්ඩුක්‍රම ව්‍යවස්ථා සභාව තීරණය කර ඇත.
මන්ත්‍රී දයාසිරි ජයසේකර මහතා කථානායකවරයාට යොමු කළ ලිපියේ ප්‍රධාන චෝදනාව වන්නේ, රංග දිසානායක මහතාට පක්ෂව හිටපු මහාධිකරණ විනිසුරුවරුන් වන වසන්ත කුමාර විමලසිරි ජිනදාස මහතා (උතුරු මැද පළාත් ආණ්ඩුකාර) සහ චම්පා ජානකී රාජරත්න මහත්මිය (සබරගමුව පළාත් ආණ්ඩුකාර) විසින් ලබා දී තිබූ නිර්දේශ ලිපි සම්බන්ධයෙනි.
මුලදී ආණ්ඩුකාර තනතුරු දේශපාලන පත්වීම් බැවින් එම නිර්දේශ ‘දේශපාලන මැදිහත් වීමක්’ ලෙස සලකා ආණ්ඩුක්‍රම ව්‍යවස්ථා සභාවේදී සාකච්ඡා කර ඇත.
කෙසේ වෙතත්, සභානායක බිමල් රත්නායක මහතා විසින් මෙම නිර්දේශ ලිපි ඉදිරිපත් කර ඇත්තේ ඔවුන් ආණ්ඩුකාරවරුන් ලෙස පත්වීමට පෙර බවට දැනුම් දී තිබේ.
එම ප්‍රකාශය විශ්වාස කරමින් ආණ්ඩුක්‍රම ව්‍යවස්ථා සභාවේ සාමාජික මහාචාර්ය දිනේෂා සමරරත්න මහත්මිය සිය ඡන්දය රංග දිසානායක මහතා වෙත ලබා දී ඇති අතර, එය ඔහුගේ ජයග්‍රහණයට හේතු වී ඇත.
නමුත් පසුව දැනගන්නට ලැබී ඇත්තේ, ආණ්ඩුකාරවරුන් පත් කිරීමේ ගැසට්‌ පත්‍රය 2024.09.27 වන දින ප්‍රසිද්ධ කර ඇති අතර, ඔවුන් විසින් රංග දිසානායක මහතාගේ නම නිර්දේශ කර ඇත්තේ ආණ්ඩුකාරවරුන් ලෙස පත් වූ පසුව බවයි.
මෙම තත්ත්වය හමුවේ, මහාචාර්ය දිනේෂා සමරරත්න මහත්මිය විසින් එදිනම දිවුරුම් ප්‍රකාශයක් මගින් ගරු කථානායකවරයාට විරෝධය පළ කර ඇත.
මන්ත්‍රී දයාසිරි ජයසේකර මහතා චෝදනා කරන්නේ, පාර්ලිමේන්තු බලතල හා වරප්‍රසාද පනතේ උපලේඛනය (අ) කොටසේ 4 වන වගන්තිය යටතේ, පාර්ලිමේන්තු කාරක සභාවක රැවටීමේ අදහසින් ව්‍යාජ තොරතුරු ඉදිරිපත් කිරීම බලවත් වරදක් බවත්, මෙම වරද හිතාමතාම සභානායක බිමල් රත්නායක මහතා විසින් සිදු කර ඇති බවත්ය. එසේම, කථානායකවරයා ද “අදාළ වරදම සිදු කර ඇති” බවට චෝදනා කරමින්, ඔවුන් දෙදෙනාම සමස්ත පාර්ලිමේන්තුවේ ගෞරවයට බලවත් හානියක් සිදු කර ඇති බව පෙන්වා දී තිබේ.
මන්ත්‍රීවරයා අවසාන වශයෙන් ඉල්ලා සිටින්නේ වරප්‍රසාද කඩ කිරීම පිළිබඳව වරප්‍රසාද කමිටුව වෙත මෙය ඉදිරිපත් කරන ලෙස හා පාර්ලිමේන්තුවේ ප්‍රධානියා ලෙස සහ ආණ්ඩුක්‍රම ව්‍යවස්ථා සභාවේ සභාපතිවරයා ලෙස මෙම බරපතල කාරණය පිළිබඳව කථානායකතුමා විසින් සභාවට පැහැදිලි කිරීමක් ලබා දෙන ලෙසත්ය.
සම්බන්ධිත පුවත් | Related News
ප්‍රධාන පුවත්
ආර්ථික අර්බුදයෙන් ගොඩ එනවා වෙනුවට ආණ්ඩුව රට වැරදි දිශාවකටයි ගෙන යන්නේ.. මේ ගමනේ අවසානය රටේ ඒකීයභාවයට තර්ජනයක්.. - විමල් වීරවංශ
ඇමරිකානු අභ්‍යන්තර දේශපාලනයේ බලපෑමෙන් රුසියානු-ඇමරිකානු සබඳතාවල නව හැරවුමක්.. කියෙව් පාලනය සහ යුරෝපය දැඩි කම්පනයක..
ආණ්ඩුක්‍රම ව්‍යවස්ථාවේ පළමු පරිච්ඡේදය රට.. දෙවන පරිච්ඡේදය ආගම නොව බුද්ධාගමයි.. - මහාචාර්ය පූජ්‍ය ඉඳුරාගාරේ ධම්මරතන හිමි
මේ රටේ බෞද්ධයාගේ ඉවසීම පරීක්ෂා කරන්න යන්න එපා.. බොර්න් අගේන් කල්ලියකට අවශ්‍ය විදිහටයි අද මේ රට නටවන්නේ.. - විමල් වීරවංශ
අඛණ්ඩ ඉන්ධන සැපයුමකට රජයෙන් පැහැදිලි සැලසුමක් නෑ.. - පෞද්ගලික ඉන්ධන සමාගම් පවසයි..
තවත් IMF වැඩසටහනකට යන්න රජය සූදානම්.. මේ දිනවල එය සාකච්ඡා කරනවා.. - ජනපති
ඥානසාර හිමිට දුන් දඬුවම නීති විරෝධියි.. - හිටපු අගවිනිසුරු සරත් එන්. සිල්වාගෙන් සැර ප්‍රකාශයක්..
ගලගොඩඅත්තේ ඥානසාර හිමියන්ගේ චීවරය ඉවත් කිරීමට එරෙහිව අභියාචනාධිකරණයේ නඩු දමයි..
චීන–ලාඕස දුම්රිය මාර්ගයේ වෙළෙඳ වටිනාකම යුවාන් බිලියන 100 ඉක්මවයි.. ලාඕසය කලාපීය ප්‍රවාහන කේන්ද්‍රස්ථානයක් බවට..
ට්‍රම්ප්ගේ ආදර්ශය අනුව රුසියාව සමඟ ඩීසල් ගනුදෙනුවකට එළඹෙනු- ජර්මානු විපක්ෂය පවසයි
රුසියාව සහ යුක්‍රේනය බලශක්ති ප්‍රහාර අත්හිටුවීමට එකඟ වී තිබෙනවා – ට්‍රම්ප්
නේපාලයට යළිත් මහා ගංවතුරක් – නිවාස හා පාලම් ගසාගෙන යයි (වීඩියෝ)
හිටපු ජනපති මහින්ද රාජපක්ෂ රෝහල්ගත කෙරේ..
ඔන්ටාරියෝ ව්‍යවස්ථාදායකය 'දෙමළ ජන සංහාරයක්' නිල වශයෙන් පිළිගෙන නැහැ.. කොටි හිතවාදීන් ගොතන ලද ජන සංහාරක ප්‍රබන්ධය බිඳ වැටිලා.. - ආචාර්ය නෙවිල් හේවගේ
ඥානසාර හිමි උදෙසා කොළඹ බලා එන පාගමනේ තෙවන දිනය අද..
"ජේවීපී එකෙන් මගෙ සිවුර ගලවනවා.. සිරගත වුනත් කවදාවත් මෙහෙම දෙයක් වෙලා නෑ මහත්තයෝ.." - අත්අඩංගුවට ගැනීමට පෙර ඥානසාර හිමි පැවසූ කතාව නීතිඥ සංජීව වීරවික්‍රම හෙළිකරයි..