හාල් ලූනු ගෙන්නනවා වගේ ඖෂධ ගෙන්වන්න බෑ.. ඖෂධ හිගයට හේතුව ගිය වසරේ හරියට ඇණවුම් නොකිරීමයි..
හාල් හිඟයක් ලූනු හිගයක් ඇතිවූ විට ආනයනය කරනවා මෙන් ඖෂධ හිඟයක් ඇති වූ විට එම ඖෂධ හෝ උපකරණ ක්ෂණිකව ආනයනය කිරීමේ හැකියාවක් රජයට නොමැති බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා කියයි.
අමාත්‍යවරයා මහනුවරට පැමිණ මල්වතු අස්ගිරි මහනාහිමිවරුන් බැහැදක ආශිර්වාද ලබා ගැනීමෙන් අනතුරුව මාධ්‍ය හමුවේ අදහස් දක්වමින් ඒ බව අවධාරණය කරමින් අවසා සිටියේ කවුරුන් පිළිගැනීමට කැමති වුවත් අකමැති වුවත් සැබෑ තත්ත්වය එය බවයි.
“සමහර අවස්ථාවලදී ඖෂධ වල මෙන්ම උපකරණවල හිගයක් පැන නගිනවා. ඖෂධයක් හිඟ වූ පමණින්ම අපට එය ආනයනය කිරීමේ හැකියාවක් නැහැ. ඖෂධයකට ටෙන්ඩරය ලබාදීමෙන් පසුවයි එහි නිෂ්පාදන කටයුතු ආරම්භ කෙරෙන්නේ. එම සමස්ත ක්‍රියාවලියට මාස 09 ක් පමණ ගතවෙනවා.
ගිය වසරේ හිග ඖෂධ සඳහා හරි විදියට ඇණවුම් භාරදී තිබුණා නම් මේ වන විට ඖෂධ ඇවිදින්. නමුත් එසේ සිදුවී නැහැ. නමුත් මේ වසරට අවශ්‍ය ඖෂධ සහ ශල්‍ය උපකරණ වල ටෙන්ඩර 80%-85%ත් අතර ප්‍රමාණයක් අවසන් කොට තිබෙනවා. ඒ අනුව නොවැම්බර් මැද මාසය පමණ වන විට එම ඖෂධ ලංකාවට එනවා. එවිට දැනට පවතින ඖෂධ සහ උපකරණ හිගය මගහැරීී යයි.
මේ වන විට රුපියල් කෝටි 3500 ක් රෝහල්වලට ලබා දී තිබෙනවා වෛද්‍ය සැපයුම් ඒකකය මගින් සපයන්නැති ඖෂධ පිටතින් මිලදී ගැනීම සඳහා. මම මුදල් යොදවා පෞද්ගලික අංශයෙන් එම ඖෂධ ලබාගත ගැනීමේ හැකියාව තිබෙනවා. නමුත් සමහර ඖෂධ රජයේ රෝහල්වල පමණක් නොවෙයි පෞද්ගලික අංශයේ වෙළඳපොලෙත් නැහැ.
මේ වනවිට වකුගඩු රෝගීන්ට අවශ්‍ය වෛද්‍ය උපකරණවල හිගයක් පවතිනවා. ඊට හේතු වී ඇත්තේ ඒ සඳහා ටෙන්ඩරය ලබාගත් පුද්ගලයා ඒ සඳහා අවශ්‍ය උපකරණ නොවේ ලබාදී තිබෙන්නේ. එම ගැටළුව නිරාකරණය කර ගැනීම සඳහා රෝහල්වලට අවශ්‍ය මුදල් ලබා දී තිබෙනවා.
මේ වන විට රජය විසින් මත්ද්‍රව්‍ය හෙරොයින් අයිස් වැනි භයානක මත්ද්‍රව්‍ය වැටලීම් සිදු කරමින් පවතිනවා. ඒ සමග අත්අඩංගුවට ගත් පුද්ගලයන්ගෙන් අපරාධ පරීක්ෂණ දෙපාර්තමේන්තුව ප්‍රශ්න කරමින් පවතිනවා. දැන් ඒ ජාලය නිරාවරණය වෙමින් පවතිනවා.
එසේම පාතාලයත් මර්ධනය කරමින් යවනවා. අත්අඩංගුවට ගැනීම් නිරන්තරයෙන් සිදුවෙනවා. මේ දෙපාර්ශ්වයෙන්ම ප්‍රශ්න කරන විට ඔවුන්ගේ දේශපාලන සම්බන්ධතා පිළිබඳව වැදගත් තොරතුරු නිරාවරණය වෙමින්න් පවතිනවා.
අපරාධ පරීක්ෂණ දෙපාර්තමේන්තුව ඔවුන්ගෙන් ප්‍රශ්න කොට ලබාගන්නා තොරතුරු පිළිබඳව දන්නා පසුගිය දේශපාලනඥයන් කියමින් යනවා දේශපාලන දඩයමක් ආරම්භ කොට තිබෙන බව. සම්පත් මනම්පේරි කියන පුද්ගලයාගෙන් ප්‍රශ්න කරන විට ඔහු ලඟින් ඇසුරු කළ දේශපාලකයන් විවිධ කතා කියන්න පටන් අරන් තිබෙනවා. ඔවුන් දන්නවා ඊලගට විමර්ශන ඔවුන්ගේ පැත්තට කැරකෙන බව.”
අමාත්‍යවරයා වැඩිදුරටත් අවධාරණය කර සිටියේ බිඳ වැටී තිබූ රටේ ආර්ථිකය, නීතිය ක්‍රියාත්මක නොවීම මෙන්ම ගොඩනැගෙමින් පැවතුණ අපරාධ රැල්ල දේශපාලකයන්ගේ අසීමිත වරප්‍රසාද භුක්ති විඳීම එවැනි කරුණු කාරණා රජය විසින් මේ වන විට ජනතාවගේ විශ්වාසය රැකෙන ආකාරයට විසඳමින් යන බවයි.
- ADA
සම්බන්ධිත පුවත් | Related News
ප්‍රධාන පුවත්
2010 වසරෙන් පසු පළමු වරට ලෝක දරිද්‍රතාව ඉහළට! චීනය වේගයෙන් දරිද්‍රතාවය පහළ දැමූ රටයි! – එක්සත් ජාතීන්ගේ සංවිධානය
ආර්ථික අර්බුදයෙන් ගොඩ එනවා වෙනුවට ආණ්ඩුව රට වැරදි දිශාවකටයි ගෙන යන්නේ.. මේ ගමනේ අවසානය රටේ ඒකීයභාවයට තර්ජනයක්.. - විමල් වීරවංශ
ඇමරිකානු අභ්‍යන්තර දේශපාලනයේ බලපෑමෙන් රුසියානු-ඇමරිකානු සබඳතාවල නව හැරවුමක්.. කියෙව් පාලනය සහ යුරෝපය දැඩි කම්පනයක..
ආණ්ඩුක්‍රම ව්‍යවස්ථාවේ පළමු පරිච්ඡේදය රට.. දෙවන පරිච්ඡේදය ආගම නොව බුද්ධාගමයි.. - මහාචාර්ය පූජ්‍ය ඉඳුරාගාරේ ධම්මරතන හිමි
මේ රටේ බෞද්ධයාගේ ඉවසීම පරීක්ෂා කරන්න යන්න එපා.. බොර්න් අගේන් කල්ලියකට අවශ්‍ය විදිහටයි අද මේ රට නටවන්නේ.. - විමල් වීරවංශ
අඛණ්ඩ ඉන්ධන සැපයුමකට රජයෙන් පැහැදිලි සැලසුමක් නෑ.. - පෞද්ගලික ඉන්ධන සමාගම් පවසයි..
තවත් IMF වැඩසටහනකට යන්න රජය සූදානම්.. මේ දිනවල එය සාකච්ඡා කරනවා.. - ජනපති
ඥානසාර හිමිට දුන් දඬුවම නීති විරෝධියි.. - හිටපු අගවිනිසුරු සරත් එන්. සිල්වාගෙන් සැර ප්‍රකාශයක්..
ගලගොඩඅත්තේ ඥානසාර හිමියන්ගේ චීවරය ඉවත් කිරීමට එරෙහිව අභියාචනාධිකරණයේ නඩු දමයි..
චීන–ලාඕස දුම්රිය මාර්ගයේ වෙළෙඳ වටිනාකම යුවාන් බිලියන 100 ඉක්මවයි.. ලාඕසය කලාපීය ප්‍රවාහන කේන්ද්‍රස්ථානයක් බවට..
ට්‍රම්ප්ගේ ආදර්ශය අනුව රුසියාව සමඟ ඩීසල් ගනුදෙනුවකට එළඹෙනු- ජර්මානු විපක්ෂය පවසයි
රුසියාව සහ යුක්‍රේනය බලශක්ති ප්‍රහාර අත්හිටුවීමට එකඟ වී තිබෙනවා – ට්‍රම්ප්
නේපාලයට යළිත් මහා ගංවතුරක් – නිවාස හා පාලම් ගසාගෙන යයි (වීඩියෝ)
හිටපු ජනපති මහින්ද රාජපක්ෂ රෝහල්ගත කෙරේ..
ඔන්ටාරියෝ ව්‍යවස්ථාදායකය 'දෙමළ ජන සංහාරයක්' නිල වශයෙන් පිළිගෙන නැහැ.. කොටි හිතවාදීන් ගොතන ලද ජන සංහාරක ප්‍රබන්ධය බිඳ වැටිලා.. - ආචාර්ය නෙවිල් හේවගේ
ඥානසාර හිමි උදෙසා කොළඹ බලා එන පාගමනේ තෙවන දිනය අද..