අනුර කුමාර පාස්කු ප‍්‍රහාරය බාර ගන්නවා නම් අයිස් චෝදනාව අපි බාරගන්නවා!- නාමල් රාජපක්ෂ

Sep 27, 2025 at 03:58 PM

|

Lanka Leader

දිවයින ඔන් ලයින් යූ-ටියුබ් නාලිකාවට එක් වෙමින් පාර්ලිමේන්තු මන්ත්‍රී නාමල් රාජපක්ෂ මහතා පවසා සිටියේ, මනම්පේරි යනු ශ‍්‍රී ලංකා පොදුජන පෙරමුණේ පක්ෂ සාමාජිකයෙක්ව සිටි බවත් ඔහුට චෝදනා එල්ල වූ පළමු මොහොතේදීම ඔහුගේ සාමාජිකත්වය අත්හිටුවා ඇති බවයි.

එලෙසම ඔහු පක්ෂයේ 8,000ක අපේක්ෂක ලැයිස්තුවේ සිටි එක් අයෙක් පමණක් බවත් මනම්පේරි සැකපිට අත්අඩංගුවට ගත් පමණින් ඔහු පිටුපස රාජපක්ෂලා සිටින බවට කරන තර්කය නිවැරදි නම්, පාස්කු ප්‍රහාරයට අදාළවද  ජනතා විමුක්ති පෙරමුණ සිටින බවට කරන තර්කය නිවැරදි විය යුතු බව නාමල් රාජපක්ෂ මහතා ප්වසයි.

ලැයිස්තුවේ 8,000කින් එක් අයෙක් පෙන්වා මුළු ලංකාවේම අයිස් මත්ද්‍රව්‍ය ජාවාරම් කරන්නේ රාජපක්ෂලා යැයි කියනවා නම්, එම තර්කය අනුව ජාතික ලයිස්තවේ 29කින් ඒක් අයෙක් සිටින නිසා පාස්කු ප්‍රහාරය පිටුපස සිටින්නේ ටිල්වින් සිල්වා සහ අනුර කුමාර දිසානායක බවට නිගමන්ය කළ නොහැක්කේ ඇයි දැයි ඔහු ප්‍රශ්න කරනු ලබයි.

ඒ අනුව පාස්කු ප්‍රහාරය සම්බන්ධයෙන් ඇති චෝදනා වලට මෙම තර්කය යොදන්නේ නම්, අනුර කුමාර දිසානායක මහතා පාස්කු ප්‍රහාරයේ වගකීම භාර ගත යුතු බවද අවධාරණය කළේය.

මධ්‍යම අධිවේගී මාර්ගය සම්බන්ධයෙන් කරුණු දක්වමින් තමන් විසින් කළ ක්‍රියාවක් හේතුවෙන් අතරමග නැවතුනු මධ්‍යම අධිවේගී මාර්ගයේ ඉතිරි කොටස ඉදිකිරීමේ කටයුතු එම සමාගමටම වැඩි මුදලකට දීමට සිදුව ඇති බවද පැවසුවේය.

ජාත්‍යන්තර මුල්‍ය අරමුදල සම්බන්ධයෙන් නැගූ ප්‍රශ්න්යකට පිළිතුරු දෙමින් ඒ මහතා පවසා සිටියේ ජාත්‍යන්තර මුල්‍ය අරමුදල යනු විසඳුම නොවන බවත් ජාත්‍යන්තර මුල්‍ය අරමුදල යනු අපට උපදෙස් දෙන ආයතනයක් බවත්ය. ආණ්ඩුවට ජාත්‍යන්තර මුල්‍ය අරමුදල පවසා තිබෙන්නේ රාජ්‍ය ආදායම වැඩි කර ගැනීමට මාර්ග සෙවීමට කටයුතු කරන ලෙස මිස කම්කරු ගොවි ජනතාවට බදු ගැසීමෙන් රාජ්‍ය ආදායම වැඩිවන බව  නොවන බවයි.සම්පූර්ණ වීඩියෝව පහතින්...