වෙනිසියුලාවේ අභ්‍යන්තරයට පහර දිමට අමෙරිකාව ව්‍යාජ හේතු නිර්මාණය කරමින් සිටිනවා- එන්බීසී පුවත් සේවය පවසයි

Sep 27, 2025 at 02:34 PM

|

Lanka Leader

වෙනිසියුලාව තුළ මත්ද්‍රව්‍ය ජාවාරම්කරුවන් යැයි පවසන අයට පහර දීම සඳහා එක්සත් ජනපදය “විකල්ප සූදානම් කරමින්” සිටින බව එන්බීසී පුවත් සේවය වාර්තා කරනු ලැබූවේ නම් නොකළ ඇමරිකානු නිලධාරීන් උපුටා දක්වමිනි.

පසුගිය සතිවලදී, වොෂින්ටනය ලතින් ඇමරිකානු කළාපයට අයත් රටක් වන වෙනිස්යුලානු රාජ්‍යට්ය අයත් මුහුදු වෙරළට ඔබ්බෙන් මත්ද්‍රව්‍ය රැගෙන ගිය බවට චෝදනා කරමින් අඩුම තරමින් බෝට්ටු තුනක්වත් ගිල්වා ඇති අතර ඒ හේතුවෙන් අවම වශයෙන් පුද්ගලයින් 17 දෙනෙකු මිය ගොස් ඇත. වෙනිසියුලානු ජනාධිපති නිකොලස් මධුරෝ මත්ද්‍රව්‍ය ජාවාරමට සම්බන්ධයැයි කරනු ලබන චෝදනා ප්‍රතික්ෂේප කර ඇති අතර මෙම ප්‍රහාර තමා බලයෙන් පහ කිරීම සඳහ එක්සත් ජනපදය ගන්න උත්සාහයක කොටසක් බව අවධාරණය කළේය.

වෙනිසියුලාවට බෝම්බ හෙලීම ඉදිරි “සති කිහිපය” තුළ සිදුවිය හැකි බව එන්බීසී ප්‍රවෘත්ති සේවය අද(27) වාර්තා කළේය. කෙසේ වෙතත්, එහි මූලාශ්‍රවලට අනුව, මෙම පියවර තවමත් එක්සත් ජනපද ජනාධිපති ඩොනල්ඩ් ට්‍රම්ප් විසින් අනුමත කර නොමැත.

නිලධාරීන්ට අනුව, වොෂින්ටනයේ සිදුවන සාකච්ඡා වලට අනුව ප්‍රධාන වශයෙන් මත්ද්‍රව්‍ය රසායනාගාරවලට මෙන්ම ජාවාරම් කණ්ඩායම්වල සාමාජිකයින්ට සහ නායකයින්ට ඩ්‍රෝන ප්‍රහාර එල්ල කිරීමද ඇතුළත් වේ.

කැරිබියන් දූපත් වලට එක්සත් ජනපද යුද නැව් සහ ගුවන් යානා යෙදවීම සහ බෝට්ටුවලට එල්ල කරන ප්‍රහාර “මධුරෝගේ බලයේ ග්‍රහණය දුර්වල කර ඇති බවක් හෝ සැලකිය යුතු ප්‍රතිචාරයක් ඇති කර ඇති බවක් නොපෙනේ” යැයි ට්‍රම්ප් පරිපාලනයේ සමහරු කලකිරීමට පත්ව සිටින බැවින් එක්සත් ජනපදය තවදුරටත් ප්‍රහාර උත්සන්න කිරීම් සලකා බලමින් සිටින බව තවත් ප්‍රවෘත්ති මූලාශ්‍රයක් පැවසීය.

ට්‍රම්ප් “අපේ රටට මත්ද්‍රව්‍ය ගලා ඒම නැවැත්වීමට සහ වගකිවයුත්තන් නීතිය හමුවට පමුණුවා ගැනීමට ඇමරිකානු බලයේ සෑම අංගයක්ම භාවිතා කිරීමට සූදානම්” යැයි ජ්‍යෙෂ්ඨ පරිපාලන නිලධාරියෙක් එන්බීසී පුවත් සේවය වෙත පවසා තිබුණි.

ඒ සමඟම, එක්සත් ජනපදය සහ වෙනිසියුලාව නිශ්චිත නොවන මැද පෙරදිග අතරමැදියන් හරහා එකිනෙකා සමඟ කතා කරමින් සිටින අතර, ආතතීන් සමනය කිරීම සඳහා මදුරෝ ට්‍රම්ප්ට යම් සහන ලබා දුන් බව එක් මූලාශ්‍රයක් ප්‍රවෘත්ති සේවයට පැවසීය.

සිකුරාදා එක්සත් ජාතීන්ගේ මහා මණ්ඩලය අමතමින් වෙනිසියුලානු විදේශ අමාත්‍ය ඉවාන් ගිල් පින්ටෝ “අපේ හිස මත එල්ලී ඇති නීති විරෝධී සහ සම්පූර්ණයෙන්ම දුරාචාර මිලිටරි තර්ජනය” සම්බන්ධයෙන් එක්සත් ජනපදය හෙළා දකින බව පැවසුවේය.

කැරකස් පරිපාලනය අමෙරිකානු මඇදිහත්වීම “අධිරාජ්‍යවාදී ආක්‍රමණයක්” ලෙස හඳුන්වමින් අමෙරිකානු ක්‍රියා කලාපයට විරුද්ධ වන බව අමාත්‍යවරයා අවධාරනය කළ අතර ජාත්‍යන්තර ප්‍රජාවේ සහාය ඉල්ලා සිටියේය.

"වෙනිසියුලාව පීඩනයට හෝ තර්ජනවලට යටත් නොවනු ඇත. අපගේ ස්වෛරීභාවය සහ විදේශ මැදිහත්වීම් වලින් තොරව සාමයෙන් ජීවත් වීමේ අපගේ අයිතිය ආරක්ෂා කිරීමට අපි අධිෂ්ඨානශීලීව කැපවෙනවා." ඔහු පැවසීය.

US ‘preparing options’ for strikes inside Venezuela – NBC