දේශපාලකයන්ට වන්දනාමාන කරන පුරවැසියන් අවශ්‍ය නෑ.. පිම්බූ හිස් චරිත නඩත්තු කරන්න රටට බෑ- ජනපති අනුර
අපේ රටට අවශ්‍ය වන්නේ දේශපාලකයන්ට වන්දනාමාන කරන පුරවැසියන් නොව, රට නිවැරදි දිශාවකට ගෙන යා හැකි දේශපාලකයන් බව ජනාධිපති අනුර කුමාර දිසානායක මහතා පවසයි.
රටක් දියුණු කළ හැක්කේ දේශපාලකයන්ට වැඳ වැටෙන ජනතාවක්ගෙන් නොවන බවත් ඒ් මහතා අවධාරණය කරයි.
මධ්‍යම අධිවේගී මාර්ගයේ කඩවත සිට මීරිගම දක්වා වූ කොටසේ ඉදිකිරීම් ආරම්භ කිරීමේ උත්සවයට එක්වෙමින් ඔහු මේ අදහස් පළ කලේය.
එහිදී වැඩිදුරටත් අදහස් දැක්වූ ජනපතිවරයා මෙසේ ද පැවසීය.
"අපිට මේ මතුපිටින් තිබෙන රාජ්‍ය හා සමාන කළු රාජ්‍යයක් නිර්මාණය කරගෙන තිබෙනවා. ඔවුන්ට අවි ආයුධ ලැබෙනවා නීතියානුකූල හමුදාවන් විසින් කුඩු ප්‍රවාහනය කරනවා. එය මැඩපැවැත්වීමට ඉන්න පොලීසිය ඔවුන්ට රැකවරණය දෙනවා. දේශපාලන අධිකාරිය විසින් නීතිවිරෝධී පාස්පෝට් හදලා දෙනවා. නීතියානුකූල පාස්පෝට් සෑදීම වැළැක්වීම සඳහා තිබෙන ආගමන හා විගමන දෙපාර්තමේන්තුව විසින් ඔවුන්ට මෝටර්රථ ලියාපදිංචි කරලා දෙනවා. මෝටර්රථ ලියාපදිංචියට තියෙන ආයතන විසින් ඔවුන්ට නීතියේ රැකවරණයත් ලබාදෙනවා. ඒ නිසා මේ මතුපිට තිබෙන රාජ්‍යයට සමාන යටිබිම්ගත රාජ්‍යයක් සංවිධානාත්මක අපරාධ කල්ලි වෙත තිබෙනවා. තැන තැන වෙඩිතැබීම්, මත්ද්‍රව්‍ය ආදි විශාල සමාජ අපරාධවලින් ගහණ වූ යටිබිම්ගත රාජ්‍යයක්. මේ යටිබිම්ගත රාජ්‍ය අපි සහතික වශයෙන්ම අවසන් කරනවා. සංවිධානාත්මක අපරාධ කණ්ඩායම් සමාජයේ විශාල ව්‍යවසනයක් ඇති කරලා. එය මැඩපැවැත්වීමට කටයුතු කරනවා. ඒ සඳහා අවශ්‍ය අභියෝගය හා විශ්වාසය පොලීසිය භාරගෙන තිබෙනවා. ඒ ගැන ඔවුන්ට ස්තූතිය පළ කරනවා.
“පාර්ලිමේන්තුවේ නීතියක් සම්මත කළාම ඊට සමච්චල් කරන නායකයන් ඉන්නවා. ගතානුගතික, හිස් පුම්බා අතහරින ලද චරිත වෙනුවෙන් අපේ ජනතාව වැය බරක් දැරිය යුතු නැහැ. අපට අවශ්‍ය දියුණු දේශපාලකයන් වන්දනා කරන්න දේශපාලකයන් අපට අවශ්‍ය නෑ. අපිට කිසිසේත් අවශ්‍ය වෙන්නේ නැහැ වන්දනාමාන කරන පුරවැසියෙක්. අපට අවශ්‍ය වන්නේ තම තමන්‍ගේ වගකීම් ඉටු කරන අය පමණයි. වගකීම් ඉටුකරන පුරවැසි සමාජයක් අපට අවශයයි. රාජ්‍යත්වයට උසවා තැබිය යුතු සමාජයක් ඕන නැහැ. දියුණු පුරවැසියෙක් දියුණු දේශපාලනාධිකාරයක් බිහිකරගත යුතුයි. පුරවැසියා පැරණි ගතානුගතික, බියමුසු පුරවැසියෙක් නොවිය යුතුයි. රටක් ඉදිරියට ගෙන යන්න ඕන දියුණු පුරවැසියකුගෙන් පමණයි. දේශපාලකයන්ට වැඳගෙන ඉන්න පුරවැසියන්ගෙන් රටක් ඉදිරියට ගෙන යන්න බෑ. ලෝකයේ දියුණුම ජාතිය ශ්‍රී ලංකාවේ ගොඩනැගීමේ අභියෝගය අප භාර ගෙන තිබෙනවා.’’
මීට වසර පෙර අපේ රටේ විශාල ආර්ථික අර්බුදයක් ඇති වූ බවත් වත්මන් රජයට එම තත්ත්වය දශයකට අඩු ඇතැම් විට දශකයකට අඩකින් එම තත්ත්වය යථා තත්ත්වයට පත් කිරීමට හැකියාවක් පවතින බවද ජනාධිපතිවරයා පැවසුවේය.
පසුගිය චීන සංචාරයේදී තමන් චීන ජනාධිපතිවරයාගෙන් චීන රජය විසින් ණය ආධාර මත දියත් කර තිබෙන ව්‍යාපෘති නැවත ආරම්භ කිරීමට සහයෝගය ඉල්ලා සිටි බවද ජනපතිවරයා එහිදී සඳහන් කළේය.
"විශේෂයෙන් පසුගිය ජනවාරියේ චීන සංචාරයේ දී මා චීන ජනපතිගෙන් ඉල්ලා සිටියා අපට නැවත චීන රජය විසින් ණය ආධාර මත ආරම්භ කර ඇති ව්‍යාපෘති ආරම්භ කරන්න සහාය දෙන්න කියලා. එතුමා විශේෂ අවධානය යොමුකරලා ඒ නතර වී ඇති සියලු ව්‍යාපෘති ආරම්භ කරන්න අවශ්‍ය ආධාර චීන රජයෙන් ලබාදෙන්න එකඟත්වය පළ කරා. එයට බෙහෙවින් ස්තූති වන්ත වෙනවා. අපි මෙම අධිවේගී කොටස සඳහා විශේෂ සහන ණය යෝජනා ක්‍රමයක් ඉදිරිපත් කරන්න කියලා අපි ඉල්ලා සිටියා. ඒ අනුව එතුමාලා අපිට දැනුවත් කළා ඩොලර් වලින් විශේෂ ණය යෝජනා ක්‍රම නොමැති බවත් එය යුවාන්වලින් ගෙවිය හැකි බවත්. ඒ අනුව 2.5% - 3.5%අතර පොලී අනුපාතයකට මෙම ණය මුදල අපිට ප්‍රදානයට චීන එක්සිම් බැංකුව අපිට කැමැත්ත පළ කරා. එයටත් ස්තූතියි."
“අවාසි කන්දක්ව පැවැති මධ්‍යම අධිවේගී මාර්ග ව්‍යාපෘතියේ ගැටළු විසඳා ගැනීමට භාවිත කළේ රටටත් ජනතාවටත් අවම අවාසියක් වන ප්‍රවේශයක්. මේ පිළිබදව දීර්ඝ විස්තරයක් පාර්ලිමේන්තුවට ඉදිරිපත් කිරීමේ අවශ්‍යතාව පවතිනවා. නැත්නම් මේ පිළිබඳව විශාල සංවාදයක් ගොඩනැගිය හැකියි. අවාසි කන්දක් තිබුණ ව්‍යාපෘතියක් මේක. පටන් ගත්ත ව්‍යාපෘතියත්, නතර වුණ ව්‍යාපෘතියත් සල්ලි ගෙවලා නැති ව්‍යාතියත් සල්ලි ගෙවලා නැති ව්‍යාපෘතියත්, ව්‍යාපෘති කරපු කඩා වැටුණු ව්‍යාපෘතියක් ගෙවන්න තියෙන සල්ලි ගෙවලා නෑ. ව්‍යාපෘති සමාගම ගෙනාපු යන්ත්‍ර සූත්‍ර දිරාපත් වෙලා තිබෙනවා. ඩොලරය තිබුණු ගානට වඩා දෙගුණටත් වඩා වැඩිවෙලා තිබෙනවා. මෙය ඉතා සංකීර්ණ තත්ත්වයක්. ඒ සංකීර්ණ තත්වයේදී ආණ්ඩුවක් විදිහයට අපේ ප්‍රවේශය බවට පත්වුණේ රටටත් ජනතාවටත් අවම අවාසියක් වන ආකාරයට මෙය විසඳාගන්නේ කොහ‍ොමද කියන එක. ඒක සංකීර්ණ ක්‍රියාවලියක්. මම හිතනවා අපි හැමදනාටම ඒක වාසිදායකම යෝජනාව තෝරගන්න අපි සමත්වී සිටිනවා.’’
සම්බන්ධිත පුවත් | Related News
ප්‍රධාන පුවත්
කළු ජූලියෙන් පමණක් ඉතිහාසය අවසන් කළ නොහැකියි.. - ලයනල් බෝපගේ සහ අතුල සුමතිපාල විපක්ෂ නායකවරයාට ලියති..
අගමැතිතුමිය ජාත්‍යන්තරයෙන් පැවරූ වැඩේ වේගයෙන් කරගෙන යනවා.. ඥානසාර හාමුදුරුවෝ හිතළුවක් කළා නෙමේ.. මේවට අවශ්‍ය කස මීට කලින් හැඩවුණා.. - සඳුන් බණ්ඩාර බෝදරගම
2010 වසරෙන් පසු පළමු වරට ලෝක දරිද්‍රතාව ඉහළට! චීනය වේගයෙන් දරිද්‍රතාවය පහළ දැමූ රටයි! – එක්සත් ජාතීන්ගේ සංවිධානය
ආර්ථික අර්බුදයෙන් ගොඩ එනවා වෙනුවට ආණ්ඩුව රට වැරදි දිශාවකටයි ගෙන යන්නේ.. මේ ගමනේ අවසානය රටේ ඒකීයභාවයට තර්ජනයක්.. - විමල් වීරවංශ
ඇමරිකානු අභ්‍යන්තර දේශපාලනයේ බලපෑමෙන් රුසියානු-ඇමරිකානු සබඳතාවල නව හැරවුමක්.. කියෙව් පාලනය සහ යුරෝපය දැඩි කම්පනයක..
ආණ්ඩුක්‍රම ව්‍යවස්ථාවේ පළමු පරිච්ඡේදය රට.. දෙවන පරිච්ඡේදය ආගම නොව බුද්ධාගමයි.. - මහාචාර්ය පූජ්‍ය ඉඳුරාගාරේ ධම්මරතන හිමි
මේ රටේ බෞද්ධයාගේ ඉවසීම පරීක්ෂා කරන්න යන්න එපා.. බොර්න් අගේන් කල්ලියකට අවශ්‍ය විදිහටයි අද මේ රට නටවන්නේ.. - විමල් වීරවංශ
අඛණ්ඩ ඉන්ධන සැපයුමකට රජයෙන් පැහැදිලි සැලසුමක් නෑ.. - පෞද්ගලික ඉන්ධන සමාගම් පවසයි..
තවත් IMF වැඩසටහනකට යන්න රජය සූදානම්.. මේ දිනවල එය සාකච්ඡා කරනවා.. - ජනපති
ඥානසාර හිමිට දුන් දඬුවම නීති විරෝධියි.. - හිටපු අගවිනිසුරු සරත් එන්. සිල්වාගෙන් සැර ප්‍රකාශයක්..
ගලගොඩඅත්තේ ඥානසාර හිමියන්ගේ චීවරය ඉවත් කිරීමට එරෙහිව අභියාචනාධිකරණයේ නඩු දමයි..
චීන–ලාඕස දුම්රිය මාර්ගයේ වෙළෙඳ වටිනාකම යුවාන් බිලියන 100 ඉක්මවයි.. ලාඕසය කලාපීය ප්‍රවාහන කේන්ද්‍රස්ථානයක් බවට..
ට්‍රම්ප්ගේ ආදර්ශය අනුව රුසියාව සමඟ ඩීසල් ගනුදෙනුවකට එළඹෙනු- ජර්මානු විපක්ෂය පවසයි
රුසියාව සහ යුක්‍රේනය බලශක්ති ප්‍රහාර අත්හිටුවීමට එකඟ වී තිබෙනවා – ට්‍රම්ප්
නේපාලයට යළිත් මහා ගංවතුරක් – නිවාස හා පාලම් ගසාගෙන යයි (වීඩියෝ)
හිටපු ජනපති මහින්ද රාජපක්ෂ රෝහල්ගත කෙරේ..