ප්‍රංශ රජය බිඳ වැටෙයි

Sep 9, 2025 at 03:41 PM

|

Lanka Leader

ඊයේ(08) ප්‍රංශ පාර්ලිමේන්තුවේ පැවති තීරණාත්මක විශ්වාසභංග යෝජනාවකින් අගමැති ෆ්‍රැන්කොයිස් බයිරූ පරාජයට පත්වීමෙන් පසු ප්‍රංශ රජය බිඳ වැටී ඇත. ජනාධිපති එමානුවෙල් මැක්‍රොන් යටතේ බලයෙන් පහ කරන ලද දෙවන අගමැති බයිරූ වන අතර, මේ හේතුවෙන් ප්‍රංශ ජාතිය දේශපාලන හා ආර්ථික කැලඹීමකට ඇද දමයි.

ප්‍රංශ ජාතික සභාවේදී විශ්වාසභංග යෝජනාවක් සම්මත කිරීමට අවම වශයෙන් ඡන්ද 288 ක් අවශ්‍ය වේ. ඊයේ(08) ප්‍රංශ පාර්ලිමේන්තුවට ඉදිරිපත් වූ යෝජනාවට ඡන්ද 364 ක් ලැබුණු අතර, වාමාංශික නව ජනප්‍රිය පෙරමුණ සහ දක්ෂිණාංශික ජාතික රැලිය බයිරූගේ කප්පාදු අයවැය සම්බන්ධයෙන් මාස ගණනාවක් තිස්සේ පැවති ගැටුම අවසන් කිරීම වෙනුවෙන් විපක්ෂය එක්සත් විය. 

විශ්වාසභංග යෝජනා අටකින් බේරී සිටි බයිරූ, ඔක්තෝම්බර් මාසයේදී අයවැය ඉදිරිපත් කිරීමට පෙර ප්‍රංශයේ ණය බර ලිහිල් කිරීම සඳහා යුරෝ බිලියන 44 කට ආසන්න (ඩොලර් බිලියන 52) ඉතිරිකිරීම් පුරෝකථනය කරන යෝජනා සඳහා සහාය ලබා ගැනීමේ උත්සාහයක් ලෙස මෙම ඡන්දය ඔහු විසින්ම කැඳවන ලැබුවේය. 

ප්‍රංශයේ ජාතික ණය රටට “මාරාන්තික අනතුරක්” ඇති කරන බවට නැවත නැවතත් අනතුරු අඟවා ඇති අගමැතිවරයා, ඔහුගේ ඉරණම පිළිගන්නා බවක් පෙනෙන්නට තිබුණි. ඉරිදා දින කටුක ප්‍රකාශයක් කරමින් බයිරෝ ප්‍රතිවාදී පක්ෂවලට බැණ වැදුණේ, “විපක්ෂය එකිනෙකාට වෛර කරනවා” නමුත් “ආණ්ඩුව පෙරළා දැමීමට” බලවේග එකතු වන බවයි.

බයිරෝ යනු පසුගිය දෙසැම්බරයේ මයිකල් බාර්නියර් ධුරයෙන් පහ කිරීමෙන් පසු බලයට පත් කරන ලද දෙවන ප්‍රංශ අගමැතිවරයා වන අතර 2017 දී ඔහු ප්‍රථම වරට තේරී පත් වූ දා සිට මැක්‍රොන් යටතේ සේවය කළ හයවන පුද්ගලයා වේ.

බයිරූගේ ඉවත් කිරීම නිසා ප්‍රංශ ජනාධිපතිවරයාට සමාජවාදී අගමැතිවරයෙකු පත් කිරීම - දේශීය ප්‍රතිපත්ති පාලනය අත්හැරීම - හෝ ඉක්මන් මැතිවරණයක් කැඳවීම යන දෙකෙන් එකක් තෝරා ගැනීමට බල කෙරෙන බව වාර්තා වේ. කෙසේ වුවද එය මැරීන් ල පෙන්ගේ ජාතික රැලියට ප්‍රතිලාභ ලබා දෙන බවට මත විමසුම් පෙන්වා දෙයි. මැක්‍රොන්ගේ අනුමත ශ්‍රේණිගත කිරීම් දැනටමත් ඓතිහාසික අවම මට්ටමකට ළඟා වී ඇති හෙයින්, කුමන තේරීමක් වුවත් ඔහුගේ ජනාධිපති ධුරය තවදුරටත් දුර්වල කිරීමේ අවදානමක් ඇත. ප්‍රංශයේ අය වැය හිඟය සහ වැඩිවන ණය පාලනය කිරීමට ඇති හැකියාව කෙරෙහි වෙළඳපොළට විශ්වාසය අහිමි වුවහොත්, ලිස් ට්‍රස්ගේ අගමැතිගේ කෙටි ධූර කාලය තුළ එක්සත් රාජධානිය සිහිපත් කරන කැලඹිලිවලට ප්‍රංශ්ය මුහුණ දිය හැකි බවට විශ්ලේෂකයෝ අනතුරු අඟවති.

මැක්‍රොන්ගේ නායකත්වය පිළිබඳ මහජන අතෘප්තිය ගැඹුරු වී ඇති අතර, නවතම ලේ ෆිගාරෝ මත විමසුමෙන් පෙන්නුම් කරන්නේ ප්‍රංශ ජාතිකයින්ගෙන් 80% ක් පමණ තවදුරටත් ජනාධිපතිවරයා විශ්වාස නොකරන බවයි. සති අන්තයේ පැරිසිය හරහා දහස් ගණනක් පෙළපාළි ගියේ මැක්‍රොන්ගේ ඉල්ලා අස්වීම ඉල්ලා සිටිමින් සහ ‘මැක්‍රොන් නවත්වමු’ සහ ‘ෆ්‍රෙක්සිට්’ යනුවෙන් සඳහන් පුවරු රැගෙනය.

French government collapses