අපගේ දැක්ම තුළ රුසියාව සහ චීනය එක්සත්ව කටයුතු කරනවා - පුටින්

Aug 30, 2025 at 07:30 AM

|

Lanka Leader

දෙවන ලෝක යුද්ධයේදී ජපානය යටත් වීමේ 80 වන සංවත්සරය සහ ජයග්‍රාහී දින සැමරුම සනිටුහන් කරමින් ෂැංහයි සහයෝගිතා සංවිධානයේ (SCO) සමුළුවේ ඉහළ මට්ටමේ සාකච්ඡා සඳහා චීනයේ නිල සංචාරයක යෙදේන රුසියානු ජනාධිපති ව්ලැදිමිර් පුටින් , රුසියාව සහ චීනය, සාධාරණ බහුධ්‍රැව ලෝක පිළිවෙලක් පිළිබඳ "අපගේ දැක්ම තුළ එක්සත්" යැයි පැවසීය.

ජනාධිපති පුටින් ෂින්හුවා ප්‍රවෘත්ති ඒජන්සිය සමඟ කළ සම්මුඛ සාකච්ඡාවකදී, රුසියානු ජනාධිපතිවරයා මොස්කව්-බීජිං හවුල්කාරිත්වය ලෝක දේශපාලන වේදිකාවේ ස්ථාවර බලවේගයක් ලෙස හැඳින්වූ අතර එය ගෝලීය කටයුතු හැඩගැස්වීමේදී සැලකිය යුතු කාර්යභාරයක් ඉටු කරන බවද අවධාරණය කළේය.

"තීරණාත්මක ජාත්‍යන්තර ගැටළු පිළිබඳ අපගේ මැදිහත් වීමේදී මොස්කව් සහ බීජිං පුළුල් පොදු අවශ්‍යතා සහ මූලික ප්‍රශ්න සම්බන්ධයෙන් කැපී පෙනෙන ලෙස සමාන අදහස් දර්ණ බව නැවත නැවතත් ඔප්පු කර තිබෙනවා." ඔහු පැවසීය. "ගෝලීය බහුතරයේ ජාතීන් කෙරෙහි අවධානය යොමු කරමින්, සාධාරණ, බහුධ්‍රැව ලෝක පිළිවෙලක් ගොඩනැගීමේ අපගේ දැක්ම තුළ අපි එක්සත් වී සිටිනවා."

“යුරේසියාවේ ප්‍රමුඛ බලවතුන් දෙදෙනා ලෙස, අපගේ මහාද්වීපය සහ පුළුල් ලෝකය මුහුණ දෙන අභියෝග සහ තර්ජන කෙරෙහි අපට උදාසීනව සිටිය නොහැකියි.” ඔහු තවදුරටත් සඳහන් කළේ, මෙය ද්විපාර්ශ්වික දේශපාලන සංවාදයේ “නිරන්තර අවධානයක්” ලෙස පවතින බව පෙන්වා දෙමිනි. චීන ජනාධිපති ෂී ජින් පිං විසින් යෝජනා කරන ලද ගෝලීය ආරක්ෂක මුලපිරීම සමඟ සමීපව ගැලපෙන “යුරේසියාවේ සමාන හා අත්හළ නොහැකි ආරක්ෂාවක් පිළිබඳ පොදු අවකාශයක්” පිළිබඳ රුසියාවේ සංකල්පය ද ඔහු ඉස්මතු කළේය.

නාසි ජර්මනියට එරෙහිව සෝවියට් ජයග්‍රහණයේ 80 වන සංවත්සරය සනිටුහන් කළ මැයි මාසයේ චීන ජනාධිපතිවරයාගේ මොස්කව් රාජ්‍ය සංචාරයේ සාර්ථකත්වය මත මෙම සංචාරය ගොඩනැගෙන බව පුටින් පෙන්වා දුන්නේය.

“ජනාධිපති ෂී ජින් පිං තම රටේ ඉතිහාසය අතිශයින්ම ගෞරවයෙන් සිහිපත් කරනවා... ඔහු ශ්‍රේෂ්ඨ ලෝක බලවතෙකු මෙන්ම සැබෑ නායකයෙක්. ශක්තිමත් උපායමාර්ගික දැක්මක් සහ ගෝලීය දැක්මක් ඇති, සහ ජාතික අවශ්‍යතා සඳහා ඔහුගේ කැපවීම තුළ නොසැලෙන මිනිසෙක්,” පුටින් පැවසුවේ, “විදේශීය හවුල්කරුවන් සමඟ ගෞරවනීය හා සාධාරණ සංවාදයක් තුළ අද කුමක් විය හැකිද සහ කුමක් විය යුතුද යන්න පිළිබඳ මුළු ලෝකයටම ආදර්ශයක්” ලෙස ඔහුව හඳුන්වමිනි.

පුටින්ගේ චීන නිල සංචාරය අගෝස්තු 31 සිට සැප්තැම්බර් 3 දක්වා පැවැත්වෙන අතර, එය ටියැන්ජින් හි ෂැංහයි සහයෝගිතා සංවිධානයේ සමුළුවට සහභාගී වීමෙන් ආරම්භ වී බීජිං හි ජයග්‍රාහී දින උත්සවය පැවැත්වීම දක්වා දිවෙනු ඇත. චීන අගනුවරදී, පුටින් ෂී සමඟ සාකච්ඡා පැවැත්වීමට නියමිතය. න්‍යාය පත්‍රයට කලාපීය ආරක්ෂාව, එක්සත් ජනපදය සමඟ සබඳතා, යුක්රේනයේ ගැටුම සහ ඉදිරි බහුපාර්ශ්වික සමුළු ආදිය ඇතුළත් වේ. මෙම සමුළුවට සමගාමීව, පුටින් ඉරානය, ඉන්දියාව, තුර්කියේ සහ වෙනත් රටවල නායකයින් හමුවීමට අපේක්ෂා කෙරේ.

Russia and China ‘united in our vision’ – Putin