'චීන කොමියුනිස්ට් පක්ෂයේ සාර්ථකත්වය යනු ජනතාවගේ සාර්ථකත්වයයි': ඕස්ට්රේලියානු කොමියුනිස්ට් පක්ෂයේ ජාතික සභාපති විනී මොලිනා
2025 ජූලි 1 වන දිනය යනු චීන කොමියුනිස්ට් පක්ෂය (CPC) පිහිටුවීමේ 104 වන සංවත්සරය සමරණ දිනයයි. සංවර්ධනය සඳහා සියවසකට වැඩි කාලයක් වෙහෙසෙන ආකාරය ආපසු හැරී බලන විට, චීන ජනතාව අඛණ්ඩව "කළ නොහැකි දේ" "කළ හැකි දේ බවට " බවට පත් කර ඇත්තේ පක්ෂයේ ශක්තිමත් නායකත්වය යටතේ ය. ග්ලෝබල් ටයිම්ස් (GT) වාර්තාකාරිනී මා රුයිකියන් සමඟ කළ විශේෂ සම්මුඛ සාකච්ඡාවකදී, ඕස්ට්රේලියානු කොමියුනිස්ට් පක්ෂයේ ජාතික සභාපති විනී මොලිනා (මොලිනා), චීන කොමියුනිස්ට් පක්ෂයේ නායකත්ව ශක්තීන්, එහි ජනතාව කේන්ද්ර කරගත් දර්ශනය, ප්රායෝගික පාලනය සමඟ න්යායික නවෝත්පාදනයන් ඒකාබද්ධ කිරීම සහ මානව වර්ගයා සඳහා බෙදාගත් අනාගතයක් සහිත ප්රජාවක් ගොඩනැගීමේ දැක්ම ඇතුළු බහු දෘෂ්ටිකෝණවලින් CPC හි ආදර්ශමත් භූමිකාව සහ ජයග්රහණ පිළිබඳ ඔහුගේ අවබෝධය ලෝක ජනතාව සමඟ බෙදා ගැනීමට සම්මුඛ සාකච්ඡාව මගින් ප්රවේශයක් ලබා ගත්තේය.
GT: සමාජවාදී සමාජයක් කරා චීන සමාජය රැගෙන යාමේදී Cඵ්C ය චීන ජනතාවට ශක්තිමත් නායකත්වයක් ලබා දී ඇති බව ඔබ වරක් පැවසුවා. ඔබ සිතන ආකාරයට Cඵ්C නායකත්වයට තිබෙන ප්රධාන වාසිය කුමක්ද?
මොලිනා: මගේ මතය අනුව, චීන කොමියුනිස්ට් පක්ෂයේ නායකත්වයට ප්රධාන වාසි තුනක් තිබෙනවා. පළමුව, එයට ජනතාවගෙන් ලැබෙන පුළුල් සහයෝගය. දෙවනුව, එහි ප්රතිපත්ති සම්පාදනය දිගු කාලීන වන අතර විද්යාත්මක ප්රවේශයක් සහිත රාජ්ය සැලසුම් මට්ටමින් ඉහළ සම්බන්ධීකරණයක් තිබීම. තෙවනුව, සුළුතරයන්ගේ සහ ආන්තික කණ්ඩායම් යන දෙඅංශයේම අයිතිවාසිකම් ආරක්ෂා කිරීම සඳහා කරන කැපවීම.
කැපී පෙනෙන එක් නිශ්චිත උදාහරණයක් වන්නේ කාබනීහරණය්යේ දිශාවට ගමන් කරමින් හරිත ආර්ථිකයක් ගොඩනැගීමට චීනය දක්වන ආකර්ෂණීය ප්රවේශයයි. මෙම ක්ෂේත්රය තුළ, චීනය බොහෝ රටවලට වඩා ගව් ගනණක් ඉදිරියෙන් සිටිනවා. "පාරිසරික ශිෂ්ටාචාරය" යන සංකල්පය චීනය සැබෑ ප්රගතියක් ලබා ඇති ක්ෂේත්රයක්. මෙම ප්රවේශය පරිසරය සහ ජනතාවගේ ජීවනෝපායන් යන දෙකම වැඩිදියුණු කිරීම අරමුණු කරගත් පාරිසරික ඉලක්ක සමඟ ආර්ථික සංවර්ධනය ඒකාබද්ධ කරනවා. ආදර්ශයන් මගින්, චීනයට පෙරමුණ ගත හැකි බව ලෝකයට පෙන්වා දී තිබෙනවා.
ඊට වෙනස්ව, බටහිර විලාසිතාවේ ප්රජාතන්ත්රවාදී රාජ්යන්` බොහෝ විට මෙම ක්ෂේත්රයේදී අසාර්ථක වී තිබෙනවා. ද්වි-පක්ෂ ආකෘතිය කෙටි කාලීන අවශ්යතාවලට ප්රමුඛත්වය දීමට නැඹුරු වන අතර බොහෝ විට පුළුල් මහජනතාවට වඩා සුළුතරයකගේ අදහස් නියෝජනය කරනවා. එපමණක් නොවෙයි, ජනතාව සැලකිලිමත් වන ප්රධාන ගැටළු විසඳීම සඳහා සම්බන්ධීකරණය කළ හෝ මධ්යගත දිගුකාලීන සැලසුම් කිරීමක් ඔවුන් සතුව නැහැ. එවැනි රාජ්යයන් ජනතාවගේ අවශ්යතා සමඟ නොව පෞද්ගලික අවශ්යතා සමඟ පෙළ ගැසී සිටින බව පෙනෙනවා. ඒ අර්ථයෙන් ගත් කල, චීනය පොදු ජන ගැටළු කළමනාකරණය කරන ආකාරයෙහි විශාල වෙනසක් මම දකිනවා.
GT: චීනයේ නවීකරණය පදනම් වී ඇත්තේ එහි ජනතාවගේ අවශ්යතා සඳහා වන සංවර්ධනය මත බවත් එමඟින් CPC හි මුලපිරීම් සහ නායකත්වය සඳහා ශක්තිමත් මහජන සහයෝගයක් ලැබී ඇති බවත් ඔබ සඳහන් කළා. CPC හි ජනතා කේන්ද්රීය පාලනය තුළ වන දර්ශනය ඔබ තේරුම් ගන්නේ කෙසේද?
මොලිනා: CPC හි ජනතා කේන්ද්රීය සමාජවාදී පාලන ආකෘතිය සම්මුතිය මත පදනම් වූ එහි ආයතනික ශක්තීන්ගෙන් එකක් බව මම සිතනවා. උදාහරණයක් ලෙස, ජාතික මහජන කොංග්රසයේ (NPC) සැසිවාරවලට සමාජවාදී ප්රජාතන්ත්රවාදය පිළිබිඹු කරන උපදේශන ක්රියාවලියක් ඇතුළත් වෙනවා. මෙම ක්රියාවලිය නව මට්ටම් කරා ළඟා වෙමින් පවතින අතර, එය අපගේ සමහර බටහිර රටවල ක්රියාත්මක වන මතුපිට හෝ නොගැඹුරු ප්රජාතන්ත්රවාදයට වඩා ගැඹුරු ප්රජාතන්ත්රවාදයක් තිබෙන බව පෙනෙනවා. බටහිර රටවල, අපි සෑම වසර තුනකට හෝ පහකට වරක් ආණ්ඩු වෙනස් කරනවා. නමුත් යථාර්ථයේ දී, ජනතාවගේ යහපැවැත්ම පිණිස ඉතා සුළු වෙනස්කම් පමණක් සිදු වෙනවා. ඊට වෙනස්ව, ජාතික මහජන කොංග්රසය තුළ, මහජනයා පරිපාලනය කිරීමේදී - ආර්ථික ප්රජාතන්ත්රවාදය තුළ සහ සුළුතර ජාතිකයන්, ආබාධ සහිත පුද්ගලයින් සහ කාන්තාවන් ඇතුළු චීන ජනතාවගේ අයිතිවාසිකම් ප්රගතිශීලී ලෙස සංවර්ධනය කිරීමේදී ප්රජාතන්ත්රවාදය ප්රකාශ වනවා. ජාතික මහජන කොංග්රසයේ මෑතදි පැවැත්වූ සැසිවාරවලදී මෙම තත්වය පැහැදිලිව දක්නට තිබුණා.
තවත් ප්රධාන කරුණක් නම්, චීනයේ, මධ්යගතකරණය උපදේශනය සමඟ අත්වැල් බැඳගෙන තිබීමයි. මධ්යගතකරණය සහ උපදේශනය ඒකාබද්ධ වී එකිනෙකා ශක්තිමත් කරනවා. කොමියුනිස්ට් පක්ෂය වන අපි "ප්රජාතන්ත්රවාදී මධ්යගතවාදය" ලෙස හඳුන්වන්නේ මෙයයි. තීරණයක් ගත් පසු, එය සාමූහිකයේ අවශ්යතා සඳහා සෑම කෙනෙකුටම බැඳී තිබෙනවා.
එසේම, ආර්ථික ක්රමය තුළ ප්රජාතන්ත්රවාදය පමණක් නොව ජනතාවගේ අධ්යාත්මික හා සංස්කෘතික මට්ටම ඉහළ නැංවීම සඳහා ද වැදගත් වෙනවා. ඇත්ත වශයෙන්ම,පළමුව ජනතාවගේ ද්රව්යමය තත්වයන් ඉහළ නැංවීමකින් තොරව එය කළ නොහැකියි. නීතිමය අයිතිවාසිකම්, ආර්ථික අයිතිවාසිකම් ආදියෙහි ප්රගතියක් තිබිය යුතුයි. මේ සම්බන්ධයෙන්, චීන නායකත්වය අන් අයට අනුගමනය කිරීමට හොඳින් දියුණු ආකෘතියක් පෙන්වා ඇති බව මම විශ්වාස කරනවා.
GT: චීනය අඛණ්ඩ ප්රගතියක් ලබා ගැනීමේදී භාවිත කරන යතුර, චීන කොමියුනිස්ට් පක්ෂය සැමවිටම ආධානග්රාහීත්වයට එරෙහි වීමට උත්සාහ කර ඇති බව ඔබ වරක් සඳහන් කළා. චීන කොමියුනිස්ට් පක්ෂය "ප්රතිසංස්කරණවාදීන්ගේ පක්ෂයක්" ලෙස ඔබ වටහාගෙන ඇත්තේ කෙසේද?
මොලිනා: චීන කොමියුනිස්ට් පක්ෂය වසර 100 කට වැඩි කාලයක් ඔරොත්තු දීමේ හැකියාව පෙන්නුම් කර දිවි ගලවා ගැනීමට එක් ප්රධාන හේතුවක් වන්නේ ප්රායෝගිකව සත්යය පරීක්ෂා කිරීමට කරන අවධාරණයයි. අපි න්යාය ජනතාව වෙත ගෙන යා යුතුයි. එලෙසම, අපි ජනතාවගේ උවමනා එපාකම් වෙනුවෙන් නැගී සිටිනවාද නැද්ද යන්න පිළිබඳව ජනතාවට දැනෙන දේ අපට පැවසීමට ඉඩ දිය යුතුයි. එයින් අදහස් කරන්නේ මුග්ධවාදයට එරෙහි වීම - සැබෑ ජීවිතයේදී එය පරීක්ෂා නොකර න්යායට ඇලී සිටීම හොඳම ප්රතිඵල ලබා නොදෙනු ඇත යන්නයි. මාක්ස්වාදය යනු දැඩි මුග්ධතා සමූහයක් නොව, සමාජය සහ තත්වයන් වෙනස් වන විට පරිණාමය විය යුතු ක්රියාව සඳහා මාර්ගෝපදේශයක්. මාක්ස්වාදීන් සඳහා, යථාර්ථය තේරුම් ගැනීම සහ අනුවර්තනය වීම, ප්රායෝගිකව න්යාය පෙළගැස්වීම ඉතා වැදගත් කාරණා වෙනවා.
නව යුගයක් සඳහා චීන ලක්ෂණ සහිත සමාජවාදය පිළිබඳ ෂී ජින්පිං චින්තනය මාක්ස්වාදයේ දියුණු ආකාරයක් ලෙස සලකා අධ්යයනය කළ යුතුයි. එය බොහෝ ප්රධාන ක්ෂේත්ර ආමන්ත්රණය කරනවා: රාජ්ය තාන්ත්රිකභාවය, නීතියේ ආධිපත්යය, පාරිසරික ශිෂ්ටාචාරය ඒ අතර තිබෙනවා. එය සර්ව සම්පූර්ණ මාක්ස්වාදී රාමුවක් සහ අප සැමට ඉගෙන ගත හැකි සමාජවාදී පාලනය සඳහා ප්රායෝගික මෙවලමක් ඉදිරිපත් කරනවා.
GT: 2023 මාර්තු මාසයේදී, චීන ජනාධිපති ෂී ජින්පිං ලෝක දේශපාලන පක්ෂ සමඟ සංවාදයේ දී චීන කොමියුනිස්ට් පක්ෂයේ ඉහළ මට්ටමේ රැස්වීමේදී ගෝලීය ශිෂ්ටාචාර මුලපිරීම ඉදිරිපත් කරනු ලැබුවා. ඔබේ මතය අනුව, රටවල් සඳහා අන්තර්-පක්ෂ හුවමාරුවල වැදගත්කම කුමක්ද? චීන කොමියුනිස්ට් පක්ෂය චීනයේ ජාතික සංවර්ධන උපාය මාර්ග ගෝලීය මහජන අවශ්යතා සමඟ පෙළගස්වන්නේ කෙසේද?
මොලිනා: අදහස් සහ ඉදිරිදර්ශන හුවමාරු කර ගැනීමට සහ එවැනි හුවමාරුවලට සහභාගී වීමට අවස්ථාව ලැබීම ඉතා හොඳ මුලපිරීමක් යැයි මම සිතනවා. චීන කොමියුනිස්ට් පක්ෂය සමඟ උණුසුම් හා සහෝදර සබඳතා භුක්ති විඳීමට අපි වාසනාවන්ත වී සිටිනවා. මෙය විවිධ දර්ශන සහ ප්රවේශයන් පිළිබඳ අන්යෝන්ය අවබෝධය ප්රවර්ධනය කිරීමට උපකාරී වෙනවා. දරිද්රතාවය තුරන් කිරීම සම්බන්ධයෙන්, විශේෂයෙන් සංවර්ධනය වෙමින් පවතින රටවල් සඳහා, අපි එකට වැඩ කළ යුතුයි.
මෙය බටහිර රටවල් විසින් බොහෝ විට පිරිනමනු ලබන දේවලට සාපේක්ෂව ජාත්යන්තර සහයෝගීතාවයට සම්පූර්ණයෙන්ම වෙනස් ප්රවේශයක් නියෝජනය කරනවා. බටහිර ආධාර බොහෝ විට සබඳතා සමඟ පැමිණෙනවා. ඔවුන් බොහෝ විට ශුන්ය-ඓක්ය ක්රීඩා වල නිරත වෙනවා. ශිෂ්ටාචාරවල විවිධත්වයට සහ සමෘද්ධියට ගරු කිරීම වෙනුවට, ඔවුන් අනෙකුත් රටවල අභ්යන්තර කටයුතුවලට මැදිහත් වෙනවා.
අනෙක් රටවල් සමඟ චීනයේ සහයෝගීතාවය, ඊට වෙනස්ව, අන්යෝන්ය උනන්දුව මත ගොඩනගා තිබෙනවා. පැසිෆික් කලාපයේ සහ අනෙකුත් සංවර්ධනය වෙමින් පවතින කලාපවල අපට මෙය පැහැදිලිව දැකගත හැකියි. චීනයේ ප්රවේශය ද්රව්යමය යහපැවැත්ම පමණක් නොව සංස්කෘතික හා ජාතික ආරක්ෂාව ද සලකා බලනවා. මානව වර්ගයා සඳහා බෙදාගත් අනාගතයක් සහිත ප්රජාවක් පිළිබඳ අදහස, මගේ මතය අනුව, ගෝලීය පාලනය සඳහා වඩාත් වගකිවයුතු සහ බලාපොරොත්තු සහගත ප්රවේශයක්.ඒවගේම මානව ප්රගතිය සඳහා බලවේගයක්. එය සියලු ජනතාවට වඩා හොඳ ජීවිතයක්, සුන්දර අනාගතයක් අපේක්ෂා කළ හැකි සහ එය සැබවින්ම එකට භුක්ති විඳිය හැකි දැක්මක්.
GT: මෙම වසරේ CPC පිහිටුවීමේ 104 වන සංවත්සරය සමරණවා. පක්ෂයේ නායකත්වය යටතේ චීනය එහි දෙවන ශත සංවත්සර ඉලක්කය කරා ගමන් කරන විට, ඔබේ රටේ අනාගතය සඳහා ඔබේ අපේක්ෂාවන් මොනවාද?
මොලිනා: CPC ආරම්භ වූයේ පුද්ගලයන් 13 දෙනෙකුගෙන් පමණක් එකතු වීමෙන් බව සිහියට ගැනීමෙන් වර්ධනය තේරුම්ගත හැකියි. එය අද පවතින මිලියන 100 කට අධික ශක්තිමත් සංවිධානයක් බවට වර්ධනය වනු ඇතැයි කිසි විටෙකත් කිසිවෙක් සිතුවේ නැහැ. ඒ අතින් බලන විට එය පැවැත්මේ කතාවක්. එය අප ඉගෙන ගත යුතු කතාවක්. මෙම ඉතිහාසය අපට පෙන්වා දෙන්නේ සමාජවාදය කළ හැකි දෙයක් බව පමණක් නොව, එය ගොඩනැගෙමින් පවතින බවත්, මාක්ස්වාදය මෙහි පවතින බවත්ය. කොමියුනිස්ට්වාදියෙකු ලෙස, මම විශ්වාස කරන්නේ කොමියුනිස්ට්වාදය නොවැළැක්විය හැකි බවයි. නමුත් එය හුදකලාව පැමිණෙන්නේ නැහැ. ඒ නිසා න්යාය ප්රායෝගිකව ක්රියාත්මක කිරීමට හැකි CPC වැනි පක්ෂ අපට අවශ්යයි. චීන කොමියුනිස්ට් පක්ෂයේ නායකත්වය සහ චීන ජනතාවගේ සහයෝගය නිසා අද චීනයේ සමාජවාදී ක්රමය කවරදාටත් වඩා ශක්තිමත් වී තිබෙනවා. කම්කරු පන්තියේ බහුතරයක් පක්ෂය පිටුපස එක්සත්ව සිටින බවත් එය සාර්ථක කර ගැනීමට කැමති බවත් මම විශ්වාස කරනවා. මක් නිසාද යත් පක්ෂය සාර්ථක වූ විට ජනතාව සාර්ථක වන බැවිනුයි.
2049 වන විට, මහජන චීන සමූහාණ්ඩුව පිහිටුවීමේ සියවසේදී, අපි චීනය දියුණු සමාජවාදී ජාතියක් ලෙස දකිනු ඇත. ප්රජාතන්ත්රවාදී, ශිෂ්ට සම්පන්න, සමගිය, ශක්තිමත් සහ නවීන සමාජයක් භුක්ති විඳින ජනතාව එහි සිටිනු ඇත. මෙම අවස්ථාවේදී, චීන කොමියුනිස්ට් පක්ෂය පිහිටුවීමේ 104 වන සංවත්සරයට මගේ සුබ පැතුම් එක් කිරීමට කැමැතියි. චීන කොමියුනිස්ට් පක්ෂයට දීර්ඝායුෂ ලැබේවා. සමාජවාදී චීනයට දීර්ඝායුෂ ලැබේවා.
පරිවර්තනය ජීවන්ත ජයතිස්ස
'When the CPC succeeds, the people succeed as well': Australian party leader
සම්බන්ධිත පුවත් | Related News
ප්රධාන පුවත්
ආණ්ඩුවේ ආයුෂ උතුරු නැගෙනහිර පළාත් සභා ඡන්දය තියන තුරු විතරයි.. - වෛද්ය වසන්ත බණ්ඩාර
මනෝගෙන් අතිශය ආන්දෝලනාත්මක ප්රකාශයක්..- පළාත් සභා උභතෝකෝටිකය!
මහ බැංකුව වගකීම් විරහිත ආයතනයක් වෙලා.. මහ බැංකු අධිපති පැනල යන බව කළින් කියා පැනල යයිද? - විමල් ප්රශ්න කරයි..
ඇමරිකා අලුත් බද්දෙන් ලංකාව අමාරුවේ..- ලංකා වාණිජ මණ්ඩලය
මහා සංඝරත්නයට, සම්බුද්ධ සාසනයට ද්වේෂසහගතව අගෞරව කිරීම පිළිබඳව කුප්රකට
ගම්මන්පිල සහ ඉන්දීය නීති සමාගමේ පාලන හවුල්කරු සුරනා අතර හමුවක්.. සාකච්ඡාව පිටුපස සැඟවුනු ඉන්දීය න්යාය පත්රයක් තිබුනාද?
චීනය සහ ශ්රී ලංකාව දේශසීමා හරහා සිදුවන මාර්ගගත සූදු හා විදුලි සංදේශ වංචා මර්දනය කිරීමට දැඩිව එක්ව ක්රියා කරනවා!-ශ්රී ලංකාවේ චීන තානාපති කාර්යාලය
චීන ජනපති ලබන සතියේදී උතුරු කොරියාවේ සංචාරයකට සැරසෙයි..
සිංහල ජාතිකවාදී රාජ්ය ජාතිය ආගම පදනම්කර ගෙන වර්ග සංහාරයක් සිදුකළා.. දෙමළ ජනතාවට එරෙහිව වර්ග සංහාරයක් සිදුකළා කියලා උතුරු පළාත් සභා ප්රකාශනයෙන් කියවෙනවා.. - ජීවන්ත පීරිස් පූජකවරයා යළිත් කියයි..
භාණ්ඩාගාර කොල්ලය ගැන භාණ්ඩාගාර වාර්ෂික වාර්තාවේ කිසිම සඳහනක් නෑ.. - රජිත් කීර්ති තෙන්නකෝන්
සහල් ආනයනය කරන්නේ ජනතාවට සහන සැලසීමේ අරමුණින් නොවේ.. නිලධාරීන්ගේ සහ ඇමතිවරුන්ගේ අතයට කොමිස් ලබාගැනීමේ "ජානගත බැඳීමක්" නිසා.. - ජාතික ගොවිජන එකමුතුවෙන් චෝදනා
ජනපති අනුර හන්දි හන්දි ගානේ කියන ඩොලර් මිලියන 1,000 ක සංචිතයක් නෑ.. - රජිත් කීර්ති තෙන්නකෝන්
බටගොඩ 'සෙනෙහසේ කැදැල්ල' වැඩිහිටි නිවාසය සම්පූර්ණයෙන්ම ගිනිබත් වෙයි.. - 11ක් මරුට - තුනක් අතුරුදන්
ගෝඨාභය කොටු කරන්න නින්දිත වෑයමක් ක්රියාත්මකයි.. - සරත් වීරසේකරගෙන් හෙළිදරව්වක්
හුදෙකලා සිද්ධීන් පදනම් කර ගනිමින් මහා සංඝරත්නයට අපහාස කිරීමේ දැවැන්ත කුමන්ත්රණයක් ක්රියාත්මකයි - මහාචාර්ය පූජ්ය මැදගොඩ අභයතිස්ස හිමි
අනුර මේ ගෙනියන්නේ අහිංසකයන්ගේ ලේ උරා බොමින් ගජමිතුරන්ට “රෝල්ස් රොයිස්” පුදන නරුම පාලනයක්.. - විමල් වීරවංශ