මුස්ලිම් ජීවිත අනතුරේ, ජාතික ආරක්ෂාව අනතුරේ, කඩිනම් ක්‍රියාමාර්ග අවශ්‍යයි! - බොදු බල සේනා සංවිධානය කියයි..

Aug 9, 2025 at 09:01 AM

|

Lanka Leader

බොදු බල සේනා සංවිධානය නිකුත් කර ඇති නිවේදනයක් පහතින් දැක්වේ,

1990 දශකයේ මුල් භාගයේදී, ජමාත්-ඊ-ඉස්ලාමි සංවිධානය මාවනැල්ලේ මස්ජිඩ්-උල්-හුඩා පල්ලියේදී ඉජ්තිමාවක් සංවිධානය කළේය. වෛද්‍ය හබීබ් මුහම්මද් ඉන්දියාවෙන් ගෙනැවිත් ඉදිරිපත් කරන ලදී. එවකට ආරම්භ කරන ලද ක්‍රියාකාරකමේ ප්‍රතිවිබාග මතුපිට ආරම්භ වූයේ 2018 දී ජමාත්-ඊ-ඉස්ලාමි නායකයාගේ සහෝදරයාගේ පුතුන් සහ සහරාන්ගේ කණ්ඩායම එකතුවී මාවනැල්ලේදී බුද්ධ ප්‍රතිමා කඩා දැමීමෙන් වන අතර 2019 පාස්කු ඉරිදා මරාගෙන මැරෙන ප්‍රහාරයකින් එය අවසන් වූ අතර එමඟින් 260 දෙනෙකු දක්වා මිය ගියේය. දැන්, ජමාත්-ඊ-ඉස්ලාමි සංවිධානය මාවනැල්ලේදී නැවතත් මස්ජිඩ්-උල්-හුඩා පල්ලියේදී තවත් ඉජ්තිමාවක් සංවිධානය කරන අතර, මෙවර වෛද්‍යවරුන් දෙදෙනෙකු වන වෛද්‍ය ෂාෆි සිහාබ්දීන් සහ වෛද්‍ය රයිස් මුස්තාෆා සහභාගී වීමට නියමිත වී ඇත.

1954 දී දකුණු ඉන්දියාවේ සිට ව්‍යාපාරික කටයුතු සඳහා ශ්‍රී ලංකාවට පැමිණි ඒ.සී. ජීලානි සහිබ් නැමැත්තා ඉස්ලාමීය සංවිධානයක් ලංකාවේ  පිහිටුවා ගත්තේය. පකිස්ථානයේ මවුලානා මවුදුඩි විසින් ආරම්භ කරන ලද ජමාත්-ඊ-ඉස්ලාමි සංවිධානයේ සාකාවක් ඒ.සී. ජීලානි සහිබ් විසින් ලංකාවේ පිහිටුවා එහි ප්‍රථම නායකයා ලෙස එයාම පත්වේ. මවුලානා මවුදුඩි ඉස්ලාමයේ පදනම වන කලිමාවේ "ඉලාහ්" යන වචනයට "හකිමියත්" නමින් නව අර්ථකථනයක් ලබා දුන් අතර එම අර්ථකථනය මත පදනම්ව ඔහු ජමාත්-ඊ-ඉස්ලාමි ආරම්භ කළේය. "හකිමියත්" යන්නෙහි අර්ථකථනය ඉස්ලාමීය මූලධර්මවල නොමැති අතර, මවුලානා මවුදුඩිට පෙර ඉස්ලාමීය විද්වතුන් විසින් එය සඳහන් කර නොමැත.

"හකිමියත්" යන්නෙහි අර්ථ දැක්වීම මත පදනම්ව, රටක නීතිවලට කීකරු වීම සහ ප්‍රජාතන්ත්‍රවාදය පිළිගැනීම විශාලතම පාපයන් බව සඳහන් කරන මවුලානා මවුදුඩිගේ මූලධර්මය ශ්‍රී ලංකා ජමාත්-ඊ-ඉස්ලාමි සංවිධානය තම පුහුණු පාඨමාලා වලදී ප්‍රචාරය කළේය.

1953 දී පකිස්ථානයේ ලාහෝර් අධිකරණයක් විසින් මවුලානා මවුදුඩිට මරණ දඬුවම නියම කරන ලද්දේ තවත් මුස්ලිම් සුළුතරයකට එරෙහිව කැරලි ඇති කිරීම සහ බොහෝ දෙනෙකුගේ මරණයට හේතු වීම සම්බන්ධයෙන් ය.

ශ්‍රී ලංකාවේ පාස්කු ඉරිදා ප්‍රහාරවලට සම්බන්ධ බවට චෝදනා එල්ල වී ජමාත්-ඊ-ඉස්ලාමි ශිෂ්‍ය අංශය ත්‍රස්තවාදී සංවිධානයක් ලෙස ප්‍රකාශයට පත් කර තහනම් කර ඇත. අත්අඩංගුවට ගෙන නිදහස් කරන ලද ජමාත්-ඊ-ඉස්ලාමි හි හිටපු නායකයා නැවතත් නිල නොවන නායකයෙකු ලෙස කටයුතු කරයි. ඔහු නිදහස් කළත්, එය නිසි නිදහස් කිරීමක් දැයි නිශ්චිත නැත, මන්ද වත්මන් රජය අතීතයේ දී පරීක්ෂණ නිසි ලෙස සිදු නොකළ බව පවසා ඇත. දැන් නව පරීක්ෂණ සිදුවෙමින් පවතී. පාස්කු ඉරිදා ප්‍රහාර පිළිබඳ පරීක්ෂණ සම්පූර්ණ වී නොමැති බැවින්, ඊට සම්බන්ධ කිසිවෙකු වැරදිකරුද අහිංසකද යන්න නිශ්චිතවම පැවසිය නොහැක. තවමත් අනාවරණය වී නොමැති නව තොරතුරු පරීක්ෂණ අතරතුර අනාවරණය විය හැකිය.

පාස්කු ඉරිදා ප්‍රහාර පිළිබඳ ජනාධිපති විමර්ශන කොමිෂන් සභා වාර්තාවෙන් ජමාත්-ඊ-ඉස්ලාමි සංවිධානය තහනම් කළ යුතු බවට නිර්දේශ කර ඇති බව මාධ්‍ය ප්‍රකාශ කළේය.

ජමාත්-ඊ-ඉස්ලාමි සංවිධානය තම මාසික සඟරාව වන අල්-හසනාත් හි ප්‍රකාශයට පත් කළේ සියදිවි නසාගැනීමේ ප්‍රහාර සිදු කිරීමට අවසර ඇති බවත් කාන්තාවන්ට පවා තම ස්වාමිපුරුෂයන්ගේ අවසරයකින් තොරව සියදිවි නසාගැනීමේ ප්‍රහාරවලට සහභාගී විය හැකි බවත්ය. (Attachment 1). ශ්‍රී ලංකාවේ සියදිවි නසාගැනීමේ ප්‍රහාරවලට සහාය දක්වමින් පළ වූ එකම ලිපිය මෙයයි. හමාස් සංවිධානය සඳහා මරාගෙන මැරෙන ප්‍රහාර සැලසුම් කිරීමේ මහ මොළකරු වූ යාහ්යා අයියාෂ්ගේ ජීවිතය ප්‍රශංසා කරමින් ජමාත්-ඊ-ඉස්ලාමි සංවිධානය ශ්‍රී ලංකාවේ "පුකම්බම්" (භූමිකම්පාව) නමින් පොතක් ප්‍රකාශයට පත් කළේය. (Attachment 2). ජමාත්-ඊ-ඉස්ලාමි සංවිධානය ශ්‍රී ලාංකික මුස්ලිම්වරුන් ජිහාඩ් පුහුණුව සහ සටන් සඳහා විදේශගත කළ බවට ද චෝදනාවක් තිබේ. මේ සම්බන්ධයෙන්, වඩාත් ප්‍රසිද්ධ සාක්ෂි මූලාශ්‍රවලින් එකක් වන්නේ ජමාත්-ඊ-ඉස්ලාමි සංවිධානයේ ප්‍රධාන නායකයෙකු සහ ඉස්ලාහියා අරාබි විද්‍යාලයේ පළමු විදුහල්පතිවරයා වන මව්ලවි නදීර් විසින් නෙත් එෆ්එම් ගුවන් විදුලි නාලිකාවේ වැඩසටහනකට ලබා දුන් සම්මුඛ සාකච්ඡාවයි, ඔහු පකිස්ථානයට ගොස් ජිහාඩ් නාමයෙන් අවි පුහුණුව ලබා ඇති බව ප්‍රකාශ කළේය. (Attachment 3) & (Attachment 4). එහි දී ඔහු ජමාත්-ඊ-ඉස්ලාමි සංවිධානයේ දිගුකාලීන සැලසුම් පිළිබඳ බොහෝ බියජනක තොරතුරු හෙළි කරයි. එවැනි සැලසුම් ශ්‍රී ලාංකික මුස්ලිම්වරුන් ඉතා භයානක තත්වයකට පත් කරනු ඇති බවට සැකයක් නැත. එවැනි සැලසුම් නැවත ශ්‍රී ලංකාවේ ලේ වැගිරීම් ඇති කරන බවටද කිසිම  සැකයක් නැත.

"ජිහාඩ් සටනක නිරත වී එහි දී මිය යන අයට කන්‍යාවන් 72 ක් ලැබෙනු ඇත" යනුවෙන් ජමාත්-ඊ-ඉස්ලාමි ඔවුන්ගේ මාසික සඟරාවක් වන අල්හසනාත් ප්‍රකාශනයේ ද ලියා ඇත. (Attachment 5).  "ඉස්ලාම් යනු ගසක්. අල්-ජිහාඩ් මට උගන්වා ඇත්තේ ඒ ගසකට රුධිරයෙන් හැර වෙන කිසිදෙයකින් පෝෂණය විය නොහැකි බවයි" යන භයානක ප්‍රකාශය ද ජමාත්-ඊ-ඉස්ලාමි විසින් අල්හසනාත් සඟරාවේ ප්‍රකාශයට පත් කර ඇත. (Attachment 6). වෙනත් ආගම්වල ජනතාව විසින් වන්දනාමාන කරන පිළිම බිඳ දැමීම දිරිමත් කරන සහ ආගමික සහජීවනයට එරෙහි කතුවැකි ද අල්හසනාත් සඟරාවේ ප්‍රකාශයට පත් කර ඇත. (Attachment 7). ශ්‍රී ලංකාවේ වෙනත් ආගම්වල දෙවිවරුන්ගේ නව ප්‍රතිමා ඉදිකිරීමට එරෙහිව සහ පිළිම ඉවත් කරන ලෙස ඉල්ලා සිටින කතුවැකි ද අල්හසනාත් සඟරාවේ ප්‍රකාශයට පත් කර ඇත. (Attachment 8).  මාවනැල්ල ප්‍රදේශයේ බුද්ධ ප්‍රතිමා විනාශ කිරීමේ චෝදනා මත ජමාත්-ඊ-ඉස්ලාමි නායක හජ්ජුල් අක්බර්ගේ සහෝදරයා සහ පුතුන් අත්අඩංගුවට ගෙන තවමත් බන්ධනාගාරගත කර ඇත.

ජමාතේ ඉස්ලාමි සංවිධානය මේ දක්වා තම වැරදි පිළිගෙන නොමැති අතර, ඒ සඳහා මුස්ලිම් ජනතාවගෙන් සහ රටේ ජනතාවගෙන් සමාව අයැද නොමැත. එවැනි තත්වයක් තුළ, "ඉජ්තිමා" නමින් මාවනැල්ල මස්ජිදුල් හුදා පල්ලියේදී නැවත වරක් රැස්වීමක් පැවැත්වීමට ජමාතේ ඉස්ලාමි සංවිධානය උත්සාහ කිරීම අනාගතයේදී ශ්‍රී ලාංකික මුස්ලිම්වරුන්ගේ සාමයට සහ රටේ ජාතික ආරක්ෂාවට තර්ජනයක් වනු ඇත.

ජමාත්-ඊ-ඉස්ලාමි සංවිධානය එහි නිර්මාතෘ මවුලානා මවුදුඩිගේ අරමුණු සාක්ෂාත් කර ගැනීම සඳහා වන දිගුකාලීන සැලැස්මේදී වෛද්‍ය ෂාෆි සිහාබ්දීන් මහතාව බිල්ලෙකු ලෙස භාවිතා කිරීමට උත්සාහ කරන බව දැකිය හැකිය. ජාතිය සහ ආගම නොසලකා අයුක්තියට එරෙහිව කතා කරන ජනතාවගේ සහායට පාත්‍රවී ඇති වෛද්‍ය ෂාෆි සිහාබ්දීන් මහතා, ජමාත්-ඊ-ඉස්ලාමි සංවිඩානයේ  ප්‍රචාරක පූර්වෙකු ලෙස භාවිතා කරනු ඇත. එය වෛද්‍ය ෂාෆි ෂිහාබ්දීන් සතු කීර්ති නාමයට සහ අනුකම්පාවට බරපතල හානියක් කළ හැකිය.

මුස්ලිම් ප්‍රජාවගේ සුභසාධනය සහ රටේ ආරක්ෂාව ගැන සැලකිලිමත් වන අයගේ යුතුකම වන්නේ, රටේ ජාතික ආරක්ෂාව සහ මුස්ලිම් ජනතාවගේ සාමගාමි ජීවිත ගැන සලකා බලා, ජමාත්-ඊ-ඉස්ලාමි සංවිදානයට සහ 'ඉජ්තිමා' රැස්වීම් වැනි  ක්‍රියාකාරකම්වලට වහාම විරුද්ධ වීමයි. ජමාත්-ඊ-ඉස්ලාමිගේ ඉජ්තිමා වැනි ක්‍රියාකාරකම්වලින් අනාගතයේ ඇතිවිය හැකි අනතුරු සඳහා වගකීම මස්ජිදුල්-හුදා පල්ලියේ කළමනාකාරිත්වය මණ්ඩලයද බාරගෙන යුතු බව ද ඔවුන් සැලකිල්ලට ගත යුතුය.

ඕනෑම අනතුරක් සිදුවීමට පෙර එය වළක්වා ගැනීම වඩා හොඳ බව ඉතිහාසය අපට උගන්වයි. අපි ප්‍රමාදයකින් තොරව ක්‍රියා කර අනාගතයේදී ඇතිවිය හැකි අනතුර වළක්වා ගත යුතුය

- බොදු බල සේනා සංවිධානය