ෆැසිස්ට්වාදය හේතුවෙන් බැටකෑ මව්වරුන්ගේ ජාත්යන්තර සමුළුවේදී වෙනිසියුලාවේ කාන්තා වීරවරියන්ගේ ව්යාපාරය බිහිවෙයි
ඊයේ(26) කැරකස් නුවර ඇන්ටෝනියෝ ජෝස් ද සුක්රේ යෙලෝ හවුස් හි පැවති ෆැසිස්ට්වාදය හේතුවෙන් බැටකෑ මව්වරුන්ගේ ජාත්යන්තර රැස්වීම, මාස හතරක් තිස්සේ එල් සැල්වදෝරයේ අමෙරිකානු හමුදා කඳවුරක වහල්භාවයේ වෙලී සිටි වෙනිසියුලානු ජාතිකයින් 252 දෙනෙකුගේ සහභාගීත්වයෙන් "ප්ලාසා ඩි මායෝ හි මව්වරුන්ගේ සංගමයේ" සභාපති කාමන් ඇරියස් සහ අනෙකුත් සම්භාවනීය අමුත්තන් ඉදිරියේදී පිහිටුවා ගන්නා ලද්දේය. ඒ අනුව ලෝකයේ ඕනෑම තැනකට සංක්රමණය වන වෙනිසියුලානු ජාතිකයින්ගේ අයිතිවාසිකම් වෙනුවෙන් සෑම දිනකම සටන් කිරීමට කාන්තා වීරවරියන්ගේ ව්යාපාරය නිර්මාණය කිරීමට අවශ්ය මුලපිරීම ඉදිරිපත් කරන ලදී.
ලෝකයේ සියලුම මව්වරුන් සඳහා වන ව්යාපාරයක්
මෙම වින්දිත තරුණයන්ගෙන් එක් අයෙකුගේ මව වන කාර්ලින් ෆුවෙන්ටස් විසින් යෝජනාව ඉදිරිපත් කරන ලද අතර, ඇය සමුළුවේදී අදහස් දක්වමින් මුදවා ගන්නා ලද තරුණයන් 252 දෙනාගේ සියලුම මව්වරුන් සහ ඔවුන්ගේ පවුල් එල් සැල්වදෝරයේ අමෙරිකානු කඳවුරක වහල්භාවයේ සිටියදී විඳදරාගත් දුෂ්කර අත්දැකීම් හෙළිදරව් කළාය.
"අපට අවශ්ය වන්නේ මේ තරුණයන් 252 දෙනාගේ මව්වරුන් සඳහා පමණක් නොව, සියලුම මව්වරුන් සඳහා ක්රියාත්මක ව්යාපාරයක්," යනුවෙන් ෆුවෙන්ටෙස් ප්රකාශ කළාය. ලෝකයේ ඕනෑම තැනක සිටින වෙනිසියුලානු සංක්රමණිකයෙකු, තම දරුවන් මුහුණ දුන් අපයෝජනයන්ට ලක්වීම වැළැක්වීම සඳහා වන සටන දිනපතා අඛණ්ඩව කටයුතු කරන ව්යාපාරයක් අවශ්ය බවට යෝජනා කළාය. "මෙම ව්යාපාරය අප සැමගේ කොටසක් බවට පත් කිරීමට අපට අවශ්යයි." ඇය අවධාරණය කළාය.
ෆුවෙන්ටෙස් අපයෝජනයට ලක්වු සියලුම මව්වරුන් තුළ වන ඔරොත්තු දීමේ හැකියාව ඉස්මතු කළ අතර වෙනිසියුලානු රජයෙන් ලැබුණු සහයෝගයට කෘතඥතාවද පළ කළාය. එහිදී වැඩිදුරටත් අදහස් දක්වමින් ඔවුන් වඩාත් දිරිමත් කළ එක් අයෙකු වන්නේ නියෝජ්ය අමාත්ය කැමිලා ෆැබ්රි බවත්, ඔවුන් අත්විඳින අවිනිශ්චිතතාවයේ සහ බිය ජනක හැඟීම් ඇය විසින් පෞද්ගලිකව අත්වින්ද බවත් ඇය සඳහන් කළාය.
බේරාගත් පිරිමි ළමයින් 252 දෙනා වෙනුවෙන් අපයෝජනය කිරීම පිළිබඳ නඩුව මානව හිමිකම් කවුන්සිලය වෙත ඉදිරිපත් කිරීම සඳහා ජිනීවා නුවරට ගිය මව්වරුන්ගෙන් එක් අයෙක් කාර්ලින් වන අතර, ට්රම්ප් පරිපාලනයේ තීරණය නිසා දුක් විඳින සියලුම සාමාජිකයන් වෙනුවෙන් කතා කිරීමේ වගකීම ඇයට තිබුණි. මෙම කණ්ඩායම සෑම මවකගේම සාක්ෂි පුවත් වාර්තාකරුවන් සමඟ බෙදා ගත් බව ඇය අවධාරණය කළාය.
"අපි ආහාර ගන්නවද නැද්ද කියාවත් අපි දැනගෙන හිටියේ නැහැ. ඒක ඉතාම දුෂ්කර කාර්යක්. මම කෑවේ මගේ පුතාගේ කටහඬ ඇසුණ නිසා," ෆුවෙන්ටෙස් පැවසුවාය. ඇය ප්ලාසා ඩි මායෝ මව්වරුන්ගේ ව්යාපාරයට ස්තූති කළ අතර, එම සංවිධානය අරගල කරන්නේ කෙසේද යන්නට හොඳම උදාහරණයක් මෙන්ම කාන්තා වීරවරියන්ගේ ව්යාපාරය එහි නිෂ්චිත ඉලක්ක අනුගමනය කරනු ඇති බවට ආශ්වාදයෙන් යුතුව අදහස් දැක්වූවාය.
සිය දේශනය අවසන් කිරීමට පෙර, කාර්ලින් තරුණයින්ට වෙනිසියුලාවේ වැඩ කිරීමට ආරාධනා කළ අතර, ජනාධිපති නිකොලස් මධුරෝට සියලු දෙනා ඇතුළත් වන සහ රටේ සංවර්ධනය කෙරෙහි අවධානය යොමු කරන සැලැස්මක් ඇති බව ඔවුන්ට සහතික විය.
අපේ ඇමරිකාවේ ජනතාව සඳහා වූ බොලිවේරියානු සන්ධානයේ (The Bolivarian Alliance for the Peoples of Our America-ALBA) විධායක ලේකම් රැන්ඩර් පෙඤ්ඤාගේ කතාව අතරතුර දුරකථනයෙන් සම්බන්ධ වූ නිකොලොස් මදුරෝ ජනාධිපතිවරයාටම මෙම යෝජනාව ඉදිරිපත් කිරීමට ලැබීම උත්සව සභාවේ සතුටට හේතුවක් විය.
මානවවාදියෙකු වීම යනු අධිරාජ්ය විරෝධී වීමයි
ෆැසිස්ට්වාදයෙන් වින්දිත මව්වරුන්ගේ ජාත්යන්තර රැස්වීම සංවිධානය කරන ලද්දේ "දරුවන් මව්බිමට නැවත රැගෙන ඒමේ මහා මෙහෙවරෙහි" සභාපති කැමිලා ෆැබ්රි විසිනි. එහිදී ඇය අවධාරණය කරනු ලැබුවේ "ෆැසිස්ට්වාදය පරාජය කළ හැකියි. ඒ වෙනුවෙන් කැපවෙන මිතුරෙකු හමු වූ විට අප ධෛර්යමත් වෙනවා. මානවවාදියෙකු වීම යනු සංක්රමණිකයන් විනාශ කළ යුතු ගැටලුවක් ලෙස දකින අධිරාජ්යවාදයේ ප්රහාර ප්රතික්ෂේප කිරීමයි." ඇය අවධාරණය කළාය.
විදේශ කටයුතු අමාත්යාංශයේ ජාත්යන්තර සන්නිවේදන උප අමාත්යවරිය වන කැමිලා ෆැබ්රි අවධාරණය කළේ වෙනිසියුලා රජයට බේරා ගැනීමට හැකි වූ තරුණයින් 252 දෙනාගේ ආගමනය ජනාධිපති නිකොලස් මධුරෝ මොරොස්ගේ සහයෝගීතාවය සහ කැපවීම පිළිබඳ ඉවත දැමිය නොහැකි සාක්ෂියක් බවයි.
ඇය සිය දේශනයේදී, "අහිමි වූ එකම අරගලය අතහැර දැමූ අරගලයයි" බව අවධාරණය කළ අතර ප්ලාසා ඩි මායෝහි මව්වරුන්ගේ සංවිධානය වසර 48 කට වැඩි අරගල ඉතිහාසයකට හිමිකම් කීම සම්බන්ධයෙන් සිය ප්රශංසාව ප්රකාශ කළාය..
ප්ලාසා ඩි මායෝ මව්වරු, මානව හිමිකම් වෙනුවෙන් ඔවුන්ගේ ජීවිත කැපකිරීමේ වසර 48ක ඉතිහාසය
කීර්තිමත් ආර්ජන්ටිනාවේ මවක් සහ ක්රියාකාරිනියක් වන ප්ලාසා ඩි මායෝ මව්වරුන්ගේ සංගමයේ සභාපතිනි, කාමන් ඇරියස්, සියලුම වෙනිසියුලානු මව්වරුන් දිරිමත් කරමින් අදහස් දක්වමින්, ඔවුන්ට "මෙතැන් සිට, ඔබ ලෝකයේ සියලුම සංක්රමණිකයින්ට වීරෝදාර මව්වරුන් ලෙස හැඟිය යුතුය." යනුවෙන් සහතික වූවාය.
සංක්රමණිකයින්ගේ මානව හිමිකම් උල්ලංඝනය කිරීම් අධිරාජ්යවාදී අවශ්යතාවල උපාය මාර්ගයේ කොටසක් බව මෙම ආර්ජන්ටිනා ජාතික මව තහවුරු කළ අතර, එම උපායමාර්ගය කම්කරු පන්ති අතර කුසගින්න වැඩි කිරීමට සහ ඔවුන්ගේ සියලු අරගල නිහඬ කිරීම දෙසට යොමු කරන බව අවධාරණය කළාය. අධිරාජ්යවාදීන්ගේ අරගලවල දේශපාලන අරමුණු හඳුනාගෙන ඒවාට එරෙහිව සටන් කරන ලෙස ඇය සියළු දෙනාගෙන් ඉල්ලා සිටියාය.
"අත්හරින්න එපා. අධිරාජ්යවාදයට අවශ්ය වන්නේ අප වේදනාවෙන් හා වරදකාරිත්වයෙන් නැංගුරම් ලා සිටිනු දැකීමටයි. මෙම දුක් වේදනා ඇතිවීමට බලපාන දේශපාලන හේතුව සොයා ගන්න." ඇය අවධාරණය කළාය.
ගාසා තීරය: අධිරාජ්යවාදීන් විසින් සොරකම් කරන ලද ගෞරවය
රැස්වීම අතරතුර, පුරාවෘත්තයක් වී ඇති ආර්ජන්ටිනා-කියුබානු ජාතික අසාහය විප්ලවවාදියා වන චේගුවේරාගේ දියණිය වන කීර්තිමත් ආචාර්ය ඇලීඩා ගුවේරා මාර්ච් මහත්මිය ද අදහස් දැක්වූවාය. ගාසා තීරයේ සමූලඝාතනය කරන ලද පලස්තීන දරුවන්ගේ මව්වරුන් වෙනුවෙන් අත් නොහැර සටන් කිරීමේ අවශ්යතාවය ඇය අවධාරණය කළාය. ගාසාවේ දරුවන්ට ඔවුන්ගේම භූමියේ ගෞරවයෙන් ජීවත් විය නොහැකි තත්වයක් උදා වී ඇති බවද ඇය පෙන්වා දුන්නාය.
කියුබාව මෙම අපරාධ පිළිබඳව හොඳින් දන්නා බවත් කියුබානු විප්ලවය විකෘති කිරීමට එක්සත් ජනපදය භාවිතා කළ කුරිරු උපාමාරු විස්තර කිරීමටද ඇලීඩා ගුවේරා කටයුතු කළාය. "කියුබානු විප්ලවවාදී රජය කියුබානු දරුවන් සෝවියට් සංගමයට යවා ඔවුන්ට ඉගැන්වීමට කටයුතු කරද්දී, කියුබානු දෙමාපියන්ගේ අයිතිවාසිකම් අහිමි කිරීමට යන බවට ඔවුන් මුසාවාද ගොතනු ලැබුවා. එම අදහස් වලින් මංමුලා වූ සමහර දෙමව්පියන් තම දරුවන් එක්සත් ජනපදයට යැවූ අතර, එහිදී බොහෝ දෙනෙකු දරුකමට හදා ගැනීම සඳහා අමෙරිකානු පුරවැසියන්ට භාර දෙන ලැබුවා. එහෙත් එම දරුවන් අපයෝජනයට ලක් වූ අතර ඔවුන්ට නැවත කිසි දිනෙක ඔවුන්ගේ පවුල් දැක ගැනීමට අවස්ථාවක් ලැබුණේ නැහැ." ඇය අනාවරණය කළාය.
සංක්රමණිකයන් ලෙස අමෙරිකාවට ඇතුල් වීමට උත්සහා කළ වෙනිසියුලානු දරුවන් 252 දෙනා අපරාධකරුවන් ලෙස අමෙරිකාව සලකනු ලැබූ අතර ඔවුන් නැවත වෙනිසියුලාවට පැමිණීම ජයග්රාහී සැමරීමක් ලෙස මෙන්ම එක්සත් ජනපදයේ පැහැර ගන්නා ලද වෙනිසියුලානු දරුවන් 32 දෙනා බේරා ගැනීමට සටන් කිරීමට පෙළඹවීමක් ලෙස මෙම සමුළුව පවත්වන ලද්දේය. ඒ අනුව අධිරාජ්යවාදීන්ගේ වෛරය අභිබවා සහයෝගීතාවය සහ වෙනිසියුලානු දේශපාලන පරිවර්තනය ජය ගත් බව දේශපාලන විචාරකයෝ පවසති.
සම්බන්ධිත පුවත් | Related News
ප්රධාන පුවත්
ඉන්දු-ලංකා නිදහස් වෙළඳ ගිවිසුම තර කිරීමට එකඟවේ...
විනිසුරුවන්ගේ විශ්රාම වයස සහ ධුර කාලය වෙනස් කරන ව්යවස්ථා සංශෝධනයට ජනමත විචාරණයක් අවශ්යයි.. - ශ්රේෂ්ඨාධිකරණ තීන්දුවක් හෙළි කරයි
NLDB ගොවිපළ 32න් 26ක්ම පුද්ගලික සමාගම්වලට!.. විද්වතුන් සහ වෘත්තීය සමිති නිහඬයි..
ජාතික ජනබලවේගයට ලැබුනේ අතීත ජනතා විමුක්ති පෙරමුණට ලැබී තිබුණු වටිනාකම.. බෙදුම්වාදය පරාජය කිරීම වෙනුවෙන් එදා පෙරට ආ ජවිපෙ අද නෑ.. - වෛද්ය වසන්ත බණ්ඩාර
කන්කසන්තුරේ තිස්ස රජමහා විහාරය දෙකට කරමින් මැදින් පාරක්.. අමරපුර නිකායේ දැඩි විරෝධය..
''මේ රටේ ගෝඨාභය මරාදමා හෝ විදේශ මැදිහත් වීමෙන් අන්තර්කාලීන පාලනයක් ගොඩනගන්න හැදුවා.. ආණ්ඩුව පවාදීම් රැසක් මේ වන විට කර අවසන්.." - වෛද්ය වසන්ත බණ්ඩාර
සම්බුද්ධ ශාසනයේ ප්රධාන අංගයක් වන පෙරහැර විකාරයක් බව අගමැතිනිය කියන්නේ කොහොමද?.. - වෛද්ය වසන්ත බණ්ඩාර
සවුදිය, තුර්කිය සහ පාකිස්ථානය 'නේටෝ' වැනි යුද සංවිධානයකට අවතීර්ණ වෙයි.. 'මක්කා ඒකාබද්ධ ආරක්ෂක ගිවිසුම' අත්සන් තබයි..
විනිසුරුවන්ගේ විශ්රාම යෑමේ වයස අවුරුදු 67 දක්වා දිගු කිරීමට ජනමත විචාරණයක් අවශ්යයි.. - ශ්රේෂ්ඨාධිකරණය 2022 වසරේදී තීන්දු කරලා..
22වන ව්යවස්ථා සංශෝධන පනත් කෙටුම්පත ගැසට් කෙරේ..
වර්තමාන අර්බුද හමුවේ නාට්යකරුවන් අපේක්ෂාභංගත්වයට පත්වෙලා.. – නාට්යවේදී අඛිල සපුමල්
ලොවටම සහන සැලසූ චීනයේ ගෝලීය සංවර්ධන මුලපිරුමට වසර 5යි: ගෝලීය දකුණේ අනාගතය වෙනුවෙන් චීනයෙන් නව පොරොන්දුවක්..
බන්ධනාගාර කොමසාරිස් තුෂාර උපුල්දෙණියව අයින් කරන්න ආණ්ඩුවට අවශ්ය වුනා.. ආණ්ඩුව දේශපාලනිකව පොලිසිය මෙහෙයවනවා ද යන්න ගැටළුවක්.. - නීතිඥ සංජීව වීරවික්රම
බෞද්ධ සභ්යත්වයට එරෙහිව දියත්වන ප්රහාර උච්ඡතම ස්ථානයකට පැමිණිලා.. ෂානක්කියන්ලා, සුමන්තිරන්ලාගෙන් බෞද්ධ උරුමය විනාශ කරන්න පුරාවිද්යා දෙපාර්තුමේන්තුවටත් බලපෑම්.. දළදා පෙරහැරේ කරඬුව වඩම්මන ඇතුන්ටත් තහංචි වැටෙන ලකුණු!
මැගසින් බන්ධනාගාරය තුළ නොසන්සුන්තාවක්..
උතුරු-නැගෙනහිර බෞද්ධ උරුමය විනාශ කිරීමට සැලසුම්සහගත ප්රහාරයක්.. පුරාවිද්යා වාර්තා වෙනස් කරන්න දෙමළ මන්ත්රීන්ගෙන් බලපෑම්.. - වෛද්ය වසන්ත බණ්ඩාරගෙන් සුවිශේෂී හෙළිදරව්වක්..