සුද්දන්ගේ කාලේ රැඩිකල් මල්ලිලා බෞද්ධ උගතුන්ට අපහාස කළ හැටි..

Jul 21, 2025 at 10:47 AM

|

Lanka Leader

👉 පහත දැක්වෙන්නේ 1853 ආරම්භ වූ ශාස්ත්‍රාලංකාරය නම් සඟරාවට දොන් පී. චන්ද්‍රසේකර නමැත්තෙකු ලියූ කවි දෙකකි. එහි මෙසේ සඳහන් වෙයි. 

සුබේ නොවෙයි යතලබ සඟරායස් පොතට තැබූ නම කර ආලේ 

ඉබේම කොහොමද පඬි නම ගත්තේ ලැජ්ජා නැති හීරලු රාළේ 

ලැබේය ගැරහුම් අද වන තුරු අර පසිඳුපතට පසුගිය කාලේ 

නුඹේ තරම අපි වැඩියෙන් නොකියමු ඉඳිතොත් රට වෙන අය වාලේ

යත ලබ සඟරාව යය් කියන්නේ යම් යම් ලබ එක්කර ගැන්මයි 

එතකොට රාලේ ඔය පොත පිස්සිගෙ පලා මල්ල හා සම වේ මැයි 

කැත කරලා ඔය පොත නම තැබුවේ හීරළු ගොන් කෝලමක් තමයි 

හිත උඬගුව පඬි නම අරගත්තා හිනාවෙන්න හොඳ විහිළුවමයි. ඩි

දොන් පී. චන්ද්‍රසේකර

ශාස්ත්‍රාලංකාරය සඟරාව

👉 මේ කවිවල මෙසේ අපහාසාත්මකව පහරදෙන්නේ කාටද? 

👉 මේ පහරදෙන්නේ සිංහල බෞද්ධ මතවාදය වෙනුවෙන් ආරම්භ කළ පළමු මාසික සඟරාව වූ යතලබ ආරම්භ කළ බටුවන්තුඩාවේ දේවරක්ෂිත පඬිතුමාටය. 

👉 එතුමා ළමා කාලේ පැවිදි ජීවිතයක් ගත කොට පසුව උපැවිදි වුණු අයෙකි. මෙහි හීරළු රාළ යනුවෙන් එතුමාට සමච්චල් කරනුයේ ඒ නිසාය. 

👉 ඊට අමතරව මේ කවි තුළ එතුමාගේ උගත්කමත් ප්‍රශ්න කරන බව දැකගන්නට ලැබේ. එහෙත්  බටුවන්තුඩාවේ පඬිතුමා යනු ව්‍යාජ ආචාර්ය උපාධි මෙන් ව්‍යාජ පඬි නමක් ආරෝපණය කර ගත් අයෙකු නොව සැබෑම පඬිවරයෙකි. 

👉 පාලි සංස්කෘත, ඉංග්‍රීසි, දෙමළ වගේ භාෂා ගණනාවක් උගත් හේ සඟරා පළ කිරීමට අමතරව රටට විශාල ශාස්ත්‍රීය සේවයක් කළේය. පැරණි සම්භාව්‍ය ග්‍රන්ථ ගණනාවකට ව්‍යාඛාන ලියූ එතුමා හික්කඩුවේ ශ්‍රී සුමංගල හිමියන් හා එක්ව පාලි මහාවංශයේ සිංහල අනුවාදයක්ද පළ කළේය.

👉 ඒ අනුව එතුමාගේ උගත්කම පිළිබඳ කිසිවෙකුට වාදයක් නොවීය. එහෙත් මේ පහරදීමට හේතුව ඊනියා උගත්කමක ප්‍රශ්නයක් නොව, එතුමා සිංහල බෞද්ධ මතවාදය වෙනුවෙන් පෙනී සිටිමින් යටත්විජිත විරෝධී සටනට දායකත්වය සැපයීමය.  

👉 මේ බටුවන්තුඩාවේ පඩිතුමාට පහර දුන් එකම අවස්ථාවද නොවේ. මේ යුගයේ පළවූ කවට කතිකයා නම් හාස්‍යජනක ලිපි ඇතුළත් පුවත්පතේ කතුවරයා වූ පෑලිස් අප්පුහාමි හෙවත් සරදම් අප්පුහාමි නම් පුද්ගලයාද බටුවන්තුඩාවේ පඬිතුමාගේ පෞද්ගලික ජීවිතය ඉලක්ක කරගනිමින් දරුණු මඩ ප්‍රහාර එල්ල කොට තිබේ.

👉 මේ දෙස විමසිල්ලෙන බැලීමේදී පෙනී යන පරිදි ඉතිහාසයේ මේවා සිදුවූ ආකාරය සහ වර්තමානයේ සිදුවන ආකාරය අතර වැඩි වෙනසක් නැත. 

👉 එසේ වුවද බටුවන්තුඩාවේ පඬිතුමා වැනි අය සැබෑ වීර ප්‍රතිරූප ලෙස ඉතිහාසයට එක් වෙද්දී එතුමාට පහර දුන් සරදම් අප්පුහාමිලාට හිමිව ඇත්තේ වීර ප්‍රතිමා මත වසුරු හෙළුෑ කපුටන්ගේ ස්ථානය නොවේද?  

 වැඩි විස්තර සඳහා මේ ලිපියත්  බලන්න. 

https://www.facebook.com/photo/?fbid=599324082166971&set=a.104389324993785