කොතලාවල ජාතකය..

Jul 8, 2025 at 05:17 PM

|

Lanka Leader

කොතලාවල ගැන නොලියා ඉන්නට සිතුනද තක්කඩින්ගේ තක්කඩිකම් එලිකළ යුතු නිසා එහි සාරාංශයවත් ලිවිය යුතු බව සිතුවෙමි.

කොච්චර ආලවට්ටම් දැම්මත් රනිල්ගේ සහ රාජපක්ෂ ලාගේ  අඩි පාරටත් උඩින් වත්මන් රජය යන බව හා ක්‍රියා කරන බව වත්මනේ දී සියලු සාධක සහිතව ඔප්පු වෙමින් පවති. 

එදා රටේ මහජනතාව රැවටු කතා සියල්ල බොරු කරමින් රට රවටා ඇති බව පමනක් කීම සෑහේ. 

ලෝක සෞඛ්‍ය දර්ශක වල අංක 01  සිටින අපේ රටේ මහ එවුන් හෙම්බිරිස්සාවටත් ප්‍රතිකාර  ගැනිමට යන සිංගප්පූරුව ඔවුන්ගේ 03 වෙනි වෛද්‍ය විද්‍යාලය ප්‍රමිතිය හේතුවෙන් ආරම්භ කිරීම කල් දමා ඇත හැමදේම විකුනන සිංගප්පූරුව තමන්ගේ රටට ආධායමක් ලැබේ යැයි සිතන එවැනි ව්‍යාපාර කරන්නේ නැත ඒ ප්‍රමිතිය අංක 01 බැවිනි. 

ලෝක බලවතකු වන පුද්ගලික වෛද්‍ය විද්‍යාල හැට හුටාමාරක් තියෙන ඉන්දියාව සෞඛ්‍ය දර්ශක වල 112 ය..

ප්‍රමිතිය දැනුම කේන්ද්‍ර කරගත් අපි සෞඛ්‍ය දර්ශක වල අංක 47 ය.

බල්ලො මරලා හරි සල්ලි හොයලා ලක්ශ  175 ක් වියදම් කරලා දොස්තර කෙනෙක් කීරීම ප්‍රමාණවත් ය ලැබෙන වැටුප ගැන හොයන්නේ නැත  නම පමනක් තිබීම ප්‍රමාණවත්ය සෞඛ්‍ය දර්ශක ඔවුන් ට වැදගත් නැත ඒ අපේ රටේ තක්කඩි පාලකයන් ගේ හැටිය. 

අපි කොතලාවල වෛද්‍ය පීඨය විසින් පලකර ඇති දැන්වීම සහ රජයේ නිර්නායක සසඳා බලමු. 

එහි බදවාගන්නා වයස් සීමාව  16 සිට 24 ලෙස  දක්වා ඇත.

16 වසරේදී අන්තර්ජාතික විෂය නිර්දේශය හදාරන සිසුන් උසස් පෙල ලියන බැවින් එසේ සදහන් කර ඇත . වයස 24 සදහන් කර ඇත්තේ දේශිය විෂය නිර්දේශය හදාරන 03 වෙනි වර හෝ බදවාගැනිමට විය හැක. 

මුදල් වල බලය කියන්නේ මේ නිසාම අන්තර් ජාතික විෂය නිර්දේශය හදාරන සිසුන් කොතලාවල හරහා ඔවුන්ගේ වයස අවුරුදු 21 පමන වන විට අවම වශයෙන් සීමාවාසික වෛද්‍ය වරයෙක් විය හැකි අතර  එම වයසේම දේශිය විෂය නිර්දේශය හදාරන සිසුවෙකු සමහර විට රජයේ වෛද්‍ය විද්‍යාලයක පලමු වසරේය දෙවැනි හෝ තුන්වැනි වසරේ සිසුන් ගැන  කතා කිරීමෙන් පලක් නෑ.

ඒ අනුව වයස මුදල් විෂය නිර්දේශය නිසා සිදුවන මුලික මිනිස් අයිතිවාසිකම් ගැන කතා කිරීමට කෙනෙක් නැත.

විශ්ව මානව හිමිකම් ප්‍රකාශනයේ සදහන්ව ඇත්තේ කුසලතාවයට මිස මුදලට අධ්‍යාපනය ලබා නොදිය යුතු බවයි.  

තියෙන ප්‍රශ්න මදිවාට කිහිප දෙනෙකුගේ අරමුනු වෙනුවෙන් ආරක්ෂක හමුදාව ඉදිරියේ දි  මානව හිමිකම් දංගෙඩියට තවත් තොරතුරක් ද?.

දැන්වීම අනුව C 02 ක් සහ S 01 සමත්වීම බදවාගැනීමේ දැන්වීමේ සදහන් වුවත් බදවාගන්නා ආකරය සදහන් KDU ප්‍රතිපත්තියේ සදහන්ව ඇත්තේ කොතලවල ආරක්ෂක විශ්ව විද්‍යාලයේ කළමනාකරණ මණ්ඩලය තීරණය කරනු ලබන පරිදි  වෛද්‍ය සිසුන් බඳවා ගැනීමේ නිර්ණායකයක් වශයෙන්  1.4000 ක් හෝ  ඊට ඉහල Z අගයක් වාර්තා කල යුතුය යන්නයි දැන්වීමේ සදහන් ප්‍රතිපල මත ඉහත සදහන් අගයක් පවත්වාගත හැකිද ප්‍රශ්නයකි.  

ගරු අගමැතිනිය එදා දැඩි ලෙස විවේචනය කල කලමනාකාර මන්ඩලය දැන් හොදවී ඇත.  

ඊලග කරුන වන්නේ ලබාගන්නා මුදලයි එය ලක්ෂ 175 කි.

අප අසා ඇති පරිදි විශ්ව විද්‍යාල ප්‍රතිපාදන කොමිෂන් සභාව විසින් මීට පෙර කොතලාවල වෙත ඇතුළත් කරන ලද දේශිය  සිසුන් වෙනුවෙන් වසරකට එක් අයෙක් සඳහා ලබා දී ඇත්තේ ලක්ෂ හයක පමණ මුදලකි ඒ අනුව එක් සිසුවෙක් සඳහා වසර පහකට ලක්ෂ 30 කි.

සායනික පුහුණුව සඳහා රජයේ සම්පත් කොතලාවලට ලබා දී ලක්ෂ 30 වූවානම් බදවා ගන්නා එක් සිසුවෙක් වෙනුවෙන් ලක්ෂ 175  අය කරන්නේ කෙසේද යන්න ප්‍රශ්නයකි. 

ඒ අනුව රජයේ විශ්ව විද්‍යාල වලින් කොතලාවලට බඳවා ගන්නා 10% කෝටාවේ ශිෂ්‍යත්ව සිසුන් 15 දෙනෙක් සඳහා මුදලට බඳවා ගන්නා සිසුන් තුන්දෙනෙකුගේ මුදල් වැය කිරීම පමණක් ප්‍රමාණවත්ය.  

එහෙත් මේ වසරේ හමුදාවන්ට ඇවසි වෛද්‍යවරුන් සදහා බදවාගෙන ඇත්තේ 05  දෙනකු පමනි. 

ආණ්ඩුව උපදෙස් ලබා ගන්නා නීති විශාරදයන්  කොහොම කීවද කොතලාවල හිමිකරුගේ මූලික කැමැත්ත සඳහන් අන්තිම කැමැති පත්‍රයේ සඳහන් වනුයේ එය රටේ ආරක්ෂක  හමුදාවන්ගේ ප්‍රයෝජනය සඳහා මිස විකිණීම සඳහා සඳහන්ව නොමැති අතර එම ඉඩම පරිත්‍යාග කළ සර් ජෝන් කොතලාවලට කරන ලද අවමානයක් බව ද  සඳහන් කල යුතුව ඇත. 

ශ්‍රී ලංකා වෛද්‍ය  සභාවටද මෙහි වගකීමක් ඇති  අතර  කොතලාවල ආරක්ෂක විශ්ව විද්‍යාල සඳහන් ශික්‍ෂණ රෝහලට සහ  එහි රෝගීන් නියමිත  ප්‍රමිතියට  සහිතව සිටිනවාද යන්න වගකීමෙන් යුතුව සොයා බැලිය යුතුව  ඇත.

සිසුන්ගෙන් ලක්ෂ  175 කුත් අරගෙන සායනික පුහුණුව දීමට තමන්ගෙ රෝහලේ රෝගීන් නැති නිසා රජයේ වෛද්‍ය සිසුන් ඉගෙන ගන්නා රෝහල්වලට කඩා පැන එම  අධ්‍යාපනය කඩාකප්පල් කිරීමට ශ්‍රී ලංකා වෛද්‍ය සභාව ඉඩ ලබා දිය යුතු නැත.

වැරදි උපදෙස් වැරදි තීරණ නිසා වත්මන් රජය  වැරදි පාරවල්වල ගමන්  කරනා බව නම් ඉතා වගකීමෙන් කිව හැක.

දිලිත් ලා සජිත් ලා ගේ මනදොල සපුරමින්, රනිල්ලා රාජපක්ෂලා ගිය පාරේ ඔවුන්ටත් වඩා ඉදිරියෙන් වත්මන් රජය යන බව නම් මේ අනුව පැහැදිලිව පෙනේ.

- වසන්ත අල්විස් 

මහජන යුතුකම් කෙන්ද්‍රය