'පිළිකාවක් වැනි' ඊශ්රායලය මැද පෙරදිග සාමයට තර්ජනයක්! උතුරු කොරියාව ඉරානයට සහයෝගය දක්වනවා- උතුරු කොරියානු විදේශ අමාත්යාංශය
1973 වර්ෂය දක්වා දිවෙන රාජ්යය තාන්ත්රික සබඳතා සමඟ, ටෙහෙරානය සහ ප්යොංයැං ඔවුන්ගේ ආයුධ සහ න්යෂ්ටික වැඩසටහන් සඳහා බටහිර රටවල් පනවා ඇති සම්බාධක මධ්යයේ පවා සමීප සබඳතා ගොඩනඟා ගෙන තිබේ.
ඉරානය ඊශ්රායලය සමඟ ගැටුම මධ්යයේ උතුරු කොරියාව ඊයේ(19) ඉරානයට සහාය දැක්වූ අතර, ඉරානයට එරෙහි ඊශ්රායලයේ මිලිටරි ප්රහාරය සම්බන්ධයෙන් ප්යොංයැංහි විදේශ අමාත්යාංශයේ ප්රකාශකයා උතුරු කොරියාවේ "බරපතල කනස්සල්ල" ප්රකාශ කළේය.
උතුරු කොරියානු රාජ්යයේ නිල පුවත් සේවය වන KCNA ට අනුව, උතුරු කොරියානු විදේශ අමාත්යාංශ ප්රකාශකයා ඊශ්රායලය "මැද පෙරදිග සම්පූර්ණ යුද්ධයක" අන්තරායන් මතු කරන බවට තවදුරටත් චෝදනා කළේය.
"සමස්ථ ලෝකය මේ මොහොතේ අත්විඳින බරපතල තත්ත්වය පැහැදිලිවම ඔප්පු කරන්නේ ඇමරිකා එක්සත් ජනපදය සහ බටහිර රටවල සහාය සහ අනුග්රහය ලබන ඊශ්රායලය මැද පෙරදිග සාමය සඳහා පිළිකාවක් වැනි ආයතනයක් බවයි. එලෙසම ගෝලීය සාමය සහ ආරක්ෂාව විනාශ කිරීමේ ප්රධාන වැරදිකරුවෙකු බවට ඊශ්රායලය පත්වී තිබෙනවා." KCNA පුවත් සේවය ප්යොංයැංහි විදේශ අමාත්යාංශයේ ප්රකාශකයා උපුටා දක්වමින් පැවසීය.
ඉරානයේ ස්වෛරීභාවය සහ භෞමික අඛණ්ඩතාව උල්ලංඝනය කිරීමට ඊශ්රායලය තමන්ට ආවේණික "බිහිසුණු ආක්රමණශීලී ක්රියාව" අනුගමනය කිරීම ප්යොංයැංහි විදේශ අමාත්යාංශයේ ප්රකාශකයා දැඩිව හෙලා ද්ක්කේය.
"මැද පෙරදිගට නව යුද්ධයක් ගෙන ආ සියොන්වාදීන් සහ ඔවුන්ට දැඩි අභිලාශයකින් අනුග්රහය දක්වන සහ සහාය දෙන තිරය පිටුපස බලවේග ජාත්යන්තර සාමය සහ ආරක්ෂාව විනාශ කිරීම සඳහා සම්පූර්ණයෙන්ම වගකිව යුතුයි." නිලධාරියා ප්යොංයැංහි විදේශ අමාත්යාංශයේ ප්රකාශකයා පැවසීය.
ඊශ්රායලයට එරෙහි උතුරු කොරියාව කළ ප්රකාශය ඉරානය සමඟ උතුරු කොරියාවේ සමීප සබඳතා පිළිබිඹු කරන බව විදෙස් විත්ති විචාරකයෝ පවසති. 1973 දක්වා දිවෙන දෙරට අතර සබඳතා සමඟ, ටෙහෙරානය සහ ප්යොංයැං යන දෙරටම හොඳ විශ්වාසයක් ගොඩනඟා ගෙන ඇති අතර ඔවුන්ගේ ආයුධ සහ න්යෂ්ටික වැඩසටහන් සඳහා ඇමරිකා එක්සත් ජනපදය සහ බටහිර රටවල දැඩි සම්බාධක පනවා තිබේ.
--------
උතුරු කොරියානු KCNA පුවත් සේවය උතුරු කොරියානු විදේශ අමාත්යාංශ ප්රකාශකයා කළ ප්රකාශයේ සිංහල පරිවර්තනය
කොරියානු ප්රජාතන්ත්රවාදී මහජන ජනරජයේ විදේශ අමාත්යාංශයේ ප්රකාශකයෙකු ජුනි 19 වන දින "මැදපෙරදිගට නව යුද්ධයක් ගෙන ආ ආක්රමණශීලී බලවේග ගෝලීය සාමය විනාශ කිරීමේ වගකීමෙන් කිසි විටෙකත් වැළකී නොසිටිනු ඇත" යන මාතෘකාව යටතේ පහත මාධ්ය ප්රකාශය නිකුත් කළේය.
ජූනි 13 වන දින අලුයම ඉරාන ඉස්ලාමීය ජනරජයට එරෙහිව නොසැලකිලිමත් මහා පරිමාණ මිලිටරි ප්රහාරයක් දියත් කළ ඊශ්රායලය විසින් රාජ්ය අනුග්රහය ලත් ත්රස්තවාදයේ නීති විරෝධී ක්රියාව ජාත්යන්තර ප්රජාව දැඩි ලෙස හෙලාදකින අතර ප්රජාව තුළ මහත් කනස්සල්ලක් ඇති කර තිබේ. ඉශ්රායලයේ මෙම ක්රියා පිළිවෙත මගින් මැදපෙරදිග කලාපයේ නව සම්පූර්ණ යුද්ධයක අනතුර මතු කරනු ලබයි.
ජාත්යන්තර නීතිය සහ එක්සත් ජාතීන්ගේ ප්රඥප්තියේ මූලික මූලධර්මය හිතාමතාම උල්ලංඝනය කරමින් සිවිල් වැසියන්ට එරෙහිව දිනපතා උත්සන්න වන ඊශ්රායලයේ නොසැලකිලිමත් මිලිටරි ප්රහාරය ස්වෛරී රාජ්යයක ස්වෛරීභාවය සහ භෞමික අඛණ්ඩතාව ඕනෑකමකින් උල්ලංඝනය කරන බිහිසුණු ආක්රමණශීලී ක්රියාවක් වන අතර මනුෂ්යත්වයට එරෙහි සමාව දිය නොහැකි අපරාධයක් බව අවධාරණය කරමු.
ඒ අනුව උතුරු කොරියාව ඊශ්රායලය ඉරානයට එරෙහිව කළ මිලිටරි ප්රහාරය සම්බන්ධයෙන් බරපතල කනස්සල්ල පළ කරන අතර එම ක්රියාව දැඩි ලෙස හෙළා දකී.
ලෝකය අත් විඳින වර්තමාන බරපතල තත්ත්වය මගින් පැහැදිලිවම ඔප්පු කරන්නේ, එක්සත් ජනපදය සහ බටහිර රටවල සහයෝගය සහ අනුග්රහය ලබන ඊශ්රායලය, මැද පෙරදිග සාමය සඳහා පිළිකාවක් වැනි ආයතනයක් බවත්, ගෝලීය සාමය සහ ආරක්ෂාව විනාශ කිරීමේ ප්රධාන වැරදිකරුවෙකු බවත්ය.
ඊශ්රායලය අතීතයේ මැද පෙරදිග යුද්ධ හතරක් සහ හමුදා ආක්රමණ දුසිම් ගණනක් හරහා තම භූමිය ක්රමයෙන් පුළුල් කරගෙන තිබේ. මෑත වසරවලදී පමණක්, එය පලස්තීනයේ ගාසා තීරයට, ජෝර්දාන් ගඟේ බටහිර ඉවුරට, ලෙබනනයට, සිරියාවට සහ අනෙකුත් කලාපීය රටවලට පියවරෙන් පියවර හමුදා ප්රහාර උත්සන්න කර ඇති අතර, එමඟින් දස දහස් ගණනක් සිවිල් වැසියන් සමූලඝාතනය කර බරපතල මානුෂීය අර්බුදයක් නිර්මාණය කර තිබේ.
ඉරානයේ නීත්යානුකූල ස්වෛරී අයිතිය සහ ආත්මාරක්ෂාව සඳහා ඇති අයිතිය ක්රියාත්මක කිරීම සම්බන්ධයෙන් ප්රශ්න කරමින්, එක්සත් ජනපදය සහ බටහිර බලවේග යුද ගිනිදැල් අවුළුවන ආකාරය ජාත්යන්තර ප්රජාව දැඩි ලෙස නිරීක්ෂණය කරමින් සිටින අතර, ඊශ්රායලයේ භෞමික ව්යාප්තිය දියත් කරන ආකාරය සම්බන්ධයෙන් කෝපයට පත් වී මැදපෙරදිග තත්ත්වය පාලනය කළ නොහැකි ව්යසනකාරී අවධියකට තල්ලු කිරීමට ඊශ්රායලය ගන්නා උදමය ක්රියාමාර්ග හෙළා දකින්නට කටයුතු කරති.
මැදපෙරදිගට නව යුද්ධයක් ගෙන ආ සියොන්වාදීන් සහ ඔවුන්ට දැඩි අභිලාශයකින් අනුග්රහය දක්වන සහ සහාය දෙන තිරය පිටුපස බලවේග ජාත්යන්තර සාමය සහ ආරක්ෂාව විනාශ කිරීම සඳහා සම්පූර්ණයෙන්ම වගකිව යුතුය.
Spokesperson for DPRK Foreign Ministry Issues Press Statement
සම්බන්ධිත පුවත් | Related News
ප්රධාන පුවත්
ආණ්ඩුවේ ආයුෂ උතුරු නැගෙනහිර පළාත් සභා ඡන්දය තියන තුරු විතරයි.. - වෛද්ය වසන්ත බණ්ඩාර
මනෝගෙන් අතිශය ආන්දෝලනාත්මක ප්රකාශයක්..- පළාත් සභා උභතෝකෝටිකය!
මහ බැංකුව වගකීම් විරහිත ආයතනයක් වෙලා.. මහ බැංකු අධිපති පැනල යන බව කළින් කියා පැනල යයිද? - විමල් ප්රශ්න කරයි..
ඇමරිකා අලුත් බද්දෙන් ලංකාව අමාරුවේ..- ලංකා වාණිජ මණ්ඩලය
මහා සංඝරත්නයට, සම්බුද්ධ සාසනයට ද්වේෂසහගතව අගෞරව කිරීම පිළිබඳව කුප්රකට
ගම්මන්පිල සහ ඉන්දීය නීති සමාගමේ පාලන හවුල්කරු සුරනා අතර හමුවක්.. සාකච්ඡාව පිටුපස සැඟවුනු ඉන්දීය න්යාය පත්රයක් තිබුනාද?
චීනය සහ ශ්රී ලංකාව දේශසීමා හරහා සිදුවන මාර්ගගත සූදු හා විදුලි සංදේශ වංචා මර්දනය කිරීමට දැඩිව එක්ව ක්රියා කරනවා!-ශ්රී ලංකාවේ චීන තානාපති කාර්යාලය
චීන ජනපති ලබන සතියේදී උතුරු කොරියාවේ සංචාරයකට සැරසෙයි..
සිංහල ජාතිකවාදී රාජ්ය ජාතිය ආගම පදනම්කර ගෙන වර්ග සංහාරයක් සිදුකළා.. දෙමළ ජනතාවට එරෙහිව වර්ග සංහාරයක් සිදුකළා කියලා උතුරු පළාත් සභා ප්රකාශනයෙන් කියවෙනවා.. - ජීවන්ත පීරිස් පූජකවරයා යළිත් කියයි..
භාණ්ඩාගාර කොල්ලය ගැන භාණ්ඩාගාර වාර්ෂික වාර්තාවේ කිසිම සඳහනක් නෑ.. - රජිත් කීර්ති තෙන්නකෝන්
සහල් ආනයනය කරන්නේ ජනතාවට සහන සැලසීමේ අරමුණින් නොවේ.. නිලධාරීන්ගේ සහ ඇමතිවරුන්ගේ අතයට කොමිස් ලබාගැනීමේ "ජානගත බැඳීමක්" නිසා.. - ජාතික ගොවිජන එකමුතුවෙන් චෝදනා
ජනපති අනුර හන්දි හන්දි ගානේ කියන ඩොලර් මිලියන 1,000 ක සංචිතයක් නෑ.. - රජිත් කීර්ති තෙන්නකෝන්
බටගොඩ 'සෙනෙහසේ කැදැල්ල' වැඩිහිටි නිවාසය සම්පූර්ණයෙන්ම ගිනිබත් වෙයි.. - 11ක් මරුට - තුනක් අතුරුදන්
ගෝඨාභය කොටු කරන්න නින්දිත වෑයමක් ක්රියාත්මකයි.. - සරත් වීරසේකරගෙන් හෙළිදරව්වක්
හුදෙකලා සිද්ධීන් පදනම් කර ගනිමින් මහා සංඝරත්නයට අපහාස කිරීමේ දැවැන්ත කුමන්ත්රණයක් ක්රියාත්මකයි - මහාචාර්ය පූජ්ය මැදගොඩ අභයතිස්ස හිමි
අනුර මේ ගෙනියන්නේ අහිංසකයන්ගේ ලේ උරා බොමින් ගජමිතුරන්ට “රෝල්ස් රොයිස්” පුදන නරුම පාලනයක්.. - විමල් වීරවංශ