යාපනය තිස්ස විහාරය සම්බන්ධව සහ උතුරු සහ නැගෙනහිර සිංහල ජනතාවගේ අයිතිවාසිකම් ආරක්ෂා කර ගැනීම ගැන විශේෂ සාකච්චාවක්..

Jun 5, 2025 at 11:13 AM

|

Lanka Leader

යාපනය තිස්ස විහාරය  සම්බන්ධව සහ උතුරු සහ නැගෙනහිර පළාත් වල සිංහල ජනතාවගේ අයිතිවාසිකම් ආරක්ෂා කර ගැනීම පිළිබඳව ජාතික සමගිය සහ  සංහිඳියා කාර්යාලය සමග සාකච්චාවක්  පැවත්විණි. 

මෙහිදි අදහස් දැක්වු දේශප්‍රේමි ජාතික පෙරමුණේ නායක නීතීඥ නුවන් බැල්ලන්තුඩාව මහතා  සිංහල ජනතාවගේ විශ්වාසය දිනා ගැනීමකින් තොරව අව්‍යාජ සහ කල්පවතින සංහිඳියාවක් ඇතිකිරිම සිහිනයක් බව පෙන්වා දුන්නා. 

දෙමළ ජනතාවගේ අයිතිවාසිකම් පිළිබඳව කිඹුල් කඳුළු හෙලන ආණ්ඩු, උතුරු සහ නැගෙනහිර සිංහල ජනතාව පදිංචි කිරිම සඳහා කිසිදු පියවරක් ගෙන නෑ. හුදෙක් මිනිස්සු පදිංචි කිරිම පමණක් නොව ඒ ජනතාවට ගෞරවණිය ජීවිතයක් ගත කිරිමට අවශ්‍ය වටපිටාව සකස් කිරිම ආණ්ඩුවේ වගකීමක්. ආණ්ඩුවත් සංහිඳියා කොමිසමත්  සිංහල ජනතාව වෙනුවෙන් අවම වශයෙන් විශ්වසය ගොඩ නැගිම සඳහා අවම පියවරක්වත් අරගෙන නැ. 

ව්‍යාජ ශ්‍රි ලාංකිකත්වයක් ගැන කතා කලත් ශ්‍රි ලාංකික වි තිබේන්නේ සිංහල ජනතාව පමණයි. සෙසු වාර්ගික කණ්ඩායම් ශ්‍රි ලාංකිකරණය කිරිම සඳහා ප්‍රායෝගික වැඩපිළිවෙළක් ආණ්ඩුවට හෝ සංහිඳියා කාර්‍යාලයට නෑ. තේසවලාමේ නීතීය, ඉස්ලාමීය නීතිය අහෝසි කිරිමකින් තොරව සැබැ සංහිඳියාවක් ඇතිවෙන්නේ නැ. ආණ්ඩුවත් සංහිඳියා කාර්‍යාලයත් මේ ප්‍රශ්නයට ප්‍රවේශ වෙන්නේ සුළුවාර්ගික දෘෂ්ඨියකින්.එතෙක් ඔවුනට ප්‍රශ්නය නිවරැදිව විග්‍රහා කරගන්න නොහැකි බව  නීතීඥ නුවන් බැල්ලන්තුඩාව මහතා වැඩිදුරටත්  පෙන්වා දෙනලදි. 

ජාතික උරුමයන් සුරකීමේ සංවිධානයට කරනු ලැබු ඉල්ලීමකට අනුව සංහිඳියා කාර්යාලය මෙම සාකච්ඡාව ලබාදි තිබුණි. 

මේ අවස්තාව සඳහා බෞද්ධ තොරතුරු කේන්ද්‍රයේ අධ්‍යක්ෂක අගුණුගල්ලෙ ජිනානන්ද  ස්වාමීන් වහන්සේ සමග  ඉතිහාසඥ, තිස්ස විහාර දායක සභාවේ  විධායක මණ්ඩල සාමාජික මතුගම සෙනෙවිරුවන් සහ සිංහල සංවිධාන ඵකමුතුවේ සම කැදවුම්කරැ, දේශප්‍රේමි ජාතික පෙරමුණේ මධ්‍ය මණ්ඩල සභික දුලාර ගුණතිලක යන මහත්වරු සහභාගි වූහ.