රවි සෙනෙවිරත්නට එරෙහි රිය අනතුරු නඩුවේ ඉවත් කළ චෝදනා අධිකරණයෙන් යළි ඇතුළත් කරයි..
බීමතින් රිය පදවා වැල්ලවත්ත, මැරීන් ඩ්‍රයිව් මාර්ගයේදී පසුගිය 2023 වසරේ මහජන ආරක්ෂක අමාත්‍යංශ ලේකම් විශ්‍රාමික ජ්‍යෙෂ්ඨ නියෝජ්‍ය පොලිස්පති රවි සෙනෙවිරත්න විසින් සිදු කළ බව කියන රිය අනතුරට අදාළ නඩුව සම්බන්ධයෙන් වූ චෝදනා දෙකක් නීතිපති උපදෙස් මත කළ සංශෝධනය ප්‍රතික්ෂේප කළ ගල්කිස්ස අතිරේක මහේස්ත්‍රාත් හේමාලි හාල්පන්දෙණිය මුලින් නඟා තිබූ චෝදනා තුන ම යටතේ නඩුව විභාගයට ගැනීමට ඊයේ (මැයි 14) නියෝග කළා ය.
ඒ අනුව රිය අනතුරක් වළක්වා නොගැනීම, අපරීක්ෂාකාරීව රිය පැදවීම සහ බීමත්ව රිය පැදවීම යන චෝදනා තුන යටතේ මෙම නඩුව ලබන ජුනි මස 25 වන දා විභාගයට ගැනීමට විනිසුරුවර්ය නියෝග කළා ය.
හිටපු නියෝජ්‍ය පොලිස්පතිවරයා විසින් පදවන ලද මෝටර් රථය පසුගිය 2023 වර්ෂයේ ඔක්තෝබර් මස 28 වන දා වැල්ලවත්ත මැරයින් ඩ්‍රයිව්හි නවතා තිබූ මෝටර් රථයක සහ බස් රථයක ගැටීමෙන් මෙම අනතුර සිදුවී තිබිණි.
මෙම අනතුරින් පසු තමාව අසාධාරණ ලෙසට අත්අඩංගුවට ගෙන රක්ෂිත බන්ධනාගාරගත කළ බවට පොළිස් විශේෂ විමර්ශන ඒකකයට රවී සෙනවිරත්ත විසින් කරන ලද පැමිණිල්ලක් විභාග කර ඒ සම්බන්ධ වාර්තාව නීතිය දිසාව භාර නියෝජ්‍ය පොලිස්පති රුවන් ගුණසේකරට භාර දීමෙන් අනතුරුව වැඩිදුර උපදෙස් පතා නීතිපතිවරයා වෙතයොමුකර තිබිණි.
ඒ අනුව, පළමු වන චෝදනාව වන රිය අනතුරක් වළක්වා නොගැනීම හැර 2 වන සහ 3 වන චෝදනා වන අපරික්ෂාකාරීව රිය පැදවීම, බීමත්ව එය පැදවීම යන චෝදනා ඉවත් කිරීම සුදුසු බවට නීතිපතිවරයා විසින් නීතිය දිසාව භාර නියෝජ්‍ය පොළිස්පති රුවන් ගුණසේකරට ලබා දී තිබූ උපදෙස් සෘජුව මහේස්ත්‍රාත් අධිකරණයට යොමු නොකොට වැල්ලවත්ත පොලිස් ස්ථානාධිපතිවරයා හරහා සංශෝධිත චෝදනා පත්‍රය අධිකරණයට යොමුකර තිබූ අතර එය භාර ගැනීමට හැකියාවක් නොමැති බව ප්‍රකාශ කළ අතිරේක මහේස්ත්‍රාත්වර්ය පෙර ගොනුකර තිබූ චෝදනා යටතේම ජුනි මස 25 වන දා නඩුව විභාගයට ගැනීමට නියෝග කළා ය.
මහජන ආරක්ෂක අමාත්‍යාංශ ලේකම්වරයා වෙනුවෙන් නීතීඥ චන්දන පෙරේරා හා නීතීඥ වරුණ ජයසිංහ පෙනී සිටියහ.
ජනක ගෝමස්- ගල්කිස්ස
(මව්බිම)
සම්බන්ධිත පුවත් | Related News
ප්‍රධාන පුවත්
කන්නන්ගර මහතා නොසිටියා නම් අද ශ්‍රී ලංකාවේ අධ්‍යාපනය සිංහල නොවෙයි.. භාෂාවත් සිංහල නොවෙයි.. - ස්වභාෂා අධ්‍යාපනයට සිදුවූ දේ මහාචාර්ය පූජ්‍ය ඉඳුරාගාරේ ධම්මරතන හිමි හෙළිකරති..
යුරෝපයේ මහා පරිමාණ සංක්‍රමණය: අනාගතයේ දැඩි ජනගහන අර්බුදයක්.. ස්වදේශික ජනතාව සුළුතරයක් වීමේ අවදානමක්..
මහ බැංකු මොනිටරින් බෝර්ඩ් එකේ මූල්‍ය සමාගම්වල පිල්ලි; සුජාතභාවය ගැන සැකයක්..
කතානායක ජගත් වික්‍රමරත්නට එරෙහි දෝෂාභියෝගයේ චෝදනා 50 එළියට.. ජනාධිපතිගේ රැකවරණයත් අහිමි වෙයි?
ප්‍රංශය ගිනිතියන ගැටවුන්ගේ අරගලය සහ ගෝලීය අර්බුදය.. - උවිඳු විජේවීරගෙන් අනාවරණයක්..
ඥානසාර හිමියන්ගේ චීවරය ඉවත් කිරීමේ සිද්ධිය සහ කුරුන්දි ඇතුළු පුරාවිද්‍යා ස්ථාන සම්බන්ධ පෙත්සම් අද අභියාචනාධිකරණයේදී විභාගයට..
කළු ජූලියෙන් පමණක් ඉතිහාසය අවසන් කළ නොහැකියි.. - ලයනල් බෝපගේ සහ අතුල සුමතිපාල විපක්ෂ නායකවරයාට ලියති..
අගමැතිතුමිය ජාත්‍යන්තරයෙන් පැවරූ වැඩේ වේගයෙන් කරගෙන යනවා.. ඥානසාර හාමුදුරුවෝ හිතළුවක් කළා නෙමේ.. මේවට අවශ්‍ය කස මීට කලින් හැඩවුණා.. - සඳුන් බණ්ඩාර බෝදරගම
2010 වසරෙන් පසු පළමු වරට ලෝක දරිද්‍රතාව ඉහළට! චීනය වේගයෙන් දරිද්‍රතාවය පහළ දැමූ රටයි! – එක්සත් ජාතීන්ගේ සංවිධානය
ආර්ථික අර්බුදයෙන් ගොඩ එනවා වෙනුවට ආණ්ඩුව රට වැරදි දිශාවකටයි ගෙන යන්නේ.. මේ ගමනේ අවසානය රටේ ඒකීයභාවයට තර්ජනයක්.. - විමල් වීරවංශ
ඇමරිකානු අභ්‍යන්තර දේශපාලනයේ බලපෑමෙන් රුසියානු-ඇමරිකානු සබඳතාවල නව හැරවුමක්.. කියෙව් පාලනය සහ යුරෝපය දැඩි කම්පනයක..
ආණ්ඩුක්‍රම ව්‍යවස්ථාවේ පළමු පරිච්ඡේදය රට.. දෙවන පරිච්ඡේදය ආගම නොව බුද්ධාගමයි.. - මහාචාර්ය පූජ්‍ය ඉඳුරාගාරේ ධම්මරතන හිමි
මේ රටේ බෞද්ධයාගේ ඉවසීම පරීක්ෂා කරන්න යන්න එපා.. බොර්න් අගේන් කල්ලියකට අවශ්‍ය විදිහටයි අද මේ රට නටවන්නේ.. - විමල් වීරවංශ
අඛණ්ඩ ඉන්ධන සැපයුමකට රජයෙන් පැහැදිලි සැලසුමක් නෑ.. - පෞද්ගලික ඉන්ධන සමාගම් පවසයි..
තවත් IMF වැඩසටහනකට යන්න රජය සූදානම්.. මේ දිනවල එය සාකච්ඡා කරනවා.. - ජනපති
ඥානසාර හිමිට දුන් දඬුවම නීති විරෝධියි.. - හිටපු අගවිනිසුරු සරත් එන්. සිල්වාගෙන් සැර ප්‍රකාශයක්..