නෙලී හෙලන් ''සිරිකුරුස මතාව" පලවා හරියි

Apr 30, 2025 at 01:10 PM

|

Lanka Leader

ගම්පහ සිරිකුරුස බාලිකා පාසලේ (Holy Cross - Gampha&) විදුහල්පතිනියව වසර 30 ක් සේවය කළ වර්තමානයේ අසූතුන් වියැති වයෝවෘද්ධ රෝගී නෙලී හෙලන් පැවිදිවරිය මේ වන විට ඇය සිටි ගම්පහ ලිසියෝ කන්‍යාරාමයෙන් ඉතා අශිෂ්ට ලෙස පලවා හැරීමට වර්තමාන කන්‍යාරාම පාලිකාව කටයුතු කර ඇති බව වාර්තාවේ.  එයට සිරිකුරුස පාසලේ ප‍්‍රාථමික අංශයේ විදුහල්පති පැවිදිවරියගේ ද මෑතක දී විශ‍්‍රාම ගත් හිටපු විදුහල්පතිනියගේ ද අනුග‍්‍රහය ලැබී ඇති බව ඉතා විශ්වාසවන්ත ආරංචි මාර්ග සඳහන් කර සිටියි. එමෙන් ම මේ පිළිබඳ ව වර්තමාන විදුහල්පති පැවිදිවරිය ද ගොළුවත රැකීම ගැටලූකාරී වී ඇත.

අර්ධ රාජ්‍ය පාසල් ක‍්‍රමය රටට හඳුන්වා දුන් මෙරට සිටින විශිෂ්ටතම අධ්‍යාපනඥවරියක් වන නෙලී හෙලන් පැවිදිවරියට, පැවිදිවරියන් යයි කියා ගන්නා පිරිස් මෙලෙස සැලකීම අතිශය කනගාටුදායක ය. එලෙස ම ඇයගෙන් ඉගෙනුම ලැබූ දහස් සංඛ්‍යාත සිරිකුරුස ශිෂ්‍යාවන් ද මේ පිළිබ`ද ව නිහඬ පිළිවෙතක් රැකීම අධ්‍යාපන ක්ෂේත‍්‍රයේ බිහි වූ අනර්ඝතම පැවිදිවරියකට දක්වන යුතුකම් ඉටු කිරීමක් දැයි බහුතරයක් ප‍්‍රශ්න කර සිටී.

ජීවිතයෙහි සැඳෑ සමය ගෙවන නෙලී හෙලන් වැනි විදුහල්පති මාතාවකට ජීවත්ව සිටියදී කළ යුතු ගෞරවය ලබා නොදී අකාලයේ ඇයට මිය යන්නට ඉඩ දී රාජකීය අවමංගල උත්සව පැවැත්වීම විහිළු සහගත බව ගම්පහ සිරිකුරුස බාලිකා පාසලට සත්‍ය ලෙස ම ආදරය කරන හිටපු සහ සිටින පාසල් ශිෂ්‍යාවන් ද ගුරුවරියන් ද දෙමාපියන් ද සිහි තබා ගත යුතු වේ.

මේ පිළිබ`ද ව කාදිනල්තුමා ඇතුළු කතෝලික සභාවේ ද කතෝලික පාසල් පාලකගේ ද සමස්ත කතෝලික ප‍්‍රජාවගේ ද අවධානය හැකි ඉක්මනින් යොමු වීම සිරිකුරුස පාසල තුළ නැති ප‍්‍රශ්න ඇති වීම වළකා ගැනීමට සහ කීර්තිමත් ගම්පහ සිරිකුරුස පාසලේ අනාගත සුබ සිද්ධියට හේතු පාදක වේ.