අතිරේක සොලිසිටර් ජනරාල්වරයාගේ හැසිරීම පිළිගත නොහැකියි!- සිවිල් ක්‍රියාකාරිණී ජෙහාන් හමිඩ් නීතිපතිට ලිඛිතව දන්වයි
පසුගියදා මාතර මහේස්ත්‍රාත් අධිකරණයට ඉදිරිපත් වූ පොලිස්පතිවරයා සම්බන්ධයෙන් මහේස්ත්‍රාත්වරයා ඉදිරියේ ඔහුට ඇප ලබා දීමට විරුද්ධ වීමට කරුණු දක්වමින් අතිරේක සොලිස්ටර් ජනරාල්වරයා වෘත්තීමය නොවන ග්‍රාම්‍ය වචන භාවිත කරමින් ආණ්ඩුක්‍රම ව්‍යවස්ථාවෙන් සැකකරුවෙකුට හිමි අයිතීන් නොසලකා හරිමින් කටයුතු කර ඇති බව විවිධ පිරිස් විසින් සමාජ මාධ්‍ය තුළ අදහස් දක්වා තිබුණි. අතිරේක සොලිසිටර් ජනරාල්වරයාගේ හැසිරීම විවිධ පිරිස් හෙලා දකිමින් අප වෙතද අදහස් දැක්වූ අතර සිවිල් ක්‍රියාකාරිණියක වන ජෙහාන් හමීඩ් මහත්මිය නීතිපතිවරය වෙත සිද්ධිය සම්බන්ධයෙන් අප්‍රසාදය පළකරමින් යැවූ ලිපියක් මාධ්‍ය වෙත යොමු කර ඇත. ඉංග්‍රීසි භාෂාවෙන් ලියා ඇති එම ලිපියෙහි සිංහල පරිවර්තනය පහතින් පළවේ.
ගරු නීතිපතිතුමා,
නීතිපති දෙපාර්තමේන්තුව.
ගරු නීතිපතිතුමනි,
අධිකරණ කටයුතුවලදී වැරදි හැසිරීම සහ නීතිමය වරප්‍රසාද අනිසි ලෙස භාවිතා කිරීම පිළිබඳව අප්‍රසාදය පල කිරීමයි
නීතිය ඉදිරියේ සැකකරුවකු බවට පත්වී සිටින පොලිස්පතිවරයා සම්බන්ධ මෑත කාලීන අධිකරණ කටයුතුවලදී අතිරේක සොලිසිටර් ජනරාල්වරයාගේ හැසිරීම සම්බන්ධයෙන් මගේ බරපතල කනස්සල්ල ප්‍රකාශ කිරීම පිණිස මෙම ලිපිය ඔබ වෙත යොමු කරමි. දෝෂ සහිත වරෙන්තුවක් නිකුත් කර ඇතැයි හැඟී යාමා හේතුවෙන් පොලිස්පතිවරයා සහන ඉල්ලා ශ්‍රේෂ්ඨාධිකරණයට පෙත්සමක් ඉදිරිපත් කළ නමුත් ශ්‍රේෂ්ධිකරණය මාතර මහේස්ත්‍රාත් අධිකරණයේ තීන්දුව අනුමත කිරීම හේතුවෙන් පොලිස්පතිවරයා මාතර මහේස්ත්‍රාත් අධිකරණයට ඉදිරිපත් විය. කෙසේ වෙතත්, ඉන් පසුව මාතර මහේස්ත්‍රාත් අධිකරණය තුළ අතිරේක සොලිස්ටර් ජනරාල්වරයා කළ ප්‍රකාශ අධිකරණය තුළ භාවිතයට නුසුදුසු වචන වලින් පිරී පැවැති වූවා මෙන්ම ශිෂ්ඨ සමාජයට පිළිගත නොහැකි තත්වයේ විය.
අතිරේක සොලිසිටර් ජනරාල්වරයා “ඔබේ සැකකාර පොලිස්පතිවරයා පාතාල අපරාධකරුවෙකුට වඩා වෙනස් නොවේ.” ලෙස කළ ප්‍රකාශය,වෘත්තීය මට්ටමේ නොවන එකක් පමණක් නොව, ව්‍යවස්ථාමය මූලධර්ම සහ මෑත කාලීන ශ්‍රේෂ්ඨාධිකරණ තීන්දු පවා සෘජුවම උල්ලංඝනය කරනු ලබන්නේය.
ආණ්ඩුක්‍රම ව්‍යවස්ථාව යටතේ මූලික අයිතිවාසිකම් උල්ලංඝනය කිරීම
ශ්රී ලංකා ආණ්ඩුක්‍රම ව්‍යවස්ථාව සැකකරුවන්ගේ අයිතිවාසිකම් පැහැදිලිවම තහවුරු කරන අතර, සෑම පුද්ගලයෙකුටම නීතිය යටතේ සාධාරණ සැලකිලි ලැබීමට අයිතියක් ඇති බව සහතික කරයි. ආණ්ඩුක්‍රම ව්‍යවස්ථාවේ 13(3) වගන්තියේ මෙසේ සඳහන් වේ.
“වරදක් සම්බන්ධයෙන් චෝදනා ලැබ සිටින ඕනෑම පුද්ගලයෙකුට නිසි අධිකරණයක් විසින් පවත්වනු ලබන සාධාරණ නඩු විභාගයකදී, පුද්ගලිකව හෝ නීතිඥයෙකු විසින් කරුණු දැක්වීමට අයිතියක් ඇත.”
එලෙසම ආණ්ඩුක්‍රම ව්‍යවස්ථාවේ 13(5) වගන්තිය තවදුරටත් සහතික කරන්නේ,“වැරදිකරු බව ඔප්පු වන තුරු සෑම පුද්ගලයෙකුම නිර්දෝෂී යැයි උපකල්පනය කළ යුතුය.” කියායි.
මීට අමතරව, මෑත කාලීන ශ්‍රේෂ්ඨාධිකරණය ලබා දුන් තීන්දුවක් මගින් සැකකරුවන්ට පවා වෙනස්කම් කිරීමකින් තොරව එකම මූලික අයිතිවාසිකම් සඳහා හිමිකම් ඇති බව නැවත තහවුරු කරන ලදී. අතිරේක සොලිසිටර් ජෙනරාල්වරයාගේ ප්‍රකාශ මෙම නීතිමය ආරක්ෂාවන්ට සෘජුවම පටහැනි වන අතර, ව්‍යවස්ථාමය ආරක්ෂාවන් සහ අධිකරණ පූර්වාදර්ශ යන දෙකම නොසලකා හැරීමක් බව බැලූ බැල්මටම පෙනීයයි.
ඒ අනුව අතිරේක සොලිසිටර් ජනරාල්වරයාගේ හැසිරීමට එරෙහිව ක්ෂණික ක්‍රියාමාර්ග ගන්නා ලෙස ඔබ තුමාගෙන් ඉල්ලා සිටින අතර එහිදී පහත සඳහන් ප්‍රධාන කරුණු කෙරෙහි අවධානය යොමු කරන ලෙස ඉල්ලා සිටිමි.
1. අධිකාරිය සහ නීතිමය වරප්‍රසාද අනිසි ලෙස භාවිතා කිරීම
• නීතිපති දෙපාර්තමේන්තුව ආණ්ඩුක්‍රම ව්‍යවස්ථාවට වඩා ඉහළින් නොසිටින අතර, එහි නියෝජිතයන් අධිකරණ කටයුතුවලදී නීතිමය සහ සදාචාරාත්මක ප්‍රමිතීන්ට අනුකූල විය යුතුය.
• අධිකරණයකදි පුද්ගලික ප්‍රහාර සහ ගිනි අවුලුවන වාචාල කතා භාවිතා කිරීම අධිකාරියේ සීමාව ඉක්මවා යන භයානක තත්වයක් බව අවධාරණය කළ යුතුය.
2. අධිකරණ පද්ධතිය කෙරෙහි මහජන විශ්වාසය බිඳ වැටීම
• අධිකරණ පද්ධතිය අපක්ෂපාතී විය යුතුය. නීති නිලධාරීන්ට ප්‍රසිද්ධියේ ව්‍යවස්ථාපිත මූලධර්ම උල්ලංඝනය කළ හැකි නම්, එය නඩු පැවරීම්වල සාධාරණත්වය සහ පද්ධතියේ අඛණ්ඩතාව පිළිබඳ බරපතල ගැටළු මතු කරයි.
• අභියෝගවලට මුහුණ දුන්නද, පොලිස් දෙපාර්තමේන්තුව වෘත්තීයමය වශයෙන් කටයුතු කර ඇත. ඊට ව්‍යතිරේඛව, නීතිපති දෙපාර්තමේන්තුව වෙනුවෙන් පෙනී සිටි නිළධාරින්ගේ උසාවිය තුළ වන වෘත්තීය නොවන හැසිරීම් ප්‍රධාන තැනක් ගැනීමට ඉඩ දී ඇත.
3. තෝරාගත් පුද්ගලයන් ඉලක්ක කිරීම සහ එමගින් සමාජයට ලබා දෙන පණිවිඩය
• නීතිය බලාත්මක කරන නිලධාරීන් පුද්ගලික ප්‍රහාරවලට ලක්වන විට, වැඩිවන අපරාධ සහ තුවක්කු ප්‍රචණ්ඩත්වය පාලනයකින් තොරව සිදුවන විට, මෙමගින් අපරාධකරුවන්ට යවන පණිවිඩය කුමක්ද?
• අධිකරණය තුළ නාට්‍යමය රංගනයන්හි යෙදීම නොව, නීතිය ආරක්ෂා කිරීම සහ ජාතික ආරක්ෂාව සහතික කිරීම කෙරෙහි අවධානය යොමු කළ යුතුය.
වහාම ක්‍රියාමාර්ග ගැනිමේ අවශ්‍යතාවය
මෙම ගැටළුව විසඳීම සඳහා පහත සඳහන් නිවැරදි කිරීමේ පියවරයන් වහාම ගන්නා ලෙස ඉල්ලා සිටිමි:
1. අතිරේක සොලිසිටර් ජෙනරාල්වරයාගේ හැසිරීම පිළිබඳ විධිමත් පරීක්ෂණයක් පැවැත්වීම මගින් නීති ක්ෂේත්‍රයේ නියෝජිතයින් සදාචාරාත්මක සහ වෘත්තීය ප්‍රමිතීන්ට අනුකූල විය යුතු බව සහතික කිරීම.
2. තරාතිරම නොසලකා සියලුම සැකකරුවන්ට ව්‍යවස්ථාමය ආරක්ෂාවන් සඳහා හිමිකම් ඇති බවත් නීතිමය ක්‍රියාමාර්ගවලදී ඒ අනුව සලකනු ලබන බවත් නීතිපති දෙපාර්තමේන්තුව විසින් ප්‍රසිද්ධියේ නැවත තහවුරු කිරීම.
3. අධිකරණ කටයුතුවලදී නීතිමය වරප්‍රසාද තවදුරටත් අනිසි ලෙස භාවිතා කිරීම වැළැක්වීම සඳහා දැඩි නියෝග පැනවීම සහ ඉදිරිපත් කරන තර්ක නීතිමය රාමු තුළ පවතින බව සහතික කිරීම මගින් පුද්ගලික ප්‍රහාරවලට එළඹීමට වඩා නීතිමය රාමුව තුළ කටයුතු කළ යුතු බව සහතික කිරීම.
නීතිපති දෙපාර්තමේන්තුවේ කාර්යභාරය වන්නේ ආණ්ඩුක්‍රම ව්‍යවස්ථාව උල්ලංඝනය කිරීම නොව එය ආරක්ෂා කිරීමයි. මෙම කාරණය වහාම විසඳා නොගතහොත්, අධිකරණ පද්ධතිය කෙරෙහි මහජන විශ්වාසය තවදුරටත් ඛාදනය වන අතර, මේ රටේ නීතිමය සාධාරණත්වයේ පදනමම අවදානමට ලක් වනු ඇත.
අප විසින් පෙන්වා දෙන මෙම ගැටලුවේ බරපතලකම ඔබ තුමා හඳුනාගෙන කඩිනම්, තීරණාත්මක පියවර ගනු ඇතැයි මම විශ්වාස කරමි.
මෙයට විශ්වාසී,
ජිහාන් හමීඩ්
සම්බන්ධිත පුවත් | Related News
ප්‍රධාන පුවත්
ජවිපෙ අත්හැරපු ඉන්දියන් විරෝධී සටන විජේවීරගේ පුතා අතට ගනී.. (වීඩියෝ)
අනුර - මෝදි ගිවිසුම්වලින් රටේ ආරක්ෂාවට දැඩි තර්ජනයක් එල්ලවිය හැකියි - වෛද්‍ය අනුලා විජේසුන්දර (වීඩියෝ)
අනුර - මෝදි අත්සන් කළ ගිවිසුම් රටේ ව්‍යවස්ථාවට සහ ජාත්‍යන්තර සම්මුතීන්ට පටහැනියි... ජනාධිපති ලේකම් වගකීම් පැහැරහැරියා - වෛද්‍ය වසන්ත බණ්ඩාරගෙන් චෝදනා (වීඩියෝ)
අනුර සමග හොර ගිවිසුම් අත්සන් කිරීමට විරෝධය දක්වා ජාතික සංවිධාන විසින් ඉන්දීය මහාකොමරිස් කාර්යාලයට මහජන පෙත්සම භාර දුන් අවස්ථාව (වීඩියෝ)
ආණ්ඩුව ඉන්දියාව සමග ගිවිසුම් අත්සන් කර ඇත්තේ රටේ ස්වාධීනත්වයට, නීතියට සහ ආණ්ඩුක්‍රම ව්‍යවස්ථාවට පටහැනි ලෙසයි - නීතිඥ මධුමාලි අල්විස් (වීඩියෝ)
ඉන්දියාව සමග ආණ්ඩුව අත්සන් කළ ගිවිසුම් නීති විරෝධීයි.. ඒ ගිවිසුම්වලින් රටේ ස්වෛරීත්වය පාවා දීලා - ආචාර්ය ගුණදාස අමරසේකර (වීඩියෝ)
ඉන්දියාවත් එක්ක ගැසූ හොර ගිවිසුම් ගැන කරුණු කියන්න ජනපති ලේකම් කාර්යාලයට ගිය ජාතික සංවිධාන නියෝජිතයන්ට කුඩම්මාගේ සැලකිලි..
අනුර සමග හොර ගිවිසුම් අත්සන් කිරීමට විරෝධය දක්වා ජාතික සංවිධාන විසින් ඉන්දීය මහාකොමරිස් කාර්යාලයට පෙත්සමක් භාරදෙයි..
ඉන්දියාව අසල්වාසී රාජ්‍යයක් මිස ලොකු අයියා නොවෙයි.. ඉන්දියාවේ උපකාර පිටුපස සැඟවුණු යටි අරමුණු වටහාගත යුතුයි - මහාචාර්ය පූජ්‍ය ඉඳුරාගාරේ ධම්මරතන හිමි (වීඩියෝ)
ගිවිසුම් 7ක් මගින් ලංකාව යටත් කර ඉන්දියානු ව්‍යාප්තවාදයේ ගොදුරක් බවට පත් කිරීමේ ඉන්දියානු මෙහෙයුම මේ මොහොතේ නිවැරදිව හඳුනාගත යුතුයි - මහාචාර්ය පූජ්‍ය මැදගොඩ අභයතිස්ස හිමි (වීඩියෝ)
ඉන්දියාව සමග අත්සන් කළ ගිවිසුම් ක්‍රියාත්මක වීමේදී රටට විශාල වන්දියක් ගෙවීමට සිදුවේවි... අනුර වටේ ඉන්න පාර වරද්දන උපදේශකයන්ගේ කෙරුවාව මෙන්න (වීඩියෝ)
ලෝක කම්කරු දිනය අදයි..
රට අනතුරේ හෙලමින් ඉන්දීය අගමැති මෝදි, ජනපති අනුරගේ අත අඹරා අත්සන් කළ ගිවිසුම්වලට විරෝධය පළ කරමින් ජාත්‍යන්තර පෙත්සමක් අත්සන් තබති.. (ඡායාරූප)
රට අනතුරේ හෙලමින් ඉන්දීය අගමැති මෝදි, ජනපති අනුරගේ අත අඹරා අත්සන් කළ ගිවිසුම් 7ට විරෝධය පළ කරමින් ජාත්‍යන්තර පෙත්සමක් අත්සන් තැබීම අද..
මැතිවරණ කොමසාරිස් ප්‍රජාතන්ත්‍රවාදයේ මූලධර්ම නොදන්නා උද්දච්ච පුද්ගලයෙක්: තනතුරට සුදුසු නැහැ - ජාතික සංවිධාන කියයි
පාකිස්තානයකට එරෙහි ප්‍රහාරයකට මෝදි අවසර දෙයි..