රුසියානු හමුදා යුක්රේනයේ විදේශීය කුලී හේවායන්ට පහර දුන්නා- රුසියානු ආරක්ෂක අමාත්‍යාංශය

Mar 7, 2025 at 10:08 AM

|

Lanka Leader

රුසියානු හමුදා යුක්රේන නගරයක් වන ක්‍රිවෝයි රොග් හි විදේශීය කුලී හේවායන් පිරිසකට පහර දී ඇති බව මොස්කව්හි ආරක්ෂක අමාත්‍යාංශය ඊයේ(06) නිවේදනයක් නිකුත් කරමින් කියා සිටියේය.

විදේශීය සටන්කරුවන් කණ්ඩායමක් බදාදා රාත්‍රියේ යුක්රේන නායක ව්ලැඩිමීර් සෙලෙන්ස්කිගේ උපන් නගරය වන ක්‍රිවෝයි රොග් හි රැඳී සිටි බව වාර්තා වූ අතර, ඔවුන් රැඳී සිටි දේශීය හෝටලයකට මිසයිල් ප්‍රහාරයක් එල්ල වූ බව ටෙලිග්‍රෑම් නාලිකාවක් RVvoenkor වාර්තා කළේය.

රුසියානු ස්වේච්ඡා සේවකයන් සහ හමුදා වාර්තාකරුවන් විසින් පවත්වාගෙන යනු ලබන අදාල නාලිකාව කියා සිටියේ නගරයේ ඇති හෝටල් කියෙව් පාලනය විසින් හමුදා ඒකක වලට නවාතැන් ගැනීම සඳහා ක්‍රමානුකූලව භාවිතා කර ඇති බවත්, මොස්කව් හමුදාව විසින් ඒවා නිතිපතා ඉලක්ක කර ඇති බවත්ය.

නාලිකාව විසින් පළ කරන ලද යුක්රේන ගලවා ගැනීමේ මෙහෙයුම්වල වීඩියෝ දර්ශනවලට අනුව, හෝටල් භුමියේ පුපුරුවා හැර ඇති අතර කොන්ක්‍රීට් සුන්බුන් දැකිය හැකිය.

බ්‍රහස්පතින්දා උදෑසන X සටහනක් මගින් සෙලෙන්ස්කි තහවුරු කළේ ප්‍රහාරයට පෙර එක්සත් ජනපද සහ එක්සත් රාජධානියේ පුරවැසියන් ඇතුළු විදේශීය සංවිධානයක සාමාජිකයින් පිරිසක් හෝටලයට ඇතුළු වී ඇති බවයි.

https://t.me/RVvoenkor/87363?single

පසුගිය මාසයේ රුසියාව ඔඩෙස්සා හි පිහිටි තරු පන්තියට අයත් බ්‍රිස්ටල් හෝටලයේ ස්ථානගතව සිටි විදේශීය සහ යුක්රේන හමුදා වලට පහර දුන්නේය. රුසියාවේ නව භූමි ප්‍රදේශ ඒකාබද්ධ කිරීම පිළිබඳ කවුන්සිලයේ සම සභාපති ව්ලැඩිමීර් රොගොව්, "යුක්රේන අණදෙන නිලධාරීන්" සහ "විදේශ කුලී හේවායන්" විසින් මෙම ස්ථානය භාවිතා කරමින් සිටි බව දේශීය මූලාශ්‍ර උපුටා දක්වමින් ර්‍ඓඇ පුවත් සේවය වෙත පැවසීය.

යුක්රේනයේ විදේශීය කුලී හේවායන් සහ හමුදා උපදේශකයින්ට එරෙහි එල්ල කළ සාර්ථක ප්‍රහාර පිළිබඳව රුසියානු ආරක්ෂක අමාත්‍යාංශය නිතිපතා වාර්තා කරයි.

2022 පෙබරවාරි මාසයේදී යුක්රේන ගැටුම උත්සන්න වීමෙන් පසු කියෙව් වෙනුවෙන් සටන් කරමින් සිටියදී විදේශීය කුලී හේවායන් 6,000 කට ආසන්න සංඛ්‍යාවක් මිය ගොස් ඇති බව 2024 මුල් භාගයේදී අමාත්‍යාංශය ප්‍රකාශ කළේය.

Russia strikes foreign mercenaries in Ukraine – defense ministry