යුක්රේන යුද්ධය සෝවියට් දේශය බිඳවැටීමෙන් පසු අධිරාජ්‍යවාදය තහවුරු කිරීමේ අරගලයේ ප්‍රතිඵලයක්.. - ජ්‍යෙෂ්ඨ මාධ්‍යවේදී මොහාන් සමරනායක
වසර 3ක් තිස්සේ පවතින රුසියාවට එරෙහි යුක්රේන යුද්ධය පිළිබඳව මෙරට ජනයා තුළ පවතින ආකල්පය නිර්මාණය කර ඇත්තේ අමෙරිකා එක්සත් ජනපදයෙන්, යුරෝපා සංගමයෙන් සහ ඔවුන්ට හිතවාදී රටවලින් මෙන්ම එම රටවලට සමීප මෙරට දේශපාලන සහ සමාජ කණ්ඩුයම්වලින් විසින් බව ජ්‍යෙෂ්ඨ මාධ්‍යවේදී මොහාන් සමරනායක මහතා පවසයි.
ඔවුන් මෙරට ජන සමාජයට පවසන ජනප්‍රිය කරුණ වන්නේ ව්ලැඩිමිර් පුටින් රුසියානු ජනාධිපතිවරයා මෙම යුද්ධය ආරම්භ කරන්නේ පැරැණි රුසියානු අධිරාජ්‍ය නැවත ආරම්භ කිරීමට බවත්, 1991 දී බිඳවැටුනු සෝවියට් දේශය නැවත ගොඩනැගීමට රුසියානු ජනාධිපතිවරයාට අවශ්‍යව ඇති බවත් යැයි ඒ මහතා සඳහන් කරයි.
මොහාන් සමරනායක මහතා මේ බව පැවසුවේ අද(26) දිනයේදී මේ සම්බන්ධයෙන් පැවති දේශනයක දී ය.
කෙසේ වෙතත් රුසියානු ජනාධිපතිවරයාට එබඳු අවශ්‍යතාවක් ඇති බවට කිසිඳු සාක්ෂියක් නොමැති බවත් සඳහන් කරන මොහාන් සමරනායක මහතා, බටහිර අධිරාජ්‍යවාදීන් විසින් පතුරවනු ලබන මේ කරුණුවල සත්‍යතාවක් නොමැති බවද පෙන්වා දෙයි.
2011 -2013 කාලයේ දී අමෙරිකානු ජනාධිපති බැරැක් ඔබාමාගේ ආරක්ෂක ඇමැතිව සිටි ලියෝන් පැනේටා, 2022 මාර්තු 18 දින බ්ලූම්බර්ග් රූපවාහිනිය සමග පැවති සාකච්ඡාවදී පවසන්නේ "අපි යුක්රේනය තුළ ගැටුමක් නිරතවී සිටිනවා.. රුසියාව සමග යුද්ධයක් පවතිනවා. හැකිතරම් රුසියානුවන් මරාදැමිය යුතුයි" යනුවෙන් පැවසූ බවත්, මෙම යුද්ධය පිටුපස පවතින කතාව එයින් පැහැදිලි වන බවත් ඔහු පවසයි.
බටහිර ආධිපත්‍ය දරන සියලු නායකයන් මෙම අදහස පළ කර ඇති බවත් සඳහන් කරන මොහාන් සමරනායක මහතා, හිටපු බ්‍රිතාන්‍ය අගමැති බොරිස් ජොන්සන් මේ පිළිබඳව පවසා ඇත්තේ මෙම යුද්ධයේ දී යුක්රේනය පරාජය වුවහොත් එය බටහිර අධිරාජ්‍යවාදයේ බිඳවැටීම බව යැයි ද සඳහන් කරයි.
බටහිර අධිරාජ්‍යවාදීන්ට රුසියාව දුබල කිරීමට අවශ්‍යව ඇත්තේ ඔවුන්ගේ ආධිපත්‍යට අභියෝගයක් වන එකම රාජ්‍ය රුසියාව බව දන්නා නිසා බවද, රුසියාව තම පාලනයට නතුකර ගැනීම සඳහා අතීතයේ සිටම බටහිර අධිරාජ්‍යවාදීන් විසින් නොයෙකුත් සැලසුම් නිර්මාණය කළ බවද ඒ මහතා පවසයි.
1991 දී සෝවියට් දේශය බිඳවැටීමෙන් පසු මෙම මෙහෙයුම් දිගින් දිගටම ක්‍රියාත්මක වූ බවත් පවසන මොහාන් සමරනායක මහතා, එහෙත් රුසියාවට කිසිඳු රටක් සමග යුද්ධ කිරීමට අවශ්‍ය නොවූ බව හා රුසියාව සැමවිටම සාමය සඳහා කැපවූ බවත් පෙන්වා දෙයි.
1989 දී බර්ලින් තාප්පය බිඳවැටී 1990 දී නැගෙනහිර ජර්මනිය සහ බටහිර ජර්මනිය එක්සත් වීමේ දී එවකට රුසියානු ජනාධිපතිවරයාව සිටි මහියෙල් ගර්බචෝව් අමෙරිකාවට පැවසුවේ ජර්මනිය නේටෝවට සම්බන්ධවීමට විරෝධයක් නොමැති බවත්, එහෙත් නේටෝ සංවිධානය තවදුරටත් නැගෙනහිරට ව්‍යාප්ත වීමකට එකඟ නැති බවත් යැයි මොහාන් සමරනායක මහතා මෙහිදී පැවසීය.
එදා එසේ නොකරන බවට පොරොන්දුවක් අමෙරිකාව සහ ජර්මනිය විසින් ලබාදුන් බවද, නමුත් එම පොරොන්දුව ඉටු නොවූ බවත්, සෝවියට් දේශය බිඳවැටීමෙන් පසු 1992 දී අමෙරිකාව විසින් සකස්කළ ආරක්ෂක සැලසුම අනුව නේටෝව නැගෙනහිරට ව්‍යාප්ති කිරීම ආරම්භ කළ බවත් ඒ මහතා සඳහන් කරයි.
අමෙරිකාවට අවශ්‍ය වුයේ යුක්රේනය නේටෝ සංවිධානයට බඳවා ගැනීම හරහා රුසියාව දුබල කිරීමට බව පැහැදිලි බවත් සඳහන් කරන ඒ මහතා, මෙය අමෙරිකාවේ ප්‍රතිපත්ති ලේඛනවලද අඩංගු බවත් පෙන්වා දෙයි.
පෙර අපරදිග තරඟයේ ලොකුම ත්‍යාගය යුක්රේනය බව බටහිර අධිරාජ්‍යවාදීන් විසින් පවසන බවත්, නේටෝව යුක්රේනය තුළ තම මිල්ටරි ආධිපත්‍ය පැතිරවීම රුසියාවට දැඩි තර්ජනයක් බවත්, යුක්රේන යුද්ධය සෝවියට් දේශය බිඳවැටීමෙන් පසු අධිරාජ්‍යවාදය තහවුරු කිරීමේ අරගලයේ ප්‍රතිඵලයක් බවත් ඒ මහතා සඳහන් කරයි.
සම්බන්ධිත පුවත් | Related News
ප්රධාන පුවත්
ජවිපෙ අත්හැරපු ඉන්දියන් විරෝධී සටන විජේවීරගේ පුතා අතට ගනී.. (වීඩියෝ)
අනුර - මෝදි ගිවිසුම්වලින් රටේ ආරක්ෂාවට දැඩි තර්ජනයක් එල්ලවිය හැකියි - වෛද්‍ය අනුලා විජේසුන්දර (වීඩියෝ)
අනුර - මෝදි අත්සන් කළ ගිවිසුම් රටේ ව්‍යවස්ථාවට සහ ජාත්‍යන්තර සම්මුතීන්ට පටහැනියි... ජනාධිපති ලේකම් වගකීම් පැහැරහැරියා - වෛද්‍ය වසන්ත බණ්ඩාරගෙන් චෝදනා (වීඩියෝ)
අනුර සමග හොර ගිවිසුම් අත්සන් කිරීමට විරෝධය දක්වා ජාතික සංවිධාන විසින් ඉන්දීය මහාකොමරිස් කාර්යාලයට මහජන පෙත්සම භාර දුන් අවස්ථාව (වීඩියෝ)
ආණ්ඩුව ඉන්දියාව සමග ගිවිසුම් අත්සන් කර ඇත්තේ රටේ ස්වාධීනත්වයට, නීතියට සහ ආණ්ඩුක්‍රම ව්‍යවස්ථාවට පටහැනි ලෙසයි - නීතිඥ මධුමාලි අල්විස් (වීඩියෝ)
ඉන්දියාව සමග ආණ්ඩුව අත්සන් කළ ගිවිසුම් නීති විරෝධීයි.. ඒ ගිවිසුම්වලින් රටේ ස්වෛරීත්වය පාවා දීලා - ආචාර්ය ගුණදාස අමරසේකර (වීඩියෝ)
ඉන්දියාවත් එක්ක ගැසූ හොර ගිවිසුම් ගැන කරුණු කියන්න ජනපති ලේකම් කාර්යාලයට ගිය ජාතික සංවිධාන නියෝජිතයන්ට කුඩම්මාගේ සැලකිලි..
අනුර සමග හොර ගිවිසුම් අත්සන් කිරීමට විරෝධය දක්වා ජාතික සංවිධාන විසින් ඉන්දීය මහාකොමරිස් කාර්යාලයට පෙත්සමක් භාරදෙයි..
ඉන්දියාව අසල්වාසී රාජ්‍යයක් මිස ලොකු අයියා නොවෙයි.. ඉන්දියාවේ උපකාර පිටුපස සැඟවුණු යටි අරමුණු වටහාගත යුතුයි - මහාචාර්ය පූජ්‍ය ඉඳුරාගාරේ ධම්මරතන හිමි (වීඩියෝ)
ගිවිසුම් 7ක් මගින් ලංකාව යටත් කර ඉන්දියානු ව්‍යාප්තවාදයේ ගොදුරක් බවට පත් කිරීමේ ඉන්දියානු මෙහෙයුම මේ මොහොතේ නිවැරදිව හඳුනාගත යුතුයි - මහාචාර්ය පූජ්‍ය මැදගොඩ අභයතිස්ස හිමි (වීඩියෝ)
ඉන්දියාව සමග අත්සන් කළ ගිවිසුම් ක්‍රියාත්මක වීමේදී රටට විශාල වන්දියක් ගෙවීමට සිදුවේවි... අනුර වටේ ඉන්න පාර වරද්දන උපදේශකයන්ගේ කෙරුවාව මෙන්න (වීඩියෝ)
ලෝක කම්කරු දිනය අදයි..
රට අනතුරේ හෙලමින් ඉන්දීය අගමැති මෝදි, ජනපති අනුරගේ අත අඹරා අත්සන් කළ ගිවිසුම්වලට විරෝධය පළ කරමින් ජාත්‍යන්තර පෙත්සමක් අත්සන් තබති.. (ඡායාරූප)
රට අනතුරේ හෙලමින් ඉන්දීය අගමැති මෝදි, ජනපති අනුරගේ අත අඹරා අත්සන් කළ ගිවිසුම් 7ට විරෝධය පළ කරමින් ජාත්‍යන්තර පෙත්සමක් අත්සන් තැබීම අද..
මැතිවරණ කොමසාරිස් ප්‍රජාතන්ත්‍රවාදයේ මූලධර්ම නොදන්නා උද්දච්ච පුද්ගලයෙක්: තනතුරට සුදුසු නැහැ - ජාතික සංවිධාන කියයි
පාකිස්තානයකට එරෙහි ප්‍රහාරයකට මෝදි අවසර දෙයි..