ආණ්ඩුකාර හනිෆ් යූසුෆ් චෝදනා ප්‍රතික්ෂේප කරයි

Jan 29, 2025 at 08:27 PM

|

Lanka Leader

කොළඹ වරායෙන් රතු සළකුණු සහිත බහාලුම් 323ක් නිෂ්කාශනය කිරීම සම්බන්ධයෙන් තමාට එල්ලවන චෝදනා බස්නාහිර පළාත් ආණ්ඩුකාර හනීෆ් යූසුෆ් ප්‍රතික්ෂේප කරයි.

ජනමාධ්‍ය වෙත අදහස් දක්වමින් යූසුෆ් පැවසුවේ, අදාළ බහාලුම් සමඟ තමාට කිසිදු සම්බන්ධයක් නොමැති බවත්, චෝදනා සම්බන්ධයෙන් කනගාටුව පළ කළ බවත්ය.

තමා කිසි විටෙකත් දේශපාලනයට සම්බන්ධ වී නොමැති බවත්, මහජනතාවට සේවය කිරීම කෙරෙහි තම අවධානය යොමු වී ඇති බවත් ඔහු පැවැසීය.

ශ්‍රී ලංකා රේගුවෙන් පරීක්ෂාවකින් තොරව බහාලුම් 323ක් නිදහස් කිරීම ගැටළු මතුකළ නමුත් වරායේ නිෂ්කාශන ක්‍රියාවලියේ ප්‍රමාදයන් සහ තදබදය හේතුවෙන් එය අවශ්‍ය වූ බව පවසමින් රජය එම පියවර ආරක්ෂා කළේය.

මෙම කාරණය සම්බන්ධයෙන් අදහස් දක්වමින් වරාය නියෝජ්‍ය අමාත්‍යවරයා ප්‍රකාශ කළේ, පරීක්ෂාවකින් තොරව බහාලුම් මුදාහැරීම සාමාන්‍ය දෙයක් නොවන බවයි.

“මෙම බහාලුම් 323 සාමාජිකයන් තිදෙනෙකුගෙන් යුත් කමිටුවක් හරහා මුදාහැර තිබෙනවා. දිනපතා කොළඹ වරායට පැමිණෙන බහාලුම් 2,000ම පරීක්ෂා කර මුදාහැරීම ප්‍රායෝගික නෑ. ඒ නිසා තදබදය අවම කිරීම සඳහා පරීක්ෂාවකින් තොරව කොටසක් නිෂ්කාශනය කර තිබෙනවා. කෙසේවෙතත්, නව අංගන වෙත ව්‍යාප්ත නොකර මෙම ගැටළුව විසඳිය නොහැකියි ” යැයි නියෝජ්‍ය අමාත්‍ය කොඩිතුවක්කු පැවැසීය.

මෙම කාරණය පසුගිය සතියේ පාර්ලිමේන්තුවේදී විපක්ෂයේ මන්ත්‍රී හර්ෂණ රාජකරුණා විසින් හෙළිදරව් කරන ලද අතර, ඔහු මෙම බහාලුම් මුදාහැරීම පිළිබඳව කනස්සල්ල පළකළ අතර, ඒවායින් බහුතරයක් ‘රතු පැහැයෙන්’ සලකුණු කර ඇති බවට වාර්තා වේ.

පරීක්ෂා නොකළ බහාලුම්වල අන්තර්ගතය පිළිබඳ පැහැදිලි තොරතුරු නොමැති බවත්, අධීක්ෂණයේ ඇති විය හැකි අඩුපාඩු පිළිබඳව බරපතල ප්‍රශ්න මතුකරන බවත් ඔහු චෝදනා කළේය.