ශ්‍රී ලංකාවේ ජාතික ආරක්‍ෂාව දුර්වල කිරීමෙන් ඉන්දියාවට තම ජාතික ආරක්‍ෂාව ආරක්‍ෂා කළ හැකිද?

Dec 31, 2024 at 12:28 PM

|

Lanka Leader

(ෂෙනාලි වඩුගේ මහත්මිය විසින් සිය බ්ලොග් අඩවිය වෙත සම්පාදනය කළ an India safeguard its national security by weakening Sri Lanka’s national security? ලිපියේ  සිංහල පරිවර්තනය මෙලෙස පල කරමු.) ශ්‍රී ලංකාවේ විදේශ ප්‍රතිපත්තිය ඉන්දියාවේ ආරක්‍ෂක අවශ්‍යතා සහතික කළ යුතු බවට ඉන්දීය නායකයන් ශ්‍රී ලංකා නායකයන්ට බලපෑම් කිරීම අපට නිතර අසන්නට ලැබේ. කිසිම අවස්ථාවක ශ්‍රී ලංකාව ඉන්දියාවට කුමන හෝ ආකාරයකින් තර්ජනය කිරීමට අදහස් කර හෝ සැලසුම් කර නැත. ඇත්ත වශයෙන්ම, ඉන්දියාවේ ආරක්ෂාව අනතුරට පත් වීමට වගකිව යුත්ට්තේ  වෙන කිසිවෙකු නොව ඉන්දියාවමයි.

ශ්‍රී ලාංකේය දෙමළ තරුණයන්ට අවි පුහුණුව ලබා දීමටත්  ඔවුන්ව ශ්‍රී ලංකා රජයට එරෙහිව සටන් කිරීමට මෙහෙය වීමටත් තීරණය කළේ ඉන්දියාවයි.ඒ සඳහා ඉන්දියාව භාවිත කළේ තමිල්නාඩුව ආශ්‍රිතව ඒ වෙන විටත් ප්‍රභලව නැගී තිබුණු ස්වයං නිරණය අයිතිය නැමති ප්‍රපංචය ශ්‍රී ලංකාවට මාරු කිරීමයි. අවසානයේදී, මෙම පුහුණුව එල්ටීටීඊය ඉන්දීය අගමැතිවරයෙකු මරා දැමීම පමණක් නොව, ඉන්දියානු සාම සාධක හමුදාවට අපකීර්තිමත් ලෙස ශ්‍රී ලංකාවෙන් පිටව යන ලෙස ඉල්ලා සිටින තෙක් ඉන්දියානු හමුදාව පවා ඔවුන්ව භාර ගැනීමට අදි මදි කර්නු ලැබිය. අවසානයේදී, ඉන්දියාව තමන්ට පාලනය කළ හැකි යැයි සිතූ එල්ටීටීඊය බටහිර අවශ්‍යතාවලින් පෝෂණය වූ අතර බටහිර භූ දේශපාලන න්‍යාය පත්‍රවලට අනුව ක්‍රියාත්මක විය. “ප්‍රදායක ජනපදකරණය” යටතේ ශ්‍රී ලංකාව ඇතුළු ලෝකයේ සෑම අස්සක් මුල්ලක් නෑරම ප්‍රධාන වශයෙන් දෙමළ ජනතාව ප්‍රවාහනය කළේ යටත් විජිතවාදීන් වන අතර බටහිර පාලනය යටතේ පවතින එක්සත් ජාතීන්ගේ සංවිධානයේ ප්‍රඥ්ඥප්ති වල ඇති වගන්ති උදුරා ගනිමින් අද තමිල්නාඩුවේ සහ ශ්‍රී ලංකාව යන දෙඅංශයේම ස්වයං නිර්ණය ඉල්ලා සිටින්නේද එම ආයතනමය.

ඉන්දු ලංකා ගිවිසුම අත්සන් කිරීමට, උතුරු නැඟෙනහිර එක් පරිපාලන ඒකකයක් ලෙස ඒකාබද්ධ කිරීමට, ව්‍යවස්ථා සංශෝධනයක් (13 වැනිදා) ගෙනැවිත් ශ්‍රී ලංකාව අර්ධ ෆෙඩරල් රාජ්‍යයක් බවට පත් කිරීමට මෙන්ම රජීව් ගාන්ධිගේ ලිපි හරහා ශ්‍රී ලංකාවට නියම බලහත්කාරය පෙන්වා අණ කරමින් ශ්‍රී ලංකාව තුළ එක්සත් ජනපද නැව් හෝ එක්සත් ජනපද හමුදාවට හෝ "ඇමරිකන් හඬට" ඉඩ නොදෙන ලෙස එවකට සිටි ශ්‍රී ලංකා ජනාධිපතිවරයාගේ අත කැරකවූ නමුත්, 1987 සිට එම තත්ත්වය වෙනස් වී ඇත. 2015 න් පසු එක්සත් ජනපදය ඉන්දියාවෙ සමඟ හොඳම මිතුරන් බවට පත් වීම සහ QUAD උපායමාර්ගික හවුල්කරුවෙකු බවට පත්වීම නිරීක්ෂනය කළ හැක. තත්වය එසේ වුවද, මෙම හවුල්කාරිත්වය බංග්ලාදේශයේ අනපේක්ෂිත පාලන තන්ත්‍රය වෙනස් වීමත් සමඟ ඉන්දියාව තුළ පවා සියලු වර්ගවල ඉස්ලාමීය සටන්කාමීන්ට එක්සත් ජනපදය අරමුදල් සැපයීමත් සමඟ දුර්වල වෙමින් පවතී. දැන් එක්සත් ජනපදය අස්ථාවර කිරීමට යෝජනා කරන රටවල විපත් ඇති කිරීමට නිදහස ලබා ගෙන ඇත. ඒ අනුව ඉන්දියාව අමෙරිකාවේ ප්‍රධාන ඉලක්කයක් බව පෙනේ.

මේ කරදරකාරයාට ආසියාවට ආරාධනා කළේ කවුද? වෙන කවුරුත් නොව ඉන්දියාවයි. එබැවින් දකුණු ආසියාවේ දැනට දක්නට ලැබෙන සියලු ගැටලුවලට පිළිතුරු දීමට ඉන්දියාවට වගක්කීම පැටවීමට බොහෝ දේ ඇත.

ඉන්දියාව ශ්‍රී ලංකාවේ එක්සත් ජනපද රාජ්‍යතාන්ත්‍රිකයා සමීපව අනුගමනය කරන්නේ නම්, ඇය විශේෂයෙන් ඉලක්ක කර ඇති දෙමළ ප්‍රජාව එක්සත් ජනපදයට බලපෑම් කළ හැකි ලෙස අනු කොටස් වලට කඩා ඇත. ඇත්ත වශයෙන්ම ඇගේ මෙම ක්‍රියාව ශ්‍රී ලංකාවට අභියෝගයක් වනු ඇත, නමුත් අවසාන නැටුමට මුහුණ දීමට සිදු වන්නේ ඉන්දියාවට ය.

ඉන්දියාව තම අසල්වැසියන් අස්ථාවර කිරීමේ කලාව හොඳින් ප්‍රගුණ කර තිබිය හැකි නමුත් අස්ථාවර වූ අසල්වැසියන් ඉන්දියාවට බලපාන්නේ කෙසේද යන්න ගැන ඉන්දියාව සිතා තිබේද? එවැනි තත්වයක් තුළ ඉන්දියාවේ හදිසි සැලැස්ම කුමක්ද?

දෙමළ, මුස්ලිම් සහ සිංහල කොටස් මත එක්සත් ජනපදය කරනු ලබන බලපෑම සමඟ, ඔවුන්ගේ පක්ෂපාතිත්වය ඉන්දියාවට පක්ෂව කොතරම් දුරට නැඹුරු වනු ඇත්ද? දැනටමත් උතුරේ දෙමළ ජනයා ඉන්දියානුවන් තමන්ට හිරිහැර කිරීම සම්බන්ධයෙන් වැඩෙන විසම්මුතිය පෙන්නුම් කරමින් සිටින අතර, දැන් ශ්‍රී ලංකාවේ වෙසෙන බොහෝ ඉන්දියානුවන් විවෘත අහංකාරකම ප්‍රදර්ශනය කර ඇති අතර, ශ්‍රී ලාංකිකයන්ට ETCA හෝ වෙනත් ඕනෑම සම්බන්ධතාවයකට පහසුවෙන් විරුද්ධ වීමට ප්‍රමාණවත් උත්තේජනයක් ඇත්තේය. එක්සත් ජනපදය සහ ඉන්දියාව අතර සබඳතා දැන් පිරිහෙමින් තිබේ නම්, ඉන්දියාවට එරෙහිව ඇති වන ඕනෑම සතුරුකමක් එක්සත් ජනපදයේ සහාය ඇතිව ඉහළ යන බව ඉන්දියාව වටහා ගනු ඇත. උපායමාර්ගික හවුල්කාරිත්වයන් සඳහා බොහෝ දේ නිර්මාණය වනු ඇත!

එය එසේ වුවත්, උත්තරීතර "අඛන්ඩ් භාරත්" ශ්‍රේෂ්ඨ ඉන්දීය න්‍යාය පත්‍රය තිබියදීත්, මෙය ඉන්දියාව "බෝල්කනයිස්" කිරීමේ බටහිර සැලැස්ම සමඟ කොතෙක් දුරට අභිසාරී වනු ඇත්ද?. බටහිර ගැති ස්වාරක්ෂක ක්ෂුද්‍ර රාජ්‍යයන් ඇති කිරීමට අමෙරිකාව දැඩි උත්සාහයක සිටී. මේ වන විටත ශ්‍රී ලංකාවේ උතුරු සහ නැඟෙනහිර පලාත් දෙස එක්සත් ජනපදයේ උකුසු  ඇස් දැල්වී තිබේ. එලෙසම භාරතීය ජනතා පක්ෂයේ දේශපාලන පැවැත්ම වේගයෙන් පිරිහෙමින් පවතින තමිල්නාඩුවේ නැගී එන ක්‍රිස්තියානි දේශපාලන ආධිපත්‍යය ඉන්දියාවට නොසලකා හැරිය නොහැකිය.

ශ්‍රී ලංකාවේ පාස්කු ඉරිදා ප්‍රහාරය යොදාගෙන කුමන සංඥාවක් හෝ පණිවිඩයක් ලබා දුන්නේද එලෙසම එය කවුරුන් විසින් කාට දුන් පණිවිඩ්යක්ද?

බටහිරට තම පාබල සෙබළුන් කිහිප දෙනෙකු භාවිතා කරමින් දකුණු ආසියාවේ සමාජය වෙත විනිවිද යාමට හැකි වී තිබී. පල්ලිය, ක්‍රිස්තියානි-රාජ්‍ය නොවන සංවිධාන, USAID-NRI-IRI-NED ප්‍රමුඛ මහජන වැඩසටහන් ද සමාජයේ ප්‍රධාන තීරක කොටස්වන  විනිසුරුවන්, නීතීඥයින්, ප්‍රධාන රාජ්‍ය නිලධාරින් මේ සංවිධාන තම ඉලක්කය ලෙස සලකයි. මාධ්‍ය, සිවිල් සමාජ නායකයන්, වෘත්තිකයන් අතරට මෙන්ම දැන් දැන් ඔවුන් ජාතිකවාදී සංවිධානවලට ද රිංගා ගැනීමට සමත් වී ඇත. ග්‍රීන් කාඩ්, ශිෂ්‍යත්ව, බටහිර පුහුණුව, රැකියා සහ උසස්වීම් මගින් ගොදුර පහසුවෙන් ගිල දැමිය හැකි අතර අවංකභාවය සහ දේශප්‍රේමය සුනු විසුනු කරගත් පුද්ගලයින්ව ඔවුන්ට පහසුවෙන් ගිල දැමිය හැකිය. ඉහත කී අංශ ඉන්දියාව පුරා සහ විශේෂයෙන්ම තමිල්නාඩුව පුරා ද ක්‍රියාත්මක වේ.

මේ අනුව, පළාත් සභා මැතිවරණ පැවැත්වීමට ශ්‍රී ලංකාවට බල කිරීම මේ මොහොතේ ඉන්දියාවට කොතරම් දුරට වාසියක් වේද? පළාත් සභා මැතිවරණය පැවැත්වීමත් සමඟ තම දිවයිනෙන් කොටසක් බටහිරට හෝ ඉන්දියාවට අහිමි වීමේ අවදානමක් මතුවන බව විශාල චිත්‍රය වටහා ගත හැකි ශ්‍රී ලාංකිකයන්ට පෙනෙන නමුත්, ශ්‍රී ලංකාවේ උතුරු පළාත හෝ නැඟෙනහිර පළාත හෝ ඒ පළාත් දෙකෙහිම සුරක්ෂිත බව තහවුරු කළ හැකි යැයි ඉන්දියාව සිතන්නේද? ඉන්දියාවේ මධ්‍යම රජයෙන් තමිල්නාඩුවට පවා පහසුවෙන් බලපෑම් කළ හැක්කේ කවදාද? ඉන්දියාවේ මධ්‍යම රජය ශ්‍රී ලංකාවට එරෙහිව තමිල්නාඩු කාඩ්පතක ක්‍රීඩා කළා සේම, බටහිරට එම ආකෘතිය විනිවිද ගොස් ඉන්දියාවට එරෙහිවද එම කාඩ්පතම ඇදිය හැකිය.  උතුරු ඉන්දියානුවන් දකුණු ඉන්දියානුවන්ටත් අනෙක් අතට දකුණු ඉන්දියානුවන් උතුරු ඉන්දියානුවන්ටත් වෛර කරන බව අපි අමතක නොකරමු. මෝදිගේ හොඳම මිතුරා වූ අදානිට ඇමරිකාව නීත්‍යානුකූලව මඩ ගැසූ ආකාරය ඊට නිදසුනකි!

නිදහසට පෙර සිටම ශ්‍රී ලංකාව දෙකඩ කිරීම සඳහා තම දේශපාලන ගමන් මග සකස් කරගත් දෙමළ දේශපාලකයන්ගෙන් එහි තේමාව පමණක් කොටි පැහැරගත් අතර, මෙම දෙමළ දේශපාලනඥයන් දැන් කොටි ඩයස්පෝරාවේ සිට ක්‍රියාත්මක වන  පැහැදිලිවම බටහිර භූ දේශපාලනික අරමුණු සඳහා ක්‍රියා කරන කොටි ඩයස්පෝරාව සමඟ අත්වැල් බැඳගෙන කටයුතු කරන බව ද සඳහන් කළ යුතුය. . හිමාලයා ප්‍රකාශනය පැහැදිලිවම එවැනි එක් මුලපිරීමක් වන අතර එය ශ්‍රී ලංකාව වෙන් කිරීමට බෞද්ධයන් එකඟ වන ජවය ලබා දීම සඳහා බෞද්ධ සිවුරු පොරවා ගත් මිනිසුන් කිහිප දෙනෙකු බඳවා ගැනීමට සමත් වී ඇත. එහෙත් ඔවුන්ගේ අරමුණ කිසිසේත්ම සාක්ෂාත් නොවේ. එබැවින් ශ්‍රී ලංකාවේ දෙමළ දේශපාලනඥයන්ට අණ කිරීමට ඉන්දියාවට හැකි විය හැකි නමුත් ඔවුන්ගේ සමස්ත මනාපය සැමවිටම බටහිර නැඹුරු වී තිබෙනේ ඔවුන්ට බටහිර රටවල ජීවත් වන තම පවුලේ සාමාජිකයන් සිටින නිසා මෙන්ම ඔවුන්ට බටහිරින් හොඳින් සලකන බැවින් ඉන්දියාව රැවටීමට පමණක් ඔවුන්ගෙන් සිදුවනු ඇත. මේ දෙමළ දේශපාලකයෝ ඉන්දියාවේ උවමනාවට කටයුතු කිරීම ඔවුන් පෞද්ගලිකව ප්‍රතිලාභ ලබන තාක් කල් සිදු කරනු ඇත. ඇත්ත වශයෙන්ම, මෙම වටපිටාව භාවිතා කරමින් චීන ජාතිකයන් විසින් ඔවුන්ව ආකර්ෂණය කර ගැනිමට ඉඩ ඇත.

එහෙයින්, ශ්‍රී ලංකාවට පළාත් සභා මැතිවරණයක් පැවැත්වීමට බලකිරීමෙන්, බෙදුම්වාදයට දොරටු විවර කිරීමෙන්, ඉන්දියාවේ ආරක්ෂාව සුරැකෙන්නේ නැත. එය ඇත්ත වශයෙන්ම ඉන්දියාවේ භූමිය බිඳ වැටීම වේගවත් කරනු ඇත. මෙය ඉන්දියාව භාර ගැනීමට කැමති අවදානමක්ද? ඇත්ත වශයෙන්ම, ශ්‍රී ලංකාවේ විදේශ අමාත්‍යාංශ ධුරාවලියෙන් කීපදෙනෙක් හෝ වත්මන් දේශපාලන බලධාරින් පවා අඩුම තරමින් ඉන්දියාවට සිදුවිය හැකි අවස්ථා පිළිබඳව උපදෙස් දීමට හෝ  පෙළඹෙන වන ගතිකත්වය තේරුම් ගන්නේ කොපමණ දැයි බැලීම අප හමුවේ ඉතිරිව ඇත. කෙසේ වෙතත්, මේ මොහොතේ ශ්‍රී ලංකාවට පලාත් සභා පැවැත්වීමට අවශ්‍ය නැත. ප්‍රධාන වශයෙන්ම පළාත් සභා මැතිවරණය මහජන මුදල් නාස්තියක් වන නිසාත් පසුගිය වසර කිහිපය මුළුල්ලේම රට ක්‍රියාත්මක වූයේ පළාත් සභාව ක්‍රියාත්මක නොවීම නිසා පළාත් සභා පද්ධතිය සම්පූර්ණයෙන්ම අත හැරීමෙන් ජාතියට විශාල මුදලක් ඉතිරි කර ගත හැක .

ඉන්දියාවේ විදේශ ප්‍රතිපත්ත්ටිය අසල්වාසීන් අස්ථාවර කිරීමට සහ ඔවුන්ට හිරිහැර කිරීමේ චේතනාවෙන් සකස් කරන ලද නමුත් අවසානයේ සමස්ත ඉන්දියාවම දුර්වල කිරීමට සහ සමස්ත ඉන්දියාවම අවදානමට ලක් කිරීමට ඉන්දියාවට පිටුපාමින් සාදන ලද ඔවුන්ගේම අදූරදර්ශී විදේශ ප්‍රතිපත්තිය මගින් ඉන්දියාවේ ජාතික ආරක්ෂාව අනතුරට ලක් කරන කටයුතු යෙදී ඇත.

තම අසල්වැසියන්(ශ්‍රී ලංකාව) තවදුරටත් දුර්වල කිරීමට සහ තමන්ගේම තණතිල්ල අස්ථාවර කිරීමට කැමතිද නැතහොත් ශ්‍රී ලංකාව සන්දීය රාජ්‍යක් කිරීමට උත්සාහ නොකර අසල්වැසියන්ට(ශ්‍රී ලංකාවේ) ජාතික ආරක්ෂාව ශක්තිමත් කිරීමට උදව් කිරීමට කැමතිද යන්න තීරණය කිරීම ඉන්දියාව සතුය. .

පළාත් සභා මැතිවරණය පැවැත්වීම හරහා ශ්‍රී ලංකාව දුර්වල කිරීම සහ දෙමළ දේශපාලනඥයන් සහ කොටි ඩයස්පෝරාව විසින් ඊළාම් ව්‍යාපෘතිය දිරිමත් කිරීම මගින් ප්‍රශ්නයකට මුහුණ දීමට අවශ්‍ය දැයි තීරණය කිරීම ඉන්දියාව සතුය.

ෂෙනාලි වඩුගේ 

Can India safeguard its national security by weakening Sri Lanka’s national security?