එක්සත් ජනපදය වෙළඳාම ‘ආයුධකරණය’ කිරිමට එරෙහිව චීනයෙන් ප්‍රතිප්‍රහාර

Dec 4, 2024 at 01:55 PM

|

Lanka Leader

අර්ධ සන්නායක නිෂ්පාදනය සහ මිලිටරි යෙදුම් සඳහා භාවිතා කරන ද්විත්ව භාවිත අයිතම සහ ප්‍රධාන අමුද්‍රව්‍ය කිහිපයක් එක්සත් ජනපදයට නැව්ගත කිරීම තහනම් කරන බව චීනය නිවේදනය කර තිබේ. එක්සත් ජනපදයේ නවතම සම්බාධකවලට ප්‍රතිචාර වශයෙන් මෙම පියවර ගෙන ඇති බවද පැවසේ.

පසුගිය 02 වනදා වොෂින්ටන් පරිපාලනය ආසියානු ජාතියට චිප් සෑදීමේ මෙවලම් සහ මෘදුකාංග අපනයනය කිරීමේදී  පුළුල් පරාසයක සීමාවන් හඳුන්වා දෙන ලද්දේය.

චීන වාණිජ කටයුතු අමාත්‍යාංශය (MOFCOM) ඊයේ(03) නිකුත් කළ නිවේදනයට අනුව, ජාතික ආරක්ෂක අවශ්‍යතා ආරක්ෂා කිරීම සහ ජාත්‍යන්තර බැඳීම් ඉටු කිරීම සඳහා එකට එක කිරීමේ පියවර හඳුන්වා දී ඇති බව තහවුරු වන බව විශේෂඥයෝ පවසති.

චීන රජය හඳුන්වා දෙන නව රෙගුලාසිය යටතේ, එක්සත් ජනපද හමුදා භාවිතා කරන හෝ මිලිටරි අරමුණු සහ සිවිල් අරමුණු සඳහා ද්විත්ව භාවිත භාණ්ඩ අපනයනය කිරීම චීනය විසින් තහනම් කරනු ඇත. ඒ අනුව ගැලියම්, ජර්මේනියම්, ඇන්ටිමනි සහ සුපිරි දෘඩ ද්‍රව්‍ය මෙන්ම මිනිරන් ආශ්‍රිත ද්විත්ව භාවිත අයිතම එක්සත් ජනපදයට අපනයනය කිරීම ද දැඩි ලෙස පාලනය කරනු ඇත.

ලැයිස්තුගත කර ඇති දුර්ලභ ලෝහ පරිගණක චිප් සහ සූර්ය පැනල සහ උසස් රේඩාර් උපකරණ වැනි විවිධ නිෂ්පාදන සෑදීමේදී භාවිතා වේ. චීනය ලොව ප්‍රමුඛතම ගැලියම් නිෂ්පාදකයා වන අතර ජර්මනියේ ප්‍රමුඛ අපනයනකරුවෙකුද වන්නේය.

එක්සත් ජනපදය 1987 සිට කිසිදු ගැලියම් ආශ්‍රිත නිෂ්පාදනයක් කර නොමැත. එක්සත් ජනපද භූ විද්‍යා සමීක්ෂණ දෙපාර්තමේන්තුවේ වාර්තා වලට අනුව 2019-2022 කාලය තුළ ගැලියම් ආනයනයෙන් 21% ක් චීනයෙන් සිදුකර ඇත. බීජිං විසින් එක්සත් ජනපදයට නැව්ගත කිරීම සඳහා වැඩි තීරු බදු පැනවීම හේතුවෙන් පෙර වසර හා සසඳන විට ආනයනයන් අඩකට වඩා අඩු විය.

නව රෙගුලාසි උල්ලංඝනය කරන ඕනෑම රටක හෝ කලාපයක ඕනෑම සංවිධානයක් හෝ පුද්ගලයෙක් නීතියට අනුකූලව වගකිව යුතු බවට චීන වාණිජ කටයුතු අමාත්‍යාංශය (MOFCOM) අනතුරු ඇඟවීය. නව රෙගුලාසි වලට අනුව කරනු ලබන නියාමන කටයුතු වහාම ක්‍රියාත්මක වන බවද චීන වානිජ කටයුතු අමාත්‍යාංශය පවසයි.

එක්සත් ජනපද වාණිජ දෙපාර්තමේන්තුව පසුගිය 02 වනදා නිවේදනය කළේ චිප් නිෂ්පාදන උපකරණ වර්ග 24 ක්, මෘදුකාංග වැඩසටහන් තුනක් සහ ඉහළ කලාප පළල මතකයන් (හිඝ් බන්ඩ් විඩ්ත් මෙමොර්ය් ) චීනයට අපනයනය කිරීම තහනම් කරන බවයි. මීට අමතරව, චීනයේ දේශීය අර්ධ සන්නායක කර්මාන්තය දියුණු කිරීමේ දී දායකත්වය දක්වීම හේතුවෙන් මෙවලම් සාදන්නන්, චිප් නිෂ්පාදකයින් සහ ආයෝජන සමාගම් ඇතුළුව තවත් චීන ආයතන 140 ක් එක්සත් ජනපද වාණිජ දෙපාර්තමේන්තුව සිය අසාදු ලේඛනයට එකතු කරන ලදී.

ප්‍රශ්නය පිළිබඳව අදහස් දක්වමින් චීන වාණිජ කටයුතු අමාත්‍යාංශ (MOFCOM) ප්‍රකාශකයෙක් ඊයේ(03) වාර්තාකරුවන්ට පැවසුවේ මෑත වසරවලදී එක්සත් ජනපදය “ජාතික ආරක්ෂාව පිළිබඳ සංකල්පය ඕනෑවට වඩා දිගු කර ඇති බවත්, දේශපාලනීකරණය වූ සහ ආයුධ සන්නද්ධ කළ ආර්ථික හා තාක්‍ෂණික ගැටළු,අනිසි අපනයන පාලන පියවර ගැනීමට භාවිතා කර ඇති බවත්ය...”

එවැනි භාවිතයන් ජාත්‍යන්තර වෙළඳ නීති, ව්‍යවසායයන්ගේ නීත්‍යානුකූල අයිතිවාසිකම් සහ අවශ්‍යතා මෙන්ම ගෝලීය කාර්මික සහ සැපයුම් දාමවල ස්ථාවරත්වය බරපතල ලෙස අඩපණ කරන බවද ප්‍රකාශකයා වැඩිදුරටත් පැවසීය.

ලෝකයේ විශාලතම ආර්ථිකයන් දෙක වන එක්සත් ජනපදය සහ චීනය මෑත වසරවලදී අර්ධ සන්නායක ඇතුළු ප්‍රධාන තාක්ෂණික ක්ෂේත්‍රවල ආධිපත්‍යය ලබා ගැනීම සඳහා වෙහෙසෙමින් සිටිති. වොෂින්ටනය ජාතික ආරක්ෂාවට ඇති අවදානම් සඳහන් කරමින් චීන සමාගම් ඇතැම් ඇමරිකානු සංරචක මිලදී ගැනීම වැළැක්වීම සඳහා අපනයන පාලනයන් නැවත නැවතත් දැඩි කර ඇත.

මේ අතර බීජිනය, අමෙරිකානු අපනයන සීමා කිරීම් ගෝලීය වශයෙන් පිළිගත් වෙළඳපල නීතිවලට පටහැනි බව පවසමින් දැඩි ලෙස විවේචනය කිරීමට පෙළඹී ඇත.

China strikes back against US ‘weaponization’ of trade