රටේ ජාතික ආරක්ෂාව තඹ සතේකට මායිම් නොකර පළාලි-අච්චුවේලි ප්‍රධාන මාර්ගය විවෘත කිරීම වීරකමක් ද?

Nov 2, 2024 at 10:41 PM

|

Lanka Leader

පළාලි හමුදා කදවුර සහ යාපනය ආරක්ෂක සේනා මූලස්ථානය මැදින් වැටී ඇති පළාලි-අච්චුවේලි ප්‍රධාන මාර්ගය අද දින විවෘත කර තිබේ. 

ත්‍රස්තවාදි ගරිල්ලා ක්‍රම ගැන මිස යුද්ධයක් ගැන හෝ රටක ජාතික හමුදාවක් ගැන  කිසිදු අවබෝධයක් නැති එක් කලෙක රටේ ජාතික ආරක්ෂාවට තර්ජනයක් වූ පිරිසක් බලයට පත් වී අද ගන්නා මෙබදු තීරණ  ගැන පුදුමයට පත් විය යුතු නොවේ. 

 අද අනුරලා හෝ ගා පාරවල් ඇර දමන්නේ  කිසිදු ගානක් නැතිව තාප්ප කඩා බිද දමන්නේ  යුද්ධය අවසන් කර ඇති බැවිනි. ඒ ගැන ඔවුන්ට හැගීමක් හෝ නැත. ඒ ගැන ඔවුන්ට කිසිදු ඇගේ අමාරුවක් හෝ නැත. යුද්ධය අවසන් කරමින් තිබූ මොහොතේදී  අයවැය පරදවා එවකට රජයට එරෙහිව දෝශාභියෝගයක් ගෙනෙන්නට උත්සහ දැරුවේ අනුර ප්‍රමුඛ කණ්ඩායමයි. විමල් වීරවංශලා ජවිපෙන් එළියට ආවේද රට පාවා දී කෙසේ හෝ බලය අල්ලා ගැනීමට ඒ  මොහොතේදිත් අවස්ථාවාදීව ක්‍රියා කල හෙයිනි. ඉතිං ඔවුන් අද රටේ ජාතික ආරක්ෂාව හෝ රට රැකුමට ජාතික හමුදාව ගත් ප්‍රයත්නය තඹ සතේකට මායිම් නොකිරීම පුදුමයක් නොවේ. 

එහෙත් අපිට හිතේ අමාරුවක් ඇත. එසේම පුදුමයක් ඇත. මන්දයත් මොවුන්ට අද මේ රට බාර දුන්නේද එදා යුද්ධයේදි දිවිපිදු පුතුන් වැදු සිංහල බෞද්ධ  අම්මලාගේ බාල පුතාලා වීමයි. 

ඔවුන් යුද්ධයක් දැක හෝ නැත. උන් සාමයේ ගීතිකා ගයමින් කීයක් හෝ සොයා ගන්නේ පුස් වීරකම් පාමීන්  අද චන්ඩින් සේ පෙනී සිටින්නේ මේ මහ පොලොව තුල වැළලී ගිය ඒ විරුවන්ගේ මරණය මතිනි. 

අපට තවත් පුදුමයක් ඇත. ඒ ඊයේ පෙරේදා ජවිපෙට  එකතු වූ  එහෙත් මේ දේවල් සහසුද්දෙන්ම දන්නා  ජෙබයියන් මේවැනි බාල ක්‍රියා මහා විරකම් සේ තමන්ගේ මුහුණු පොතේ සටහන් තබා ඇති කැත ස්වරූපය දැකීමෙනි. 

- චම්පා වෛද්‍යතිලක -

(මුහුණු පොතෙන් උපුටා ගන්නා ලදී)