ලංකාවේ විදේශ විනිමය වෙළෙඳපොළ විෂම චක්‍රයකට හසු වී ඇතැයි පාර්ලිමේන්තු මන්ත්‍රී හර්ෂ ද සිල්වා මහතා පාර්ලිමේන්තුවේදී පැවසීය.

බාල ගල් අඟුරු ගෙන ඒමෙන් රජයට සිදුවූ පාඩුව ජනතාවගෙන් අයකර ගැනීම සඳහා ආණ්ඩුව උත්සාහයක නිරතවී සිටින බවත්, විදුලි බිල මත පටවා එක් පැත්තකින් ජනතාවට මෙය ගෙවීමට සිදුවන ආකාරයෙන් ආණ්ඩුව කටයුතු කරන බවත් අනෙක් පැත්තෙන් පාරිභෝගික භාණ්ඩවල බදු මගින් ජනතාවය මෙය ගෙවන ආකාරයෙන් ආණ්ඩුව කටයුතු කරන බවත් පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ මහතා පවසයි.

යුද්ධයේ අවසන් අදියරේදී චීනය විසින් ලංකාවේ වරායන් තුළ බදු රහිත මිලිටරි ගබඩා (Bonded Warehouses) පවත්වාගෙන යාම, යුද ජයග්‍රහණයට විශාල පිටුවහලක් වූ බව හිටපු නාවික හමුදාපති අද්මිරාල් ජයනාත් කොළඹගේ මහතා පවසයි.

කැලණි ගඟ ද්‍රෝණිය ආශ්‍රිතව මේ වනවිට ලැබෙමින් පවතින අධික වර්ෂාපතනය හමුවේ ඉදිරි පැය 24 තුළ සුළු ගංවතුර තත්ත්වයක් ඇතිවිය හැකි බව වාරිමාර්ග දෙපාර්තමේන්තුව පවසයි.

රටේ ආර්ථික තත්ත්වය තවදුරටත් උග්‍ර වීමට පෙර කඩිනම් ජාතික විසඳුම් සකස් කිරීම සඳහා වහාම සර්ව පාක්ෂික සමුළුවක් කැඳවන ලෙස විපක්ෂය විසින් ජනාධිපති අනුර කුමාර දිසානායක මහතාගෙන් ඉල්ලීමක් කිරීමට තීරණය කර තිබේ.

ශ්‍රී ලංකාවේ වගාවන් විනාශ කළ හැකි අතිශය භයානක කෘමීන් සහ පුස් වර්ගයක් අඩංගු බවට තහවුරු වූ ආනයනික මල් රැගත් කන්ටේනර් 12ක්, අදාළ පර්යේෂණ වාර්තා නිකුත් වීමටත් පෙර බලධාරීන්ගේ වාචික නියෝග මත නිදහස් කර ඇති බවට පාර්ලිමේන්තු මන්ත්‍රී ඩී.වී. චානක මහතා පාර්ලිමේන්තුවේදී (21) බරපතළ හෙළිදරව්වක් කළේය.

ලෝකයේ පිරිහෙන මුදල් ඒකක අතර ශ්‍රී ලංකා රුපියල ඉතා ඉහළ මට්ටමක පවතින බවත්, රුපියල මෙලෙස අඛණ්ඩව කඩාවැටුණහොත් 2022 වසරේදී ජනතාව මුහුණ දුන් පීඩනයට වඩා වැඩි ආර්ථික පීඩනයකට ඉදිරියේදී මුහුණ දීමට සිදුවනු ඇති බවත් මහාචාර්ය අමින්ද මෙත්සිල පෙරේරා මහතා අනතුරු අඟවයි.

වාහන ආනයනයේ දී රේගු ආනයන බද්දට සියයට 50ක අධිභාරයක් පැනවීමට පෙර වාහන ආනයනය සඳහා ණයවර ලිපි විවෘත කිරීමේදී අක්‍රමිකතාවක් සිදුව ඇත්දැයි රජය සොයා බැලිය යුතු බව ශ්‍රී ලංකා වාහන ආනයනකරුවන්ගේ සංගමයේ උප සභාපති අරෝෂ රුද්‍රිගෝ පවසයි.

වර්තමාන දේශපාලන ලෝකය පිළිබඳව තමන් වහන්සේ තුළ පවතින්නේ දැඩි කලකිරීමක් බවත්, ශ්‍රී ලංකාව තුළ ප්‍රතිපත්තිගරුක නායකත්වයක් නිර්මාණය කිරීමේ අවශ්‍යතාව දැඩිව මතුව ඇති බවත් කොළඹ අගරදගුරු අතිඋතුම් මැල්කම් කාදිනල් රංජිත් හිමිපාණෝ පවසති.