අද (19) පෙරවරුවේ මාතර මහෙස්ත්‍රාත් අධිකරණයට ඉදිරිපත් වූ පොලිස්පති දේශබන්දු තෙන්නකෝන් මහතා හෙට (20) දිනය දක්වා රක්ෂිත බන්ධනාගාරගත කර තිබේ. 2023 වසරේ මාතර, වැලිගම ප්‍රදේශයේ සිදුවු වෙඩිතැබීමට අදාළව වරෙන්තු ලබා සිටි පොලිස්පති දේශබන්දු තෙන්නකෝන් මහතා අද පෙරවරුවේ සිය නීතීඥවරුන් සමග පැමිණ මාතර මහෙස්ත්‍රාත් අධිකරණයට භාරවුණි.

නිසි ඇගයීමකින් තොරව තමන්ට ලබාදී තිබූ ආරක්ෂිත සංචිතය නිලධාරීන් 60 දෙනෙකු දක්වා අඩු කිරීමට රජය ගෙන තිබූ තීරණයේ අභියෝගයට ලක්කරමින් හිටපු ජනාධිපති මහින්ද රාජපක්ෂ මහතා ඉදිරිපත් කළ මූලික අයිතිවාසිකම් පෙත්සමක් ශ්‍රේෂ්ඨාධිකරණය විසින් අද (19) විභාගයට නොගෙනම නිෂ්ප්‍රභ කළේය.

පළාත් පාලන ඡන්ද විමසීම සදහා ඇප තැන්පත් කිරීමේ කාලය අද මධ්‍යහ්න 12 න් අවසන් වීමට නියමිතයි.

හිටපු පොලිස්පති දේශබන්දු තෙන්නකෝන්ට එරෙහිව ගොනු කර තිබෙන 2023 වසරේ වැලිගම ඩබ්ලිව් 15 හෝටලය අසල වෙඩි තැබීමේ සිද්ධියට අදාළ නඩුව මාතර මහේස්ත්‍රාත් අධිකරණය හමුවේ අද පස්වරුවේ කැඳවීමට නියමිත බව වාර්තා වේ. එම නඩුවට අදාළව ඔහු අද උදෑසන මාතර මහේස්ත්‍රාත් අධිකරණයට භාර විය.

රුසියානු ජනාධිපති ව්ලැඩිමීර් පුටින් සහ ඔහුගේ ඇමරිකානු සහකරු වන ඩොනල්ඩ් ට්‍රම්ප් පැය දෙකකට අධික කාලයක් දුරකථන සංවාදයක යෙදී ඇති අතර, යුක්රේන රුසියානු ගැටුමට සාමකාමී විසඳුමක් සාකච්ඡා කර ඇත.

88-89 භීෂණ සමයේදී සිදුවූ ඝාතන සම්බන්ධයෙන් පරීක්ෂණ සිදුකරනු ලබන්නේනම් තම පක්ෂයේ සාමාජිකයන් 2000කට සිදුවූ දේ සම්බන්ධයෙන්ද පරීක්ෂණ පැවැත්විය යුතු බව එක්සත් ජාතික පක්ෂයේ මහලේකම් තලතා අතුකෝරාළ ඊයේ (මාර්තු 18) පැවසුවාය.

පාර්ලිමේන්තු මන්ත්‍රී රාමනාදන් අර්ච්චුනා ඉදිරි සැසිවාර අටකදී සිදු කරන ප්‍රකාශ ශ්‍රව්‍ය, දෘශ්‍ය හා සමාජ මාධ්‍යවල සජීවී විකාශය කිරීම අත්හිටුවන බව කතානායක ජගත් වික්‍රමරත්න අද (මාර්තු 19) පාර්ලිමේන්තුවට දැනුම් දුන්නේ ය.

ඇමෙරිකාවේ, එංගලන්තෙවත නැති සංක්‍රින්ති ලිංගිකයන් සම්බන්ධ විෂයන් අපේ පාසලලේ විෂය නිර්දේශයට ඇතුළත් නොකරන ලෙස ඉල්ලමින් ආචාර්ය අජන්තා පෙරේරා මහත්මිය ඊයේ (18) අධ්‍යාපන අමාත්‍යාංශයේ ලේකම්වරයා වෙත ලිපියක් බාරදීමට කටයුතු කර ඇත. එම ලිපිය බාරදීමෙන් අනතුරුව ඇය මාධ්‍ය වෙත අදහස් දක්වමින්මෙසේ පැවසීය.

ආදිවාසී සංස්කෘතිය විකෘති කරමින් වීඩියෝවක් නිර්මාණය කර අන්තර්ජාලයට මුදා හැර ඇති සමාජ මාධ්‍ය ක්‍රියාකරුවන් දෙදෙනකුට එරෙහිව නීතිමය පියවර ගන්නා බව ආදිවාසී නායක ඌරුවරිගේ වන්නිල ඇත්තන් ප්‍රකාශ කර තිබේ .