මානව හිමිකම් කවුන්සලයට වගවීමේ ගැටළුව: මුසාවාද වලට එරෙහිව,සෘජු වාර්තාවක් සකසන්න-ගෝලීය ශ්‍රී ලාංකික සංසදය නව රජයෙන් ඉල්ලයි.

Oct 9, 2024 at 01:25 PM

|

Lanka Leader

2009 වර්ෂයේ මැයි මාසයේදී යුද්ධය සාර්ථක ලෙස අවසන් කිරීමට ශ්‍රී ලංකාවෙන් වගවීම ඉල්ලා සිටින අය රට තුළ ත්‍රස්තවාදයේ මූලාරම්භය ගැන නිහඬව සිටින බව ගෝලීය ශ්‍රී ලංකා සංසදය පැවසයි.

ඊනියා ශ්‍රී ලංකා වගවීමේ ව්‍යාපෘතිය (Sri Lanka Accountability Project -SLAP) සම්බන්ධයෙන් ඉදිරි ක්‍රියාමාර්ග ගන්නා ලෙස ඉල්ලා ගෝලීය ද්‍රවිඩ සංසදය (GTF) විසින් නිකුත් කරන ලද නවතම ප්‍රකාශය, ඉන්දියානු හමුදාව විසින් 1987 ජූලි මස සිට 1990 මාර්තු මස දක්වා සිදු කරන ලද ඝාතන, විනාශයන් සහ අතුරුදහන් කිරීම් මෙන්ම එල්.ටී.ටී.ඊ. ඇතුළු ත්‍රස්තවාදී කණ්ඩායම් දුසිම් භාගයකට අධික සංඛ්‍යාවකින් තිස් අවුරුදු යුධ සමයේදී සිදු කරන ලද ඝාතන, විනාශයන් සහ අතුරුදහන් කිරීම් ඉතා පහසුවෙන් අමතක කර ඇතැයී ගෝලීය ශ්‍රී ලාංකික සංසදය වැඩිදුරටත් අවධාරණය කරයි.

ගෝලීය ශ්‍රී ලාංකික සංසදය වෙනුවෙන් අදහස් දක්වමින් එහි විධායක කමිටු ලේකම් යසස් ධර්මදාස මහතා "The Island" පුවත් පතට පැවසුවේ වසර 30 ක කාලයක් පුරා පැවති සටන්වලදී මියගිය හෝ අතුරුදහන් වූවන් ලෙස වර්ගීකරණය කරන ලද දහස් ගණනක් ඇත්ත වශයෙන්ම මිය ගොස් ඇති වුවද තවත් බොහෝ පිරිසක් විදේශ රටවල පුරවැසිභාවය ලබා ගත් බවත්ය. "The Island" පුවත් පත කළ විමසුමට ප්‍රතිචාර දක්වමින් ධර්මදාස මහතා විවිධ තත්වයන් යටතේ ඝාතනයට ලක්වූ පුද්ගලයින් වර්ගීකරණය කිරීමේ අවශ්‍යතාවයද අවධාරණය කළේය. “සමහරු 2009 වර්ෂයේ ජනවාරි - මැයි අතර වන්නි සහ නැඟෙනහිර පෙරමුණේ ගොඩබිම් සටන් වල අවසන් අදියරේදී මිය ගිය  මිනිසුන් බවට බොරු ප්‍රචාරය කිරීමට නැඹුරු වී සිටිනවා. නමුත් සත්‍යය එය නොවෙයි. දරුස්මාන් වාර්තාවේ සඳහන් වන පරිදි වන්නි සහ නැගෙනහිර යුද පෙරමුණේ සිවිල් වැසියන් 40,000කට අධික පිරිසක් මිය ගිය බවට බොහෝ විට පුන පුනා කරන චෝදනාව 2017 ඔක්තෝම්බර් මාසයේදී නිකුත් කරන ලද බ්‍රිතාන්‍ය රාජ්‍ය තාන්ත්‍රික කේබල් පණිවිඩ මගින් සම්පූර්ණයෙන්ම පරස්පර තොරතුරු බවට පත්වී තිබෙනවා.” යසස් ධර්මදාස මහතා පැවසීය.

ICRC සහ යුද්ධයෙන් විනාශ වූ ප්‍රදේශ පදනම් කරගත් අනෙකුත් කණ්ඩායම්වල සහභාගීත්වයෙන් එක්සත් ජාතීන්ගේ කොළඹ  කාර්යාලය විසින් සකස් කරන ලද වාර්තාවක මියගිය සිවිල් සහ කොටි ත්‍රස්තවාදීන් යන දෙඅංශයටම අයත් සංඛ්‍යාව 7,721 ක් සහ 14,000කට වැඩි පිරිසක් තුවාල ලැබූවන්  ලෙස සටහන් කර ඇති බව ගෝලීය ද්‍රවිඩ සංවිධානය නොදැන සිටිය නොහැකි බවද  ධර්මදාස මහතා අවධාරාණය කළේය.ජිනීවා නුවර පදනම් කරගත් එක්සත් ජාතීන්ගේ මානව හිමිකම් කවුන්සිලය ( United Nations Human Rights Council -UNHRC), එක් එක් ගැටුම් සඳහා අනුගමනය කරන පදනම්ව තුළ ඇති දෙබිඩි පිළිවෙත නිසා එම කවුන්සිලයේ විශ්වසනීයත්වය ද ඉතා පහත් මට්ටමක පැවතුනද, ශ්‍රී ලංකාවේ පැවැති බෙදුම්වාදී ත්‍රස්තවාදි යුද්ධයට අදාළ සියලු දත්ත එම කවුන්සිලය  ඉදිරියේ තබන ලෙස වත්මන් ආණ්ඩුවෙන් ඉල්ලා සිටියේය.

ප්‍රති-ප්‍රචාරක ප්‍රහාරයේ ඉදිරියෙන්ම සිටි නියමුවෙකු වන යසස් ධර්මදාස මහතා 2015 ඔක්තෝම්බර් මාසයේදී එක්සත් ජාතීන්ගේ මානව හිමිකම් කවුන්සිලයට ඉදිරිපත් වූ වගවීමේ යෝජනාවකට සම අනුග්‍රහය දක්වමින් යුද්ධය දිනූ සන්නද්ධ හමුදාවන් පාවා දීම සම්බන්ධයෙන් සිරිසේන-වික්‍රමසිංහ ආණ්ඩුව කළ  වරද හෙළිදරව් කිරීමට මැදිහත්වූ අයෙකි. ගෝලීය ද්‍රවිඩ සංසදය විසින් ප්‍රවර්ධනය කරන ලද ඊනියා ශ්‍රී ලංකා වගවීමේ ව්‍යාපෘතිය (SLAP)  , යහපාලන රෙජීමයේ පාවාදීමේ ප්‍රතිඵලයක් ලෙස ඇති වූ බවත්, ශ්‍රී ලාංකික සම්භවයක් ඇති යුරෝපීය, ඇමරිකානු සහ කැනේඩියානු පුරවැසියන් සංඛ්‍යාව සොයා ගන්නා ලෙස ජිනීවා වෙත අභියෝග කරමින් ධර්මදාස පැවසීය. "විදේශ පුරවැසිභාවය ලැබූවන් අතර අතුරුදන් වූවන් විශාල ප්‍රමාණයක් සිටිය හැකියි," යසස් ධර්මදාස නම් සිවිල් සමාජ ක්‍රියාකාරිකයා පැවසීය.

පැවැති යුද කලාපවල සමූහ මිනීවළවල් හමුවීම සම්බන්ධයෙන් සඳහන් කරමින් ධර්මදාස මහතා කියා සිටියේ යහපාලන පාලන සමයේදී මන්නාරම සමූහ මිනීවල සම්බන්ධයෙන් එක්සත් ජාතීන්ගේ මානව හිමිකම් කවුන්සිලය ශ්‍රී ලංකා හමුදාවට සෘජුවම දොස් පැවරූ බවයි. නමුත් මන්නාරම සමූහ මිනීවලෙන් ලබාගත් මිනිස් ඇටසැකිලි සාම්පල හයක් ක්‍රිස්තු වර්ෂ 1499 ත් 1719 ත් අතර කාලයට අයත් බව ෆ්ලොරිඩාවේ බීටා ඇනලිටික් රේඩියෝ කාබන් කාල නිර්ණ රසායනාගාරයේ රේඩියෝ කාබන් කාල නිර්ණ වාර්තාවෙන් හෙළි වූ බවද ඒ මහතා පෙන්වා දුන්නේය.

ධර්මදාස මහතා වැඩිදුරටත් කියා සිටියේ ශ්‍රී ලංකාවේ පමණක් නොව ඉන්දියාවේ ද දෙමළ කණ්ඩායම් අතර ඇති වූ ගැටුම් හේතුවෙන් සිදුවූ මරණ පිළිබඳව ද ජිනීවාහි පිහිටි එක්සත් ජාතීන්ගේ මානව හිමිකම් කවුන්සිලය පරීක්ෂණයක් කළ යුතු බවයි. ආධිපත්‍යය සඳහා වූ සටන හේතුවෙන් දහස් ගණනක් මිය ගිය අතර එල්.ටී.ටී.ඊ.ය එහි නියෝජ්‍ය නායක මහත්තයා ඇතුළු තමන්ගේම සාමාජිකයන් බොහෝ දෙනෙකු ඝාතනය කළ බවද ධර්මදාස පැවසීය.

යුද්ධය සාර්ථකව අවසන් වී වසර 15ක් ගතවී ඇතත්, එල්ටීටීඊය විසින් ඝාතනය කරන ලද සටන්කරුවන් සහ සිවිල් වැසියන් මෙන්ම අනෙකුත් දෙමළ කණ්ඩායම් විසින් ඝාතනය කරන ලද දෙමළ ජනයාගේ සංඛ්‍යාව තවමත් අපැහැදිලි තත්වයේ පවතින බවද ධර්මදාස මහතා පැවසීය.

දරුස්මාන් කණ්ඩායමේ සාමාජිකාවක් වන යස්මින් සූකා විසින් නිකුත් කරන ලද වාර්තාවකින් කොටි බුද්ධි අංශ සාමාජිකයන් ඇතුළු හිටපු කොටි සටන්කාමීන් පිරිසක් යුරෝපයේ සිටින බව පිළිගෙන ඇති බව සඳහන් කිරීම සුදුසු බවද ධර්මදාස මහතා පැවසීය.

ශ්‍රී ලාංකික සම්භවයක් ඇති ඔවුන්ගේ පුරවැසියන්ගේ අනන්‍යතාවය හෙළි කිරීම විදේශීය රජයන් ප්‍රතික්ෂේප කරනතාක් අතුරුදහන් වූවන්ගේ ප්‍රශ්නය විසඳිය නොහැකි බව ධර්මදාස මහතා අවධාරණය කළේය. එල්.ටී.ටී.ඊ.ය වෙනුවෙන් සටන් කර ප්‍රංශයට පලාගිය ඇන්ටනිදාසන් ජේසුදාසන්ට ජාත්‍යන්තර පිළිගැනීමක් ලැබුණේ ඔහු ප්‍රධාන චරිතය රඟපෑ "ධීපන්" නම් චිත්‍රපටය 2015 වසරේ කෑන්ස් චිත්‍රපට සම්මාන උළෙලේ පාම් ඩි ඕර් සම්මානය දිනා ගැනීමත් සමඟ බවද  ධර්මදාස මහතා පෙන්වා දුන්නේය.

ඉන්දියාවේදී අතුරුදන් වූ ශ්‍රී ලාංකික දෙමළ ජාතිකයන් මෙන්ම අවදානම් සහිත පෝක් සමුද්‍ර සන්ධිය තරණය කිරීමේදී මියගිය ශ්‍රී ලාංකික ද්‍රවිඩයන්ගේ සංඛ්‍යාවද අභිරහසක්ව පවතින බව ධර්මදාස මහතා සඳහන් කළේය." 1991 මැයි මාසයේදී හිටපු ඉන්දීය අග්‍රාමාත්‍ය රජිව් ගාන්ධි ඝාතනයෙන් පසු ඝාතනයට ලක්වූ එල්.ටී.ටී.ඊ සාමාජිකයින්ගේ සිද්ධිය සැලකිල්ලට ගතහොත් ඔවුන් මරා වළලනු ලැබූ අතර ඔවුන් ද තවමත්  අතුරුදහන් වූවන් ලෙස වර්ගීකරණය කර තිබීමද සැලකිල්ලට ගත යුතුයි." ධර්මදාස මහතා පෙන්වා දුන්නේය හැකිය. 1988 අග භාගයේදී එවකට මාලදිවයින් ජනාධිපතිවූ මවුමූන් අබ්දුල් ගයුම් මහතා ප්ලොට් සංවිධානයේ ඝාතන උත්සාහයෙන් පසුව ඉන්දීය හමුදාව අතින් බොහෝ ශ්‍රී ලාංකික ද්‍රවිඩ ජාතිකයන්ගේ මරණ සිදු වූ බවද ධර්මදාස පැවසීය.

ශ්‍රී ලංකාව ජිනීවාහි මානව හිමිකම් සමුළුවට මෙවැනි වාර්තා  සෘජුවම ඉදිරිපත් කළ යුතු අතර 13 වන ව්‍යවස්ථා සංශෝධනය සම්පූර්ණයෙන් බලාත්මක කිරීම වැනි කරුණු කෙරෙහි උනන්දුවක් දක්වන පාර්ශ්වයන් විසින්  ඔවුන්ගේ ඉල්ලීම් දිනා ගැනීම සඳහා තහවුරු නොකළ යුද අපරාධ චෝදනා ගසාකෑමට නැඹුරු ව  ප්‍රචාරය කරන ලද බොරුවලට එරෙහිව වත්මන් ආණ්ඩුව දැඩිව පෙනී සිටිය යුතු බව යසස් ධර්මදාස මහතා අවධාරණය කළේය.

https://island.lk/accountability-issues-gslf-urges-new-govt-to-counter-lies-set-the-record-straight/

රටේ විදේශ ප්‍රතිපත්තිය පිළිබඳව සහ ජාත්‍යන්තරයේ ශ්‍රී ලංකාවට සිදුකරන දැඩි බලපෑම විස්තර කරමින් ප්‍රවීන මාධ්‍යවේදී ශමින්ද්‍ර  ෆර්ඩිනැන්ඩෝ විසින් සිදුකළ හෙළිදරව්ව මෙයට සාක්ෂි වශයෙන් පහළින් දක්වා තිබේ.