යුරෝපා කොමිසම චීන විද්‍යුත් වාහනවලට තීරුබදු පැනවීම උභතෝකෝටියක පැටලෙන ලකුණු
යුරෝපා සංගමයේ රටවල් අද දින චීන විද්‍යුත් වාහන සඳහා අමතර තීරුබදු පැනවිය යුතුද යන්න පිළිබඳව ඡන්දය ප්‍රකාශ කිරීමට සූදානම් වන අද(04) දිනය විට ඊට විරෝධය නැගෙන්නට පටන් ගෙන තිබේ.
අද(04) ඡන්දයේදී ජර්මනිය චීන විද්‍යුත් වාහන සඳහා තීරුබදු පැනවීමට එරෙහිව ඡන්දය ප්‍රකාශ කරනු ඇතැයි අපේක්ෂා කරන බව රොයිටර් පුවත් සේවය ඊයේ(03) වාර්තා කළේ, මේ සම්බන්ධයෙන් දැනුම්වත් පුද්ගලයින් උපුටා දක්වමිනි. ජර්මානු රජයේ ප්‍රකාශකයෙකු අදහස් දැක්වීම ප්‍රතික්ෂේප කළ බව ද රොයිටර් වාර්තා කළේය.
තීරුබදු පැනවීම සඳහා යුරෝපා කොමිසම ගෙනා යෝජනාවට ජර්මනිය ජූලි මාසයේ දී ඡන්දය දීමෙන් වැළකී සිටියේය. එතැන් සිට, පසුගිය වසරේ චීනය විද්‍යුත් වාහන අලෙවියෙන් තුනෙන් එකක් ලබා ගත් ජර්මනිය, ඔවුන්ගේ මෝටර් රථ නිෂ්පාදකයින්, මෙම තීරුබදු වලට විරුද්ධ වන ලෙස රජයට බලපෑම් කර ඇත.
ප්‍රබල ජර්මානු කම්කරු සංගමය වන IG Metall, ජර්මනියේ ප්‍රධාන මෝටර් රථ නිෂ්පාදකයින්ගේ සේවක නියෝජිතයින් සමඟ ඊයේ(03) ප්‍රකාශයක් නිකුත් කරමින් කියා සිටියේ, චීන විද්‍යුත් වාහන සඳහා තීරුබදු හඳුන්වාදීමට එරෙහිව ජර්මනිය ඡන්දය දිය යුතු බවයි.
"අපි නිසැකවම කියනවා: තීරුබදු වැරදි ප්‍රවේශයක් වන්නේ ඒවා යුරෝපීය මෝටර් රථ කර්මාන්තයේ තරඟකාරිත්වය වැඩි දියුණු නොකරනු ඇති බැවිනුයි" යනුවෙන් ඔවුහු ඒකාබද්ධ ප්‍රකාශයක් නිකුත් කරමින් කියා සිටියෝය.
ජර්මානු මෝටර් රථ නිෂ්පාදකයෙකු වන Volkswagen 02දා ජර්මනියෙන් ඉල්ලා සිටියේ, මෝටර් රථ කර්මාන්තයේ තරඟකාරිත්වය වැඩිදියුණු නොකරන බවට තර්කානුකූලව පෙන්වා දෙමින් යුරෝපා සංගමය ගෙන එන තීරුබදු වලට එරෙහිව ඡන්දය දෙන ලෙසයි.
තවත් ජර්මානු මෝටර් රථ නිෂ්පාදකයෙකු වන BMW 02දා ප්‍රකාශයක් නිකුත් කරමින් චීන විද්‍යුත් වාහන සඳහා යෝජිත තීරුබදු සම්බන්ධයෙන් ප්‍රවේශමෙන් පියවර ගන්නා ලෙස ජර්මානු රජයෙන් ඉල්ලා සිටියේය.
ජර්මනියට අමතරව, ස්පාඤ්ඤයද චීනය සමඟ සම්මුතියකට සහ සාකච්ඡාවලට අවතීර්ණ වී පිළිතුරක් සොයන ලෙස යුරෝපා සංගමයෙන් ඉල්ලා ඇත.
තීරුබදු පැනවීම වෙනුවට, යුරෝපා සංගමය විද්‍යුත් වාහන වල මිල ගණන් සහ බැටරි නිෂ්පාදනය සංගමය වෙත මාරු කිරීම පිළිබඳ ගනුදෙනුවකට එළඹීම සඳහා "සාකච්ඡා විවෘතව තබා ගත යුතු ... බැඳීම් ඡන්දයෙන් ඔබ්බට" තැබිය යුතු බව ස්පාඤ්ඤයේ ආර්ථික අමාත්‍ය Carlos Cuerpo යුරෝපීය කොමිසමේ උප සභාපති Valdis Dombrovskis වෙත ලිපියක් යවමින් පැවසුවේ යැයි රොයිටර් පුවත් සේවය වාර්තා කළේය.
ස්පාඤ්ඤ අගමැති පේද්‍රෝ සැන්චෙස් පසුගිය මාසයේ චීනයේ සංචාරයක යෙදී සිටියදී යුරෝපා සංගමය තීරුබදු සම්බන්ධයෙන් සිය ස්ථාවරය නැවත සලකා බැලිය යුතු බව ප්‍රකාශ කළ අතර වෙළඳ යුද්ධයක් වළක්වා ගන්නා ලෙස බ්‍රසල්ස් සහ බීජිං පරිපාලන වලින් ඉල්ලා සිටියේය.
හංගේරියාව ද දැඩි විරෝධයක් ප්‍රකාශ කර ඇති අතර විදේශ අමාත්‍ය Peter Szijjarto ඊයේ(03) ෆේස්බුක් හි සටහනක් තබමින් ප්‍රකාශ කළේ බුඩාපෙස්ට් "හානිකර සහ භයානක" සැලැස්මට එරෙහිව ඡන්දය දෙන බවයි.
චීන විද්‍යුත් වාහන වල්ට තීරුබදු පැනවීම සම්බන්ධයෙන් චීනය යුරෝපා කොමිසම සහ යුරෝපා සංගමයේ සාමාජික රටවල් සමඟ පුළුල් සාකච්ඡාවක නිරත වී ඇත. සැප්තැම්බර් මාසයේදී, චීන වාණිජ අමාත්‍ය වැන්ග් වෙන්ටාඕ ඉතාලිය, ජර්මනිය, බෙල්ජියම සහ යුරෝපා සංගම් මූලස්ථානයට ගිය අතර එහිදී ඔහු අදාළ දෙපාර්තමේන්තු ප්‍රධානීන් සමඟ, විශේෂයෙන් යුරෝපා සංගමයේ විධායක උප සභාපති සහ වෙළඳ කොමසාරිස් වැල්ඩිස් ඩොම්බ්‍රොව්ස්කිස් සමඟ චීනයේ විද්‍යුත් වාහන වලට එරෙහිව සහනාධාර විරෝධී නඩුව සම්බන්ධයෙන් ගැඹුරු හා ඵලදායී සාකච්ඡා පැවැත්වීය. මෙම කාරණය සම්බන්ධයෙන් නිසි විසඳුමක් ලබා ගැනීම සඳහා වන සාකච්ඡාවල දිශානතිය පිළිබඳව දෙපාර්ශ්වය මූලික එකඟතාවයකට පැමිණියහ.
යුරෝපීය කොමිසම ජූලි මාසයේදී නිවේදනය කළේ චීනයෙන් බැටරි සහ විද්‍යුත් වාහන ආනයනය කිරීම සඳහා සියයට 17.4 සිට සියයට 37.6 දක්වා තාවකාලික ප්‍රතිවිරෝධතා තීරුබදු පනවන බවයි.
අද(04) පවත්වන ඡන්දයේදී සංගමයේ සාමාජික රටවල් 27 හි නියෝජිතයින් විසින් අනුමත කරනු ලැබුවහොත් යුරෝපා සංගමයේ ඉදිරි රාජකාරි වසර පහක් සඳහා එම තීරු බදු පැනවෙනු ඇත. ප්‍රවීණයන් විශ්වාස කරන්නේ යුරෝපා සංගමයේ ඉහළ යන ආරක්ෂණවාදී පියවර යුරෝපයේ හරිත සංක්‍රාන්තියට සහ පාරිභෝගික අවශ්‍යතාවලට ඍණාත්මක ලෙස බලපානු ලැබේ. එසේ වුවහොත් නියත වශයෙන්ම චීන පාර්ශ්වයෙන් ඒ සඳහා ප්‍රතිප්‍රහාර එල්ල කරනු ඇති අතර, වෙළඳ ඝර්ෂණ උත්සන්න වීම දෙපාර්ශවයටම පාඩුවී සහ අහිමි වීම ලැබෙන ප්‍රතිඵලවලට පමණක් හේතු වනු ඇත.
Opposition voices in Germany become vocal as crucial vote on EU EV tariffs approaches
සම්බන්ධිත පුවත් | Related News
ප්‍රධාන පුවත්
දැඩි බෞද්ධ විරෝධය මැද ශාක්‍යයන්ට අයත්ව තිබූ බෞද්ධ ධාතු හොංකොංවලදී වෙන්දෙසි කිරීමේ සූදානමක්..
ජවිපෙ අත්හැරපු ඉන්දියන් විරෝධී සටන විජේවීරගේ පුතා අතට ගනී.. (වීඩියෝ)
අනුර - මෝදි ගිවිසුම්වලින් රටේ ආරක්ෂාවට දැඩි තර්ජනයක් එල්ලවිය හැකියි - වෛද්‍ය අනුලා විජේසුන්දර (වීඩියෝ)
අනුර - මෝදි අත්සන් කළ ගිවිසුම් රටේ ව්‍යවස්ථාවට සහ ජාත්‍යන්තර සම්මුතීන්ට පටහැනියි... ජනාධිපති ලේකම් වගකීම් පැහැරහැරියා - වෛද්‍ය වසන්ත බණ්ඩාරගෙන් චෝදනා (වීඩියෝ)
අනුර සමග හොර ගිවිසුම් අත්සන් කිරීමට විරෝධය දක්වා ජාතික සංවිධාන විසින් ඉන්දීය මහාකොමරිස් කාර්යාලයට මහජන පෙත්සම භාර දුන් අවස්ථාව (වීඩියෝ)
ආණ්ඩුව ඉන්දියාව සමග ගිවිසුම් අත්සන් කර ඇත්තේ රටේ ස්වාධීනත්වයට, නීතියට සහ ආණ්ඩුක්‍රම ව්‍යවස්ථාවට පටහැනි ලෙසයි - නීතිඥ මධුමාලි අල්විස් (වීඩියෝ)
ඉන්දියාව සමග ආණ්ඩුව අත්සන් කළ ගිවිසුම් නීති විරෝධීයි.. ඒ ගිවිසුම්වලින් රටේ ස්වෛරීත්වය පාවා දීලා - ආචාර්ය ගුණදාස අමරසේකර (වීඩියෝ)
ඉන්දියාවත් එක්ක ගැසූ හොර ගිවිසුම් ගැන කරුණු කියන්න ජනපති ලේකම් කාර්යාලයට ගිය ජාතික සංවිධාන නියෝජිතයන්ට කුඩම්මාගේ සැලකිලි..
අනුර සමග හොර ගිවිසුම් අත්සන් කිරීමට විරෝධය දක්වා ජාතික සංවිධාන විසින් ඉන්දීය මහාකොමරිස් කාර්යාලයට පෙත්සමක් භාරදෙයි..
ඉන්දියාව අසල්වාසී රාජ්‍යයක් මිස ලොකු අයියා නොවෙයි.. ඉන්දියාවේ උපකාර පිටුපස සැඟවුණු යටි අරමුණු වටහාගත යුතුයි - මහාචාර්ය පූජ්‍ය ඉඳුරාගාරේ ධම්මරතන හිමි (වීඩියෝ)
ගිවිසුම් 7ක් මගින් ලංකාව යටත් කර ඉන්දියානු ව්‍යාප්තවාදයේ ගොදුරක් බවට පත් කිරීමේ ඉන්දියානු මෙහෙයුම මේ මොහොතේ නිවැරදිව හඳුනාගත යුතුයි - මහාචාර්ය පූජ්‍ය මැදගොඩ අභයතිස්ස හිමි (වීඩියෝ)
ඉන්දියාව සමග අත්සන් කළ ගිවිසුම් ක්‍රියාත්මක වීමේදී රටට විශාල වන්දියක් ගෙවීමට සිදුවේවි... අනුර වටේ ඉන්න පාර වරද්දන උපදේශකයන්ගේ කෙරුවාව මෙන්න (වීඩියෝ)
ලෝක කම්කරු දිනය අදයි..
රට අනතුරේ හෙලමින් ඉන්දීය අගමැති මෝදි, ජනපති අනුරගේ අත අඹරා අත්සන් කළ ගිවිසුම්වලට විරෝධය පළ කරමින් ජාත්‍යන්තර පෙත්සමක් අත්සන් තබති.. (ඡායාරූප)
රට අනතුරේ හෙලමින් ඉන්දීය අගමැති මෝදි, ජනපති අනුරගේ අත අඹරා අත්සන් කළ ගිවිසුම් 7ට විරෝධය පළ කරමින් ජාත්‍යන්තර පෙත්සමක් අත්සන් තැබීම අද..
මැතිවරණ කොමසාරිස් ප්‍රජාතන්ත්‍රවාදයේ මූලධර්ම නොදන්නා උද්දච්ච පුද්ගලයෙක්: තනතුරට සුදුසු නැහැ - ජාතික සංවිධාන කියයි