2024 ජනාධිපතිවරණය සම්බන්ධයෙන් නෝර්වේ එන්ජීඕවේ නිවැරදි ස්වාධීන සමීක්ෂණ වාර්තාවක් එළියට:සජිත්ට 38.5%යි අනුරට 27.45% යි නාමල්ට 15.12% යි රනිල්ට 14.9% යි

Sep 18, 2024 at 12:37 AM

|

Lanka Leader

අප රටේ මැතිවරණ වලට ඉදිරිපත්වන පක්ෂ සහ අපේක්ෂකයන් තම ජයග්‍රහණය තහවුරු කර ගැනීම පිණිස විවිධ කුට උපක්‍රම භාවිත කරති. ඒ අතරින් මෙතෙක් පැවැති මැතිවරණ වලදී ජ්‍යෝතිෂ්‍යකරුවන්ගේ අනාවැකි ප්‍රබල බලපෑමක් සමාජය කෙරෙහි එල්ල කළහ. එම ජ්‍යෝතිෂ්‍යකරුවන් කුමන හෝ පක්ෂයක එසේ නැතිනම් කුමන හෝ පුද්ගලයෙකුගේ අතකොලුවක් බව පසුව ඔප්පු වුණි. හිටපු ජනපති මහින්ද රාජපක්ෂ මෙම විෂයේ කෙළ පැමිණියෙකි. එසේ වුවද එක්තරා ඇස් නොපෙනෙන ජ්‍යෝතිෂ්‍යකරුවෙකු කාගේ අතකොලුවක්දැයි පොදු මහජනයාට වටහා ගැනීමට නොහැකිතරම් සුක්ෂම ලෙස තම සේවය තම හාම්පුතා වෙනුවෙන් ඉටු කරණු ලැබුවේය. එහෙත් ඔහු හෝ අනෙකුත් ජ්‍යෝතිෂ්‍යකරුවෝ 2024 ජනාධිපතිවරණයේදී කිසිවෙකු වෙනුවෙන් අනාවැකි කීමට ඉදිරිපත් වන බවක් දක්නට නොලැබුණි.

එසේ වුවද අවසාන මැතිවරණ ප්‍රතිඵලය සම්බන්ධයෙන් කරණු ලැබූ විද්‍යාත්මක අනාවැකි ලෙස හුවාදක්වන සමාජ මාධ්‍ය ජාලා ආශ්‍රිතව  කළ සමීක්ෂණ ප්‍රතිඵල නම් රාශියක් ඉදිරිපත් විය. එම සියළු සමාජ ජාලා ආශ්‍රිත සමීක්ෂණ වලින් එක්තරා අපේක්ෂකයෙකු 50% සීමාව ඉක්මවා ඡන්දය ලබාගෙන ශ්‍රී ලංකාවේ 8 වන විධායක ජනාධිපතිවරයා බවට පත්වන බවට අනාවැකි පල කළේය. ඒ අනුව එම අපේක්ෂකයා 8 වන ජනාධිපතිවරයා වීම කෙසේ වුවත් "ෆේස් බුක් " ජනාධිපති යනුවෙන් රටම දන්නා අන්වර්ථනාමයක් පවා පට බැඳ ගත්තේය. 

කෙසේ වුවත් ජනාධිපතිවරණ ප්‍රතිඵලයට තීරණාත්මක දායකත්වයක් සපයන නාගරික මධ්‍යම පන්තියේ මනස ඒකාග්‍රව තබා ගැනීමට පූර්ව ජනාධිපතිවරණ සමීක්ෂණ වාර්තා අතිශය දැවැන්ත මෙහෙයක් ඉටු කරනු ලබන්නේය. ඒ අනුව ජනාධිපතිවරණ ප්‍රචාරක කටයුතු නතර කිරීමට දින තුනක් තිබීයදී එනම් සබරගමුව විශ්ව විද්‍යාලයේ විද්‍යාර්ථියෙකු වන  ප්‍රදීප් චානක සහ නොර්වේ රාජ්‍යයට සම්බන්ධ රාජ්‍ය නොවන ආයතනයක් වන  Oslo Institute of Political Research and Advocacy (OIPRA ) නම් ආයතනය විසින් ඉදිරිපත් කළ  2024 ජනාධිපතිවරණ ප්‍රතිඵල සමීක්ෂණ වාර්තා දෙකක් මූලිකව අප වෙත ලැබුණි. එම සමීක්ෂණ වාර්තා දෙකෙන් ප්‍රදීප් චානකගේ වාර්තාව කෙරෙහි අප පළමු කොටම අවධානය යොමු කළෙමු. පිටු 88 ක් පුරා පැතිරී තිබුණු ඔහුගේ වාර්තාවෙහි පිටු හතක්ම වෙන්වී තිබුණේ ඔහුගේ අතීත දස්කම් සම්බන්ධයෙන් පළවූ පුවත් වාර්තා කෙරෙහි පරිශීලකයාගේ අවධානය යොමු කරලීමටය. එලෙසම මෙම සමීක්ෂණය කිරීමට පාදක කරගත් ක්‍රමවේදය , ඒ සඳහා යොදාගත් ඡන්දදායකයන්ගේ ස්වභාවය, සමාජ සංදර්භය පිළිබඳ විශ්ලේෂණය ආදී අතිශය සංවේදී තොරතුරු එහි දක්නට නැත. ලියුම්කරු ලිපියෙහි මුලදී සඳහන් කළ පරිදි ප්‍රදීප් චානක ද කිසියම් දේශපාලන දහරාවක අභිලාශයන් තෘප්ත කිරීම පිණිස කිසියම් පාර්ශවයකට නැඹුරුව අනාවැකි පවසන ජ්‍යෝතිෂ්‍යකරුවාගේ භූමිකාවට පණ පොවන්නේද යන සැකය ලියුම්කරු හට පැන නැගුණි. ඒ අනුව විද්‍යාත්මක සමීක්ෂණයක් නොවන්නේය යන නිගමනයට පැමිණ ඔහුගේ වාර්තාව බැහැර කරන්නට ලියුම්කරු කටයුතු කළ බව පාඨකයා වෙත දන්වා සිටිමි.

OIPRA ආයතනය සිදුකළ සමීක්ෂණයේදී ප්‍රදීප් චානකගේ වාර්තාවේ තිබූ අඬු ලුහුඬුකම් කිසිවක් නොමැතිවා මෙන්ම ඔවුන් තෝරාගන්නා ලද නියැදියද අතිශය විශාල එකක් වී තිබේ. එලෙසම ඔවුන්ගේ වාර්තාවේ සමාජ මාධ්‍ය පරිශීලනය කරන පිරිස සමස්ථ ජනගහනයෙන් 32.9%ක් බව නිවැරැදිව දක්වා තිබේ. ඊළඟට ලියුම්කරුට පැන නැගුනු ගැටලුවක් වූයේ නෝර්වේ රාජ්‍ය මූලිකව කටයුතු කරන ජාත්‍යන්තර රාජ්‍ය නොවන සංවිධාන ප්‍රධාන වශයෙන්ම රටවල් තුළ අභ්‍යන්තර ගැටුම් අවුලුවාලීමට කටයුතු කරන සංවිධාන බවට පොදු ජනයා තුළ වන සැකය ලියුම්කරු තුලද පැන නැගීමයි.

එහෙත් ලතින් අමෙරිකානු ප්‍රභල රටක් වන වෙනිසියුලානු ජනාධිපතිවරණයේදී බටහිර සුරතලා උත්හර්ෂයට නැංවීමට  ඔහු ඉහළින්ම දිනන බවට ව්‍යාජ සමීක්ෂණ මගින් තහවුරු කළේය.OIPRA වාර්තාවද එවැන්නක් දැයි යන සැකය මුසුව වාර්තාව පරිශීලනය කළෙමි. එම වාර්තාව කිසිවෙකුට නැඹුරු නොවී මත දක්වන ශ්‍රී ලාංකික බුද්ධිමතුන් දක්වන මතය වන කිසිදු අපේක්ෂකයෙකුට 50% සීමාවට ළඟා විය නොහැකිය යන මතය තහවුරු කර තිබේ. එනම් වැඩිම ඡන්ද ප්‍රතිශතයක් ලබා ගන්නේ යැයි පුරෝකථනය කරන සජිත් ප්‍රේමදස මහතාට හිමි වන්නේ 38.5%ක ප්‍රතිශතයක් බව වාර්තාව පුරෝකථනය කරයි. එලෙසම නොර්වේ රාජ්‍යයේ උපදෙස් අනුව අතීතයේදී කටයුතු කළ රනිල් වික්‍රමසිංහ මහතා ලබා ගනු ඇතැයි පුරෝකථනය කරන ඡන්ද ප්‍රතිශතය 14.90% ක් හෙවත් නාමල් රාජපක්ෂ මහතා ලබා ගනු ඇතැයි පුරෝකථනය කරන 15.12%ට වඩා 0.22% කින් අඩු බවද පෙන්වා දී තිබේ. මේ වන විට අමෙරිකා එක්සත් ජනපදය සිය පුරවැසියන්ට ශ්‍රී ලංකාවට පැමිණීමේදී අනුගමණය කළ යුතු ක්‍රියා මාර්ග ඇතුලත් උපදේශනයේ දක්වා ඇති පශ්චාත් මැතිවරණ ගැටුම් පැන නැගීමට නම් වැඩිම ඡන්ද ප්‍රතිශතයක් ලබාගන්නා අපේක්ෂකයා සහ දෙවැනි වැඩිම ඡන්ද ලබාගන්නා අපේක්ෂකයා අතර පරතරය ඉතාම අවම විය යුතුය. එනම් පරතරය 4%ට වඩා අඩු මට්ටමක පරතරයක් විය යුතුය. එහෙත් OIPRA  ඉදිරිපත් කරන වාර්තාවේ දෙවැනි වැඩිම ඡන්ද ලබා ගන්නා අපේක්ෂකයා වන අනුර කුමාර දිසානයක මහතා ලබා ගන්නේ යැයි පුරෝකතනය කරන්නේ සමස්තස්ත ප්‍රකාශිත ඡන්ද වලින් 27.45% ක් පමණි. එනම් ස්ජිත් ප්‍රේමදාස මහතාට වඩා ඡන්ද 11.5% ක් අඩුවෙනි. මෙම පුරෝකථනය යම් හෙයකින් එලෙසම සිදු වුවහොත් ශ්‍රී ලංකාවේ අට වෙනි ජනාධිපතිවරයා තෝරා පත් කරගන්නා ජනාධිපතිවරණයේ පශ්චාත් මැතිවරණ ප්‍රචන්ඩ ක්‍රියා සිදුවීමට හේතුවක් නැත. මක්නිසාද යත් එක් අපේක්ෂක්යෙකු පැහැදිළි ජයග්‍රහනයක් ලබා තිබෙන බැවින් අනෙකුත් අපේක්ෂකයන්ගේ උදව්කරුවන්ට ප්‍රචන්ඩත්වයට යොමු වීමට හේතුවක් නිර්මාණය නොවීමය. එනම් නාමල් රාජපක්ෂගේ දෙවෙනි මනාපය හෝ රනිල් වික්‍රමසිංහගේ දෙවෙනි මනාපය අනුර කුමාර දිසානායකගේ මනාප ගොන්නට එකතු වීමට හේතුවක් නොමැති වීම නිසාවෙනි. අනෙක් අතට රනිල් වික්‍රමසිංහ මහතාගේ දෙවෙනි මනාපය ලබා ගැනීමේ තාර්කික වාසනාව හිමි සජිත් ප්‍රේමදාස මහතාටද 50% සීමාව පසු කර යා නොහැකිය.

OIPRA පුරෝකථනයට අනුව සමස්ත ඡන්දදායකයන්ගෙන් 3,148,489 ක් හෙවත් අනුර කුමාර දිසානායක මහතා ලබාගන්නේ යැයි පුරෝකථනය කරන ඡන්ද ප්‍රමානයට වඩා 661,527 අඩු ප්‍රමානයක් හෙවත් සමස්ථ ලියාපදිංචි ඡන්ද ප්‍රමානයෙන් 22.68% ඡන්ද පොළට යාමෙන් වැලකී තිබේ. එය මෙරට ජනාධිපතිවරණයට ඉදිරිපත්ව සිටින සියළු අපේක්ෂකයන් කෙරෙහි මහජනයා තුළ ඇති කළ කිරීම පිළිබිඹු කරන බව ලියුම්කරුගේ හැඟීමයි. 

සමීක්ෂණ වාර්තාව දෙස අවධානය යොමු කිරීමේදී පශ්චාත් මැතිවරණ ගැටුම් ඇති නොවීම සඳහා හොඳ පුරෝකථනයක් තිබුණද රනිල්, සජිත්, අනුර තුන්කට්ටුවෙන් කවුරු දිනුවද රටේ ඒකීය භාවය සහ අපගේ අතීත උරුමයක් වූ ආගමික සහ සංස්කෘතික උරුමයන්ට යහපතක් සිදු නොවන බව සක් සුදක් සේ පැහැදිළිය. එබැවින් සිංහල බෞද්ධ සංස්කෘතිය ඉතිහාසයේ මුහුණ දෙන දැවැන්තම විනාශවීමේ අනතුරට මුහුණ දී සිටින මේ මොහොතේදී කිසිදු අපේක්ෂකයෙකුට 50% සීමාව පසුකර යාමට ඉඩ නොදීමේ වාසිය අත් පත් කර ගැනීමට ඡන්දදායකයා වග බලාගැනීම මව්බිමේ ඒකීයභාවය වෙනුවෙන් සිය වටිනා දිවි කුසුම පූජා කළ අතීත විරුවන්ට මේ මොහොතේ කළ හැකි උත්තම උපහාරය බව ලියුම්කරුගේ හැඟීමයි.

විශේෂ ලියුම්කරුවෙකු විසිනි

ආශ්‍රිත පුවත්

එළඹෙන ජනපතිවරණය ජයගන්නා අපේක්ෂකයා ගැන නොර්වේ රාජ්‍ය නොවන ආයතනයකින් විශේෂ හෙළිදරව්වක්