13 සම්පූර්ණයෙන් බලාත්මක කිරීම ගැන අනුරලා උතුරට එකක් කියා දකුණට තවත් එකක් කිව්ව හැටි සාක්කි සහිතව එළියට... මාලිමාවේ දෙබිඩි පිළිවෙත මෙන්න (වීඩියෝ සහිතයි)
සිරස රූපවාහිනී නාලිකාවේ 'සටන' දේශපාලන වැඩසටහනට සහභාගි වෙමින් ජාතික ජන බලවේගයේ සභික නලින්ද ජයතිස්ස මහතා පසුගිය දිනෙක පැවසුවේ පළාත් සභාවලට ලබාදී තිබෙන බලතල පමණක් ක්රියාත්මක කරනවා මිස 13 බලාත්මක කිරීමක් සම්බන්ධයෙන් උතුරේ ජනතාවට නොපැවසූ බවකි.
මෙම සංවාදය සඳහා සහභාගි වී සිටි ඉලංගෙයි තමිල් අරසු පක්ෂයේ පාර්ලිමේන්තු මන්ත්රි එම්.ඒ. සුමන්තිරන් මහතා එහිදී නලින්ද ජයතිස්ස මහතාගේ කතාවට විරෝධය පළකරමින්, ජාතික ජනබලවේගයේ නායක අනුර කුමාර දිසානායක මහතා යාපනයට ගොස් පැවසුවේ පොලිස් බලතල, ඉඩම් බලතල සහිතව 13 සංශෝධනය සම්පූර්ණයෙන්ම බලාත්මක කරන බව යැයි පැහැදිලිවම සඳහන් කරන ලදී.
අනුර කුමාර දිසානායක මහතා මෑතක දී සිදුකළ යාපනය සංචාරය පිළිබඳව ජනමාධ්ය වැඩි වශයෙන් අවධානය යොමුකර තිබූ අතර, එම සංචාරයේ දී ඔහු ඉලංගෙයි තමිල් අරසු පක්ෂයේ පාර්ලිමේන්තු මන්ත්රිවරුන් වන එම්.ඒ. සුමන්තිරන් සහ මාවෙයි සේනාධිරාජා යන මහත්වරුන් ඇතුළු
දෙමළ දේශපාලකයින් පිරිසක් හමුවී සාකච්ඡා පවත්වන ආකාරය එම ජනමාධ්ය මගින් වීඩියෝ සහිතව පළකර තිබිණි.
එම සංචාරයේ දී මාධ්ය අමතමින් අනුර දිසානායක මහතා පැවසුවේ ජාතික සමගිය නිර්මාණය කිරීම සම්බන්ධයෙන් දීර්ඝ වශයෙන් මෙහිදී සාකච්ඡා කළ බවත්, 2019 මැතිවරණ ප්රකාශනයෙන් පළාත් සභා මේ ආකාරයෙන් ක්රියාත්මක වීම ජාතික ජනබලවේගය පිළිගෙන ඇති බවත්, පළාත් සභාවලින් මෙම ප්රශ්නයට විසඳුමක් ලැබී නැතිබව පිළිගන්නා අතර, පළාත් සභාවලට එහාගිය ක්රියාදාමයක් මේ සඳහා අවශ්ය බව පිළිගන්නා බවත් ය.
ජාතික ජන බලවේගයේ නායකයා උතුරේ දී සිදු කළ මෙම ප්රකාශය හා මෙම සාකච්ඡාවේ දී 13 සංශෝධනය සම්පූර්ණයෙන් ක්රියාත්මක කරන බව ඔහු විසින් පැවසූ බව සනාථ කරමින් සුමන්තිරන් පාර්ලිමේන්තු මන්ත්රීවරයා සිදු කළ ප්රකාශය මෙන්ම දකුණේ දී ජාතික ජනබලවේගයේ සභික නලින්ද ජයතිස්ස සිදුකළ ප්රකාශය එකිනෙකට පරස්පර බව මේ වන විට සනාථ වී තිබීමෙන් ජාතික ජනබලවේගයේ ප්රතිපත්තිය පිළිබඳව දැඩි සැකසංකා ජනතාව තුළ මතුව තිබේ.
එමෙන්ම ඉකුත් දා සමස්ත ලංකා බෞද්ධ මහා සම්මෙලනය මගින් පැවැත් වූ ජනාධිපති අපේක්ෂකයන්ගේ මත විමසුමේ දී ඊට සහභාගි වූ ජනපති අපේක්ෂකයන්ගේ නියෝජිතයන් අතර සිටි ජාතික ජන බලවේගයේ සභික විජිත හේරත් මහතා පවසා සිටියේ පළාත් සභා ක්රමය ලංකාවේ ජාතික ප්රශ්නය විසඳීමට පිළිතුරක් නොවන බවත්, ආණ්ඩුක්රම ව්යවස්ථාවෙන් ඔබ්බට ගොස් පළාත් සභාවලට පොලිස් බලතල හෝ ඉඩම් බලතල ලබාදීමක් ජාතික ජනබලවේගයේ වැඩපිළිවෙල තුළ නොමැති බවත්ය.
ජාතික ජනබලවේගයේ නායකයා උතුරට ගොස් උතුරේ දෙමළ ජනතාවට එක් දෙයක් පොරොන්දු වී, එම පක්ෂයේම නියෝජිතයන් දකුණේ දී තවත් දෙයක් ප්රකාශ කිරීම පිළිබඳව මේ වන විට බොහෝ පාර්ශව වල දැඩි විවේචනය එල්ලවී තිබේ.
ඔවුන්ගේ මෙම දෙබඩි පිළිවෙත සාක්ෂි සහිතවම හෙළිකෙරෙන වීඩියෝ පට කිහිපයක් පහළින් දක්වා ඇත්තේ පාඨකයන්ගේ අවධානය පිණිසය.
සම්බන්ධිත පුවත් | Related News
ප්රධාන පුවත්
කුච්චවේලි පිච්චමල් විහාරය අනතුරේ.. බෞද්ධ නටඹුන් විනාශයි..
විනිසුරුවරුන්ගේ විශ්රාම වයස දීර්ඝ කිරීමේ යෝජනාවෙන් අධිකරණයේ ස්වාධීනත්වයට බරපතළ බලපෑමක්..
විනිසුරුවරුන්ගේ විශ්රාම වයස දීර්ඝ කිරීමේ යෝජනාවට එක්සත් ජාතීන්ගේ සංවිධානය කනස්සල්ලෙන්..
ජනපතිට යැවූ ලිපියට පිළිතුරු නොලැබීම ගැන මල්වතු මහනාහිමි කනස්සල්ල පළ කරයි..
අධිකරණ ඇමති දන්නෙ නෑ කිව්ව මහ නායක හිමිකරුන් ජනාධිපතිට යැවූ ලිපිය මෙන්න..
කිසිඳු රජයක් බන්ධනාගාර ගතකළ අයගේ මානුෂීය ගෞරවය ආරක්ෂාවෙන පරිදි පරීක්ෂණ කටයුතුවලට මුහුණදීමේ තත්ත්වයක් ස්ථාපිත කර නෑ.. මේ රජයත් එහෙමයි.. - නීතිඥ මධුමාලි අල්විස්
ඉරානය ආසන්නයේ රාජකාරියේ නිරතව සිටි වෙහෙසට පත් වූ ඇමරිකානු ගුවන් යානා ප්රවාහන නෞකා නාවිකයන් මුහුදට පැනීමට උත්සාහ කරලා – Military Times
ධනපතියන්ට බිලියන ගණනින් බදු සහන දෙද්දී ජනතාවට බදු බර.. - ළමා මන්දපෝෂණයත් ඉහළට..
රනිල් අරගලයේ පිටපත තුළ ස්ථානගත වූ ආකාරය ගැන ජයන්ත සමරවීරගෙන් අනාවරණයක්..
22 වැනි ආණ්ඩුක්රම ව්යවස්ථා සංශෝධනයේ අවසාන වින්දිතයා ජනාධිපතිවරයායි.. - නීතිඥ කණිෂ්ක විතාරණ
විශ්රාමික හමුදා නිලධාරීන් බන්ධනාගාරයට බඳවා ගැනීම ආණ්ඩුවේ මර්දන අවිය ශක්තිමත් කිරීමේ අරමුණක්.. – ජයන්ත සමරවීර
චීන ශ්රී ලංකා සාම්ප්රදායික මිත්රත්වය ඉදිරියට ගෙන යමින්, දීප්තිමත් අනාගතයක් උදා කරමු!-අභිනවයෙන් පත්වූ ශ්රී ලංකාවේ චීන තානාපති ගරු වෙයි හුවාෂියං
දේශපාලන විරුද්ධවාදීන් මර්දනයට රජය නීතියේ ආධිපත්යය අවභාවිත කිරීම හෙළා දකිනවා.. - දිනන දකුණ
චීනයෙන් ඇමරිකානු සහ මෙක්සිකානු පිකාන් ආනයන සඳහා සියයට 54.3ක් දක්වා ප්රපාතන(Dumping) විරෝධී බදු පැනවේ: MOFCOM
විනිසුරු සේවා දීර්ඝය එකම ගැටලුව කර ගැනීම හාස්යට කරුණක්.. - පූජ්ය බෙංගමුවේ නාලක හිමි
රුසියාවේ තෙල් පිරිපහදුවකට ඩ්රෝන ප්රහාරයක්..