වෙනිසියුලාවේ පශ්චාත් මැතිවරණ කැරැල්ල මැඩ පැවැත්වීමට පෙරට ආ අධිරාජ්‍යය විරෝධී ජනයාට ශ්‍රී ලංකාවේ බොලිවේරියානු සහයෝගිතාවය ආචාරය පුදකරයි
වෙනිසියුලානු ජනයා විසින් 2024 වෙනිසියුලානු ජනාධිපතිවරණයෙන් නිකොලස් මදුරෝ තුන්වෙනි වරටත් වෙනිසියුලානු ජනාධිපතිවරයා ලෙස පත් කරන්නේ ඔහු ජනතා විශ්වාසය උපරිමයෙන් රැක ගෙන සිටින හෙයින් බවත්, වෙනිසියුලාවේ පශ්චාත් මැතිවරණ කැරැල්ල මැඩ පැවැත්වීමට පෙරට ආ අධිරාජ්‍යය විරෝධී ජනයාට තම ආචාරය පුදකර සිටින බවත් ශ්‍රී ලංකාවේ බොලිවේරියානු සහයෝගිතාවය පවසයි.
මේ සම්බන්ධයෙන් නිවේදයක් නිකුත් කරමින් ශ්‍රී ලංකාවේ බොලිවේරියානු සහයෝගිතාවයේ සම්බන්ධීකරණ ලේකම් ජීවන්ත ජයතිස්ස මහතා පවසන්නේ සාමකාමී මැතිවරණයකින් ජය හිමිකරගත් නිකොලස් මදුරෝ පලවා හැරීමට වෙනිසියුලාවේ වෙසෙන අධිරාජ්‍යවාදී බළල් අත් පරාජයට පත් කිරීමට වෙනිසියුලානු සාමාන්‍ය ජනයා දැක්වූ දායකත්වය මෙන්ම වෙනිසියුලානු නීතිය බලාත්මක කිරීමේ අංශ ගනු ලැබූ ක්‍රියා මාර්ග අධිරාජ්‍ය විරෝධී කඳවුර නියෝජනය කරන ආසියාකරයේ වෙසෙන ජනයාටද මහත්වූ ආදර්ශයක් ගෙන දුන් බවයි.
අදාළ නිවේදනය පහළින්...
වෙනිසියුලාවේ පශ්චාත් මැතිවරණ කැරැල්ල මැඩ පැවැත්වීමට පෙරට ආ අධිරාජ්‍යය විරෝධී ජනයාට අපගේ උත්තමචාරය
ලතින් අමෙරිකානු විමුක්තිකාමියෙකු වූ සයිමොන් බොලිවාර්ගේ අප්‍රතිහත ධෛර්ය මත ස්පාඤ්ඤ අධිරාජ්‍යයාගෙන් නිදහස ලැබූ වෙනිසියුලාව දැවැන්ත ස්වාභාවික සම්පත් ගහන රටක් බව අපි දනිමු. ඒ නිසාම වෙනිසියුලාව ස්පාඤ්ඤ අධිරාජ්‍යයාගේ යකඩ සපත්තුවටද නව ලෝකයේ කපටි අධිරාජ්‍යයා වූ අමෙරිකා එක්සත් ජනපද අධිරාජ්‍යවාදයේ සෘජු බලහත්කාරකම් වලට යටවූ රටකි. හියුගෝ චාවෙස් නම් බලවත් අධිරාජ්‍ය විරෝධී නායකයා විසින් දනින් වැටී සිටි වෙනිසියුලාව දෙපයින් පිහිට වූ නමුදු ඔහුගේ අකල් මරණය අධිරාජ්‍ය විරෝධී ජාත්‍යයන්තර සටන්කාමීන්ට ශෝකය දැන වූ කාරණයක් විය. කෙසේ වුවද චාවෙස්ගෙන් ගිලිහුණු අධිරාජ්‍ය විරෝධී ධජය ශක්තිමත්ව සෘජුව වෙනිසියුලානු භූමිය තුළ සිටවීමට වත්මන් වෙනිසියුලානු ජනපති නිකොලස් මදුරෝ දැවැන්ත සටනක් දෙමින් සිටී. ඔහුගේ එම නිර්භීත සටන සමස්ත ලතින් අමෙරිකානු කළාපයේ මෙන්ම ලෝකයේ අනෙකුත් මහා ද්වීප වල ජීවත් වන අධිරාජ්‍යය විරෝධී ජනයාට දැවැන්ත උත්තේජනයක් සපයන්නේය. කරුණු එසේ තිබියදී වෙනිසියුලානු ජනයා 2024 වෙනිසියුලානු ජනාධිපතිවරණයෙන් නිකොලස් මදුරෝ තුන්වෙනි වරටත් වෙනිසියුලානු ජනාධිපතිවරයා ලෙස පත් කරන්නේ ඔහු ජනතා විශ්වාසය උපරිමයෙන් රැක ගෙන සිටින බැවිනි.
කෙසේ වුවද වෙනිසියුලානු ජනයා ප්‍රමුඛ ලතින් අමෙරිකානු කළාපයේ ජනයා මෙන්ම සමස්ථ ලෝකවාසී අධිරාජ්‍යය විරෝධී ජනයා තේරුම්ගත යුත්තේ කියුබාව මෙන්ම වෙනිසියුලාවද අධිරාජ්‍යවාදීන්ගේ දඩබිම් ලැයිස්තුවේ අංක එකට වැජඹෙන රාජ්‍යයන් දෙකක් බවයි. එම රාජ්‍යයන් දෙක විනාශකරලීමට අමෙරිකානු අධිරාජ්‍යවාදීන්ට හැකියාවක් ලැබෙන්නේ නම් ඔවුන් ලතින් අමෙරිකානු භුමියේ ලබන විශාල ජයග්‍රහනයක් බවද මෙහිලා අවධාරණය කරමු. ඒ අනුව පසුගිය දිනවල බොලිවියාව තුළ ගැටුම් ඇති කරලීමට අමෙරිකානු අධිරාජ්‍යවාදීන් ගත් උත්සාහය මිනිස් පලිහක් මගින් වැලැක්වීමට ඉවෝ මොරලෙස් ක්ෂණිකව මැදිහත් වූ ආකාරය වැදගත් ප්‍රායෝගික දේශපාලන පාඩමක් ලෙස සලකා ලතින් අමෙරිකානු කළාපයේ ජනයා ගැඹුරින් කියවාගත යුතුය. කෙසේ වුවද වෙනිසියුලාව පුරා පශ්චාත් ජනාධිපතිවරණ සමයේ මතුවූ අධිරාජ්‍යවාදී අමෙරිකාවේ බළල් අත මෙහෙය වූ කැරැල්ල සාර්ථකව මැඩ පැවැත්වීම්ට වෙනිසියුලානු නීතිය බලාත්මක කරන ආයතන සහ වෙනිසියුලානු අධිරාජ්‍ය විරෝධී දේශප්‍රේමී ජනයා සාර්ථක උත්සාහයක් ගෙන තිබුණි. ඒ අනුව වෙනිසියුලානුවෝ ජාතියක් වශයෙන් බොලිවියාවේ ඉවෝ මොරලෙස් ඉගැන්වූ දේශපාලන පාඩම ගැඹුරින් කියවා ගෙන ඇති බව පෙනේ.
වෙනිසියුලාව මුහුණ දුන් බැරෑරුම් අවස්ථාව පියමං කිරීමට ජාත්‍යන්තර තලයේ වේදිකාවල රුසියාව, චීනය සහ යුරෝපා සංගමය තුළ ගොනුවී සිටින හංගේරියාව ගත් ප්‍රවේශයද අතිශය ප්‍රශංසනීය බව මෙහිලා සිහිපත් කරමු.
අවසාන වශයෙන් වෙනිසියුලාවේ මදුරෝගේ ආණ්ඩුව බිඳ දැමීමට කටයුතු කළ ප්‍රචන්ඩකාරීන් පුරුදු පුහුණු කිරීමට තම භූමිය තුළ ඉඩ දුන් කොලොම්බියා, පේරු සහ චිලී යන රටවල වෙසෙන අධිරාජ්‍ය විරෝධී ජනයා වෙනිසියුලානු, බොලිවියානු සහ කියුබානු නායකයන් අධිරාජ්‍යවාදීන්ට එරෙහිව ගන්නා සාධානීය ක්‍රියා මාර්ග සමඟ එක පෙළට සිට ගත යුතු බව අවධාරණය කරමු. එලෙස ක්‍රියා කිරීමෙන් සමාකාමී සෞභාග්‍යයෙන් පිරුණු ලතින් අමෙරිකාවක් ලෝකයට දායාද කිරීමට ඔබලා මහඟු දායකත්වයක් ලබාදෙන බව අවධාරණය කරමු. අතිශය දුෂ්කර තත්වයන් යටතේ සාමකාමී මැතිවරණයකින් ජය හිමිකරගත් නිකොලස් මදුරෝ පලවා හැරීමට වෙනිසියුලාවේ වෙසෙන අධිරාජ්‍යවාදී බළල් අත් පරාජයට පත් කිරීමට වෙනිසියුලානු සාමාන්‍ය ජනයා දැක්වූ දායකත්වය මෙන්ම වෙනිසියුලානු නීතිය බලාත්මක කිරීමේ අංශ ගනු ලැබූ ක්‍රියා මාර්ග අධිරාජ්‍ය විරෝධී කඳවුර නියෝජනය කරන ආසියාකරයේ වෙසෙන අපටද මහත්වූ ආදර්ශයක් ගෙන දුන් බව සඳහන් කරමු. සමස්ථ ලතින් අමෙරිකානු ජනයා වෙනිසියුලාවේ නිකලස් මදුරෝගේ රජය ආරක්ෂා කිරීම තම පරම වගකීමක් ලෙස සැලකිය යුත්තේ අමෙරිකානු අධිරාජ්‍යවාදියාගේ තීරණාත්මක දඩබිම වන වෙනිසියුලාව ඔවුන්ට ගැති වූ පාලකයෙකු අතට පත් වුවහොත් ලතින් අමෙරිකාවේ අනෙකුත් රාජ්‍යයන්ට අත් වන්නේ ඉතා දුක්ඛිත ඉරණමක් බැවිනි. අවසාන වශයෙන් ලතින් අමෙරිකාව අමෙරිකානු අධිරාජ්‍යවාදී විය ගහෙන් මුදවා ගැනීමේ ශක්තිය එම කළාපයේ වෙසෙන් සියලු ජනයාට ලැබේවායි පතමු.
ජීවන්ත ජයතිස්ස
සම්බන්ධීකරණ ලේකම්
ශ්‍රී ලංකාවේ බොලිවේරියානු සහයෝගිතාවය
සම්බන්ධිත පුවත් | Related News
ප්‍රධාන පුවත්
බ්‍රසීල ජනාධිපතිවරණයේ පළමු වටයෙන් බොල්සොනාරෝ පුත්‍රයාට ජයක්.. – බ්‍රසීල දේශපාලනයේ නව හැරවුමක්?
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්