ඔන්ලයින් පනත් කෙටුම්පත හදපු කණ්ඩායම මෙන්න

Oct 19, 2023 at 09:50 AM

|

Lanka Leader

ආණ්ඩුව විසින් පාර්ලිමේන්තුවට ඉදිරිපත් කර තිබෙන ආන්දෝලනාත්මක මාර්ගගත ආරක්ෂණ පනත් කෙටුම්පත සම්පාදනය කළ කමිටුවේ නාමලේඛනය මේ වන විට ප්‍රසිද්ධියට පත්ව තිබේ.

සමාජ ක්‍රියාකාරිකයකු වන අනුරුද්ධ බණ්ඩාර විසින් තොරතුරු දැනගැනීමේ පනතේ ප්‍රතිපාදන යටතේ  කර තිබූ ඉල්ලීමකට ප්‍රතිචාර දක්වමින් මහජන ආරක්ෂක අමාත්‍යංශය මෙම නාමලේඛනය ලබා දී ඇති අතර, ඒ අනුව අදාළ පනත් කෙටුම්පත සම්පාදනය කිරීම සඳහා පහත දැක්වෙන පිරිස සහභාගී වී ඇති බව වාර්තා වේ.

01. ජනාධිපති නීතිඥ නලින්ද ඉන්දතිස්ස

02. ජයන්ත ප්‍රනාන්දු

03. ජනාධිපති නීතිඥ ජගත් වික්‍රමනායක

04. ආචාර්ය එච්. ඒ. එම්. හකීම්

05. නීතිඥ සන්ජිත් සේනානායක

06. නීතිඥ සේහාන් ද සිල්වා

07. නීතිඥ චමින්ද අතුකෝරළ

08. නීතිඥ චින්තක අමරසිංහ

09. නීතිඥ රුවන්ත කුරේ

10. නීතිඥ සේහානි අල්විස්

11. නීතිඥ චින්තක ප්‍රනාන්දු

12. නීතිඥ අස්විනි හපන්ගම

කෙසේ වුවද මෙම කණ්ඩායමට සිය නම ඇතුලත් කර තිබීම සම්බන්ධයෙන් අදහස් දක්වන ජනාධිපති නීතිඥ ජගත් වික්‍රමනායක පවසා ඇත්තේ, තමා මුල් අවස්ථාවේදීම එම කමිටුවෙන් ඉවත්වූ බවයි.

සිය ෆේස්බුක් පිටුවේ සටහනක් තබමින් ජනාධිපති නීතිඥ ජගත් වික්‍රමනායක වැඩිදුරටත් මෙසේ පවසා ඇත.

මේ පිළිබඳව ඔහු විසින් තබා ඇති සටහන මෙසේය.

“සමාජ මාධ්‍ය ක්‍රියාකාරී අනුරුද්ධ බණ්ඩාර විසින් තොරතුරු දැනගැනීමේ පනත යටතේ ඉල්ලා ඇති තොරතුරකට අනුව ලබාදී ඇති ලේඛනයක Online Safety Bill එක සකස් කරන ලද කමිටු සාමාජිකයෙකු ලෙස මගේ නමද ඇතුලත් කොට ඇති නමුදු මා එම පනත මාසයක් තුළ සකස් කිරීම අවශ්‍ය බව ප්‍රකාශ වීම හේතුවෙන් මුල් අවස්ථාවේදීම එම කමිටුවෙන් ඉවත් වූ බව සදහන් කරමින් ඊට අදාල ලේඛන මෙසේ හෙළිකරමි.”

අදාළ ලේඛන පහළින්...