මගේ පාර්ලිමේන්තු මන්ත්‍රී ධුරය අහෝසි කිරීමේ අධිකරණමය ක්‍රියාමාර්ගය දේශපාලන කුමන්ත්‍රණයක ප්‍රතිඵලයක් - හිටපු අමාත්‍ය ඩයනා ගමගේ

May 10, 2024 at 06:50 AM

|

Lanka Leader

 රාජ්‍ය අමාත්‍යවරියක ලෙස කටයුතු කළ ඩයනා ගමගේ මහත්මියට මෙරට පාර්ලිමේන්තුවේ අසුන් ගැනීමට නීත්‍යානුකූල සුදුසුකමක් නොමැති බව ශ්‍රේෂ්ඨාධිකරණය පසුගිය 08 වනදා තීන්දු  කළ අතර ඇය ඊයේ(9)එඊ සම්බන්ධයෙන් අදහස් දැක්වීමට විශේෂ ප්‍රවෘත්ති සාකච්ඡාවක් කැඳවනු ලැබුණි.

කෙසේ වුවද හිටපු රාජ්‍ය අමාත්‍ය ඩයනා ගමගේ මහත්මියට විදේශගත වීම වළක්වාලමින් කොළඹ මහෙස්ත්‍රාත් අධිකරණය ඊයේ (09) තහනම් නියෝගයක්ද නිකුත් කර තිබුණි.

 මාධ්‍ය සාකච්ඡාවේදී අදහස් දක්වමින් ඩයනා ගමගේ මහත්මිය සඳහන් කළේ,

"මගේ දේශපාලනය මෙතැනින් නවතින්නේ නැහැ. වැඩිකල් යන්න කලින් මේ පාර්ලිමේන්තුව විසුරුවා හරිනවා. ඉදිරි දේශපාලනයට මම අනිවාර්යයෙන්ම එනවා.ජනාධිපතිතුමාගේ සහයෝගයට මම හැමදාම ඉන්නවා. කොටලුවෝ හැංගෙච්ච වෙලාවේ රනිල් වික්‍රමසිංහ තමයි මේ රට භාර ගත්තේ. උසාවි තීරණයට අනුව සජබයත්  අවලංගුයි. මොකද ඒ පක්ෂය පැවරුවේ මගේ අත්සනින්. ඒ පක්ෂය ඇතුලේ අර්බුද ගොඩක් තියෙනවා. ඒවා මම ඉදිරියේදී කියන්නම්.ප්‍රශ්නයක් තියෙනවා නම් සජබය මාව තියාගත්තේ ඇයි. මගේ තියෙන්නේ දකුණේ ලේ. මගේ තාත්තා බ්‍රිතාන්‍ය ජාතික කාන්තාවක් දීගෙට ගත්තා. ඒක මගේ වරද නෙමෙයි. ඒක හොඳයි. මම කැමතියි.මේ රටේ කාන්තාවන්ට මං වගේ චරිතයක් නැවත ඕනේ නම්... මං නැවත පාර්ලිමේන්තුවට එයි"

එහිදී වැඩිදුරටත් අදහස් දක්වමින් තම පාර්ලිමේන්තු මන්ත්‍රී ධුරය අහෝසි කිරීමේ අධිකරණමය ක්‍රියාමාර්ගය දේශපාලන කුමන්ත්‍රණයක ප්‍රතිඵලයක් බවද ඩයනා ගමගේ මහත්මිය පැවසුවාය.

<iframe width="749" height="421" src="https://www.youtube.com/embed/_3S4QMaAac8" title="ඩයනා ගමගේ සහභාගී වන මාධ්‍ය සාකච්ඡාව මෙතැනින්..." frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>