ඉන්දියානු මහකොමසාරිස් කාර්යාලයෙන් ඉන්දියානු සමාගමක් නොවේ යැයි කියූ VFS ආයතනයේ ඉන්දියානු උපත එළියට... ලංකාව ඉන්දියානු කොලනියක් කිරීමේ මෙහෙයුම සිදු වෙන්නේ මෙහෙමයි...

May 4, 2024 at 08:14 AM

|

Lanka Leader

පාලකයන් බලය වෙනුවෙනුවෙන් ශ්‍රී ලංකාව ඉන්දියානුකරණය කිරීමේ උත්සාහයේ ප්‍රතිඵලයක් ලෙස මෙරට ආගමන සේවාව VFS ආයතනයට පැවරීමේ ක්‍රියාවලිය පිළිබඳව තොරතුරු පසුගිය දිනවලදී අනාවරණය විය.

ලංකාව ඉන්දියානුකරණය කිරීමේ මෙම මෙහෙයුම පිළිබඳව සවිස්තර තොරතුරු අනාවරණය කෙරෙන ලිපියක් පහළින් දැක්වේ.

මේ ජායාරූපයේ දැක්වෙන්නේ ඉන්දියානු මහකොමසාරිස් කාර්යාලයෙන් ඉන්දියානු සමාගමක් නොවේ යයි අප නොමග යැවූ 2001 වසරේ ඉන්දියාවේදී පිහිටවූ VFS ආයතනයේ ඉන්දියානු පුරවැසියෙකු වන ප්‍රධානියා ඉන්දියානු අධිපතිවාදී අගමැති මෝඩි හමුව සිදුවූ ආකාරයයි.

ඉන්දියාව ලංකා රාජ්‍යය තමන් සතුකර ගැනීමේ නොනිත් ආශාවෙන් ක්‍රියාකරමින් පවතින පසුබිමක ඉන්දියානුවන විසින් මෙහෙයවන 2001 වසරේදී ඉන්දියාවේ මුම්බායි නුවරදී පිහිටවූ VFS ආයතනයට අපගේ ආගමන විගමන සේවාව පවරා දීම දැඩි පිළිකුලෙන් හෙලා දකිමු. රනිල් වික්‍රමසිංහ රජයත් එහි ආධාර කරුවන් වන පොදුජන එක්සත් පෙරමුණත් කිසිදු පිළිකුලකින් තොරව තම බලය උදෙසා ලංකාව ඉන්දියානුකරණය කිරීමේ උත්සාහය අප පරාජය කල යුතුය.

බලශක්තිය අදානිටත් ආගමන සේවාව VFS ආයතනයට පැවරීමට අප ඉඩ නොදිය යුතුය. අද වනවිට බලශක්ති පද්ධතියද, ත්‍රිකුණාමලය ඇතුළුව වරායද , අපගේ ගුවන් සීමාවද, අපගේ වගාබිම්ද, වෙළද මධ්‍යස්ථානද, ගුවන්තොටුපලද, අපගේ මුහුදු කලාපය සහ දුපත්ද ඉන්දියාව අත්පත් කරගනිමින් පවතී. මෙතනින් නොනැවතී අපට අයත් මුහුදේ පිහිටි ලොව විශාලතම දුලබ ඛනිජ සම්පත් සහිත අට්කනාසි එටකින් නම් දැවැන්ත මුහුදු කදු වැටියද ඉන්දියාව විසින් ලංකාවටත් නොදන්වා බලහත්කාරයෙන් කැනීම් කරන්නට සුදානම් වෙයි.

මේ අතර අපගේ ආරක්ෂක හමුදා කැබලි කොට ජාතික ත්‍රිකුණාමලය සහ මන්නාරම ඇතුළු ආරක්ෂක මරමස්ථාන ඉන්දියාවට පවරමින් ඇත. ඉන්දියාව විසින් පාලනය කල ගෝඨාබය රාජපක්ෂත් ඔවුන්ගේ ඕන එපාකම් ඉටුකළ මහබැංකු අතිපතිවරයා ඇතිලු කණ්ඩායමක් ලංකාව මේ සියල්ල සිදුවන්නේ තම බලය රැකගැනීමටත් ඉදිරි මැතිවරණය ජයග්‍රහණය කිරීමටත් ඉන්දියාව තමන් වඩු මවත් උපන් රටත් පවා දෙන්නට සුදානම් ද්‍රෝහී දේශපාලකයන් සහ නිලධාරීන් පිරිසකගේ සහයෙන් වේ.

රට වෙනුවෙනුත්, අපගේ දරුවන්ගේත්, අපෙත් අනාගතය වෙනුවෙනුත් මේ රට සිවධින රාජ්යක් ලෙස පැවතිය යුතුය. අප ආර්ථික වශයෙන් ශක්තිමත් විය යුතුය. ඒ කිසිවන් ඉන්දියානු කොලනියක වහලුන් වශයෙන් අපට නොලැබෙන බව අප වටහා ගත යුතුය.

මේ නව නිදහස් සටනක් ඇරබෙන යුගයයි. ඒ සදහා එකතු වෙමු. අනාගතයක් උදෙසා එකතු වෙමු. අපගේ දරුවන්ට රටක් උරුම කිරීම උදෙසා එකතු වෙමු. ලංකාව විනාශ කල යටත් විජිත හාම්පුතුන්ගේ සහයෙන් රට වැසියන් සූරාගෙන ශතවර්ත ගණනක් තිස්සේ සුරසැප විදින අධම මිනීමරු කොම්පදෝරු පැලැන්තිය බලයෙන් පැන්නීමට කාලය එලබ ඇත. උනුත් උන්ගේ යටත් විජිත ක්‍රමයත් මේ දුපතෙන් සහමුලින්ම අතුගා දැමිය යුතුය.

ඒ සදහා  නව නිදහස් සටනට එකතු වෙමු.

- සංඛ චන්දිම අභයවර්ධන