ඉතාලිය 'භූගත' මුස්ලිම් පල්ලි ගැන කනස්සල්ලට පත්ව සිටින්නේ යැයි ඉතාලි මාධ්‍ය පවසයි
ඉතාලියේ පලවූ ප්‍රවෘත්ති වාර්තාවකට අනුව ඉතාලි ආරක්ෂක සේවා රෝමයේ "නිල නොවන" මුස්ලිම් යාඥා මධ්‍යස්ථාන 53ක් සම්බන්ධයෙන් නිරීක්ෂණ කටයුතු අරඹා ඇතැයි පැවසේ.
ඉතාලියේ අගනුවර වෙත සංක්‍රමණය වන මුස්ලිම් සංක්‍රමණිකයන්ගේ සංඛ්‍යාව වර්ධනය වීමත් සමඟ යාඥා කිරීමට අවශ්‍ය අවකාශයන් වැඩි වී ඇතැයිද එම වාර්තාව පවසයි. ඒ අනුව ගබඩා, ගරාජ, මහල් නිවාස සහ ගොඩනැගිලිවල බිම් මහල් වල යාඥා මධ්‍යස්ථාන විවෘත වන්නට පටන් ගෙන තිබේ. මෙම යාඥා මධ්‍ය්ස්ථාන වලින් සමහරක් නීතිමය වශයෙන් ගත් කළ නීති විරෝධී වුවද බලධාරීන් ඒවා දෙස නෑසූ කන්ව සිටීමට කටයුතු කරති.
"මෙම සැඟවුණු යාඥා මධ්‍යස්ථාන තුළ රැඩිකල්කරණය සැඟව තිබෙන අතර, බොහෝ විට ශුද්ධ වූ යුද්ධයේ ප්‍රාණ පරිත්‍යාගිකයින් බවට පත් වූ හුදකලා වෘකයන් ඇදහිලිවන්තයන් අතර සැඟවී සිටින ස්ථාන වේ." යනුවෙන් ll Tempo පුවත්පත ඊයේ(19) පැවසීය.
ඉතාලි අභ්‍යන්තර කටයුතු අමාත්‍යාංශයේ වාර්තාවක් උපුටා දක්වමින් පුවත්පත සඳහන් කළේ දශකයකට පෙර නිරීක්ෂණයට ලක්ව වූ භූගත මුස්ලිම් පල්ලි සංඛ්‍යාව 30 කට ආසන්න ප්‍රමානයක් තිබූ බවත් එය මේවන විට දෙගුණයකින් වැඩි වී ඇති බවයි.
රෝමය "ඉස්ලාමයේ අගනුවර" ලෙස විස්තර කළ ll Tempo පුවත් පතට අනුව, ලියාපදිංචි නොකළ මුළු නමස්කාර මධ්‍යස්ථාන සංඛ්‍යාව 100 ඉක්මවිය හැකි බවද පෙන්වා දුන්නේය.
කෙසේ වුවද මෙම තත්ත්වය රෝමයට පමණක් සීමා වූ බවක් නොපෙනේ. Fuori dal Coro ප්‍රවෘත්ති වැඩසටහනේ මාධ්‍යවේදීන් මෑතකදී මිලානෝ හි සමහර භූගත මුස්ලිම් පල්ලිවලට රහසිගතව ගොස්, මුස්ලිම් ශුද්ධ වූ රාමසාන් මාසය තුළ, “සංක්‍රමණිකයන් සහ ප්‍රචණ්ඩත්වය, ඉතාලියට වෛර කරන මුස්ලිම්වරු (Immigrants and Violence, The Muslims Who Hate Italy) නම් වාර්තා චිත්‍රපටයක් නිෂ්පාදනය කළහ.
"රැඩිකල් ඉස්ලාම්වාදියෙකු" ලෙස තමාව හඳුන්වන ලද පුද්ගලයෙකු පැවසුවේ මුස්ලිම්වරුන් "යුදෙව්වන් පන්නා දමනු ඇත" යනුවෙන් කුරානයේ ලියා ඇති බවයි. ඉතාලියේ මිනිසුන් “හොඳ හදවතක් ඇති” නිසා මෙන්ම ඉතාලි ජාතිකයන්ගේ ඇවතුම් පැවතුම් “ඉස්ලාමයට ඉතා සමීප” නිසා මුස්ලිම්වරුන් ඉතාලියෙන් පටන්ගෙන බටහිර රටවල් ඉක්මනින් ජය ගනු ඇතැයි ඔහු විශ්වාසය පළ කළේය.
“පල්ලි දෙස බලන්න, වැඩිහිටි පුද්ගලයින් කිහිප දෙනෙක්, පස් දෙනෙක් මෙතන, පස් දෙනෙක් එතැන,” රැඩිකල් ඉස්ලාම්වාදියා වාර්තාකරුවන්ට පැවසීය.
ඉතාලියේ ස්වදේශික ජනගහණය වයස්ගත වෙමින් පවතී. 2023 දී, ඉතාලි ජාතිකයෙකුගේ මධ්‍යන්‍ය වයස අවුරුදු 47.7 ක් වේ. එලෙසම ඉතාලියේ සමස්ථ සඵල්‍යතා අනුපාතය 1.3 ක අගයක පවතී. ඉතාලිය අප්‍රිකාවෙන් සහ ආසියාවෙන් යුරෝපා සංගමයට ඇතුල්වන සංක්‍රමණිකයන් සඳහා ප්‍රවේශ වීමේ ප්‍රධාන දොරටුවක්ද වී තිබේ. මෙම සංක්‍රමණිකයන් බොහෝ දෙනෙක් මුස්ලිම්වරු බහුතරයක් සිටින රටවල් වලින් පැමිණෙන්නන් වීමද කැපී පෙනේ.
ඉතාලි අගමැති Giorgia Meloni සංක්‍රමණ නවතා දැමීමේ පොරොන්දු මත දේශපාලන උද්ඝෝෂනයක නිරත වූ නමුත් බලයට පත්වූ පසුව සරණාගතයින් ඵලදායී ලෙස දිරිමත් කරන යුරෝපා සංගම් ප්‍රතිපත්තිය සම්පූර්ණයෙන්ම වැළඳගෙන ඇත.
අප්‍රේල් මස මුලදී, ඉතාලි පොලිසිය විසින් ඉස්ලාමීය රාජ්‍ය කොරාසන් (ISIS-K හෝ ISPK) ත්‍රස්තවාදී කණ්ඩායමේ සැකකරුවෙකු නෙදර්ලන්තයේ සිට ඉතාලිය හරහා යමින් සිටියදී රඳවා ගනු ලැබීය. ටජිකිස්තාන ජාතිකයෙකු වන ඉල්කොමි සයිරක්මන්සෝඩා නැමැති ඔහු යුරෝපා සංගමය තුළ ත්‍රස්තවාදී ප්‍රහාර සැලසුම් කිරීමට සම්බන්ධ සැකකරුවෙකු වන අතර ජාත්‍යන්තර පොලිසියට අවශ්‍යව සිටි අයෙකි.
පසුගිය මාසයේ මොස්කව් නගරයෙන් පිටත ක්‍රොකස් සිටි හෝල් ප්‍රසංග භූමියේදී එල්ල වූ ත්‍රස්ත ප්‍රහාරයේ වගකීම ISIS-K සංවිධානය විසින් භාර ගන්නා ලදී. රුසියානු බලධාරීන් විසින් අත්අඩංගුවට ගත් සැකකරුවන්ගෙන් වැඩි ප්‍රමාණයක් ටජිකිස්තාන ජාතිකයන් වන අතර රුසියානු බලධාරින් මෙවැනි ත්‍රස්ත කටයුතු වලට යුක්රේනයේ සක්‍රිය මැදිහත්වීම් ද නිරීක්ෂණය කර තිබේ.
සම්බන්ධිත පුවත් | Related News
ප්‍රධාන පුවත්
යුද ජයග්‍රහණය සමරණ මාසයේම ආණ්ඩුව රණවිරුවන් දඩයම් කිරීමේ මෙහෙයුමක.. බෙදුම්වාදීන් සතුටු කරන්න රනිල්ට කරන්න බැරිවුන දේ අනුර කරයි - වෛද්‍ය වසන්ත බණ්ඩාරගෙන් සුවිශේෂී හෙළිදරව්වක්
දෙමළ ජන සංහාරය පිළිගන්නේ නැති අය ආපහු ලංකාවට යන්නැයි කැනඩාවේ ඉන්න ලාංකිකයන්ට නගරාධිපති පැට්‍රික් බ්‍රවුන් කියලා..
ජනපති අනුරගේ පුද්ගලික කාර්ය මණ්ඩලය ගැන විස්තර, තොරතුරු පනතින් ඉල්ලුවත් දීලා නැහැලු..
අනුර - මෝදි අත්සන් කළ ගිවිසුම්වල තොරතුරු ලබාදෙන්නැයි ජාතික සංවිධාන කළ ඉල්ලීම තොරතුරු නිලධාරියා ප්‍රතික්ෂේප කරයි..
ජනවරමට අභියෝග කර කඩාකප්පල් කිරීමට උත්සාහ කළහොත් රජය තුනෙන් දෙක යෙදාගෙන නීති සංශෝධනය කරනවා - ජනාධිපති අනුර කුමාර දිසානායක
රට පුරා පැපොල රෝගීන් වැඩිවීමක් දක්නට ලැබුණද එන්නත් තොග රෝහල් ගබඩාවල නැතිලු?
චීනයෙන් නැගෙන හඬ: වෙන කවරදාටත් වඩා මොස්කව් සහ බීජිං එක්ව සිටින්නේ ඇයි?
ඉන්දියාව කියන්නේ භූ දේශපාලන වෛශ්‍යාවක්.. ආර්ථික වාසිය තකා චීනයත් එක්ක ගනුදෙනු කළාට රෑට නිදාගන්නේ අමෙරිකාව එක්ක - වෛද්‍ය වසන්ත බණ්ඩාර (වීඩියෝ)
ඉන්දියාවත් එක්ක අත්සන් කළ ගිවිසුම් නිසා ලංකාව ඉන්දියාවේ 29 වැනි ප්‍රාන්තය බවට පත්වී අනුර කුමාරට ඒ ප්‍රාන්තයේ ආණ්ඩුකාර ධූරය නම් ලැබෙයි - වෛද්‍ය වසන්ත බණ්ඩාර (වීඩියෝ)
ඉන්දියාව සමග අත්සන් කළ ගිවිසුම් ක්‍රියාත්මක වීමේදී රටට විශාල වන්දියක් ගෙවීමට සිදුවේවි.. ටිල්වින් මේ වගේ විහිළුකාරයෙක් වීම ගැන අපිට නම් කණගාටුයි - වෛද්‍ය වසන්ත බණ්ඩාර (වීඩියෝ)
චාල්ස් තෝමස් නම් තැනැත්තා පාදෙණිය රජ මහා විහාරයේ පැවැත්වීමට සූදානම් වන වැඩසටහන වහා අවලංගු කරන්නැයි මල්වතු මහනායක හිමියෝ දන්වති..
අසිරිමත් සම්බුදු තෙමඟුල සිහිකරන වෙසක් පුර පසලොස්වක පොහොය අදයි..
නඩු යන්නත් බැරි, තොරතුරු හෙළිකරන්නත් බැරි අනුර - මෝදි හොර ගිවිසුම් ගැන දුමින්ද නාගමුවගෙන් භයානක හෙළිදරව්වක් (වීඩියෝ)
නාසිවාදී පැසිස්ට්වාදය ලොවෙන් තුරන්කර දැමීමට ජීවිත පරිත්‍යාගයෙන් කැපවුන ‘මැයි 9 විරුවන්ට’ විමල් නිහඬ උපහාර පුදකරයි..
යුක්රේනය වහාම සටන් විරාමයකට සූදානම් - සෙලෙන්ස්කි
මාස 6 ක් තුළ ආණ්ඩුව ලබපු දරුණු පරාජය ලෝක වාර්තාවක් - විමල් කියයි (වීඩියෝ)