ඉරානය තීරාණාත්මක ඊශ්රායල හමුදා ඉලක්ක වෙත පහර දෙයි
ඉරානයේ විප්ලවවාදී ආරක්ෂක බළකාය ඊශ්රායලයට එරෙහිව සාර්ථක මහා පරිමාණ මිසයිල සහ ඩ්රෝන ප්රහාරයක් එල්ල කර ඇති බව ඉරානයේ ඓර්ණැ ප්රවෘත්ති ඒජන්සිය විප්ලවවාදී ආරක්ෂක බළකායේ ප්රරුත්ති නිවේදනයක් උපුටා දක්වමින් පවසයි. ඉරාන ඉස්ලාමීය ජනරජයේ හමුදාව "වැදගත් මිලිටරි ඉලක්ක" වෙත පහර දී විනාශ කිරීමට සමත් විය යනුවෙන් එම ප්රවෘත්තිය පවසයි.
සිරියාවේ අගනුවර වන ඩමස්කස් හි ඉරාන කොන්සල් කාර්යාලයට ඊශ්රායල ප්රහාරයක් එල්ල කිරීම ඇතුළුව, බටහිර ජෙරුසලම විසින් සිදු කරන ලද "බොහෝ අපරාධ" ලෙස ටෙහෙරානය නම් කළ ප්රහාර වලට ප්රතිචාර ලෙස මෙම ප්රහාරය එල්ල කළ බව ඉරාන විප්ලවවාදී ආරක්ෂක බළකාය පවසයි. අප්රේල් 1 වැනිදා සිදුවූ මෙම ප්රහාරයෙන් ජෙනරාල්වරුන් දෙදෙනෙකු ඇතුළුව IRGC හි කඩ්ස් බලකායේ නිලධාරීන් හත් දෙනෙක් මිය ගියහ.
මේ අතර ඉස්ලාමීය ජනරජයේ ප්රහාරයට ඩ්රෝන යානා 100කට වඩා සම්බන්ධ වූ බව ඊශ්රායල සහ බටහිර මාධ්ය වාර්තා කළේය. ඊශ්රායල ආරක්ෂක හමුදාව (IDF) ප්රකාශ කළේ තමන් ඊශ්රායල භූමිය වෙත පැමිණෙන මිනිසුන් රහිත ගුවන් යානා ලුහුබැඳ ගිය බවත් මිත්ර හමුදාවන්ගේ සහාය ඇතිව ඒවා ගුවනේදී විනාශ කළ බවත්ය.
ඉරාන මාධ්ය විසින් ඊශ්රායලයේ ඔවුන්ගේ ඉලක්ක වෙත මිසයිල එල්ල වූ අවස්ථා දැක්වෙන කෙටි වීඩියෝ පට කිහිපයක් සමාජ මාධ්යවල පළ කර ඇත. එයින් එකක් ඊශ්රායලයේ දකුණු ප්රදේශයේ නෙගෙව් කාන්තාරයේ ජනාවාසයක් ආශ්රිතව බව කියනු ලැබේ.
ඊශ්රායල ජනාවාසයක ඉලක්ක වෙත පහර දෙන මිසයිල කිහිපයක වීඩියෝ දර්ශනද සමාජ ජාලා වල සංසරණය වේ.
මේ අතර ඊශ්රායල ආරක්ෂක බලකාය විසින් තහවුරු කර ඇත්තේ ඉරාන ප්රහාරයේ ප්රතිඵලයක් ලෙස එක් හමුදා කඳවුරකට "සුළු" හානියක් පමණක සිදුව ඇති බවයි. ප්රහාරයෙන් මේ වන විට තුවාල ලැබූ එකම පුද්ගලයා දකුණු ඊශ්රායලයේ 10 හැවිරිදි දරුවෙකි.
ඉරාන ආරක්ෂක බලකාය නිවේදනයක් නිකුත් කරමින් එක්සත් ජනපදයට , ඉරානයේ අවශ්යතාවලට හානි වන පරිදි ඊශ්රායලයට සපයන ඕනෑම සහයෝගයක් “තීරණාත්මක ප්රතිචාරයක්” ලබා දෙන බවට අනතුරු ඇඟවීය. බටහිර ජෙරුසලමේ “නපුරු ක්රියා සඳහා වොෂින්ටනය වගකිව යුතු” බව ටෙහෙරානය සලකයි. ඉරාන ඉස්ලාමීය ජනරජයට ප්රහාර එල්ල කිරීමට එක්සත් ජනපදයට හෝ ඊශ්රායලයට උදව් කිරීමට සම්බන්ධයෙන් තම අසල්වැසියන්ට අනතුරු ඇඟවීය.
ප්රහාරයෙන් පසුව ඊශ්රායල මාධ්ය වාර්තා කළේ බටහිර ජෙරුසලම ඉරාන ප්රහාරයට දැවැන්ත ප්රතිප්රහාර එල්ල කිරීමට සැලසුම් කර ඇති බවයි. ඊශ්රායලයේ සංස්කෘතික හා ක්රීඩා අමාත්ය Miki Zohar ද ප්රකාශ කළේ බටහිර ජෙරුසලමට “පෙර නොවූ විරූ බලයකින් ඉරානයට පහර දීම සඳහා 13 දා රාත්රියේ පුළුල් ජාත්යන්තර නීත්යානුකූලභාවයක් ලැබී ඇති” බවයි.
Iran struck ‘important’ Israeli military targets
සම්බන්ධිත පුවත් | Related News
ප්රධාන පුවත්
විනිසුරුවරුන්ගේ විශ්රාම වයස දීර්ඝ කිරීමේ යෝජනාවෙන් අධිකරණයේ ස්වාධීනත්වයට බරපතළ බලපෑමක්..
විනිසුරුවරුන්ගේ විශ්රාම වයස දීර්ඝ කිරීමේ යෝජනාවට එක්සත් ජාතීන්ගේ සංවිධානය කනස්සල්ලෙන්..
ජනපතිට යැවූ ලිපියට පිළිතුරු නොලැබීම ගැන මල්වතු මහනාහිමි කනස්සල්ල පළ කරයි..
අධිකරණ ඇමති දන්නෙ නෑ කිව්ව මහ නායක හිමිකරුන් ජනාධිපතිට යැවූ ලිපිය මෙන්න..
කිසිඳු රජයක් බන්ධනාගාර ගතකළ අයගේ මානුෂීය ගෞරවය ආරක්ෂාවෙන පරිදි පරීක්ෂණ කටයුතුවලට මුහුණදීමේ තත්ත්වයක් ස්ථාපිත කර නෑ.. මේ රජයත් එහෙමයි.. - නීතිඥ මධුමාලි අල්විස්
ඉරානය ආසන්නයේ රාජකාරියේ නිරතව සිටි වෙහෙසට පත් වූ ඇමරිකානු ගුවන් යානා ප්රවාහන නෞකා නාවිකයන් මුහුදට පැනීමට උත්සාහ කරලා – Military Times
ධනපතියන්ට බිලියන ගණනින් බදු සහන දෙද්දී ජනතාවට බදු බර.. - ළමා මන්දපෝෂණයත් ඉහළට..
රනිල් අරගලයේ පිටපත තුළ ස්ථානගත වූ ආකාරය ගැන ජයන්ත සමරවීරගෙන් අනාවරණයක්..
22 වැනි ආණ්ඩුක්රම ව්යවස්ථා සංශෝධනයේ අවසාන වින්දිතයා ජනාධිපතිවරයායි.. - නීතිඥ කණිෂ්ක විතාරණ
විශ්රාමික හමුදා නිලධාරීන් බන්ධනාගාරයට බඳවා ගැනීම ආණ්ඩුවේ මර්දන අවිය ශක්තිමත් කිරීමේ අරමුණක්.. – ජයන්ත සමරවීර
චීන ශ්රී ලංකා සාම්ප්රදායික මිත්රත්වය ඉදිරියට ගෙන යමින්, දීප්තිමත් අනාගතයක් උදා කරමු!-අභිනවයෙන් පත්වූ ශ්රී ලංකාවේ චීන තානාපති ගරු වෙයි හුවාෂියං
දේශපාලන විරුද්ධවාදීන් මර්දනයට රජය නීතියේ ආධිපත්යය අවභාවිත කිරීම හෙළා දකිනවා.. - දිනන දකුණ
චීනයෙන් ඇමරිකානු සහ මෙක්සිකානු පිකාන් ආනයන සඳහා සියයට 54.3ක් දක්වා ප්රපාතන(Dumping) විරෝධී බදු පැනවේ: MOFCOM
විනිසුරු සේවා දීර්ඝය එකම ගැටලුව කර ගැනීම හාස්යට කරුණක්.. - පූජ්ය බෙංගමුවේ නාලක හිමි
රුසියාවේ තෙල් පිරිපහදුවකට ඩ්රෝන ප්රහාරයක්..
NLDB ගොවිපළවල් පෞද්ගලික අංශයට බදු දීමේ තීරණය හකුළා ගන්න.. - කෘෂි අරගල ව්යාපාරයෙන් ඇමති ලාල් කාන්තට විවෘත ආයාචනයක්..