ලෝකයේ ඉතිරි වන්නේ බුදුදහම පමණක් යන ආතර් සී ක්ලාක් මහතාගේ අනාවැකිය සැබෑවක් වෙමින් පවතින නිසාම බුදු දහම විනාශ කිරීමේ මහා ව්‍යාපාරයක් මෙරට තුළ ක්‍රියාත්මකයි - ශාන්ති පදනමේ නිර්මාතෘ පූජ්‍ය කොටපොල අමරකීර්ති හිමි

Mar 30, 2024 at 10:50 AM

|

Lanka Leader

නැගෙනහිර තමන්කඩුව දෙපලාතේ ප්‍රධාන සංඝනායක ශ්‍රි කළ්‍යානිවංශ පාර්ශවයේ අනුනායක කොළඹ සේරුවිල බෞද්ධ මධ්‍යස්ථානාධිපති පිච්ච මල් පූජාවේ නිර්මාතෘ පූජ්‍ය කොටපොල අමරකිත්ති හිමිපානන් ශාන්ති පදනමේ 45 වන වාර්ෂික මහා සභා රැස්වීමට එක් වෙමින් පවසා සිටියේ ආතර් සී ක්ලාක් මහතා ප්‍රකාශ කළ අනාගතයේදී ඉතිරි වන්නේ බුදු දහම පමණක්ය යන අනාවැකිය සනාථ වීමට ඇත්තේ තවත් වසර 24ක් පමණක් බවයි.

එසේ වුවද වසර 2500ක් තිස්සේ ථේරවාදී බෞද්ධ සම්ප්‍රදාය ආරක්ෂා කළ අපේ සම්බුද්ධ ශාසනය විනාශ කරලීමේ කුමන්ත්‍රණයක් ක්‍රියාත්මක බව පෙන්වා දුන්හ.

මේ වන විට විවිධ වෙස් ගත් භික්ෂුන් වහන්සේලා නමින් පෙනී සිටින විවිධ පුද්ගලයන් සක්‍රිය වී ඇති බවද උන්වහන්සේ පෙන්වා දුන්හ. ශ්‍රී ලංකා රජයේ බලය කේන්ද්‍රගතව ඇත්තේ ගමේ පන්සල ආශ්‍රිතව බැවින් ගමේ පන්සලේ බෞද්ධ භික්ෂූන් වහන්සේලා ආරක්ෂා කර ගැනීම බෞද්ධායාගේ අද දවසේ වගකීම බවද උන් වහන්සේ අවධාරණය කළහ.

විවිධ වෙස් ගත් භික්ෂු ශාසනය විනාශ කරලීමට මූලිකවී සිටින  මෙම කල්ලි කණ්ඩායම් මූලිකවම අපේ බෞද්ධයාගේ අවධානය දිනාගෙන භික්ෂූන්ට නොගැලපෙන තරම් අපචාරී ක්‍රියාවල යෙදෙමින් පොදුවේ භික්ෂූන් වහන්සේලා අපකීර්තියට පත් කර බෞද්ධයා තුළ බෞද්ධ භික්ෂුව කෙරෙහි අප්‍රසාදය වැඩෙන පරිදි ක්‍රියා කිරීම එම කුමන්ත්‍රණකාරී පිරිස් වල අරමුණ බවද උන්වහන්සේලා පෙන්වා දුන්හ.

ඒ අනුව ගිහි පැවිදි දෙපාර්ශවයම මෙම තත්වය වටහාගෙන එළැඹි සිහියෙන් යුතුව අප ඉදිරියේ තිබෙන අභියෝගය ජය ගැනීමට කටයුතු නොකළහොත් සම්බුද්ධ ශාසනයත් අපේ මව්බිමත් අපට අහිමි වන බව උන්වහන්සේ පෙන්වා දුන්හ.

එම අවස්ථාවේ ඡායාරූප පහළින්...