කැනඩාවේ දී දෙමළ ඩයස්පෝරාව සතුටු කිරීමට ගිය අනුරට දෙමළ සිවිල් සංවිධානවල විරෝධය... අනුරගේ අතින් අල්ලාගෙන සම්බන්ධන් කියූ කතාව ගැන අරුන් සිද්දාර්ඨන් රිදෙන්නම කියා දෙයි (වීඩියෝ)

Mar 28, 2024 at 07:42 AM

|

Lanka Leader

පාර්ලිමේන්තු මන්ත්‍රී ආර්. සම්බන්ධන් මහතා, ජාතික ජනබලවේගයේ නායක අනුර කුමාර දිසානායක මහතාගේ අතින් අල්ලාගෙන තමන් ලංකාවේ දෙවැනි පුරවැසියෙක් ලෙස ලෝකෙට ප්‍රකාශ කිරීමට අකමැති බව වරක් පැවසූ බව අනුර කුමාර දිසානායක මහතා සිය කැනඩා සංචාරයේ දී පැවසූ කතාව පිළිබඳව උතුරේ සිවිල් සංවිධානවල දැඩි කතාබහක් නිර්මාණය වී තිබේ.

අනුර කුමාර දිසානායක මහතා එහිදී පවසන්නේ 13 වැනි සංශෝධනය මගින් ලබාදී තිබෙන පළාත් සභා දැන් උතුරු හා නැගෙනහිර ජනතාවගේ අයිතිවාසිකමක් බවට පත්වී ඇති බව පිළිගන්නා බවත්, එය ඔවුන් විසින් දිනාගන්නා ලද දෙයක් නිසා එහි ඇති යම් යම් ගැටලු නිරාකරණය කර ඔවුන්ගේ අයිතිවාසිකමක් ලෙස තහවුරු කළ යුතු බවත්, එය ආරක්ෂා කළ යුතු බවත්  ය.

කැනඩාවේ දී මාලිමාවේ නායකයා විසින් සිදුකළ මෙම ප්‍රකාශය පිළිබඳව අදහස් දක්වමින් යාපනය සිවිල් සංවිධාන කේන්ද්‍රයේ කැඳවුම්කරු අරුන් සිද්ධාර්ථන් මහතා පවසන්නේ සම්බන්ධන් මහතා අනුර කුමාර මහතාගේ අතින් අල්ලාගෙන සිදුකළ කතාවේදී උතුරු පළාතට දේසවලාවේ නීතියක් දමා කුලය අනුව උතුරේ ජනයා වහලුන් බවට පත්කළ හැටි ඔහු විසින් අනුර දිසානායකට නොකියා සිටියේ ඇයිද යන්නය.

උතුරේ සිවිල් විසියන් වහලුන් බවට පත්කළ නායකයන්ගේ දේශපාලන අයිතිවාසිකම් ගැන කැනඩාවේදී  අනුර කුමාර දිසානායක පෙනීසිටීම සම්බන්ධයෙන් ඔහු මෙහිදී දැඩි විවේඡනයක් එල්ල කර තිබේ.

කෙසේ වුවද මේ සම්බන්ධයෙන් අදහස් දක්වන විවිධ පාර්ශ්ව පෙන්වා දෙන්නේ අනුර කුමාර දිසානායක මහතා කැනඩාවේ දී සිදුකළ එබඳු ප්‍රකාශ දෙමළ ඩයස්පෝරාව සතුටු කිරීමේ උවමනාවෙන් සිදු කළ ප්‍රකාශ බව පැහැදිලි වන බවයි. 

වීඩියෝව නරඹන්න...