මෛත්‍රීගේ පාස්කු ප්‍රහාරය ගැන ප්‍රකාශය රට ඉදිරියේ ඇති බිහිසුනු අණපනත් ගැන ජනතාවගේ අවධානය වෙනතකට යොමුකිරීමේ කූඨ ව්‍යාපාරයේ තවත් එක් උත්සාහයක් - ගෝලීය ශ්‍රී ලාංකික සංසදයේ විධායක ලේකම් යසස් ධර්මදාස
හිටපු ජනාධිපති මෛත්‍රීපාල සිරිසේන මහතා පාස්කු ප්‍රහාරයේ මහ මොළකරුවන් පිළිබඳව ඔහුගේ දැනුවත් භාවය පිළිබඳව කළ ප්‍රකාශය පිළිබඳව ගෝලීය ශ්‍රී ලාංකික සංසදයේ විධායක ලේකම් යසස් ධර්මදාස මහතා පැවසුවේ එය රට ඉදිරියේ වත්මනේ පවතින බිහිසුණු අණපනත් පිළිබඳව ඇති අවධානය වෙනතකට යොමු කිරීමේ කූඨ ව්‍යාපාරයේ තවත් උත්සාහයක් විය හැකි බවයි.
ඒ පිළිබඳව ඔහු කළ සම්පූර්ණ ප්‍රකාශය පහත පළවේ.
"පාස්කු ප්‍රහාරය සිදුවෙන දින වකවානු සහ සහභාගී වෙන්නන් පිළිබඳව පෙර දැනුම්දීම් 92 ක් ලැබී තිබුනත් ඒවා කිසි දෙයක් පිළිබඳව නිසි අවධානය යොමු නොකරමින් ප්‍රහාරය සිදුවෙන අවස්ථාවේත් රටින් බැහැරව සිටි ජනාධිපති තුමා එතුමා බැවින් එතුමාට ඒ පිළිබඳව මනා අවබෝධයක් තිබිය යුතුයි. එබැවින් එවන් ප්‍රකාශයක් එතුමා කරන්නට යෙදුනි කියා තමයි හැඟවෙන්නෙ. එතනදී මතුවෙන අනෙක් ප්‍රශ්න වලින් ගැලවීම සඳහා එතුමා දැන් කතාව මදක් වෙනස්කර පවසන බවයි පෙනෙන්නෙ. මෙයින් එතුමා අයාලේ යන ප්‍රකාශ කරන්නෙක් බවට නැවතත් තහවුරු කර තියෙනව. ඒ කෙසේ වුවද අනිවාර්යයෙන්ම මේ පිළිබඳව ඉහළම තත්ත්වයේ පරීක්ෂණයක් සිදුකළ යුතුයි. එසේම ඔහු දන්නා තොරතුරු එතුමා පවසන ආකාරයට විනිසුරුවරුන් කිහිප දෙනෙකුගේ දැන ගැනීමට පමණක් නොව, විශේෂයෙන්ම වින්දිතයින්ගේ පවුල් වලට ඒ පිළිබඳව දැනගැනීමේ නීත්‍යානුකූල අයිතියක් තිබෙනව. පොදුවේ සමස්ත ජනතාවටම එම තොරතුරු දැන ගැනීමේ සැබෑ අවශ්‍යතාවයක් පවතිනවා. මේ කරුණු හෙලිකලහොත් එතුමාට සහ එතුමාගේ පව්ලේ අයට එල්ලවෙන තර්ජන පිළිබඳව එතුමට හිතන්න තිබුනෙ එවන් ප්‍රකාශයක් කිරීමට පෙරයි. එතුමාට භාගෙට ප්‍රකාශ කරල ව්‍යාකූලත්වයක් නිර්මාණය කරල පසෙකටව බලං ඉන්න ඉඩ දිය නොහැකියි. කෙසේ වුවද සැබෑ මහමොළකරුවන්ගෙන් එවන් තර්ජනයක් පැමිණෙනේනම් එතුමාට සහ එතුමාගේ පව්ලේ අයට අවශ්‍ය ආරක්ෂාව සපයා එවන් ත්‍රස්ථ ප්‍රහාරද මැඩලීම රජයේ කාර්‍යයක්. එසේ තර්ජනය කරන්නේ යැයි සැක කරන්නේ කවුරුද කියාද එතුමා හෙළිකල යුතුයි.
මෙම ප්‍රකාශය පිළිබඳව පාරදෘශ්‍ය පරීක්ෂණයක් සිදු නොකළහොත් සිදුවන්නේ දැනටමත් පාස්කු ප්‍රහාරයේ මහමොළකරුවන් පිළිබඳව පවතින අවිශ්වාසය සහ අවිනිශ්චිත භාවය තවත් තීව්ර වීමයි. මෙය දැන්ම කඩිනම්ව නොවිසඳුවහොත් එයද අනාගතයේදී ශ්‍රී වික්‍රම රාජසිංහ රජු පාවාදීම පිළිබඳව මෑතකදී මතුකර ඇති මතය හා සමානව ආන්දෝලනාත්මක පැනයක් වෙනු ඇති.
අනෙක් අතට රජය හා සිරිසේන මහතා මේ පිළිබඳව සාධාරණ හා පාරිදෘෂ්‍ය පරීක්ෂණයක් නොකරන්නේනම් හා ඒ සඳහා ඉදිරිපත් නොවන්නේනම් ඊට හේතුවිය හැක්කේ ඉදිරියේ ගෙන ඒමට නියමිත භයානක අණපනත් වලින් ජනතාවගේ අවධානය මග හරවනු වස් දෙපාර්ශවයම එකතුව කරනු ලබන උප්පර වැට්ටියක් විය හැකි බවයි.
එබැවින් මෙම මහමොළකරු කතාව තවත් රට නොමග යවන නිසොල්ලාසයක් නොවීමට නම් රජය මේ පිළිබඳව නිසි පරීක්ෂණයක් වහා සිදුකළ යුතුයි."
සම්බන්ධිත පුවත් | Related News
ප්‍රධාන පුවත්
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා