පුටින්ගේ ඓතිහාසික ජයග්‍රහණයේ නිල ප්‍රතිඵලය

Mar 19, 2024 at 10:05 AM

|

Lanka Leader

රුසියානු මධ්‍යම මැතිවරණ කොමිසම (CEC) විසින් ඊයේ(19) ප්‍රකාශයට පත් කරන ලද 2024 රුසියානු ජනාධිපතිවරණයේ නිල ප්‍රතිඵලවලට අනුව ව්ලැඩිමීර් පුටින් රුසියාවේ ජනාධිපතිවරයා ලෙස නැවත තේරී පත්වී තිබේ.

එහිදී පුටින් ප්‍රකාශිත ඡන්ද වලින් 87.28% ක ඡන්ද ප්‍රතිශතයක් ලබාගෙන ඇති අතර එය වාර්තාගත ඡන්ද ප්‍රතිශතයක් වේ. පුටින් මෙවර ඉදිරිපත් වූයේ  ඔහුගේ පස්වන ජනාධිපති ධුර කාලය වෙනුවෙන් වන අතර ඔහුගේ අපේක්ෂකත්වය  මිලියන 75 කට අධික රුසියානුවන් අනුමත කර තිබීම විශේෂත්වයකි. 

මේ අතර පුටින්ගේ ප්‍රතිවාදීන් වන කොමියුනිස්ට් පක්ෂ අපේක්ෂක නිකොලායි කරිටොනොව්, නිව් පීපල්ස් පක්ෂයේ ව්ලැඩිස්ලාව් ඩවන්කොව් සහ ලිබරල් ඩිමොක්‍රටික් පක්ෂයේ ලියොනිඩ් ස්ලට්ස්කි පිළිවෙලින් 4.31%, 3.85% සහ 3.20% ක ඡන්ද ප්‍රතිශතය්ක් ලබා ගත්හ.

පුටින් ප්‍රථම වරට 2000 දී රුසියාවේ ජනාධිපතිවරයා ලෙස තේරී පත් වූ අතර 2008 දක්වා අඛණ්ඩව සිව් වසර බැගින් වූ ධුර කාල දෙකක් රුසියාවේ ජනාධිපතිවරයා ලෙස සේවය කළේය. පසුව ඔහු 2008-2012 දක්වා රුසියාවේ ජනාධිපති වූ දිමිත්‍රි මෙද්වදෙව් යටතේ අගමැති විය. මෙඩ්විඩෙව්ගේ පාලන කාලය තුළ රුසියාවේ ජනාධිපති ධුර කාලය වසර හයක් දක්වා දීර්ඝ කිරීමට අවශ්‍ය ව්‍යවස්ථා සම්පාදන කටයුතු කළේය. පුටින් මෙඩ්විඩෙව් වෙනුවට 2012 දී නැවත වරක් රාජ්‍ය නායකයා බවට පත් වූ අතර 2018 දී නැවත තේරී පත් විය. 2020 දී ප්‍රධාන ව්‍යවස්ථා ප්‍රතිසංස්කරණවල කොටසක් ලෙස, රුසියාව සිය මැතිවරණ රෙගුලාසි සංශෝධනය කර, ව්‍යවස්ථාවේ පෙර තිබූ කොන්දේසි “නිෂ්ප්‍රභ” කරනු ලැබීය. එබැවින් ඔහුට නැවත වතාවක් රුසියාවේ ජනාධිපතිවරයා ලෙස තරඟ කිරීමට හැකි විය. 

මෙවර මැතිවරණය වාර්තාගත ඉහළ ප්‍රකාශිත ඡන්ද ප්‍රතිශතයක් සනිටුහන් වී ඇත. රුසියානු මධ්‍යම මැතිවරණ කොමිසමේ දත්ත වලට අනුව, 2018 ජනාධිපතිවරණයේදී ප්‍රකාශිත ඡන්ද 67.47%  ඉක්මවා 74% දක්වා ඉහළ අගයක් වාර්තා කළේය. 90% ට වැඩි වැඩිම ඡන්දය ප්‍රකාශ කිරීම චෙචන් ජනරජයෙන්, කෙමරෝවෝ ප්‍රදේශයෙන් සහ ටයිවා ජනරජයෙන් වාර්තා විය. රුසියාවේ නව කලාපවල - ඩොනෙට්ස්ක් (ඩීපීආර්) සහ ලුගාන්ස්ක් (එල්පීආර්) මහජන සමූහාණ්ඩුවේ මෙන්ම කර්සන් සහ සැපොරෝෂි ප්‍රදේශ වලද ප්‍රථම වරට ජනාධිපතිවරණ සංවිධානය කරන ලදී.

Putin scores historic win in Russian presidential election – official results