සුදුලූණු වංචාව සිදුකල සමාගම මිනිස් පරිභෝජනයට නුසුදුසු සහල් තොගයක් ගෙන්වලා - පාරිභෝගික අයිතීන් සුරැකීමේ ජාතික ව්යාපාරය
මිනිස් පරිභෝජනයට නුසුදුසු සහල් තොගයක් මුදා හැරීමට පාරිභෝගික අධිකාරියේ අධ්යක්ෂක මණ්ඩලය අනුමැතිය දීමේ සූදානමක් ඇති බවත්, මහා පරිමාණ සුදුලූණු වංචාව සිදුකල සමාගම විසින් මෙම සහල් ආනයනය කර ඇති බවත් පාරිභෝගික අයිතීන් සුරැකීමේ ජාතික ව්යාපාරය පවසයි.
මාධ්ය නිවේදනයක් නිකුත් කරමින් පාරිභෝගික අයිතීන් සුරැකීමේ ජාතික ව්යාපාරය මේ බව සඳහන් කර තිබේ.
අදාළ මාධ්ය නිවේදනය පහළින්...
මිනිස් පරිභෝජනයට නුසුදුසු සහල් තොගයක් මුදා හැරීමට පාරිභෝගික අධිකාරියේ අධ්යක්ෂක මණ්ඩලය අනුමැතිය දීමේ සූදානමක්! පාරිභෝගික ජීවිත අනතුරේ
මහා පරිමාණ සුදුලූණු වංචාව සිදුකල සමාගම විසින් මෙරටට ආනයනය කරන ලද මිනිස් පරිභෝජනයට නුසුදුසු සහල් තොගයක් වරායෙන් මුදා ගැනීම සදහා අනුමැතිය ලබා දීමට පාරිභෝගික කටයුතු අධිකාරියේ අධ්යක්ෂක මණ්ඩලය අද දින 2024/01/19 දින හදිසියේ කැදවා ඇත. මෙම මස 29 දිනට ආසන්න දිනකදී කැදවීමට නියමිතව තිබූ පාරිභෝගික කටයුතු අධිකාරියේ අධ්යක්ෂක මණ්ඩලය අද දින කැදවීමට ප්රධාන හේතුව වී ඇත්තේ අදාල සමාගමට එම සහල් තොගය මුදා ගැනීම සදහා සහයෝගය ලබා දීමට බව අප සංවිධානය විසින් කරන ලද සොයා බැලීමකදී තහවුරු විය.
සත්ව ආහාර සදහා ලබා දීමට මුවා වී අදාල සහල් තොග මුදා ගෙන එම සහල් වෙළදපොලේ ඇති සහල් සමග කවලම් කර අලෙවි කරන ජාවාරම්කරුවන් අදාල සිදුවීම පිටුපස සිටින බවට අප සංවිධානය සැක කරන අතර සත්ව ආහාර සදහා මීට පෙරද එලෙසම සහල් මුදාගෙන ඇති පළපුරුදු තැරැව්කරුවෙකු පාරිභෝගික කටයුතු අධිකාරියේ සාමාජිකයෙකු සමග එකතු වී මෙම ජාවාරම සිදු කරන බවට සැකයක් අප තුළ ඇති වී ඇත.
මෙරට පාරිභෝගිකයින් ආරක්ෂා කිරීමට පිහිටුවා ඇති එකම ආයතනය වන පාරිභෝගික කටයුතු අධිකාරිය මෙලෙස අනීතික ආකාරයට ක්රියා කිරීම සම්බන්ධයෙන් අපගේ දැඩි විරෝධය පළ කරන අතර ලක්ෂ සංඛ්යාත පාරිභෝගිකයින්ගේ ආරක්ෂාව නොතකමින් කිහිපදෙනෙකුගේ බඩගෝස්තරය රැක ගැනීම සදහා කටයුතු කිරීම සම්බන්ධයේන නීතිඥයෙකුද වන පාරිභෝගික කටයුතු පිළිබද අධිකාරියේ සභාපතිවරයා ලැජ්ජා විය යුතුය.
දිනකට විශාල පිරිසක් පිළිකාවට ගොදුරු වී අපා දුක් විදිද්දී රාජ්ය ආයතනයක සේවය කරමින් ජනතාවගේ මුදලින් නඩත්තුවන පාරිභෝගික කටයුතු අධිකාරියේ සාමාජිකයින්හට අපට පැවැසීමට ඇත්තේ මෙවැනි ක්රියාවලට අනුමැතිය ලබා දෙන්නේ නම් පසුව කණගාටුවීමට සිදුවන බවය.
සත්ව ආහාර සදහා සහල් ලබා දීම තහනම් කරමින් ගැසට්පත්රයක් ද නිකුත් කර ඇති අවස්ථාවක හා කිසිම හේතුවක් මත සහල් වෙනත් කාර්යයන් සදහා යොදා ගැනීම නොකල යුතු බවට වෙළද අමාත්යාංශය විසින් ලිඛිතව දන්වා සිටියදී පාරිභෝගික කටයුතු පිළිබද අධිකාරිය විසින් මෙම සහල් තොගය මුදා ගැනීම සදහා අවසරය ලබා දීමට කටයුතු කරන්නේ නම් එම ගණුදෙනුව පිළිබදව සාධාරණ සැකයක් ඇතිවීම වැලැක්විය නොහැක.
අප සංවිධානය රජයෙන් ඉල්ලා සිටින්නේ මිනිස් පරිභෝජනයට නුසුදුසු සහල් වෙළදපොලතුළට මුදා හැරීම සදහා කිසිසේත්ම අවසරය ලබා නොදෙන ලෙසය. එසේ මුදාහල සහල් මීට ඉහතදී වෙනත් සහල් සමග කවලම් කල අලෙවි කිරීමේ ජාවාරම් පසුගිය කාලය පුරා ක්රියාත්මක වූ අවස්ථා පිළිබදව අප රජයේ අවධානය යොමු කරමු.
රංජිත් විතානගේ
සභාපති
පාරිභෝගික අයිතීන් සුරැකීමේ ජාතික ව්යාපාරය
සම්බන්ධිත පුවත් | Related News
ප්රධාන පුවත්
ආණ්ඩුවේ ආයුෂ උතුරු නැගෙනහිර පළාත් සභා ඡන්දය තියන තුරු විතරයි.. - වෛද්ය වසන්ත බණ්ඩාර
මනෝගෙන් අතිශය ආන්දෝලනාත්මක ප්රකාශයක්..- පළාත් සභා උභතෝකෝටිකය!
මහ බැංකුව වගකීම් විරහිත ආයතනයක් වෙලා.. මහ බැංකු අධිපති පැනල යන බව කළින් කියා පැනල යයිද? - විමල් ප්රශ්න කරයි..
ඇමරිකා අලුත් බද්දෙන් ලංකාව අමාරුවේ..- ලංකා වාණිජ මණ්ඩලය
මහා සංඝරත්නයට, සම්බුද්ධ සාසනයට ද්වේෂසහගතව අගෞරව කිරීම පිළිබඳව කුප්රකට
ගම්මන්පිල සහ ඉන්දීය නීති සමාගමේ පාලන හවුල්කරු සුරනා අතර හමුවක්.. සාකච්ඡාව පිටුපස සැඟවුනු ඉන්දීය න්යාය පත්රයක් තිබුනාද?
චීනය සහ ශ්රී ලංකාව දේශසීමා හරහා සිදුවන මාර්ගගත සූදු හා විදුලි සංදේශ වංචා මර්දනය කිරීමට දැඩිව එක්ව ක්රියා කරනවා!-ශ්රී ලංකාවේ චීන තානාපති කාර්යාලය
චීන ජනපති ලබන සතියේදී උතුරු කොරියාවේ සංචාරයකට සැරසෙයි..
සිංහල ජාතිකවාදී රාජ්ය ජාතිය ආගම පදනම්කර ගෙන වර්ග සංහාරයක් සිදුකළා.. දෙමළ ජනතාවට එරෙහිව වර්ග සංහාරයක් සිදුකළා කියලා උතුරු පළාත් සභා ප්රකාශනයෙන් කියවෙනවා.. - ජීවන්ත පීරිස් පූජකවරයා යළිත් කියයි..
භාණ්ඩාගාර කොල්ලය ගැන භාණ්ඩාගාර වාර්ෂික වාර්තාවේ කිසිම සඳහනක් නෑ.. - රජිත් කීර්ති තෙන්නකෝන්
සහල් ආනයනය කරන්නේ ජනතාවට සහන සැලසීමේ අරමුණින් නොවේ.. නිලධාරීන්ගේ සහ ඇමතිවරුන්ගේ අතයට කොමිස් ලබාගැනීමේ "ජානගත බැඳීමක්" නිසා.. - ජාතික ගොවිජන එකමුතුවෙන් චෝදනා
ජනපති අනුර හන්දි හන්දි ගානේ කියන ඩොලර් මිලියන 1,000 ක සංචිතයක් නෑ.. - රජිත් කීර්ති තෙන්නකෝන්
බටගොඩ 'සෙනෙහසේ කැදැල්ල' වැඩිහිටි නිවාසය සම්පූර්ණයෙන්ම ගිනිබත් වෙයි.. - 11ක් මරුට - තුනක් අතුරුදන්
ගෝඨාභය කොටු කරන්න නින්දිත වෑයමක් ක්රියාත්මකයි.. - සරත් වීරසේකරගෙන් හෙළිදරව්වක්
හුදෙකලා සිද්ධීන් පදනම් කර ගනිමින් මහා සංඝරත්නයට අපහාස කිරීමේ දැවැන්ත කුමන්ත්රණයක් ක්රියාත්මකයි - මහාචාර්ය පූජ්ය මැදගොඩ අභයතිස්ස හිමි
අනුර මේ ගෙනියන්නේ අහිංසකයන්ගේ ලේ උරා බොමින් ගජමිතුරන්ට “රෝල්ස් රොයිස්” පුදන නරුම පාලනයක්.. - විමල් වීරවංශ