ආර්ථික අර්බුදයෙන් ගොඩ එනවා වෙනුවට ආණ්ඩුව රට වැරදි දිශාවකටයි ගෙන යන්නේ.. මේ ගමනේ අවසානය රටේ ඒකීයභාවයට තර්ජනයක්.. - විමල් වීරවංශ

Oct 13, 2026 at 11:18 AM

|

Lanka Leader

බද්දේගම නගර ශාලාවේදී ඊයේ (11) පැවැති දේශපාලන සම්මන්ත්‍රණයක අදහස් දක්වමින් හිටපු අමාත්‍ය විමල් වීරවංශ මහතා වත්මන් ආණ්ඩුවේ දෙවසරක පාලනය දැඩි ලෙස විවේචනය කරමින්, ආර්ථික කළමනාකරණය, විදේශ සබඳතා, බුද්ධ ශාසනය, රණවිරුවන් සම්බන්ධ නඩු කටයුතු සහ රටේ භෞමික අඛණ්ඩතාව සම්බන්ධයෙන් බරපතළ විවේචන රැසක් මතු කළේය.

වත්මන් ආණ්ඩුව බලයට පත්වීම සඳහා බලපෑ ප්‍රධාන සාධකය රට තුළ පැවැති ආර්ථික හා දේශපාලන අර්බුදය බව පැවසූ වීරවංශ මහතා, එම අර්බුදකාරී තත්ත්වය හේතුවෙන් ජනතාව සාමාන්‍ය දේශපාලන තත්ත්වයකදී නොගන්නා ආකාරයේ තීරණයක් ගෙන ඇති බව ප්‍රකාශ කළේය. ඒ සඳහා ජර්මනියේ හිට්ලර් බලයට පත්වීම පිළිබඳ ඉතිහාසයද උදාහරණයක් ලෙස ගෙනහැර දැක්වූ ඔහු, අර්බුද හමුවේ ජනතාව විකල්ප දේශපාලන බලවේග තෝරාගන්නා ආකාරය පැහැදිලි කළේය.

2022 අරගලය සම්බන්ධයෙන්ද අදහස් දැක්වූ ඔහු, එය රටේ පැවැති ආර්ථික අර්බුදය තවදුරටත් තීව්‍ර කළ ක්‍රියාවලියක් බවට චෝදනා කළේය. හිටපු අමාත්‍ය මංගල සමරවීර මහතාට 2020දී ඇමෙරිකානු නිලධාරිනියක වූ සමන්තා පවර් විසින් 2022දී සිදුවිය හැකි පාලන වෙනසක් පිළිබඳ දැනුම් දුන් බවට තමන්ට සමීප පුද්ගලයකුගෙන් තොරතුරක් ලැබුණු බවද ඔහු අනාවරණය කළේය. එම ප්‍රකාශයට අදාළ ස්වාධීන තහවුරු කිරීමක් ඔහු ඉදිරිපත් නොකළ අතර, අරගලය විදේශීය මැදිහත්වීම් සහිතව සැලසුම් කළ ක්‍රියාවලියක් බව ඔහුගේ අදහස විය.

විදේශ ප්‍රතිපත්තිය සහ ආර්ථික කළමනාකරණය

ආණ්ඩුවේ විදේශ ප්‍රතිපත්තිය විවේචනය කළ වීරවංශ මහතා, ජාත්‍යන්තර මූල්‍ය අරමුදල සමඟ පවත්වාගෙන යන වැඩපිළිවෙළ, ඇමෙරිකාව සමඟ ඇති කරගත් බව කියන ආරක්ෂක සහයෝගිතා ගිවිසුම් සහ නේටෝ සංවිධානය සමඟ සබඳතා වර්ධනය කිරීමේ ප්‍රකාශ පිළිබඳ ප්‍රශ්න කළේය. බටහිර බලවතුන්ට අනුගත වීමෙන් රටේ ස්වාධීන විදේශ ප්‍රතිපත්තිය දුර්වල වන බව ඔහුගේ චෝදනාව විය.

ශ්‍රී ලංකාවේ මුහුදු කලාපයට පැමිණෙන බව පැවසූ ඉරාන තෙල් නැව්වලට සේවා සැපයීම සම්බන්ධයෙන්ද ඔහු ආණ්ඩුව විවේචනය කළේය. ඇමෙරිකානු සම්බාධකවලට ඇති බිය හේතුවෙන් එම නැව්වලට මූලික පහසුකම් සැපයීමට පවා ආණ්ඩුව පසුබට වන බවත්, අනෙක් අතට ඇමෙරිකානු යුද නෞකාවකට කොළඹ වරායේදී පහසුකම් සලසන බවත් ඔහු පැවසීය. ඉරානය අතීතයේදී ශ්‍රී ලංකාවට ලබාදුන් ණය හා අනෙකුත් සහායද සිහිපත් කළ ඔහු, ජාත්‍යන්තර සබඳතාවලදී මානුෂීය වගකීම් සහ රටේ ස්වෛරීභාවය සැලකිල්ලට ගත යුතු බව අවධාරණය කළේය.

බ්‍රික්ස් සහ ෂැංහායි සහයෝගිතා සංවිධානය වැනි නැගී එන ජාත්‍යන්තර බලවේග සමඟ සබඳතා වර්ධනය නොකිරීමද ඔහුගේ විවේචනයට ලක් විය.

ආර්ථිකය සම්බන්ධයෙන් අදහස් දක්වමින් වීරවංශ මහතා කියා සිටියේ, ණය බර සහ බදු බර අඩු කරන බවට දුන් පොරොන්දු ඉටු වී නොමැති බවයි. තමන් ඉදිරිපත් කළ සංඛ්‍යා ලේඛන අනුව, 2024 සැප්තැම්බර් මාසයේ පැවැති ඒකපුද්ගල ණය බර සහ 2025–2026 අයවැය මත පදනම් වූ බදු බර සැලකිය යුතු ලෙස ඉහළ ගොස් ඇති බවද ඔහු පැවසීය. එම සංඛ්‍යා ලේඛනවල මූලාශ්‍ර ඔහු කතාවේදී සම්පූර්ණයෙන් පැහැදිලි නොකළේය.

ආර්ථික අර්බුදයට විසඳුම් සෙවීම වෙනුවට අතීත දේශපාලනඥයන්ට චෝදනා කිරීම සහ නඩු කටයුතු කෙරෙහි වැඩි අවධානයක් යොමු කිරීමෙන් ජනතාවගේ ජීවන වියදම, විරැකියාව සහ කර්මාන්තවල ගැටලු විසඳිය නොහැකි බවද ඔහු ප්‍රකාශ කළේය. ඉතියෝපියාව, රුවන්ඩාව සහ වෙනත් අප්‍රිකානු රටවල ආර්ථික වර්ධනය උදාහරණ ලෙස සඳහන් කළ ඔහු, ශ්‍රී ලංකාවද නිෂ්පාදන ආර්ථිකයක් ගොඩනැගීම කෙරෙහි අවධානය යොමු කළ යුතු බව පැවසීය.

රණවිරුවන් සහ නීතිය ක්‍රියාත්මක කිරීම

රණවිරුවන් සම්බන්ධ නඩු සහ අත්අඩංගුවට ගැනීම් පිළිබඳවද ඔහු දීර්ඝ වශයෙන් අදහස් දැක්වීය. එල්ටීටීඊ සංවිධානයේ ක්‍රියාකාරකම් සම්බන්ධ බුද්ධි තොරතුරු ලබාගැනීමෙන් සහ ත්‍රස්ත ප්‍රහාර වැළැක්වීමට දායක වූ බව කියන නාවික හමුදා සාමාජිකයන් පිරිසක් අත්අඩංගුවට ගෙන රඳවා තැබීම අසාධාරණ බව ඔහුගේ මතය විය. එමෙන්ම ප්‍රගීත් එක්නැලිගොඩ අතුරුදන්වීම සම්බන්ධ නඩුවේ සාක්ෂි විභාගය සහ චෙම්මණි ඇතුළු ස්ථානවල මිනීවළවල් පිළිබඳ විමර්ශන සම්බන්ධයෙන්ද ඔහු ආණ්ඩුව විවේචනය කළේය.

එම විමර්ශන හමුදාවට එරෙහි චෝදනා තහවුරු කිරීමේ අරමුණින් සිදුකරන බවට ඔහු චෝදනා කළද, එම අදහස ඔහුගේ දේශපාලන අර්ථකථනයක් වන අතර, අදාළ නඩු හා විමර්ශනවල ප්‍රතිඵල අධිකරණ ක්‍රියාවලිය මත තීරණය විය යුතුය.

නීතියේ ආධිපත්‍යය ක්‍රියාත්මක කිරීමේදී වරදේ ස්වභාවයට හා බරපතළකමට සරිලන දඬුවම් ලබාදීම වැදගත් බව පැවසූ වීරවංශ මහතා, ඇතැම් නඩුවලදී දඬුවම් අසමානුපාතික බවටද චෝදනා කළේය.

ඥානසාර හිමියන්ගේ චීවරය සහ බුද්ධ ශාසනය

ගලගොඩඅත්තේ ඥානසාර හිමියන් අධිකරණයට රැගෙන යාමේදී බුද්ධ චීවරය ඉවත් කිරීම සම්බන්ධ සිදුවීම කතාවේ ප්‍රධාන මාතෘකාවක් විය. බන්ධනාගාර දෙපාර්තමේන්තුවේ පවතින නියමයන් අනුව භික්ෂූන් වහන්සේලාගේ ඇඳුම් සම්බන්ධයෙන් ක්‍රියා කළ යුතු ආකාරය පැහැදිලි කරමින්, එම සිදුවීම බෞද්ධ සම්ප්‍රදායට හා ආගමික ගෞරවයට පටහැනි බව ඔහු ප්‍රකාශ කළේය.

එම සිදුවීම වත්මන් පාලනයේ බෞද්ධ විරෝධී ස්වභාවය පෙන්වන බවට ඔහු චෝදනා කළ අතර, බුද්ධ ශාසනය සහ රටේ ඓතිහාසික උරුමය ආරක්ෂා කිරීම සඳහා භික්ෂූන් වහන්සේලා සහ ගිහි ජනතාව එක්විය යුතු බවද පැවසීය.

ආණ්ඩුක්‍රම ව්‍යවස්ථා සංශෝධන පිළිබඳ අනතුරු ඇඟවීම

ආණ්ඩුව ඉදිරියේදී ගෙන ඒමට ඉඩ ඇතැයි තමන් විශ්වාස කරන ව්‍යවස්ථාමය සහ පරිපාලනමය වෙනස්කම් පිළිබඳවද වීරවංශ මහතා අනතුරු ඇඟවීය. මහවැලි අධිකාරිය, පුරාවිද්‍යා ආයතන, ජාතික උරුමය සහ විහාර දේවාලගම් සම්බන්ධ නීතිවල වෙනස්කම් මඟින් උතුරු හා නැගෙනහිර පළාත්වල ඉඩම් සහ පුරාවිද්‍යාත්මක ස්ථාන පිළිබඳ මධ්‍යම ආණ්ඩුවේ බලතල දුර්වල විය හැකි බව ඔහුගේ අදහස විය.

එම පළාත්වලට පමණක් පළාත් සභා මැතිවරණ පවත්වා, ඉඩම්, පොලිස් සහ පුරාවිද්‍යා බලතල සම්බන්ධයෙන් වෙනම පරිපාලන ව්‍යුහයන් ගොඩනැගීමෙන් අවසානයේ රටේ ඒකීයභාවයට තර්ජනයක් ඇතිවිය හැකි බවද ඔහු ප්‍රකාශ කළේය. උතුරු හා නැගෙනහිර පළාත් සම්බන්ධ ජනමත විචාරණයක් දක්වා එම ක්‍රියාවලිය ගමන් කළ හැකි බවට ඔහු පළ කළේ තම දේශපාලන අනාවැකියක් වන අතර, එවැනි සැලැස්මක් ක්‍රියාත්මක කිරීමට ආණ්ඩුව තීරණය කර ඇති බවට ඔහු සාක්ෂි ඉදිරිපත් කළේ නැත.

අවසානයේදී වීරවංශ මහතා ජනතාවගෙන් ඉල්ලා සිටියේ බුද්ධ ශාසනය, රණවිරුවන් සහ රටේ ජාතික උරුමය ආරක්ෂා කිරීම සඳහා දේශපාලන පක්ෂ භේදයෙන් තොරව එක්වන ලෙසයි. ඥානසාර හිමියන් සම්බන්ධ සිදුවීම මුල් කරගනිමින් සංවිධානය වන පාගමනට සහාය දෙන ලෙසද ඔහු ආරාධනා කළේය.

බද්දේගමදී පැවැති මෙම කතාවෙන් ආණ්ඩුවේ දෙවසරක පාලනය පිළිබඳ සිය විරෝධය පළ කළ වීරවංශ මහතා, රටේ ආර්ථික අනාගතය, විදේශ ප්‍රතිපත්තිය, ආගමික සම්ප්‍රදායන් සහ ජාතික ආරක්ෂාව සම්බන්ධයෙන් විවාදයට තුඩු දෙන කරුණු රැසක් ඉදිරිපත් කළේය.

විමල් වීරවංශ මහතා කළ සම්පූර්ණ කතාව මෙහි ඇතුළත්ය...

"අපි කවුරුත් දන්නවා වර්තමාන ආණ්ඩුවට අවුරුදු දෙකක් සම්පූර්ණ වෙලා අවසන්. අවුරුදු දෙක සම්පූර්ණ වීමේ ප්‍රීතිය නිමිත්තෙන් තමයි ගලගොඩඅත්තේ ඥානසාර ස්වාමීන්ද්‍රයාණන් වහන්සේගේ බුද්ධ චීවරය ගැලවෙන්නේ. ඒක තමයි දෙවසරක සැමරුම. වසර දෙකක කාලය අපට ප්‍රමාණවත් වෙනවා මේ ආණ්ඩුවේ ගමනාන්තය ගැන තේරුම් ගන්න. යමින් තිබෙන්නේ කවර ගමනකද, ඒ ගමනාන්තය වැටී තිබෙන්නේ කොතනටද කියන ප්‍රශ්නයට උත්තර හොයන්න. 

අපි දන්නවා මේ රටේ මැතිවරණ ඉතිහාසයේ පළවෙනි වතාවට තමයි ජේවීපී ආණ්ඩුවක් සර්වජන ඡන්දයෙන් මේ රටේ බහුතර ජනතාව තෝරා පත් කරගෙන තියෙන්නේ. ජනාධිපතිවරණයේදී 50%ට අඩුවෙන් වුණත් ඒ අය තමයි බහුතර ඡන්දයෙන් තෝරා පත් කරගත්තේ. නිදහසින් පස්සේ කවදාකවත් නොවිච්ච ඒ දේ වුණේ කොහොමද? ඒක සාමාන්‍ය තත්ත්වයක් ඇතුලේ සිද්ධ වෙච්ච දෙයක්ද? සාමාන්‍ය තත්ත්වයකදී මේ රටේ මිනිස්සු ඒ වගේ තීරණයක් ගනීද? සමහරු කිව්වේ "ඕන දෙයක් වෙච්චාවේ" කියලා දානවා කියලා. ඒ කියන්නේ ප්‍රතිඵලය මොකක් වුණත් කමක් නැහැ. එහෙම තීරණයක් ගන්නේ සාමාන්‍ය තත්ත්වයකදීද? එහෙමනම් අපි තේරුම් ගන්න ඕනා මෙහෙම තීරණයක් එන්නේ ඇතිවී තිබුණු විශේෂිත තත්ත්වයක ප්‍රතිඵලයක් හැටියට.

ඒ විශේෂිත තත්ත්වය මොකක්ද? ඊට කලින් බලමු, දැන් මේ විදියේ තෝරා ගැනීමක් තමයි 1929දී විතර ජර්මනියේ ඇඩොල්ෆ් හිට්ලර්ව තෝරගත්තේ. සාමාන්‍යයෙන් ඒක ජර්මන් දේශපාලන ඉතිහාසයේ සාමාන්‍යයෙන් නොවෙච්ච දෙයක්. රිචඩ් ජේ. එවන්ස් කියන ප්‍රකට බ්‍රිතාන්‍ය ඉතිහාසඥයා කියනවා "මේ හිට්ලර්ව තෝරගත්තේ ඇයි ජර්මන් සමාජය?" කියලා. හිට්ලර්ගේ නැගීමට ඔහු කියනවා 1929 ආර්ථික හා දේශපාලන අර්බුදය අත්‍යාවශ්‍ය සාධකයක් වුණා. වයිමර් ජනරජයේ පැවැති ස්ථාවර වසරවල් විසින් “නාසි විප්ලවය” වළක්වා තිබුණා. සාමාන්‍ය ජර්මානු වැසියන් හිට්ලර්ව වැළඳගත්තේ වඩාත් පොහොසත් සහ ශක්තිමත් රාජ්‍යයක් පිළිබඳ පොරොන්දුව නිසා. 

මොකක්ද එතන විශේෂිත තත්ත්වය? ආර්ථිකය අඩපණ වෙනවා. සම්ප්‍රදායික දේශපාලන සංස්ථා බිඳ වැටෙනවා. ඒ විශේෂිත තත්ත්වය විසින් ජර්මානු සමාජය 1929දී පමණ හිට්ලර් කෙනෙක් තෝරගත්තේ. විලියම් කා කියන ඉතිහාසඥයා කියනවා, වයිමර් ජනරජය කියලා හඳුන්වන ජර්මානු ජනරජය. ලෝක ආර්ථික අර්බුදයට පෙර නොවූ විරූ දැඩි පීඩනයකට ලක් නොවූයේ නම් හිට්ලර්ට කිසිසේත්ම බලයට පත්වීමට නොහැකි වනු ඇතැයි සිතිය හැකියි.

ඒ ජනරජය ලෝක ආර්ථික අර්බුදයට පෙර නොවූ විරූ දැඩි පීඩනයකට ලක් නොවූයේ නම් හිට්ලර්ට කිසිසේත්ම බලයට පත්වීමට නොහැකි වනු ඇතැයි සිතිය හැකියි. එතනින් පේනවා ඒ වගේ තීරණයක් තෝරගන්නේ මිනිස්සු සාමාන්‍ය තත්ත්වයකදී නෙමෙයි, විෂම තත්ත්වයකදී, කැළඹිලි සහගත තත්ත්වයකදී, අර්බුදකාරී තත්ත්වයකදී, ව්‍යසනකාරී තත්ත්වයකදී. මේ ජේ වී පී පාලනයත් අන්න ඒ විදියේ අර්බුදය තුළින් ඇතිවෙච්ච විෂම තීරණයක ප්‍රතිඵලයක්. හිට්ලර්ව ජර්මානු සමාජය 1929දී තෝරාගත්තා වගේ ඇතිවෙච්ච අර්බුදය විසින් ඇති කරපු විෂම මනස විසින් මෙරට සමාජය තෝරාගනු ලැබූ උත්තරය වුණේ වර්තමාන පාලනය. දැන් අපේ රටේ ඇතිවෙච්ච අර්බුදය මොන වගේ එකක්ද? දැන් අපි කවුරුත් දන්නවා ආර්ථික අර්බුදයක් ඇති වුණා. අපිට ගැටුමක් තිබ්බා ඒ වෙලාවේ මේ පාලන තන්ත්‍රයත් එක්ක. අපි දැක්කා මේ අර්බුදය එනවා. මේක දැකලා කලින් මිනිස්සුන්ට කතා කරලා මේක අවබෝධ කරලා දීලා මේකට රටම සූදානම් කරා මුහුණ දෙන්න. ඕක කිව්වා හින්දා තමයි අපිට එළියට බැහෙන්න වුණේ, වැටුණේ. දැන් මම මෙතෙක් නොකී කතාවක් කියන්නම්. මේක මම ප්‍රසිද්ධියේ පිට කලින් කියලා නැහැ. අපේ හාමුදුරුවනේ, 

2020දී මංගල සමරවීර හිටපු ඇමැතිතුමාගේ ළඟම ඉන්න සමීපතම කෙනෙක් මට මේක කිව්වා. ඔහුට අවශ්‍යතාවයක් නැහැ, ඔහු දැනටත් මංගල සමරවීර අමාත්‍යවරයාට, හිටපු අමාත්‍යවරයාට බොහෝ ගරු කරන කෙනෙක්. මම මේ මෑතක ඔහු හම්බවෙලා කතාබහ කරනකොට මට මේ සුවිශේෂී කරුණ පැහැදිලි කළා. 2020 වසරේ එක දවසක ඔහු සිටින තැන හිටපු අමාත්‍ය මංගල සමරවීර මැතිතුමාට දුරකථනයෙන් ඇමතුමක් එනවා. එවකට ඇමෙරිකාවේ ස්ටේට් ඩිපාර්ට්මන්ට් එකේ ප්‍රධානී සමන්තා පවර්ගෙන්. බොහෝ දෙනෙක් අහලා ඇති මේ නම සමන්තා පවර්. ඡායාරූපයකුත් තියෙනවා, මම හිතන්නේ ඇමෙරිකාවේ කොහෙද පාරක කහ ඉරක් මැද්දේ සමන්තා පවර් සහ මංගල සමරවීර අත් දෙක උස්සලා, අර නිකන් විනෝදයට ගන්න ඡායාරූපයක්, ඒකත් තියෙනවා. ඒ තරම් දෙන්නා කිට්ටුයි, පුද්ගලිකව කිට්ටුයි. මේ දුරකථන ඇමතුමෙන් සමන්තා පවර් මොකක්ද මංගල සමරවීර හිටපු අමාත්‍යතුමාට කිව්වේ? 

“මංගල, 2022දී රෙජීම් චේන්ජ් එකක් එනවා. ඔයා දැන් ඒකට ලෑස්ති වෙන්න. ඔයා පොසිෂන් වෙන්න (ස්ථානගත වෙන්න) යංග් ජෙනරේෂන් එකට (තරුණ පරම්පරාවට). ඒ රෙජීම් චේන්ජ් එක කරන්නේ තරුණයෝ. ඔයා ඒකට ලෑස්තිද?” අපේ හාමුදුරුවනේ, ඊට පස්සේ කවදාකවත් නැතුව මංගල සමරවීර ටික්ටොක් දාන්න ගත්තා, ෆේස්බුක් සෙල්ෆි ගහන්න පටන් ගත්තා, ඊළඟට “යූත් හබ්” කියලා එකක් පටන් ගත්තා. සල්ලි එහෙන් එව්වා, යූ එස් එයිඩ් (USAID) එකෙන් එව්වා.

ඒවායින් තමයි හබ් එක පටන් ගත්තේ. ලොකු කොළඹ ඒවට තරුණ තරුණියෝ එන්න ගත්තා. "මට මංගල කියන්න, මට සර් කියන්න එපා" කියලා කිව්වා. එයා “ස්විමින් පූල් එකේ” ඉන්න එකත් පෙන්නුවා ඡායාරූප කරලා. එයා ඊට පස්සේ ඔබ වහන්සේලා දකින්න ඇති යූටියුබ් එකෙන් ගිය සින්දුවක රූප රාමු වලට පවා පෙනී හිටියා, වස්තිලගේද කාගේද මං දන්නේ නැහැ, රූප රාමු වල පවා පෙනී හිටියා. දැන් මංගල එකපාරට ටීන් වෙන්න ගත්තා. දැන් අරහෙන් කියනවා "2022 රෙජීම් ෂිෆ්ට් එකක් එනවා, ඒක කරන්නේ කොල්ලෝ, ඔයා ඒකට පොසිෂන් වෙන්න, ස්ථානගත වෙන්න ඒ කට්ටියට" කියලා. අන්න ඒක තමයි සිද්ධ වුණේ. 

මොකක් හරි හේතුවක් හින්දා මංගලගේ අවාසනාවටද මම දන්නේ නැහැ, කොවිඩ් එකෙන් මංගල ජීවිතක්ෂයට පත් වුණා. දැන් ඒ වුණායි කියලා 2022 වැඩේ නොවී තියෙන්නේ නැහැනේ. ඒක සැලසුම් කරපු පරිදි කෙරුණා. දැන් ඒ දවස්වල හිටපු දුටුගැමුණුලා, විහාරමහාදේවියලා දැන් පේන්නවත් නැහැ. ඇයි? ඒගොල්ලොන්ට සැබෑ සහකම්පනයක් තිබ්බා නම් මේ සමාජය ගැන, මේ ජාතිය ගැන, මේ රට ගැන සැබෑ සහකම්පනයක් නම් තිබ්බේ, ඔවුන්ගේ නියෝජනය, ඔවුන්ගේ භාවිතාව තවමත් තියෙන්න එපැයි. ඔය ඇට්ටලා, පැට්ටලා දැන් මොකක්වත් නැහැ. ඒගොල්ලන්ට සල්ලි ආවා.

දැන් මේ දවස්වල මේ විදියටම ජවනිකා තියෙනවා අපේ හාමුදුරුවනේ, මේ දවස්වල දිල්ලියේ සිද්ධ වෙන. මම දැක්කා අද දිල්ලියේ එක වීඩියෝ එකක්, මුස්ලිම් කෙනෙක් ඇවිල්ලා හින්දු පූජකතුමෙකුට කිරිබත් කවනවා, පූජකතුමා මුස්ලිම් එක්කෙනාට කිරිබත් කවනවා. මෙහෙත් ඕක තිබ්බා. සංහිඳියාව පෙන්නන්න ඒවා තිබ්බා. දැන් දිල්ලියේ, ගෝල්ෆේස් නාටකය ඒ විදියටම දිල්ලියේ රිපීට් වෙනවා, ඉන්දියන් වර්ෂන් එක. දැන් ඒ දවස්වල ඔබ වහන්සේලාට මතක ඇති ගාලුමුවදොර අරගලයට සහයෝගය පළ කරලා ලංකාවේ ඉතිහාසයේ පළවෙනි වතාවට අපේ රටේ ඉන්න ප්‍රධාන පෙළේ අපනයනකරුවෝ, ඔය ඇඟලුම් අපනයනයේ ඉන්න ඔස්තාරලා, සමාගම්, ඒගොල්ලෝ නිවේදනයක් නිකුත් කරා "මේ අරගලයට අපි පක්ෂපාතයි" කියලා. මොකද ඒගොල්ලන්ගේ ඇඟලුම් වැඩිපුර යන්නේ ඇමෙරිකාවට. ඇමෙරිකානු තානාපති කාර්යාලය කිව්වොත් "දාපන් නිවේදනයක්" කියලා, ඒගොල්ලා කකුල් දෙක උඩ තියාගෙන දානවා. ඒගොල්ලොන්ට කිව්වොත් "ඔබ උපයන විදේශ විනිමය ගේන්න එපා ලංකාවට, පාර්ක් කරපල්ලා එළියේ" කිව්වොත්, ඒගොල්ලෝ පාර්ක් කරනවා. ඒ පාර්ක් කරා කියලා කරන්න පුළුවන් දෙයක් නැහැ, නීතියක් නැහැ. රවි කරුණානායක නීතිය ලිබරලයිස් කරා. අපේ ඒ ආණ්ඩුව ඇවිල්ලත් ඒක වහාම අනිත් පැත්තට හැරෙව්වේ නැහැ.

ඒ නිසා ඒගොල්ලෝ උපයන ඩොලර් ටිකත් එළියේ පාර්ක් කරා. ඊළඟට මොකද කරේ? එහෙනම් තෙල් බවුසර් ටික ජේවීපී යූනියන් එකෙන් හංගන්න පටන් ගත්තා. දැන් අර අද පෙට්‍රෝලියම් එකේ කරලා තියෙනවා විගණනයක්. ඒකේ පැහැදිලිව තියෙනවා ගෙනාපු තෙල් සහ එළියට ගිය බවුසර් වලින් ෂෙඩ් වලට ගිහින් තියෙන්නේ ටිකයි. ඉතුරු ටිකට වෙච්ච දෙයක් නැහැ. ඔය පළවෙනි “කෙටි කථානායක”කම දුන්නේ ඒකට කරන ගෞරවයක් හැටියට, ඒ කරපු මෙහෙයට කරන ගෞරවයක් හැටියට, කරු මහතාට කෙටි කථානායකකම. නැත්නම් එයාට ඒක දුන්නේ "ඔබ කරපු සේවයට අපෙන් කථානායකකම" කියලා, තෙල් ගිල්ල හින්දා. 

ඒ නිසා ආර්ථිකයේ කඩා වැටීමක් තිබ්බා, තිබ්බට වඩා ඇති කළා, තිබුණු ප්‍රමාණය තීව්‍ර කළා, තිබුණු ප්‍රමාණය චේතනාන්විතව වර්ධනය කළා. ඒ මගින් ඇතිවෙච්ච තත්ත්වය, ඒ ඇතිවෙච්ච විෂම තත්ත්වය විසින් මුලින් ආවා... කවුරුවත් හිතන්නේ නැතුව ඇති. දැන් මට මතකයි පාර්ලිමේන්තුවේ ඒ දවස්වල, ඔය අරගලය එන්න කලින් මම කිව්වා, මේ අර්බුදය... එතකොට අපිව ආණ්ඩුවෙන් එළියට දාලා... "මේ අර්බුදයෙන් ඔටුන්න ඔලුවට වැටෙන්නේ කවුරුවත් හිතන අයට නෙවෙයි, කිසිසේත්ම නොහිතන ඔලුවලට මේ අර්බුදයෙන් ඔටුන්න ඔලුවට වැටෙනවා".

මුල් වතාවේ වැටුණා තනි මන්ත්‍රී රනිල් වික්‍රමසිංහගේ ඔලුවට. කවුද හිතුනේ? දෙවෙනි වතාවේ වැටුණා අනුර කුමාරගේ ඔලුවට. අන්න ඒ විෂම තත්ත්වයක් ඇති වුණාම විෂම මනසක් ඇති වෙනවා. විෂම මනසෙන් කැමැත්තෙන් හෝ අකැමැත්තෙන් බල කෙරෙනවා. දැන් රනිල්ට ජනාධිපති, අනුප්‍රාප්තික ජනාධිපතිකම දෙන එක අකමැත්තෙන් වුණත් පිළිගන්න පොහොට්ටුවේ මන්ත්‍රීවරුන්ට බලකෙරුණා. විෂම මනස, විෂම තත්ත්වය, විෂම තීරණය - විෂම තීරණයක් වුණත් පිළිගන්න සිද්ධ වෙනවා. අන්න ඒ වගේ තමයි අනිත් එකත්. 

ඉතින් ඒ නිසා මේක මුලින්ම අපි තේරුම් ගන්න ඕනේ, මේක සාමාන්‍ය තත්ත්වයකදී මිනිස්සු හොඳට නිවීහැනහිල්ලේ, බොහොම ඉවසිල්ලෙන් හිතලා මතලා ගත්තු තීරණයක් නෙවෙයි. විවේකී බුද්ධියෙන් කල්පනා කරලා ගත්තු තීරණයක් නෙවෙයි. ඒගොල්ලෝ ගොඩනැගපු ආඛ්‍යානයක් තිබ්බා. මෙහෙම වුණේ මුන් හොරා කෑවා, හොරා කෑම නවත්තලා හොරා කාපු ටික ගෙනාවම රට සුඛිත මුදිත වෙනවා කියලා. ඕක තමයි ආක්‍යානය. ඒක පිළිගත්ත අයත් හිටියා, නොපිළිගත්ත අයත් ඕන එකක් කියලා දිනෙව්වා. ඒ විෂම තත්ත්වය ඇති වුණා. ඒ නිසා අපි තේරුම් ගන්න ඕනා... දැන් මංගල හිටියා නම් මේක ඔය කාගේවත් ඔලුවට වැටෙන්නේ නැහැ. එහෙනම් මංගලගේ ඔලුවට තමයි ඔය ඔටුන්න වැටෙන්නේ.

දැන් බලන්න ඒ ගාලුමුවදොර අරගලයේ තිබිච්ච අභිලාෂයක්, උවමනාවක්... ඒවායි මේ ආණ්ඩුවේ අභිලාෂයන් අතර සංසන්දනයක් තියෙන්නේ, ගැටීමක්ද? දැන් ගාලුමුවදොර අරගලය මූලික වශයෙන් බෞද්ධ විරෝධියි. වෙසක් දවසට කලු වෙසක් කූඩු පත්තු කරා. ගිහියොන්ට සිවුරු අන්දවලා හිටියා. රැවුල දාපු, කනේ කරාබු දාපු කොල්ලෝ සිවුර පැළඳගෙන හිටියා. අර ජෙහාන් අප්පුහාමිද කවුද කියලා නළුවා කුරුසයක් තියාගෙන ගෝල්ෆේස් එකට ආවා. ඊයේ පෙරේදා අර ප්‍රභූ පවුලකින් කසාදයක් කරගත්තු නළුවා අඬ අඬ උන්දැව බදාගත්තා. ඕමල්පේ සෝභිත හාමුදුරුවෝ කිව්වා "දැන් ඉතින් සිංහල බෞද්ධ බලය ඉවරයි" කියලා. මම දැන් දැක්කා ඊයේ කියනවා "මම කිව්වේ ගෝඨාභයලා හරහා නියෝජනය වෙච්ච ඒ බලය ඉවරයි" කියලා. එහෙම කියලා දැන් ඒක හදන්න බැහැ.

උන්වහන්සේ එහෙම කිව්වා, දැන් ඒක හදන්න බැහැ, සක්කරයටවත්. එතකොට මූලික වශයෙන් බෞද්ධ විරෝධී. එතන එක තරුණයෙක් අහනවා මම දැක්කා ඒ වීඩියෝ පටයේ, තරුණයෙක් අහනවා තමන් වටේ ඉන්න අයගෙන් "ගමේ පන්සලේ බුදු පිළිමයට මුස්ලිම් සහෝදරයෙක් ඇවිල්ලා කඩනවා, ඒ මුස්ලිම් සහෝදරයාට ගහනවාද?" "නැහැ" කියලා කියනවා, "නැහැ" කියලා කියනවා.

මූලික වශයෙන් බෞද්ධ විරෝධී. ඒ වගේම එතන හමුදා විරෝධී, රණවිරු විරෝධීයි. හමුදාවේ ප්‍රධානීන්ගේ ඡායාරූප දාලා ඔවුන්ට ගරහපු විදියේ කටවුට් එතන තිබුණා. දවසයි දෙකයි තිබ්බේ, දිප්පිටියෙන් හරි මොකක් හරි වෙලා ආයේ ඒක ගැලෙව්වා. පුංචි කොලුගැටයෙක්, ඊයේ පෙරේදා ඉපදිච්ච කොලුගැටයෙක් හමුදා සෙබළා ළඟට ඇවිල්ලා "බලපන් මෙහෙම තමයි... ප්‍රභාකරන් කරන්න හදපු දේ..." කියලා තර්ජනය කළා. ඒ වීඩියෝ පට තියෙනවා. ඊළඟට අර සින්දු කියන කවුද මේ... පාස්ටර් කෙනෙක් ඉන්නේ අර සින්දු කියන්නේ.... පන්සල් වලටත් ඇවිල්ලා... චාල්ස්.

ඉතින් අපි බැලුවම හරිම සුජාත, සුපේසල, ශික්ෂාකාමී... බුදු අම්මෝ, මෛත්‍රිය, කරුණාව, මුදිතා හැම පැත්තෙන්ම බේරෙනවා වගේනේ මේ දැනෙන්නේ. ඔහු වීඩියෝ පෝස්ට් එකක් දාලා "ගිනි තියපල්ලා, එක වාහනයකටවත් යන්න දෙන්න එපා. වට කරපල්ලා" කියලා. අන්න නියම සතා එළියට පැන්නා, නියම සතා එළියට පැන්නා. බෞද්ධ විරෝධී, හමුදා විරෝධී. ඒ වගේම දෙමළ ඊළාම්වාදී. එතන මැරිච්ච කොටි සමරුවක් තිබ්බා, ඒගොල්ලොන්ට පහන් තිබ්බා, දෙමළ ඊළාම් හිතවාදී. අනිත් අතට අයි එම් ඒෆ් එකට ආරාධනා කරලා "එන්න, ඇවිල්ලා අපිව බේරගන්න" කියලා බටහිර හිතවාදීන්. 

ඔන්න ලක්ෂණ හතර, තව අතුරු ලක්ෂණ තියෙනවා. ප්‍රධාන ලක්ෂණ හතර. දැන් මුලින්ම අපි බලමු මේ ආණ්ඩුව, අපි යට එකෙන් පටන් ගමුකෝ. බටහිර ගැතිද නැද්ද? දැන් අයි එම් එෆ් එක රනිල් වික්‍රමසිංහ ජනාධිපතිතුමා ආපු වැල් පාලමේ තාම යනවා. විමල් රත්නායක කියනවා පෞද්ගලික නාලිකාවක වැඩසටහනකට ඇවිල්ලා "ලබන මාර්තු වලින් පස්සේ අපි මේ අලුත් ගිවිසුමකට යන්නේ නැහැ" කියලා. කැබිනට් මාධ්‍ය ප්‍රකාශකගෙන් මාධ්‍යවේදියෝ මේක අහපුවම උන්දැ කියනවා, නලින්ද ජයතිස්ස මහත්තයා, "නැහැ, අපි එහෙම තීරණයක් තවම අරන් නැහැ". මූල්‍ය අරමුදලේත් එක සාක්කු තියෙනවාලු, ඔය ගිවිසුම වගේ සාක්කුත් තියෙනවාලු. ඊට වඩා වෙනස් ගිවිසුම් ගහන්න පුළුවන් සාක්කුත් තියෙනවාලු? දැන් ඒක ගැන නිශ්චිත එක මතයක් නැහැ.

දැන් බලන්න හොඳම උදාහරණය, දැන් මේ වෙලාවේ තියෙනවා අපට අයිති ආර්ථික කලාපයේ, මුහුදේ ඉරාන තෙල් නැව් 17ක් හෝ 19ක්. ඒවා මැලේසියානු මුහුදු තීරයට කිට්ටුව තිබිලා කොළඹ වරායෙන් අහනවා "අපට සේවා සපයන්න ඔබ ලෑස්තිද?" කියලා. "පුළුවන්" කියනවා. ඒක විශ්වාස කරලා එනවා. ආවට පස්සේ ආණ්ඩුව කියනවා "මේකට අපිට කරොත් අපිට සම්බාධක එන්න පුළුවන් ඇමෙරිකාවෙන්". ඊට පස්සේ පෞද්ගලික අංශය කෑම ටික දෙන්න යනවා, වතුර බෝතල් ටික දෙන්න යනවා, ඒගොල්ලෝ මොකක්ද... බය කරනවා බ්ලැක්ලිස්ට් වෙයි කියලා. හැබැයි ඒ අල්ලපනල්ලේ ඇමෙරිකාවේ යුධ නැවක් එනවා කොළඹ වරායට. රතු පලස් එළලා ඒකට ඕන කරන ඔක්කොම සලසලා ගිහින් දක්වලා ඉවර කරනවා. ඒක පිළිගන්න නාවික හමුදාවේ ලොක්කෙකුත් යනවා, ගිහින් ආචාරත් පුද කරනවා. 

දෙයි හාමුදුරුවනි, ඔය ජිනීවා වල ඇමෙරිකා එක්සත් ජනපදය ඇතුළු කට්ටිය අපිට ඔය යුධ අපරාධ චෝදනා යෝජනා ගේනකොට ඉරානය හිටියා නම් ඔය සාමාජික රටක් හැටියට, ඒ හැම වෙලාවකම කොන්දේසි විරහිතවම ලංකාවට පක්ෂව ඡන්දය දුන්නා. ඒ විතරක් නෙෙවයි, යුද්ධයේ අන්තිම කාලයේ රටට නොදැනුණාට විශාල මුදල් අර්බුදයක අපි හිටියා. ඩොලර් බිලියනයක තෙල් ණයක්, පොලියක් නැතුව, ඩොලර් බිලියනයක තෙල් ණයක්. එහෙම උදව් කළා. හමුදාවට උණ්ඩ, මූනිස්සම් නැති වුණා. බටහිර රටවල් ඒවා දෙන එක නැවැත්තුවා. ඒ වෙලාවේ ඉරානයේ ගුවන් යානයක් එනවා කටුනායක ගුවන් තොටුපලට, උණ්ඩ පිරිච්ච ගුවන් යානයක්. සල්ලි ගෙවනවාද නැද්ද කියලවත් ඇහුවේ නැහැ. ඒවයින් තමයි අන්තිම කාලයේ අපේ සියලු මානුෂීය යුද්ධය අවසන් කළේ. 

ඒ වෙලාවේ විදේශ විනිමය ආයේ අර්බුදය එන වෙලාවේ ඩොලර් බිලියන 1.5ක පොලී රහිත සහන ණයක් දුන්නා අපිට, ඒකෙන් තමයි විදේශ විනිමය අර්බුදය සමනය කරගත්තේ. ඒ ඩොලර් බිලියන 1.5ක දැවැන්ත සහනදායී ණය පහසුකම, ඔයිල් ක්‍රෙඩිට් ලයින් එකක් හැටියට අපි පාවිච්චි කරා. යුධ ටැංකි සහ ගුවන්යානා නොනවත්වා ක්‍රියාත්මක වුණා. විදුලිබල පද්ධතිය බිඳ වැටුණේ නැහැ මේ හේතුව නිසා. ඒ නිසා තමයි අන්තිම කාලයේ තීරණාත්මක මෙහෙයුම් අපිට කරගන්න පුළුවන්කම ලැබුණේ. ඒ විතරක් නෙමෙයි, එක්සත් ජාතීන්ගේ සංවිධානයේ සාගර නීතිය පිළිබඳ සම්මුතිය අනුව මුහුදේ අනතුරට හෝ අර්බුදයට පත්ව සිටින ඕනෑම පාර්ශවයකට මනුෂ්‍යත්වයේ සහනය සලසන්න වෙරළබඩ රාජ්‍යයකට නෛතිකව කොන්දේසි විරහිතව බැඳීමක් තියෙනවා. මේකට මම හොඳ උදාහරණයක් කියන්නම්.

කොවිඩ් කාලයේ එංගලන්තයට අයිති නැවක් කැරීබියන් මුහුදේ, කිසිම රටක් බාර ගන්නේ නැහැ කිව්වා මේගොල්ලොන්ට කොවිඩ් හැදිලා ඇති කියලා, ඒ වසංගතයට බය හිතිලා. අන්තිමට කියුබාව බාරගත්තා. කියුබාවට විරුද්ධව හැමදාම එක්සත් ජාතීන්ගේ සංවිධානයේ විරුද්ධව ඡන්දය තියෙන රටක් එංගලන්තය කියන්නේ. ඒක නොසලකා ඒ නැව කියුබාවට ගෙනල්ලා, ඒ මිනිස්සුන්ව ආරක්ෂා කරලා, සුවපත් කරලා ඇරියා. ඒ නිසා ඒක මානුෂීය මැදිහත්වීමක්. මෙතන තියෙන්නෙත් යුධමය කතාවක් නෙෙවයි. කෑම ටික ඉල්ලනවා, නිකන් නෙවෙයි සල්ලිවලට. තෙල් ටික ඉල්ලනවා, නිකන් නෙවෙයි සල්ලිවලට. ඊළඟට අපේ තියෙනවා SOLAS සම්මුතිය. මුහුදේදී මිනිස් ජීවිත සුරක්ෂිත කිරීම සහ සෙවීම හා මුදා ගැනීමේ සම්මුතීන්ට අනුව දේශපාලන හෝ සම්බාධක හේතු මත මූලික මානුෂීය ආධාර වළක්වන්න කිසිම රාජ්‍යයකට බලයක් නැහැ. 

ඒ නිසා අපි දැන් විදේශ රාජ්‍යතාන්ත්‍රික දේශපාලනයේ සදාචාරාත්මක පදනම බිඳවට්ටගෙන ඉවරයි, සදාචාරාත්මක පැවැත්ම බිඳවට්ටගෙන ඉවරයි. ඒ නිසා මොනතරම් එක්සත් ජනපදයට ගැතිද කියනවා නම්, නිවට විදියට යටත් වෙලාද කියනවා නම්, සම්බාධක තියෙන්නේ තනි රටක් පනවපු, ඇමෙරිකාව ඔබපු එකක්, එක්සත් ජාතීන්ගේ සංවිධානය තීරණය කරපු සම්බාධකයක් නෙවෙයි.

නමුත් කොච්චර යටත්ද කියනවා නම්, අර නීතියට අනුව අපට අයිතිය කියනවා අපේ ආර්ථික කොරිඩෝව ඇතුලේ ඉන්න ඒ නැවට පහසුකම් සපයන්න, ඒක අපි මගහරිනවා. ඒ අතරේ ආරක්ෂක ලේකම්තුමිය තුයියකොන්ත මේ ළඟදී ගියා ස්කැන්ඩිනේවියන් රටක තිබුණා, යුරෝපයේ රටක තිබුණා, ඒගොල්ලෝ කියන්නේ ඉන්දු-පැසිෆික් කලාපීය රටවල්, ඒ කියන්නේ අපේ මේ සාගර කලාපය තුළ ඉන්න රටවල්, ලංකාවත් පළවෙනි වතාවට ඒකට ගියා. ආරක්ෂක අමාත්‍යාංශ ලේකම් තුයියකොන්තා මේකෙදී කියනවා "අපි කැමතියි නේටෝ (NATO) එකත් එක්ක සම්බන්ධ වෙලා සහයෝගයෙන් කටයුතු කරන්න" කියලා. 

නේටෝ කියන්නේ මොකක්ද? සෝවියට් සංගමයට විරුද්ධව ඒ කාලයේ හදාගත්තු මිලිටරි සන්විධායක් නේටෝ කියන්නේ. ඒක තමයි සදාම්ගේ ඉරාකය විනාශ කළේ. නේටෝ එක තමයි ලිබියාව විනාශ කළේ. නේටෝ එක තමයි සිරියාව විනාශ කළේ. ලේ තැවරුණු භයානක මිලිටරි සන්විධායක්. දැන් දකුණු ආසියාවේ ඉන්න අපේ රටේ ආරක්ෂක ලේකම් තුයියකොන්තා ආරක්ෂක අමාත්‍යාංශ ලේකම්තුමා කියනවා "අපි ආසයි නේටෝ එකත් එක්ක හුරුතල් වෙන්න" කියලා. දැන් එතකොට මේකද අධිරාජ්‍ය විරෝධය. මේකද අර එළියෙන් කතා කරපු අධිරාජ්‍ය විරෝධී සටන? 

මේ ආණ්ඩුව ආපු ගමන් 2025 /11/14දී ඇමෙරිකාවත් එක්ක අත්සන් කරා මිලිටරි ගිවිසුමක්, මොන්ටානා ගිවිසුම කියලා ප්‍රසිද්ධියේ හඳුන්වනවා. ඒ ගිවිසුමෙන් ඇමෙරිකානු හමුදාවන්ට ව්‍යතිරේක ඇතුව අපේ රට ඇතුලට කඩාපනින්න පාර හදලා දීලා තියෙනවා. ලෝකයේ අද ගෝලීය දකුණේ ප්‍රධානතම බලකේන්ද්‍රය බ්‍රික්ස් (BRICS) රටවල් - බ්‍රසීලය, රුසියාව, ඉන්දියාව, චීනය, දකුණු අප්‍රිකාව. ඒ සංවිධානයේ ලංකාව නැහැ. නවදිල්ලියේ තිබුණා 19වෙනි බ්‍රික්ස් සමුළුව, ඒකට ලංකාවේ ආණ්ඩුවට, ජනාධිපතිට ආරාධනයක්වත් නැහැ. 

අද ලෝකයේ පරණ බලකේන්ද්‍රය බිඳ වැටෙනවා. ඩොනල්ඩ් ට්‍රම්ප් මහත්තයා ඉරානෙට ගහලා ගැලවීමක් නැතුව එළියට එන පාරක් පේනවා. අද මැද පෙරදිග කලාපයේ ඇමෙරිකානු කඳවුරු බිඳ වැටෙනවා. නැගෙන බලකේන්ද්‍රය - යුරේසියාව, රුසියාව, චීනය, බ්‍රික්ස් ඇතුළු මේ කලාපීය බලය, ඒ නැගෙන බලයත් එක්ක අපි සම්පූර්ණයෙන් පිටුපාලා ඉන්නේ. වැටෙමින් තිබෙන පරණ බලවතා, එක්සත් ජනපද බලවතා, ඒකට තමයි මල් පහන් පූජා පවත්වාගෙන ඉන්නේ. ෂැංහායි කෝපරේෂන් (Shanghai Cooperation Organisation) - මේ ඉන්දියාවේ මෝදි අගමැතිතුමා පවා ගියා, චීනයේ බීජිං වල ශැංහායි කෝපරේෂන් සමුළුවේ විශාල ආර්ථික ප්‍රතිලාභ ඒ රටවල් දිනාගත්තා. ඒකට ආරාධනා කරලත් ගියේ නැහැ. 

ඒ නිසා අපිට පේනවා විදේශ ප්‍රතිපත්තියේදී මේ රටේ තිබිච්ච දක්ෂිණාංශිකයි කියන පාලනතන්ත්‍රයන් පවා නොහිටපු ආකාරයට එක්සත් ජනපදය සහ බටහිරත් එක්ක කැත නැතුව, ලැජ්ජ නැතුව හිටගෙන ඉන්නවා, ස්ථානගත වෙලා. ඒක අර ගාලුමුවදොර සටනේ තිබිච්ච එක ගතිකත්වයක්, එක ලක්ෂණයක්, ඒක නියෝජනය වෙනවා.

මෙහේ ගාලුමුවදොර අරගලය ඉන්පසුව බංග්ලාදේශයට, නේපාලයට ගියා. දැන් ඉන්දියාවේ මේ දවස්වල මහා පාරේ රඟදැක්වෙනවා ඉන්දියානු වර්ෂන් එක. එතකොට දැන් එහෙත් කියන්නේ "මේ මෝදි හොරෙක්". දැන් මේ දවස්වල මැතිවරණ කොමිසමේ සභාපතිව එලවපන්. එහෙම ගිහිල්ලා වෙන්නේ ඊළඟට මෝදිව එලවන එක. අපි කැමති වුණත් නැතත් මෝදි යටතේ ඉන්දියාව නැගිට්ටා. ආර්ථිකය විශාල වශයෙන් වර්ධනය වුණා. අපිට මෝදි හොඳද නැද්ද වෙන කතාවක්, හැබැයි ඉන්දියාවට හොඳ වර්ධනයක් ආර්ථික වශයෙන් ලබාදීලා තියෙනවා. දැන් බලන්න ඉන්දියානු චිත්‍රපට වල අර පරණ හම්පට ගැහිච්ච වතු ජනතාව වෙනුවට දැන් බොහොම මොඩර්න් තාක්ෂණය පාවිච්චි කරන සමාජයක් තමයි දැන් ඉන්දියානු චිත්‍රපට වලින් පෙන්නන්නේ.

අර පරණ දුක පෙන්නන්නේ නැහැ, නැගීම පෙන්නන්නේ. මෙහේ ෆිල්ම් ඉන්ඩස්ට්‍රි එක ඉන්නේ වගේ නෙවෙයි, එහෙ ජාතිකත්වයක් තියෙනවා. මෙහේ උන් ජාත්‍යන්තර සම්මානයක් ගන්න කරන්නේ මෙහේ තියෙන මොකක් හරි නෙගෙටිව් එකක් ගිහිල්ලා, චිත්‍රපටයක් හදලා ලෝකෙට පෙන්නනවා, ඒකෙන් තමයි සම්මානය ගන්නේ. ඒ නිසා මේ හැමතැනම බලන්න, අරගලයෙන් පස්සේ ආපු පාලනය... රැප් ගායකයෙක්, නිකන් තත්ත්වයකදී මේ රැප් ගායකයෙක් අගමැති වෙයිද නේපාලයේ? එහෙ තිබිච්ච බොහොම සම්භාව්‍ය වමේ පක්ෂ භීෂණයකින් බලහත්කාරයෙන් යටත් කරලා දැම්මා. බංග්ලාදේශයේ යුනුස් ආවා. කොහේවත් හිටපු යූනූස්. ඊට පස්සේ ඡන්දය තිබ්බා. ගේන්න හිටියේ ජමාතේ ඉස්ලාමී කියන අන්තවාදී ඉස්ලාම් පක්ෂය. ඉන්දියාවේ 'රෝ' (RAW) එක මැච් එකක් ගහලා කොහොමහරි ඒක නවත්තගත්තා. ඒ නිසා එතන ගමනාන්තය ඒගොල්ලොන්ට ඕන විදියට වුණේ නැහැ. 

දැන් මේ අනුව පේනවා ජාත්‍යන්තර ස්ථානගත වීම අතින් ගාලුමුවදොර අරගලයේ සමන්තා පවර්ලාගේ උවමනාවට අනුකූලයි, අනුර කුමාරගේ පාලනය. ඊළඟ එක මොකක්ද? රණවිරු විරෝධය. ඒක නම් ඉතින් ආණ්ඩුව ඇවිල්ලා ටික දවසකින් පේන්න ගත්තනේ. ආවා, විජයග්‍රහණ සමරුවට. ආරාධනා පත්‍රය ගැහුවා බංකු බකුගේ ප්‍රධානත්වයෙන් පැවැත්වෙනවයි කියලා, ජනාධිපතිගේ ප්‍රධානත්වයෙන් නෙවෙයි. සමාජ මාධ්‍ය වලින් විරෝධය ආවා. අන්න ඊට පස්සේ අර බල්ලන් නාවන්න ගෙනියනවා වගේ ආවා. එදා කතාවේ එක වචනයක් නැහැ 'රණවිරුවා' කියලා. ඒක කියන්න හිතෙන්නේ නැහැ, දිව නැමෙන්නේ නැහැ. 

දැන් තමුන්නාන්සේලා බලන්න, ඔය දැන් මේ දවස්වල ලොකු කතාවක් තියෙනවනේ එක්නැලිගොඩ සිද්ධිය, ප්‍රගීත් එක්නැලිගොඩ. ඒ එක්නැලිගොඩ මහත්මිය ගාල්ලටත් අවමානයක්. ඒකේ ඉන්නවා සාක්ෂිකරුවෙක්, සුමතිපාල සුරේෂ් කුමාර හෙවත් මුරලි. එයා ඇවිල්ලා එල්ටීටීඊ එකේ හිටපු බුද්ධි අංශ සාමාජිකයෙක්. දැන් මේ ආණ්ඩුව ආවට පස්සේ, මේ නඩුව ත්‍රිපුද්ගල ස්ථිර විනිශ්චය මණ්ඩලයක් දාලා සතියට එක දවස බැගින් සම්පූර්ණ දවස බැගින් අහනවා. ඒ තරම් ඕනේ මේ එක්නැලිගොඩට සාධාරණය, යුක්තිය ඉටු කරන්න.

දැන් මේ සන්ධ්‍යා එක්නැලිගොඩට යුක්තිය ඉටු කරන්න තමයි අපේ සල්ලි වලින් විනිශ්චයකාරයින් තුන්දෙනෙක් දාලා වෙනම දින සතිපතා නඩු අහන්නේ. ඒ උසාවියේ වෙන නඩු නැහැ. දැන් මේ සන්ධ්‍යා එක්නැලිගොඩ තමයි ශ්‍රී ලංකා හමුදාව යුද්ධයේදී දෙමළ ජනතාව සංහාරය කරන්න රසායනික ආයුධ පාවිච්චි කළා කිව්වේ. අඩුගානේ සුද්දෙක්වත් කිව්වේ නැහැ එහෙම, කොටියෙක්වත් කිව්වේ නැහැ. එතකොට දැන් මේ මම කියපු එල්ටීටීඊ සාමාජිකයා මේ ඊයේ පෙරේදා සාක්ෂි දෙද්දී, හමුදාව වෙනුවෙන් ඉන්න නීතිඥයා අහන ප්‍රශ්නයකට උත්තරයක් හැටියට කියනවා "එක්නැලිගොඩ මාත් එක්ක කතා කරා කටුනායකින් ප්‍රභූන් සහිත ගුවන් යානයක් උඩට යනකොට මිසයිල ප්‍රහාරයකින් ඒක විනාශ කරාම ඔක්කොම ඒකෙන් මරා දාන්න පුළුවන්" කියලා. කවුද ඒ කාලයේ හිටපු ප්‍රභූන්? ජනාධිපති මහින්ද රාජපක්ෂ ඇතුළු කණ්ඩායම. එතකොට මේ කොටියා දැන් රජයේ සාක්ෂිකාරයෙක්. හරස් ප්‍රශ්න වලදී කියනවා "එක්නැලිගොඩ මාත් එක්ක කතා කළා කටුනායක ගුවන් තොටුපලෙන් ගුවන් යානය ඉහළට උස්සනකොට ඒකේ ඉන්න ප්‍රභූන් ඔක්කොම ටික මැරෙන විදියට මිසයිල ප්‍රහාරයක් එල්ල කරොත් වැඩේ හරි" කියලා.

දැන් ඒ කොටියට සාධාරණය ඉටු කරන්න වෙනම ත්‍රිපුද්ගල අධිකරණයක් පවත්වනවා. අපේ හමුදාවේ කට්ටිය ඉන්නවා අසරණව නීතිඥයෝ නැතුව, කවුරු හරි නීතිඥයෙක් අල්ලගෙන. එක්නැලිගොඩ නෝනා කලු සාරියකුත් දාගෙන, රතු පටියකුත් බෙල්ලේ එල්ලගෙන, තට්ටෙත් බූ ගාගෙන උන්දැ යනවා හරියට කාලි අම්මා යනවා වගේ. 

ඒ විතරක් නෙමෙයි, දැන් මේ වෙලාවේ අපේ හාමුදුරුවනේ අපි කවුරුත් දන්නේ නැති දෙයක් තියෙනවා. අපිට මතකයි 2008 මැයි 10 වෙනිදා අලුයම 2.15ට විතර ත්‍රිකුණාමල වරායේ නවත්තලා තිබ්බ නාවික හමුදාවට අයිති 'A 520' කියන යාත්‍රාවට මරාගෙන මැරෙන කොටි ප්‍රහාරයක් එල්ල වුණා. ඒ මරාගෙන මැරෙන ප්‍රහාරය එල්ල කරේ කදිරගාමතම්බි සුදර්ශන කියන එක්කෙනා. කොහොමහරි එයාගේ ඉතුරු වෙච්ච ශරීර කොටස් වල තිබුණා දුරකථනයක්, ඒ ඇඳුමේ තිබිලා ගත්තු දුරකථනයක්. ඒ සිම් පත හරහා අපේ නාවික හමුදා බුද්ධි අංශයට සහ අනිකුත් බුද්ධි අංශ වලට පුළුවන් වුණා එල්ටීටීඊ සංවිධානයේ රහසිගත සංඥා, ඒ වගේම බුද්ධි තොරතුරු, මුහුදු කොටි ක්‍රියාමාර්ග, මරාගෙන මැරෙන මෙහෙයුම් ජාලයට සූක්ෂමව ඇතුලත් වෙලා තොරතුරු ගවේෂණය කරන්න. නැගෙනහිර නාවික විධානයට ඒ හැකියාව ලැබුණා මේ සිම් පත පාවිච්චි කරලා ඒ වැඩේ කරන්න.

තාක්ෂණික වශයෙන් ඒක කරන්න. ඒ හින්දා පිටකොටුවේ සහ කොටුව දුම්රිය පොළේ, පිටකොටුව බස් නැවතුමේ මරාගෙන මැරෙන බෝම්බ ප්‍රහාර දෙකක් එල්ල කරන්න තිබ්බ ඒවා දෙකම වළක්වා ගත්තා. 2008 මැයි පළවෙනිදා කෝණේෂ්වරම් කෝවිල අසල තිබිලා, වෙරළ තීරයේ වළලා තිබිච්ච කිලෝග්‍රෑම් 10 බැගින් වෙච්ච මරාගෙන මැරෙන බෝම්බ කට්ටල දෙකක් හොයාගත්තා. රාත්‍රී දුම්රියෙන් කොළඹට ගෙනල්ලා කොටුව දුම්රිය ස්ථානයේ, පිටකොටුව බස් නැවතුම්පොළේ ඉවර කරන්න තමයි ඒ දෙක තිබ්බේ. 

තව මරාගෙන මැරෙන ඇඳුම් කට්ටල දෙකක් තිබ්බා ප්‍රභූන් දෙන්නෙක් ඉලක්ක කරගෙන. මරාගෙන මැරෙන තණපටයක් තිබ්බා ඒත් කවුරුහරි ඝාතනය කරන්න බලාගෙන. ඒ වගේම තව බෝම්බ බැඳගත්තු ධීවර ලොරියක් ත්‍රිකුණාමලයේ සිට කොළඹට ගේන්න සැලසුම් තිබ්බා, ත්‍රිකුණාමලයේදීම මේක අල්ලගත්තා. ඒ මොකද? අන්න අර සිම් පතෙන් හොයාගත්තු සූක්ෂම ගවේෂණය නිසා. දැන් මේ ඔක්කොම කරපු කට්ටිය දැන් කොහෙද අපේ හාමුදුරුවනේ ඉන්නේ? 2026 ඔක්තෝබර් දෙවෙනිදා එම් ඩබ්ලිව් කේ සී කුමාර, ඩී වී එස් චන්ද්‍රසිරි, සී පී වී එස් ජී කුමාර කියන නාවික හමුදා විරුවන් තුන්දෙනා. මේ වැඩේට මුළුමනින්ම බැහැලා වැඩ කරපු තුන්දෙනා දැන් අත්අඩංගුවට අරන් ඉන්නවා. ඒ තුන්දෙනා විතරක් නෙමෙයි. ඒ සිදුවීම් වලට කිසිම සම්බන්ධයක් නැති නාවික හමුදාවේ කාන්තා සෙබළියන් දෙදෙනෙකුත් අත්අඩංගුවට අරන් ඉන්නවා. හමුදා හඳුනාගැනීමේ පෙරෙට්ටුවේ තිබ්බා, ඒ දෙදෙනාව කවුරුත් එහෙම හඳුනගත්තේ නැහැ. ඒත් ඒ දෙදෙනාවත් අත්අඩංගුවට අරගෙන රිමාන්ඩ් බන්ධනාගාරයේ තියාගෙන ඉන්නවා. කාටද මේ වඳ දෙන්නේ? 

ඒ මිනිස්සු හොයාගත්තේ පිටකොටුව බස් නැවතුම්පොළ පුපුරුවන බෝම්බ, කොටුව බස් නැවතුම්පොළ පුපුරුවන බෝම්බ. බෝමම්බ ඇදුම් කට්ටල. ජීවිත කීයක් බේරුවද? ප්‍රභූ ඝාතන දෙකක් බේරුවා. තව විශාල විනාශයක්... අර මාලු ගේන ටුංකියේ මෙහෙයුමේදී එක බෝම්බයක් පුපුරුවා ගත්තා නම් මුළු කොළඹ නගරයම සුන්බුන් වෙනවා. මුළු යුද්ධයේ සම්පූර්ණ කතාව වෙනස් කතාවක් වෙනවා. එච්චර දෙයක් හොයලා දුන්නු රණවිරුවෝ දැන් ඉන්නේ සිරභාරයේ තියාගෙන. මේ කාව සතුටු කරන්නද? චන්දය දීපු මිනිස්සු සතුටු කරන්නද? කවුද මේකෙන් සතුටු වෙන්නේ? මේ උවමනාව තියෙන්නේ කාටද? එල්ටීටීඊ එකේ ජයග්‍රහණය අහිමි කරපු තීරණාත්මක තැන්වල වෙච්ච දේවල් මේවා. ඒ අයගෙන් පළිගන්න ඕනේ කාටද? එල්ටීටීඊ ඩයස්පෝරාවට, වෙන කාටවත් ඕනේ නැහැ.

සුරේෂ් සලේ, මේජර් ජෙනරාල්... ජනාධිපතිතුමා තෛනිකායික මහානායක ස්වාමීන්ද්‍රයාණන් වහන්සේලාගේ නියෝජිත ස්වාමීන් වහන්සේලා ජනාධිපති ලේකම් කාර්යාලයට කැඳවලා කියනවා "මගේ කැමැත්ත නීතිය නෙවෙයි". සුරේෂ්ලාව ඩී ඕ ගහන්නේ කාගේ කැමැත්තටද? සුරේෂ්ලාව නඩුවක් නැතුව දැන් මාස ගණන් තියාගෙන ඉන්නේ කාගේ කැමැත්තටද? ඩයස්පෝරාවේ කැමැත්තට. ඩයස්පෝරාවේ කැමැත්ත "මගේ කැමැත්ත". නිකන් ඩයස්පෝරාව නෙමෙයි, එල්ටීටීඊ ඩයස්පෝරාව. කරන්නාගොඩව උසාවි ගානේ ගෙනියනවා, කාට සතුටු දෙන්නද? උලුගේතැන්නව නාවික හමුදාපතිතුමාව හිරේ දැම්මා, කාට සතුටු දෙන්නද? ඒ නිසා ලුතිනන් කර්නල් තිලීපන්ලා වගේ මිනීමරු මස්වැද්දෝ උතුරේ සමරනවා, වීරයෝ කරනවා. මේ රට බේරාගත්තු සැබෑ වීරයෝ ද්‍රෝහීන් කරලා හිරගෙවල් ඇතුලේ ගාල් කරනවා. 

මේකටද මේ රටේ මිනිස්සු 68 ලක්ෂයක් කතිරය ගැහුවේ ජනාධිපති අනුර කුමාරට? විජිත හේරත් විදේශ ඇමතිතුමා ඊයේ පෙරේදා පාර්ලිමේන්තුවේ කියනවා මම අහගෙනයි, "අපි දැන් කිසිම චෙක්පොයින්ට් එකක් නැහැ හමුදාවේ, ඔක්කොම අයින් කරලා. චෙම්මණි මිනීවල විතරක් නෙමෙයි තව දෙකක් තියෙනවා හාරන්න, දෙකක් හාරනවා. ජාත්‍යන්තර සහයෝගයක් ගන්නවා".

දැන් මේ චෙම්මණි මිනීවලයි ඉතුරු මිනීවලවල් දෙකයි හාරලා දැන් මොකක්ද මේ ඔප්පු කරන්න යන්නේ? අපේ හමුදාව සමූල මිනිස් ඝාතනය කරා කියලා අපේම බදු මුදලින්, අපේම සල්ලි වියදම් කරලා, අපිම පඩි ගෙවලා, අපිම අපේම සල්ලි වලින් අපේම හමුදාව පාවලා දෙනවා, අපිම සාක්ෂි හදලා දෙනවා. මෙහෙම ආණ්ඩුවක් ලෝකයේ කොහෙද තියෙන්නේ? මේක රාජ්‍යද්‍රෝහී ආණ්ඩුවක් නෙවෙයිද? මේක දේශද්‍රෝහී ආණ්ඩුවක් නෙවෙයිද? බලන්නකෝ අර ඊශ්‍රායලයේ ඊයේ පෙරේදා ෆ්ලයිඩුබායි ගුවන් යානය බේරගත්තා. ඉන්දියන් සම්බවයක් තියෙන ගුවන් නියමුවෙක්. ඊශ්‍රායලය ඒ අයට දෙනවා, ඊශ්‍රායලයේ දෙන්න තියෙන ලොකුම සම්මානය දෙනවා. අන්න දිරිගන්වනවා, වීරයින්ව උපද්දවනවා. 

මේක වීරයින්ව මරනවා, තව මිනිහෙකුට වීරයෙක් වෙන්න තියෙන හිත නැති කරනවා. කවුරු වෙනුවෙන්ද? "එකක් හාරලා විතරක් නෙමෙයි අපි තව දෙකක් හාරනවා" කියලා උජාරුවට කියනවා. විජිත හේරත් උන්නැහැ ඇන්ටික් නාර්කෝ ටිකක්. ඒ විතරක් නෙමෙයි, මම දැක්කා අද මුහුණු පොතේ තියෙනවා, "තංගතුරේ රෙහාණි" කියලා උතුරේ දෙමළ සහෝදරයෙක් ලියලා, ඒ සිංහල අදහස: "මේ මොහොතේ උතුරේ ජීවත් වීම කොටි සංවිධානයේ පාලනය යටතේ ජීවත් වීම හා සමාන හැඟීමක් ඇති කරයි. කතා කරන්නට සිටින්නේ කවුද?" ඒ තමයි ත්‍රස්ත බෙදුම්වාදයට අකමැති දෙමළ මිනිහාගේ හදවතේ සාක්ෂිය. ඒ එල්ටීටීඊ හිතවාදී කල්ලි වලට මුළු උතුර හා නැගෙනහිර නීතිය හා විධානය භාරදීලා ඉවරයි. බෞද්ධ පුරාවිද්‍යාත්මක ස්ථාන විනාශ කරනවා, හින්දුකරණය කරනවා, බලාගෙන ඉන්න වෙලා තියෙනවා. මඩකලපුවේ දියුලපතාන අන්තිම සිංහල ගම්මානය,වගාකරන්න ඉන්න දෙන්නේ නැහැ, එලවලා දානවා. ශානක්‍යන් මන්ත්‍රීතුමා සිංහල මිනිහාව එලවන්න පාර්ලිමේන්තුවේ කතා කරනවා, ඒවට ඉඩ දීලා නිදහසේ බලාගෙන ඉන්නවා. ඒ නිසා මේක එල්ටීටීඊ පක්ෂපාතී පාලනයක්, බෞද්ධ විරෝධී පාලනයක්, රණවිරු විරෝධී පාලනයක්, එල්ටීටීඊ පක්ෂපාතී පාලනයක්.

බලන්නකෝ ජනාධිපති වෙච්ච ගමන් පිරිත් නැතුව වැඩේ කරන්න හිටියේ. අර මහාචාර්ය අත්තංගනේ රතනපාල හාමුදුරුවෝ බලෙන් අල්ලගෙන පිරිත් ටිකක් කියව්වා, අමාරුවෙන් අහගෙන හිටියා. පාර්ලිමේන්තුව පටන් ගත්තා, මොනවාද... ජයමංගල ගී නැහැ. පැලවත්ත මූලස්ථානය නත්තලට සරසනවා, වෙසක් එකට සරසන්නේ නැහැ. දැන් එතනින් යන්න බැහැ, ලොකු චෙක්පොයින්ට් එකක් දාලා ඒ ප්‍රදේශයේ පදිංචිකාරයන්ට විතරයි යන්න දෙන්නේ. අපේ හාමුදුරුවනි, මම වෙසක් එකට කීපදෙනෙක් ඇරියා ෆොටෝ එකක් ගහගෙන එන්න, එස්ටීඑෆ් එකෙන් යන්න දෙන්නේ නැහැ. පදිංචිකාරයන්ගේ නම් බලනවා.

ඒ කවුරු හරි හම්බවෙන්න නම් එහෙන් අහනවා මෙහෙම එක්කෙනෙකුට එන්න කිව්වද කියලා. ඒක දැන් අමු ගෙස්ටාපෝ. වෙසක් සැරසිලි නැහැ, නත්තල් සැරසිලි... අපිට කමක් නැහැ නත්තල් සැරසිලි, වෙසක් සැරසිලි නැහැ කියලයි ප්‍රශ්නය වෙන්නේ. 

ගලගොඩඅත්තේ ඥානසාර හාමුදුරුවන්ට කළේ මොකක්ද බෞද්ධ විරෝධී නෙවෙයි නම්? අප්‍රේල් 21 තමයි පාස්කු ප්‍රහාරය වුණේ. ඒ වෙනකොට උන්වහන්සේ දඬුවම් ලබනවා හිරගෙදර, හැබැයි බුද්ධ චීවරය දරාගෙන, බුද්ධ චීවරය ගැලෙව්වේ නැහැ. එවෙලේ තිබිච්ච මෛත්‍රීපාල සිරිසේන - රනිල් වික්‍රමසිංහ පාලනය... මොකද ඒ බුද්ධ චීවරය ගලවන්න බැහැ හාමුදුරුවනේ බන්ධනාගාරයට ඕන විදියට. මම ඒකට පෙන්නන්නම්, දැන් ජනාධිපතිතුමා කියනවා නීති හදන්න ඕනලු. පට්ට පචයක්, කෙබරයක් කෙළියේ. අනේ අර හාමුදුරුවොත් ඒක අහගෙන ගියානේ, මට දුක හිතුනා. 

මෙන්න තියෙනවා බන්ධනාගාර දෙපාර්තමේන්තුවේ නිත්‍ය නියෝග. දැන් ඕනෑම මෙහෙක තියෙනවනේ, දැන් අපි පාර්ලිමේන්තුවේ තියෙනවා රීති. ඒක ආණ්ඩුක්‍රම ව්‍යවස්ථාවෙත් නැහැ, පනතෙත් නැහැ, රීති වලට අනුව තමයි පාර්ලිමේන්තුව කටයුතු කරන්නේ - ස්ථාවර නියෝග. අන්න ඒ ස්ථාවර නියෝග වගේ එකක් තමයි බන්ධනාගාරයේ මේක.

මේකේ ප්‍රථම මුද්‍රණය 1960, දෙවෙනි මුද්‍රණය 1998. තෙවැන්න 2005... මේකේ තියෙනවා, මුලින්ම අපි කියමුකෝ මේ එළියට ගෙනියනකොට සිරකරුවෙක් මොකක්ද තත්ත්වය? දඬුවම් ලබපු එක්කෙනෙක්ට තියෙනවා මෙහෙම. 550 වගන්තිය: “උසාවියට ඉදිරිපත් කළ යුතු වරදකරු කරනු ලැබූ සිරකරුවන් බන්ධනාගාර ඇඳුමෙන් උසාවියට ඉදිරිපත් නොකළ යුතුයි. ඒ වෙනුවට වරදකරු කරනු ලැබීමට පෙර ඔවුන් ඇඳීමට පුරුදුව සිටි ඇඳුමට ගැලපෙන සිවිල් ඇඳුමක් ඇඳීමට ඔවුන්ට ඉඩ දිය යුතුයි. දැන් එතකොට ගලගොඩඅත්තේ ඥානසාර හාමුදුරුවෝ වරදකාරයා වෙන්න කලින් ඇඳගෙන සිටපු ඇඳුම මොකක්ද? බුද්ධ චීවරය. ඒකට ගැලපෙන වෙන එකක් නැහැනේ, ඒකට වෙන ආදේශකයක් නැහැ, ඒකම තමයි අඳින්නේ. එතකොට මේකේ පැහැදිලිව තියෙනවා. අවුරුදු තුනක හෝ ඊට අඩු සිරදඬුවම් ලැබූ සිරකරුවන් සම්බන්ධයෙන් කළ යුත්තේ ඔවුන්ගේ පෞද්ගලික ඇඳුම් ගබඩාවෙන් ගෙන ඇඳීමට දීමයි.” ඒ කියන්නේ හිරේට එනකොට තිබ්බ පෞද්ගලික ඇඳුම ගබඩාවේ තියෙනවා, ඒක අරගෙන දෙන්න ඕනේ ඒකම ඇඳගෙන යන්න. එතකොට උන්වහන්සේ බුද්ධ චීවරයත් එක්ක ආවේ, ඒක තියෙනවා ගබඩාවේ, ඒක දෙන්න ඕනේ අඳින්න.

ඊළඟට මෙහෙමත් කියනවා. ඔහුගේ පෞද්ගලික ඇඳුම් වලින් සිරකරුවාට ශිෂ්ට සම්පන්න පෙනුමක් නොලැබේ නම්, මුදාහරින විට සිරකරුවන්ට ආණ්ඩුවේ වියදමින් දෙනු ලබන රෙදිපිළි වලින් එම අඩුපාඩුව පියවිය යුතුය. අර සිවුර මීයෝ කාලා නම් ආණ්ඩුවේ වියදමින් සිවුරක් මහලා දෙන්න ඕනේ ශිෂ්ට සම්පන්න පෙනුමෙන් එළියට යන්න. කොහොමද ශිෂ්ට සම්පන්න පෙනුම? ඊළඟට තව කියනවා: අවුරුදු තුනකට වැඩි සිරදඬුවම් ලැබූ සිරකරුවන් සම්බන්ධයෙන් මුදාහරින සිරකරුවන්ට දීමට නියම කොට ඇත්තා වූද, බන්ධනාගාරයේදී ඇඳීමට සුදුසු වන්නා වූද ඇඳුම් ඇඳීමට සැලස්විය යුතුය. ඒ කියන්නේ ඇතුලේදී මේ සඳහා අවශ්‍ය වන රෙදිපිළි එහෙම තියෙනවා. මේ එළියට ගෙනියනකොට කොහොමද ගෙනියන්න ඕනේ කියලා තියෙනවා. දැන් මම මේ කියන්නේ... ඊළඟට මේක ඇතුලේ මොන ඇඳුමෙන්ද ඉන්නේ? භික්ෂූන් වහන්සේ නමක්, පූජකවරයෙක්... මුලින් මම ඒක ඉංග්‍රීසියෙන් තියෙන එක විජිත හේරත් වගේ කියවන්නම්. අංක 218 වගන්තිය:

"Buddhist monks... sentence shall be to their own clothes unless an order is given by the superintendent of the prison that prison clothes shall be given. Such order shall not be given by the superintendent unless such prisoner has been convicted of an offence which has brought disgrace on his office as priest. In all cases in which it appears doubtful whether such order should be given, the superintendent will refer to the commissioner before..." මොකක්ද මේ කියන්නේ? මෙන්න සිංහලෙන්....  

“ 216 සරල සිරදඬුවමකට නියම වූ බෞද්ධ භික්ෂූන් වහන්සේලාට තමන්ගේම ඇඳුම් ඇඳීමට අවසර දෙනු ලැබේ. සරල සිරදඬුවමකදී.  කිසියම් විශේෂිත අවස්ථාවකදී එවැනි පූජකවරයෙකු බන්ධනාගාර ඇඳුම් ඇඳිය යුතු බවට බන්ධනාගාර අධිකාරීවරයා විසින් නියෝගයක් ලබා දී නොමැති නම්, එවැනි නියෝගයක් අධිකාරීවරයා විසින් ලබා නොදිය යුතුය. සැක සහිත බව පෙනෙන සියලුම අවස්ථාවන්හිදී අධිකාරීවරයා එය නිකුත් කිරීමට පෙර කොමසාරිස්වරයා හරහා රජයට යොමු කරනු ඇත. අන්න ඒ යහපාලන ආණ්ඩු කාලයේ වුණේ මේක. කොමසාරිස්වරයා හරහා අධිකාරීවරයා නිකුත් කිරීමට පෙර රජයට යොමු කළා. ප්‍රශ්නය ඇහුවා ආණ්ඩුවෙන්, ආණ්ඩුවෙන් කිව්වා "උන්වහන්සේ ඉන්න ඇඳුමෙන් ඉන්න දෙන්න" කියලා. එතකොට බුද්ධ චීවරය දරාගෙන උන්වහන්සේ හිටියා. 

ප්‍රශ්නය ගියා. අනුර කුමාරගේ ආණ්ඩුවට. බෞද්ධ විරෝධී ආණුඩුවට. මෙයාලට ඕන වුණා බුද්ධ චීවරය ගලවන්න. එළියට ගේනකොටත් බුද්ධ චීවරය නැතුව ගේන්නේ, ගෙනියනකොට පාරේ රස්තියාදු කර කර තව ටිකක් පෙන්නන්න... එහෙමත් කරානේ, බස් එක ආවෙත් පරක්කු වෙලා. දෙන්න තියෙන නවක වදය ඔක්කොම දුන්නා. ඒකෙන් පේන්නේ මොකක්ද? මේ මනස බෞද්ධයාට ගහන්න, බුදු දහමට ගහන්න, මේ රටේ බුද්ධාගමට ගහන්න අනුර කුමාරගේ පාලනයක් මේ රටේ මිනිස්සු චේතනාන්විතව නිර්මාණය කළේ නැහැ. ඒහෙම අරමුණ තිබ්බා හිපාටුවෝ ටිකක් ඉන්න ඇති.  මහා බහුතරය එහෙම නෙවෙයි. එහෙමනම් මේ ගහන්නේ කොහෙටද? මේ රටේ මුදුන් මුලට. දැන් බලන්න උන්වහන්සේගේ මේ කරපු අවමානයට එරෙහිව පාගමන එනවා. අනුර කුමාරගේ දායක සභාවේ උන්දලාගේ කමෙන්ට්ස් ටිකක් මම මේ ස්ක්‍රීන්ෂොට් ගහගත්තා අපේ හාමුදුරුවනි. මේ ජ විපාවෝ, ඕස්ට්‍රේලියාවේ ඉන්න අය... "තිරිසනාගේ ගැලෙව්වා, පරාජය කරලා නායකත්වය ඇති කරේ..." මේ පූජ්‍ය ඉත්තෑපානේ ධම්මාලංකාර මහානායක හිමියෝ කියපු ප්‍රකාශයට උඩින් ලියලා තියෙන්නේ. මේත් ජවාපාවෝ.

"සමහර අයට දෙන්නේ දේව දඬුවම්... පයින්න් ඇවිද්දවනවා පෙරවාගෙන". දැන් මේ වෛරයෙන් පිරිලා. මුන්දලා තව එක්කෙනෙක් දානවා, "හැම පන්සලකම වැරදි කරන හාමුදුරුවෝ ගැන හොයාබලා වැරදි ප්‍රසිද්ධ කිරීමට රැල්ලක් හදමුද? මේ ගමන්ම පන්සල් නොයා තුන්සිල් රකිමු". තුන්සිල්... දෙකක් අයින් කරගෙන, කාමේසු මිච්ඡාචාරා සහ සුරාමේරය මම හිතන්නේ. පේනවා නේද මේ දායක සභාව නිකන් හැදෙන්නේ නැහැනේ, යකාගේ හැටියටනේ විමානය හැදෙන්නේ. යකාගේ හැටියට තමයි විමානය හැදෙන්නේ. එතකොට මේ කරන්නේ මොකක්ද? මේ තමයි ඔවුන්ට පැවරී තිබෙන ඊළඟ කාර්යභාරය. 

දැන් ඒ නිසා මේ ජනාධිපති කියනවා නම් අලුත් නීති හදන්න ඕනේ කියලා, එහෙම කතාවක් නැහැ, මේ තියෙනවා බන්ධනාගාරයේ අභ්‍යන්තර රීති. දැන් බලන්න අප්‍රේල් 21 පාස්කු ප්‍රහාරය, ඊට පස්සේ තමයි මහානායක හිමිවරු මැයි 19 සමාව දෙන්න කියලා ඉල්ලුවේ උන්වහන්සේට. ඊට පස්සේ තමයි ජනාධිපති මෛත්‍රීපාල සිරිසේන සමාව දුන්නේ. සාධාරණ තත්ත්වයක් තිබුණා, උන්වහන්සේ කිව්වේ අන්තවාදය ගැන, ඉස්ලාම් අන්තවාදය ගැන. ඒක මහ පොළොවේ යථාර්ථයක් වෙලා පෙනුණා, ජීවිත ගණනාවකින් පෙනුණා.

ඊට පස්සේ තමයි මහානායක ස්වාමීන්ද්‍රයාණන් වහන්සේලා කිව්වේ "මේ ගැන හොඳම අවබෝධය තියෙන්නේ ගලගොඩඅත්තේ ඥානසාර හාමුදුරුවන්ට, ඒ නිසා සමාව දෙන්න" කියලා. ඊට පස්සේ තමයි දුන්නේ. බොහොම යුක්ති යුක්ත හේතු කාරණා තිබ්බා. කවුද ශ්‍රේෂ්ඨාධිකරණයට ගියේ ඇපීල් කරන්න? සන්ධ්‍යා එක්නැලිගොඩ. එයා ගියාට කමක් නැහැ කියමුකෝ, එයාගේ මිනිහා නේ. "ගිහිල්ලා රෙද්දක් එලාගෙන පාරේ හිඟාකාපන්" කියලා ඥානසාර හාමුදුරුවෝ උසාවියේ කිව්වේ එයාටනේ, ඉතින් ඒ වේදනාවට එයා ගියාට කමක් නැහැ කියන්නකෝ. තව කවුද ගියේ? පාක්‍යසෝති සරවනමුත්තු. එයා කවුද? යාපනයේ වෙල්ලාලයෙක්. සෙන්ටර් ෆෝ ඕල්ටර්නටිව් පොලිසි (Center for Policy Alternatives - CPA). එතකොට එයා කවුද? එයා පූර්ණ කාලීනව එල්ටීටීඊ හිතවාදියෙක්. යුද්ධය පැවැත්වෙන වෙලාවේ නිදහස වළක්වන්න දන්න සෙල්ලම් ඔක්කොම දාපු මිනිහෙක්. එයත් යනවා උසාවි ඥානසාර හාමුදුරුවන්ට දීපු සමාව අකුලගන්න. එයින් එතකොට පේනවා මේක කාගේ උවමනාවක්ද කියලා. ඉන්දියාවේ ශ්‍රේෂ්ඨාධිකරණයෙන් දුන්නා අධිකරණයට අපහාස කිරීමට දඬුවමක් - රුපියලක දඩයක්.

අධිකරණයට අපහාස කිරීම කියන්නේ මේ අවුරුදු ගණන් හිරේ දාන එකක් නෙමෙයි. දැන් අපිට වැඩේ දෙන්න යන්නෙත් ඒකෙන්නේ. අධිකරණයට අපහාස කිරීම වගේ ඒවා අල්ලගත්තා නම් අනුර කුමාරලාව විපක්ෂයේ ඉන්න ජීවිත කාලය තුළ හැමදාම හිරේ දාන්න තිබ්බා. හැමදාම කාට හරි අපහාස කළේ. නමුත් ඒ ජාතියේ ආණ්ඩුවක් නොවෙච්ච හින්දා උන් හොඳට හිටියා. දැන් ඉන්දියාවේ ශ්‍රේෂ්ඨාධිකරණයෙන් දුන්නේ රුපියලයි දඩය අධිකරණයට අපහාස කිරීමට. මේක ලෝකයේ තියෙන පුදුම රටක්, අවුරුදු 9යි, 10යි. අර නඩු තීන්දුවේ තියෙනවා, උන්වහන්සේගේ සමාව අවලංගු කරපු නඩු තීන්දුවේ තියෙනවා... දැන් හෝමාගම මහේස්ත්‍රාත් අධිකරණයේ ඒ වෙලාවේ හිටියේ දැන් ඔය අල්ලස් හෝ දූෂණ විමර්ශන කොමිසමේ අධ්‍යක්ෂ ජෙනරාල් රංග දිසානායක විනිශ්චයකාරතුමා. එතුමාට තිබ්බා ඕන නම් ඒ වෙලාවේ දඬුවම් කරන්න... සුළු හෝ උපරිම දඬුවම එතුමාට දෙන්න තිබ්බා. අවුරුද්දක සිරදඬුවමක්. දැන් අර තීන්දුවේ කියනවා එතුමා හිතුවලු දෙකක් මදි කියලා, ඒ නිසා උඩට “ඇපීල් කෝට්” එකට දානවා. බලන්නකෝ චේතනාව! කෙනෙක් ආවේගයෙන් තව කෙනෙකුට කියපු දෙයක්, ඒවා මනුෂ්‍ය ජීවිතයේ වෙන්න පුළුවන් දේවල්. හැබැයි ඒ විනිශ්චයකාරතුමා අර තීන්දුවේ කියනවා ඒ විනිශ්චයකාරයා හිතුවලු දෙකක් මදි කියලා.

ඒ නිසා අපට පේනවා මේ රටේ දැන් මහින්දානන්ද අමාත්‍යතුමාගේ බලන්න. අන්න අල්ලස් හෝ දූෂණ විමර්ශන කොමිසමේ අධ්‍යක්ෂක කියනවා "එතුමා පුද්ගලිකව හොරකමක් කරලා නැහැ, වුණාට එයා කැරම් බෝඩ් බෙදලා". හැබැයි අවුරුදු 20යි නේද? අවුරුදු 20ක සිරදඬුවමක්. දැන් නීතියේ මූලධර්මයක් තියෙනවා වරදේ ප්‍රමාණයට දඬුවම. ඒකනේ අර ඉන්දියාවේ ශ්‍රේෂ්ඨාධිකරණය කියන්නේ උසාවියට අපහාස කරාට රුපියලක දඩයක් ගහන්න. යකෝ අවුරුදු 20ක් 30ක් ඒකට දුන්නොත් ඉතුරු ඒවට මොනවාද දෙන දඬුවම්? ඊට වඩා බරපතල වැරදි වලට. එතකොට මෙතන පේනවා වරදේ ප්‍රමාණයට නෙමෙයි දඬුවම දෙන්නේ. 

1942දී උඩකැන්ඳවල සරණංකර හාමුදුරුවන්ට සුද්දාගේ ආණ්ඩුව නඩු අහලා හිරදඬුවම් දුන්නා. මට මතක හැටියට අවුරුද්දද දෙකක්ද. ඒත් අධිරාජ්‍යවාදී පාලනයට විරුද්ධව කරපු කතාවකට. උඩකැන්ඳවල සරණංකර හාමුදුරුවෝ කිව්වා "මගේ චීවරය මම ගලවන්නේ නැහැ". ඊට පස්සේ ප්‍රශ්නය ගියා සුද්දන්ගේ ආණ්ඩුකාරයාට. සුද්දන්ගේ ආණ්ඩුකාරයා කිව්වා "සිවුරෙන් ඉන්න දෙන්න" කියලා. සුද්දන්ගේ ආණ්ඩුකාරයාට මේ රටේ බුදු දහම ගැන තිබිච්ච අවබෝධයවත් මේ වේළුපිල්ලේ අනුර කුමාරට නැහැ, එහෙම හැඟීමක් නැහැ.

එක වෙලාවක මට මතකයි බුදු දහමත් එක්ක ඇතිවෙච්ච ආරවුලකදී මෙහෙ හිටපු ආණ්ඩුකාරයෙක් කැඳෙව්වා. ඒ නිසා මෙතන තියෙන්නේ බ්‍රිතාන්‍ය අධිරාජ්‍යවාදී කාලයටත් වඩා දරුණු විදියට මේ රටේ බුදු සසුනට එරෙහි මෙහෙයුමක්, බුදු සසුන වනසන උවමනාවෙන් පෙළෙන පාලනයක්. ඒ නිසා ආදරණීය අම්මේ, තාත්තේ, ලෝකයේ ඕනෑම රටක නීතිය සහ සම්ප්‍රදාය කියලා දෙකක් තියෙනවා. මහා බ්‍රිතාන්‍යය දුවන්නේ සම්ප්‍රදායෙන්, නීතියෙන්ම නෙවෙයි. අපෙත් තියෙනවා සම්ප්‍රදායක්, මහා සම්ප්‍රදායක්. මහා සංඝරත්නය එනකොට රජු නැගිටිනවා, රජු එනකොට මහා සංඝරත්නය නැගිටින්නේ නැහැ. ඒ තමයි සම්ප්‍රදාය, මහා සම්ප්‍රදාය. දැන් කොහෙවත් නීතියේ කියලා තියෙනවාද භික්ෂූන් වහන්සේලාට රියදුරු බලපත්‍ර ගන්න තහනම් කියලා? නැහැ, හැබැයි ගන්න දෙන්නේ නැහැ, ඇයි? සම්ප්‍රදාය, මහා සම්ප්‍රදාය. කොහේවත් නීතියේ කියලා තියෙනවාද භික්ෂූන් වහන්සේලාට නීති උපාධිය කරන්න බැහැ කියලා? නැහැ එහෙම බාධාවක්. නමුත් වෙන්නේ නැහැ, මහා සම්ප්‍රදාය. සම්ප්‍රදායයි නීතියයි එකට තියලයි ඕනෑම රටක් පාලනය කරන්නේ.

මට මතකයි උතුරේ කවුද අර නඩුකාර නෝනා කෙනෙක්, දෙමළ ජාතික, චෛත්‍යයක් ඉදිකිරීම පිළිබඳ ප්‍රශ්නයක් ආපු වෙලාවේ භික්ෂූන් වහන්සේට සුදු රෙද්දක් දාලා වාඩි වෙන්න දීලා ඊට පස්සේ තමයි නඩුව විභාග කරේ. ඒ සම්ප්‍රදාය දන්න, ඓතිහාසික සම්ප්‍රදායට ගරු කරන අය. සිවිල් සේවා විභාගයට භික්ෂූන් වහන්සේලාට ඉල්ලන්න දෙන්නේ නැහැ ප්‍රාදේශීය ලේකම් වෙන්න, දිශාපති වෙන්න. නීතියේ බාධාවක් නැහැ, හැබැයි සම්ප්‍රදාය. 

දැන් ගලගොඩඅත්තේ ඥානසාර හාමුදුරුවෝ මේ අත්අඩංගුවට ගත්තේ වස්සාන කාලයේදී. වස් කාලයේදී බුද්ධ නීතියට අනුව, වස් කාලයේදී උපසම්පදා භික්ෂුවක් ඒ නියමිත ස්ථානයෙන් එළියට යන්න අවසර තියෙන්නේ දවස් හතකට. ඊට වඩා වැඩි කාලයක් බුද්ධ නීතියට අනුව එළියේ හිටියොත් වස්සාන ශික්ෂාපදය කඩාගත්තා වෙනවා, කඨින චීවරය පිළිගන්න බැරි වෙනවා. ඒක තමයි භික්ෂූන් වහන්සේ නමකට ලැබෙන්න තියෙන ලොකුම දඬුවම. කඨින චීවරය... අපේ බෞද්ධයා හදන්නේ මාස දෙක තුන මහන්සි වෙලා ඉතා භක්තියෙන් හදන කඨින චීවරය පිළිගන්න බැරි වෙනවා. දවස් හතකට වඩා... අඩුගානේ මේ සම්ප්‍රදාය දන්නවා නම්, වස් කාලය ඉවර වෙලා තිබ්බා නීතිය ක්‍රියාවට නගන්න. දැන් දේවගැති ජෙරොම්ට තියෙනවනේ අධිකරණයේ නඩුවක්. ඒක හැමදාම කල් යනවා, ඒවා කල් යනවා. දේවගැති ජෙරොම්ට තියෙන බුද්ධාගමට අපහාස කිරීම, ඒක මුකුත් ප්‍රශ්නයක් නැහැ දැන්. ඒ නිසා අපිට තේරෙනවා මේක බෞද්ධ විරෝධී පමණක් නෙෙවයි, මේ රටේ නූතන තරුණ පරම්පරාවේ ඔලු වලට බුද්ධ චීවරය පිළිබඳ වෛරය, දහම පිළිබඳ වෛරය, පන්සල පිළිබඳ වෛරය, භික්ෂුව පිළිබඳ වෛරය වඩාලන රාජ්‍ය අනුග්‍රහය සහිතව වඩන පාලනයක් බවට පත් වෙලා තියෙනවා. 

මේක අනාගමික කියලා කියන්න බැහැ, බෞද්ධ විරෝධී. අනාගමික නෙමෙයි, අනාගමික නම් කිසි ආගමක් නැහැනේ, එහෙමත් නැහැ. දැන් බලන්නකෝ ශ්‍රී ලංකා ක්‍රිකට් ආයතනයේ මොකද වෙන්නේ කියලා. අර බෝඩ් එක අයින් කරලා දැම්මා. “ඉවැන්ජලික දේවගැති”, කවුද මේ... එරාන් වික්‍රමරත්න, එයා දේවගැතිවරයෙක්. එයාගේ තාත්තා තමයි ඒ ඉවැන්ජලික සභාවේ ලොක්කා. එයාට දුන්නා ක්‍රිකට්, එයා ඉවැන්ජලික “බෝන් අගේන්”. මේවා කිව්වේ කියලා මාවත් දායි ද අපේ හාමුදුරුවනේ. දැන් ඒගොල්ලන්ට තමයි බලය තියෙන්නේ. කියන්න තියෙන්නේ කියලා ඕන කුදයක් කියලා තමයි මේ කියන්නේ. දැන් ක්‍රිකට් පාලක මණ්ඩලයේ ඉන්නවා රුවන් කල්පගේ, එයා ඉවැන්ජලික බෝන් අගේන්. දැන් ඔක්කොම අර ජූනියර් කණ්ඩායම් වලට තේරීම් කරන්නේ ඉවැන්ජලික බෝන් අගේන් වෙන්න. 

ඒ විතරක් නෙමෙයි, දරුවන් පුහුණු කරන්න ක්‍රිකට් කෝච්ලා හැටියට යවන්නෙත් බෝන් අගේන් ඉවැන්ජලික කට්ටිය. උන්දලා වැඩිය ක්‍රිකට් දන්නේ නැහැ, ගිහිල්ලා කරන්නේ තේරීම් බලනවා. ඉවැන්ජලිකකරණය කරනවා. ඒ ආගම වැළඳගත්තොත් ටීම් එකට එනවා, දක්ෂතාවය නෙෙවයි. මේකට රුවන් කල්පගේ, එරාන්, සංගක්කාරත් සම්බන්ධයි. එක එක වීරයෝ තමයි ඉතින්! මේ ඔක්කොම වෙන්නේ රාජ්‍යානුග්‍රහය තුළ. මේකෙන් සිංහල බෞද්ධයෝ කොන් කරලා තියෙනවා, රෝමානු කතෝලිකයෝ කොන් කරලා තියෙනවා, සමහර ක්‍රිස්තියානීන් කොන් කරලා තියෙනවා. ඔක්කොම ඉවැන්ජලික බෝන් අගේන් නොවුනොත් ක්‍රීඩාවේ ඉදිරියට එන්න බැහැ, ක්‍රිකට් සම්පූර්ණයෙන් ඒ මාෆියාව අල්ලගෙන තියෙනවා. ඒක බෞද්ධයාට විතරක් නෙමෙයි රෝමානු කතෝලිකයාටත් බලපානවා, සාමාන්‍ය ක්‍රිස්තියානි මිනිහාටත් බලපානවා. දැන් මේවා කියනකොටම උසාවියට ගෙනියයිද. මොකක් හරි පොට්ටයක් පෑදුවොත් දෙන දඬුවම ප්‍රමාණාත්මකව වැඩි වෙන්න මේක හේතුවක් බවට පත් වෙන බව අපි දන්නවා, ඒක දැනගෙන තමයි මේ කියන්නේ. මේ ජාතිය ඇහැරවන්න ඕනේ.

මේ ගහන්නේ අපේ නිදහසෙන් පස්සේ අපේ මුදුන් මුලට ගහන ගැහිල්ල. මේක වෙන්න ඉඩ දීලා නිවටයින් වගේ ඔහේ බලාගෙන හිටියොත්, මේ මාතෘභූමිය රැක්ක, දිවි දුන්නු හැම සුජාත මිනිහෙකුටම අපි කරන මහ දවාලේ පාපයක්, පාවාදීමක්. දැන් මේ ආණ්ඩුව ආවේ ආර්ථික අර්බුදය ජය ගන්නවා කියලනේ, මිනිස්සු ඡන්දය දුන්නෙත් ඒකටනේ. දැන් ඒක කරනවාද? කිව්වේ "අපිට අගමැතිකමයි කැබිනෙට්ටුවයි දෙන්න, මාස හයෙන් රට ගොඩගන්නවා. තෙල් බස්සනවා, බැස්සිල්ලක්... කංචනගේ පගාව අයින් කරාම තෙල් මිල බහිනවා. පාසල් උපකරණ වලට, බෙහෙත් වලට, සෞඛ්‍ය සේවා වලට වැට් එක අයින් කරනවා." ඒවා ඔක්කොම ඉලන්දාරි වෙනවා. 

මොනතරම් සුරංගනා කතා කිව්වාද? මොනවාද අර කාර් ගැන කිව්වා, දැන් හාමුදුරුවනේ කෙහෙල් ගෙඩියේ නැට්ට පුස් නොතියා තියාගන්න විදිය පවා කිව්වනේ දැන්. මොනවාද නොකිව්වේ? දැන් මොකක්ද ආර්ථික අර්බුදයට වෙන්නේ? ණය අර්බුදයක් අපිට තිබුණේ, දැන් මොකද වෙලා තියෙන්නේ? දේශීය ණය ගැනීම්... රුපියල් බිලියන... මේ අවුරුදු දෙකට දේශීය ණය රුපියල් බිලියන 19,971කින් වැඩිවෙලා, රුපියල් බිලියන 20,000කින් වැඩිවෙලා. 2024 සැප්තැම්බර් වෙනකොට තිබ්බේ ඒකපුද්ගල ණය බර රුපියල් ලක්ෂ 13යි.

තනි මිනිහෙකුට තිබිච්ච ණය බර එනකොට රුපියල් ලක්ෂ 3යි, ඒ බර අඩු කරන්නම් කියලා ආවේ. දැන් අවුරුදු දෙකට ලක්ෂ දෙකකින් වැඩි කරා, රුපියල් ලක්ෂ පහයි ඒකපුද්ගල ණය බර! දෙකට දෙකයි, තුනට තුනයි, හතරට හයක් විතර වෙයි හිටියොත්! බදු බර... බදු බර අඩු කරන්න ආවේ, 2024 අග වෙනකොට ඒකපුද්ගල වාර්ෂික බදු බර, අවුරුද්දකට එක පුද්ගලයෙකුට ආපු බදු බර රුපියල් 89,000ක් පමණ. දැන් 2025-26 අයවැය ලේඛනයෙන් ඒකපුද්ගල වාර්ෂික බදු බර 208,600යි! 119,600කින්, 120,000කින් බදු බර වැඩි කරලා තියෙනවා ඒකපුද්ගල වාර්ෂික බදු බර! ජනගහනයෙන් 65%ක් දුප්පතුන්. තරුණ නිරැකියාව 45%යි, සමස්ත විරැකියාව 45%යි. මේවට උත්තර හොයනවාද? මේවා ඉලක්ක කරගත්තා වූ සංග්‍රාමයක් පේනවාද? ජනාධිපති කියනවා පළාත් මට්ටමින් අල්ලස් හෝ දූෂණ විමර්ශන කොමිසමේ ආයතන පිහිටුවනවාලු. දැන් ඕක පිහිටෙව්වම දුප්පත්කම අඩු වෙනවාද? වර්ධන වේගය වැඩි වෙනවාද? චෙම්මණි මිනීවල වගේ තව දෙකක් හාරපුවම මේ රටේ ආර්ථික අර්බුදයෙන් ගොඩඑනවාද? බලන්න අද ලෝකයේ නැගිටින රටවල් මේ වගේ අතීතියට දෙස් තිය තියා, වෛරය වපුර වපුර නෙමෙයි ඒ රටවල් නැගිටින්නේ. අපි විහිළුවට කිව්වේ ඉතියෝපියාව වගේ කියලා.

ඉතියෝපියාවේ මේ වෙනකොට ආර්ථික වර්ධන වේගය 9.2%යි! කාර්මික දියුණුව ලැබුවා, ජල විදුලි බලාගාර හැදුවා, විදුලිය පිරිවැය අඩු වුණා, කාර්මිකකරණය වැඩි වුණා, වර්ධන වේගය 9.2%යි! දැන් ඒ අපි කියපු ඉතියෝපියාව නැහැ. වෛරය වැපිරුවේ නැහැ, පූචානම් කතා කිව්වේ නැහැ, අතීතියට බැන බැන හිටියේ නැහැ. ගත්තා බලය, වැඩ කළා, පෙන්නුවා. ගිනියා රාජ්‍යය - ඒත් වර්ධන වේගය 8.7%යි! රුවන්ඩාව - මීට අවුරුදු කීපයකට කලින් ගෝත්‍රිකව කපාගෙන මරාගත්තු රටක්, රුවන්ඩාවේ වර්ධන වේගය 7.2%යි! බුර්කිනා ෆාසෝ - හමුදා නායකත්වයක් තියෙන්නේ, වර්ධන වේගය 5.3%යි! මේ හැම රටක්ම බටහිර බලය වන්දනා කරන්නේ නැහැ. අර යුරේසියානු බලය - රුසියාව, චීනය, බ්‍රික්ස් බලය, ඒ රටවල් එක්ක ඒ රාජ්‍යයන් නැගිටිනවා. ඒ කොන්ද පණ තියෙන්න ඕනේ මේ රට ගොඩනගන්නත්. ප්‍රතිපත්තිමය ස්ථානගතවීම වෙන්න බැරිනම් මේ රට ගොඩනගන්න බැහැ, කාටවත් බැහැ. කවුරු මොනවා කිව්වත් බැහැ. ඒ ස්ථාවරයට බය නැතුව එන්න පුළුවන් නම් මේ රට හදන්න පුළුවන්.

අප්‍රිකාවට පුළුවන් නම්, ඉතියෝපියාවට පුළුවන් නම්, ගෝත්‍ර වශයෙන් කපාගත්තු රුවන්ඩාවට පුළුවන් නම්, ඇයි මේ සම්බුදු දහම පණපෙව්ව, තේරවාදී බුදු දහම රැක්ක, තේරවාදී බුදු දහම රැකලා ලෝකෙට දීපු, 2500කට වඩා වෙනස් ඈත ඉතිහාසයකට උරුමකම් කියන, තමන්ට අනන්‍ය භාෂාවක්, තමන්ට අනන්‍ය අක්ෂර මාලාවක් හදපු, ක්‍රිස්තු වර්ෂ දෙක-තුනදී සීගිරි ගලට ගිහිල්ලා අපේ ගැමි මිනිස්සු කුරුටු ගී ලිව්වේ, ගැමියා භාෂාව දන්නවා! සෙල්ලිපි වල බදු අය කළ විදිය ගැහුවේ, ගැමියා භාෂාව දන්නවා, සාක්ෂරතාවය තියෙනවා! එහෙව් ඓතිහාසික උරුමයකින් පණපෙවුණු ජාතියක්, ඇයි අපිට බැරි රුවන්ඩාවට පුළුවන් නම්, ඉතියෝපියාවට පුළුවන් නම්? රුවන්ඩාවට අද කියන්නේ අප්‍රිකාවේ ස්විට්සර්ලන්තය, ඉතියෝපියාවට අද කියන්නේ අප්‍රිකාවේ සිංගප්පූරුව. 

ඒ නිසා මගේ අම්මේ, තාත්තේ, සහෝදරයා, සහෝදරිය, අපට තියෙනවා ලොකු... අද දේශීය කර්මාන්තයට මොකද වෙලා තියෙන්නේ? වී ගොවිතැනට... දැන් මේගොල්ලෝ පළාත් මට්ටමෙන් අල්ලස් හෝ දූෂණ විමර්ශන කොමිසමේ ශාඛා පටන් ගන්නවා. දැන් මේ ඔක්තෝබර් ඉඳන් දෙසැම්බර් වෙනකම් මහා වැස්සක් එනවා. ඒ වැස්සෙන් මහා ගංවතුරක් එනවා. අපි නෙමෙයි කියන්නේ, ලෝකයේ එක්සත් ජාතීන්ගේ සංවිධානය ඇතුළු විවිධ විශේෂඥ වාර්තා. ඒ මහා ගංවතුරෙන් මහවැලි කුඹුරු ඔක්කොම විනාශ වෙනවා. ඔවුන් කියනවා ඒ මහා ගංවතුර නිසා ආහාර නිෂ්පාදනය බිඳ වැටෙනවා, ජනවාරියේ සිට එනවා විශාල නියඟයක්, දරුණු නියඟයක් - එල්නිනෝ නියඟය. ඒ නියඟය විසින් පස උණුසුම් වීම විසින් තේ නිෂ්පාදනය අඩු වෙනවා. උඩරට තේ අස්වැන්න අඩු වෙනවා, පහතරට තේ අස්වැන්න අඩු වෙනවා, කුළුබඩු නිෂ්පාදනය ප්‍රමාණාත්මකව අඩු වෙනවා. අපට ලැබෙන ආදායම අඩු වෙනවා. ඒ විතරක් නෙමෙයි, රස්නය වැඩි වෙනකොට විදුලිය පරිභෝජනය වැඩි වෙනවා, ජල විදුලි බලාගාර වලින් විදුලිය උපදවන්න බැරි වෙනවා. රස්නය වැඩි වෙනකොට ගල් අඟුරු සහ ඩීසල් බලාගාර වලට වැඩියෙන් බර තියන්න වෙනවා, නිෂ්පාදන පිරිවැය වැඩි වෙනවා, ඉන්ධන ගේන්න වැඩියෙන් යනවා. එතකොට තව ඩොලර් එළියට යනවා. මහජන උපයෝගිතා කොමිසම කියනවා ඒ මාස හතරක්-පහක් ඇතුලත විදුලිය කපාහැරීම් වලට පවා යන්න වෙන්න පුළුවන් කියලා. 

දැන් මේවටද සූදානම? මේවා ගැනද කතා කරන්නේ? ඒගොල්ලෝ හිතනවා "ශිරන්ති රාජපක්ෂ නෝනාව ඇතුලට දාන්නම්, අන්න ඔඩියන්ස් එක ටියුන් වෙනවා, එතකොට හරි, බඩ පිරෙනවා, තුන්වේලම පිරෙනවා". දැන් මේ මහින්ද රාජපක්ෂ ඇතුළු ඒ පවුලටම ගහන්නේ... ප්‍රභාකරන් මලා, නෝනා මලා, පුතාලා දෙන්නා කොහෙද හිටියා දෙන්නා මලා, දුවෙකුත් හිටියා නේද? දුවත් මලා. දැන් මේ වාඩුව ගන්න ඕනේ! වාඩුව ගන්න අපේ පවුලෙන් හරියන්නේ නැහැ, රාජපක්ෂ පවුලෙන් ගන්න ඕනේ, ඒකට නෝනාද බලන්නේ නැහැ.

දැන් ඔය කියන මොකක්ද ඒ කියන ගිණුම එකවුන්ට් එකේ තියෙනවලු. කොහෙවත් ගිහින් නැහැ එකවුන්ට් එකේ තියෙනවලු. එකවුන්ට් එකේ තිබ්බත් දානවා, කාව සතුටු කරන්නද? ප්‍රභාකරන්ව මරපු එකේ පළිගැනීමේ උවමනාවෙන් බලන් ඉන්න එල්ටීටීඊ ඩයස්පෝරාව සතුටු කරන්න. මහින්ද රාජපක්ෂට හිත් වේදනාව දීලා මරවන්න ඕනේ. ඒ කාලයේ බයෙන් හිටියේ තර්ජිත ගම්මාන වල මිනිස්සු, ඒ කාලයේ බයෙන් හිටියේ කොළඹ රස්සාවට යන මිනිස්සු, ඒ කාලයේ බයෙන් හිටියේ ඉස්කෝලෙට යන දරුවන්ගේ අම්මලා ගේට්ටුව ගාව බුදුන් වඳිමින්. බයෙන් හිටපු ඒගොල්ලෝ දැන් බයෙන් ඉන්නේ මහින්ද රාජපක්ෂ මහත්මයාට. 

දැන් බලන්න රෝහිත බෝගොල්ලාගම... බෝගොල්ලාගමගේ නමක්වත් විපක්ෂය කිව්වද? එයා තමයි යුද්ධය යන වෙලාවේ හිටපු විදේශ ඇමති. එයාත් යම්කිසි කාර්යභාරයක් ඒ වෙලාවේ ජාත්‍යන්තර ප්‍රජාව කළමනාකරණය කරන්න කළා. ආ එයාටත් එනවා, සලේලාගේ ඔලුවටම පතබාන්න. බොහොම පතබාන තොරතුරු තියෙන මිනිහා. එයාටත් දෙනවා... මේ යන්නේ වාඩුව ගන්න, මේ ඇවිල්ලා ඉන්නේ පිරබාහරන්... ජනාධිපති පුටුවේ ඉන්නේ පිරබාහරන්ගේ අවතාරේ, වෙල්ලමුල්ලිවයිකාල් වලින් ඒ ජාන වලින් ඉපදිච්ච ජනාධිපතිවරයෙක් තමයි මේ පුටුවේ ඉන්නේ. 

ශාසනයට ගහන්නේ ඒකට, නායකයෝ ටික හිරේ දාන්නේ ඒකට. දැන් බදු අඩු කරන්න ආවේ, අන්තිමට සින්දු බද්දකුත් දානවා, බලු බද්දකුත් දානවා, අවුරුද්දකට පාරක් බලල්ලු රජිස්ටර් කරන්න. බලල්ලාගෙන් අය කරන ගාන බලන්න ඕනේ. සමහර විට මං දන්නේ නැහැ මෙහෙ කොහොම කරයිද, උන්ට කන්න නොදී හිටියොත් ගාන අඩු කරගන්න පුළුවන්, එක්කෝ බර කිරුවට පස්සේ කන්න දෙන්න වෙනවා, ඊට කලින් නොකා ඉන්න වෙනවා! මේ තමයි සුද්දා ගහපු බදුත් ගහනවා, බලු බද්ද ගැහුවා සුද්දා. ඒ නිසා ඉන්දියාවෙන් හාල් ගෙනාවාම දවස් 300ට සරලන්න ආවා, ගොවියාගේ වී ටිකට මිල නැති වුණා. මහ කන්නෙත් වැස්සට යට වුණොත් මේ රටේ කොයි ජනතාවටද සිද්ධ වෙන්නේ වැල්පාලමේ යන්න. ඒ ගැන කිසිම තැකීමක් නැහැ, සැලැස්මක් නැහැ. කෘෂිකර්ම ඇමතිතුමා අමතපදන් ගහලා යනවා වැනි වැනි උපාධි ප්‍රදානෝත්සවයට, ගෙදර ඉන්න හන්දිය වගේ යනවා ගිහිල්ලා. අනේ අර උපාධිය ගන්න කොල්ලාගේ පින්තූරය, ඒක ඒඅයි (AI) වලින් හදලා උන්දැට කෝට් එකක් අන්දවලා තමයි සාලේ තියාගන්නේ. නැත්නම් නිකන් රස්තියාකාරයෙකුගෙන් උපාධි සහතිකය ගත්තා වගේ වෙනවානේ, ජීවිත කාලෙම පෙන්නන්න තියෙන ඡායාරූපනේ. හැබැයි එයාගේ දුවගේ උපාධි ප්‍රදානෝත්සවයට ෆුල් සූට් ගහලා යනවා, තමන්ගේ දුවගේ නෙෙවයි උපාධි ප්‍රදානෝත්සවය... උන්දැ වැනි වැනි යනවා. 

විදේශ විනිමය පනත වෙනස් කරන්නේ නැහැ, විදේශ විනිමය පනත සංශෝධනය කරන්න ඕනේ. මාස තුනක් ඇතුලත අපනයන ඩොලර් ගේන්න ඕනේ, නොගෙන ආවොත් අපරාධ නඩුවක් හිටන් දාන්න ඕනේ, අපරාධ වරදක්. කලින් තිබ්බේ එහෙම, සිරිමාවෝ මැතිනිය ගෙනාපු පනතේ, ඉන්දියාවේ තියෙන්නේ එහෙම. ඒවා වෙනස් කරන්නේ නැහැ, ඇයි? මහා පරිමාණ හාම්පුලා ඉන්නේ එයාගේ, ඒගොල්ලෝ සතුටු කරනවා, ඒගොල්ලොන්ට ටච් කරන්නේ නැහැ, ඒගොල්ලොන්ට ඕන විදියට ඉන්න දෙනවා. ඒ නිසා 2028 ඉඳන් අපි පුද්ගලික ණයහිමියන්ට ණය ගෙවන්න පටන් ගන්නවා. විශාල ඩොලර් ප්‍රමාණයක්, දැනටත් අපි ඩොලර් බිලියන 2.5ත් 3ත් අතර ණය ගෙවනවා අවුරුද්දකට, ඕකට එකතු වෙනවා පස්සේ 4ක් විතර, ඔක්කොම වෙනවා 6ක් 7ක් විතර. ඒක තියෙන්නේ.

ඒ අතරේ මේ දේශගුණික විපර්යාස, මේ ඔක්කොමත් එක්ක මැදපෙරදිග ප්‍රශ්න. සංචාරක ව්‍යාපාරය බිඳ වැටීම, විදේශ රැකියා පිළිබඳ ප්‍රශ්න, අර්බුද මේ ඔක්කොම පිළිබඳව බලපාපු සැලැස්මකට යා යුතු වෙලාවක්. ඒවා ගැන වගක් නැහැ, සාකච්ඡාවක් නැහැ, දුරදැක්මක් නැහැ. ඔහේ ලඟ ළඟ චූන් දිදී ඉන්නවා "අරුව ඇල්ලුවා, මූ ඇල්ලුවා" කිය කිය ඉන්නවා. ඒ නිසා අද මේ රටේ කර්මාන්තකාරයෝ පිරිවැය වැඩි නිසා මේ රට අතහැරලා වෙන රටවල් වලට යනවා - ඉන්දියාවට යනවා, බංග්ලාදේශයට යනවා, වියට්නාමයට යනවා, තායිලන්තයට යනවා. ඇඟලුම් කර්මාන්තශාලා විතරක් නෙෙවයි, රබර් ආශ්‍රිත නිෂ්පාදනය යනවා, ටයිල් නිෂ්පාදනය යනවා. මේ කර්මාන්ත බොහොමයක් මේ රටෙන් එළියට යනවා.

ඒ නිසා මගේ අම්මේ, තාත්තේ, සහෝදරයා, සහෝදරිය, කිසි පැත්තකින් මේගොල්ලෝ මේ රටට මගපෙන්වීමක් කරලා නැහැ. බලන්න සුනිත්‍ය විදුලිබල මණ්ඩලය, වහලේ තියෙන සෝලා පැනල්... ඒකෙන් කරන්ට් එක උපදවලා ගෙදර පාවිච්චි කරලා ඉතුරු ටික පද්ධතියට දීලා කීයක් හරි හොයාගත්තා මෙච්චර කාලයක් බොහෝ ගෙවල්. දැන් ඒක බැහැ. දැන් මොකද උපදවනවා පද්ධතියට දෙනවා විතරයි, තමන්ට පරිභෝජනය බැහැ. තමන් ගන්න ඕනේ පද්ධතියෙන් විදුලිය. ඒවට මිලටම ගෙවන්න ඕනේ. අර උපදවන ටික පද්ධතියට දෙන්න ඕනේ ඒගොල්ලෝ කියන මිලට. තමන් පාවිච්චි කරලා ඉතුරු ටික දීලා ගානක් හොයන්න බැහැ. දැන් ඒකෙන් මොකද වෙන්නේ? ගෙවල් වල සෝලා පැනල් හයි කරන එක අදෛර්යයට පත් වෙනවා. කාටද පොට පැදුණේ? මහා පරිමාණ සෝලා පැනල් හයි කරලා විදුලිය උපදවලා පද්ධතියට වැඩි මිලට දෙන සමාගම් වලට තමයි කල්ල මරේ! මෙන්න ප්‍රගතිශීලී ආණ්ඩුව, පුංචි මිනිහාගේ ආණ්ඩුව! කොහොමද වහලේ තියෙන පැනල් එකට දෙන දීම? මේවා එතකොට යන්නේ හේලීස් එක වගේ ආයතන වලට තමයි ඒ වෙළඳපොළ ආධිපත්‍යය. ඒ නිසා මොන ප්‍රගතිශීලී දෙයක්වත් ඇවිල්ලා නැහැ, රඟපෑම නම් තියෙනවා එච්චරයි.

ඒ හින්දා මගේ අම්මේ, තාත්තේ, සහෝදරයා, සහෝදරිය, අපි තේරුම් ගන්න ඕනා මේ යන ගමන වාම වෙස් ගත්තු බෞද්ධ විරෝධී, සිංහල විරෝධී, ලිබරල්වාදී ගමනක්. අර මොනවාද මේ පාස්කු ප්‍රහාරයට වරදකාරයෝ වෙච්ච කට්ටිය ගියානේ බස් එකේ නැගලා, එක දඬුවම් ලබපු කෙනෙක් කිව්වේ "අනුර මහත්තයා ඉන්නවා, ප්‍රශ්නයක් නැහැ" කියලා යන ගමන් උන්දැ කිව්වා. දැන් බලන්න අපේ හාමුදුරුවනේ, දැන් කාඩිනල්තුමාව සතුටු කරන්න ඒ සෙට් එක ඩටබ ගාලා නඩුව අහලා දැම්මා ඇතුලට, දිනපතා අහ අහා කොහොමහරි කාඩිනල්තුමා විශ්‍රාම යන්න කලින්, එතුමාව සතුටු වෙන විදියට වැඩේ වුණා. දැන් හැබැයි මුස්ලිම් අයගේ පොඩි වේදනාවක් තියෙනවා, දැන් ඒක ෂේප් කරන්න ඕනේ. ඒකට ගලගොඩඅත්තේ ඥානසාර හාමුදුරුවෝ දැම්මා, දාලා සිවුරත් නැතුව ගෙනල්ලා තවත් චූන් කළා. මෙන්න බලන්න සතුටු කරන විදිය! අරකෙන් පොඩ්ඩක් නොසතුටු වෙනකොට, මුහුණ ඇඹුල් වෙනකොට ඒ මුහුණට හිනාවක් එන්න ඕනේ, ඒ මුහුණේ හිනාවක් එන්න ඕනේ, ගලගොඩඅත්තේ ඥානසාර හාමුදුරුවන්ගේ සිවුර ගලවනවා. මේක තමයි මේකේ කළමනාකරණ ක්‍රමය. ඉන්දියානු ව්‍යාප්තවාදය ගැන කතා කෙරුවා, ගිවිසුම් හතක් අත්සන් කළා, මෙහෙ පෙන්නුවේ නැහැ, පාර්ලිමේන්තුවට පෙන්නුවේ නැහැ, රටට පෙන්නුවේ නැහැ. අද වෙනකම් හංගගෙන ඉන්නවා. 

ඒ නිසා මේගොල්ලෝ ප්‍රතිපත්තිමය වශයෙන් ගත්තොත්, අර චීන කතාවක් තියෙනවා කෙල්ලගෙන් මනමාලයන් ගැන කිව්වා: "බලාගෙන යනකොට උතුරු පළාතේ ඉන්නවා මනමාලයෙක් සල්ලි තියෙනවා කැතයි, දකුණු පළාතේ ඉන්නවා මනමාලයෙක් හරිම ලස්සනයි සල්ලි නැහැ". දැන් දෙමාපියෝ ඇහුවලු කෙල්ලගෙන් "උඹ මොකද කරන්නේ දැන්, කාටද කැමති?" කෙල්ල කිව්වලු "කැමතියි බස්නාහිරින් කාලා දකුණෙන් නිදාගන්න" කියලා. මේ යෝධයත් ඒ වගේ, අහුවෙන තැනකින් කනවා, ආස තැනින් නිදාගන්නවා. ආස තැන තමයි එල්ටීටීඊ කඳවුර, ඒක තමයි අවස්ථාවාදය. 

ඡන්දෙදී අපේ අයට වෙච්ච වැඩේටත් තියෙනවා කියන ජනකතාවක්. චීනයේ එක ප්‍රාන්තයකට, ඒ ප්‍රාන්තයේ බූරුවෝ නැහැ, හාහාපුරා කියලා ඒ ප්‍රාන්තයට එක ගැනුම්කාරයෙක් බූරුවෙක් ගෙනාවා. කැලෙන් ආවා ව්‍යාඝ්‍රයෙක් එළියට, දැන් බැලුවා පුදුම සතෙක්, ව්‍යාඝ්‍රයා කලින් බූරුවාව දැකලා නැහැ, හිතුවා "මේකා මටත් වඩා වැඩ්ඩෙක්ද දන්නේ නැහැ". ඒ නිසා ව්‍යාඝ්‍රයා බොහොම සීරුවෙන් මාරුවෙන් බලාගෙන හිටියා චණ්ඩියා තමන් වහන්සේලාත් පහර දෙයිද කියලා, වැඩකාරයෙක්ද කියලා හිතාගෙන හිටියා. ටිකක් වෙලා යනකොට, බලය හම්බවුනාට පස්සේනේ, ටිකක් වෙලා යනකොට ව්‍යාඝ්‍රයාට තේරුණා...

ව්‍යාඝ්‍රයා කියන්නේ කඩපු අය නම් තේරුණා "මූට වෙන වැඩක් තේරෙන්නේ නැහැ, කෑගහන්නයි කකුල් දෙක පස්සට උස්සන්නයි විතරයි තේරෙන්නේ" කියලා. ඊට පස්සේ ව්‍යාඝ්‍රයා පැනලා හපලා කෑවා. දැන් ඉතින් ගෙනාවා නම් දේශපාලන වශයෙන් හපලා කන්න තමයි වෙන්නේ. නැත්නම් ඉතින් ශාසනයයි, රටයි, ජාතියයි, සකල වටිනාකම්, මුළු මහත් සභ්‍යත්වය මේ රටේ අපිට අහිමි වෙනවා. ඒ නිසා දැන් ඒ කාලයේ කියපු 'නිර්ප්‍රභූ' කතා නැහැනේ, දැන් චොපර් දෙක යනවා, වාහන යනවානේ. දැන් අර කවුද මේ... මෙහෙ හිටියේ කොටහල් මගුලෙන් කීයක්ද හම්බකරගත්තු මිනිහා කවුද?

හෑරී තියෙනවා, දැන් උන්දැ වැඩිය කතා නැහැ. දැන් හොඳට... දැන් කියනවා රට කිරි, නිකන් රටේ මිනිස්සුන්ට කිසි ප්‍රශ්නයක් නැහැ කියලා. ඉතින් හොඳයි ඒගොල්ලන්ට ප්‍රශ්නයක් නැහැ. පාර්ලිමේන්තුවේ ආපනශාලාවේ බිල නම් ඉහළ ගිහිල්ලා තියෙනවා, මොකද තුන්වේලම කාලා එකක් බැඳගෙනත් යනවා කියලා මම දැක්කා පාර්ලිමේන්තුවේ මන්ත්‍රී කෙනෙක් කියලා. හොරගල් අල්ලන්න ආපු අය බාල ගල්අඟුරු ගෙනාවා, දැන් කෝටි ගණනක පාඩුවක් වෙලයි ඉඳගෙන කියලා. ඒ පාඩුව අපේ කරමතට. ඕනේ වෙළඳ අමාත්‍යාංශයේ හැමදාම මාට්ටුවක් අහන්න, කන්ටේනර් 32ක් එළියට ගියා අයිස් කන්ටේනර්, ඊට පස්සෙත් අහුවුණා මේ ළඟදිත් අයිස් කන්ටේනර් තිබුණා. ඒ නිසා හොරු අල්ලන්න බැහැ හොරගම් කරන නඩයකට, හොරකම් කරන කල්ලියකට හොරු අල්ලන්න බැහැ. බාල ගල්අඟුරු නැව් දෙකක් අතුරුදන්., ගේන්න ඕන මෙට්‍රික් ටොන් ප්‍රමාණය නැහැ, ගේන්න ඕන මෙට්‍රික් ටොන් ප්‍රමාණය නැහැ, ගෙනාපු ටිකත් බාලයි. ඒ නිසා දැන් මේ නියෝ-ප්‍රභූන් 

22වෙනි සංශෝධනයෙන් කරන්නේ මොකක්ද? මේ රටේ සිංහල නායකයෝ ටික අධිකරණ බලපෑම් වලට ගෙනල්ලා නටවලා, සිංහල නායකයෝ ටික කොටිත් එක්ක මේ රට පාවලා දෙනකොට විරුද්ධ වෙන නායකයෝ, රටට නායකත්වය දෙන්න පුළුවන් නායකයෝ ටික ඔක්කොම චෝදනා වලට පටලවලා හිරේ දාන්න. ඒකෙන් කරුණු දෙකක්: එකක්, ඊළඟ ජනාධිපතිවරණයේ තමන්ට ප්‍රබල ප්‍රතිවාදියෙක් නැති කරගන්න බලනවා. දෙවෙනි කරුණ තමයි, දැන් අපේ හාමුදුරුවනේ මේ මුළු පනත් කීපයකින් වැඩේ දෙන්න යන්නේ: 

මහවැලි අධිකාරිය අහෝසි කරනවා, මහවැලි අධිකාරියට අයිති නැගෙනහිර තියෙන ඉඩම් ප්‍රාදේශීය ලේකම්ලාට යනවා. පුරාවිද්‍යා පනත පළාත්කරණය කරනවා, පළාත් විෂයක් කරනවා. එතකොට පුරාවිද්‍යාව කියලා එකක් නැහැ, ජාතික උරුමය පනත විමධ්‍යගත විෂයක්. උතුරු පළාතට වෙනම පුරාවිද්‍යාව, නැගෙනහිර පළාතට වෙනම පුරාවිද්‍යාව. එතකොට ඒවයේ තියෙන බෞද්ධ පුරාවිද්‍යාත්මක ස්ථාන හින්දුකරණය වෙනවා ඒ ආණ්ඩුවල අනුග්‍රහයෙන්. ඊළඟ පනත තමයි විහාර දේවාලගම් පනත, එක්කෝ අහෝසි කරනවා නැත්නම් සංශෝධනය කරනවා. ඇයි? ඒ පනත යටතේ තියෙන ඉඩම් තියෙනවා උතුරේ සහ නැගෙනහිර රජවරු දීපු ඉඩම්. දැන් ඒවා සංස්කෘතික ඇමති පාර්ලිමේන්තුවේ කිව්වා "මේ විහාර දේවාලගම් පනතට යටත් කරලා ඉඩම් අක්කර දහස් ගණන් තියෙනවා, අපිට මේ දිට්වා එකෙන් අසරණ වෙච්ච කාටවත් ගෙයක් හදන්නවත් ඉඩක් නැහැ" කියලා. ආන්න දැන් එනවා ඒකට වැඩේ. ඒ ඉඩම් බලය එතනට ගනිද්දී මධ්‍යම ආණ්ඩුවේ නීති ගැටෙන ඒවා දැන්ම අහෝසි කරනවා. ඊළඟට මොකක්ද කරන්නේ?.

මම විශ්වාස කරනවා ලබන අවුරුද්ද ඇතුලත උතුර හා නැගෙනහිර පමණක් පළාත් සභා ඡන්දය තියෙනවා. වෙන කොහෙවත් තියන්නේ නැහැ, උතුර හා නැගෙනහිර පමණක් තියෙනවා. නැගෙනහිරට එක මහඇමති අපේක්ෂකයෙක්, උතුරට එක මහඇමති අපේක්ෂකයෙක්. ඒකෙන් දිනන මහඇමතිලාට ගැලපෙන ආණ්ඩුකාරයා ජනාධිපති අනුර දානවා, එයාට එකඟ ආණ්ඩුකාරයා. ඊට පස්සේ පොලිස් ප්‍රඥප්තිය ගේනවා, ඉඩම් ප්‍රඥප්තිය ගේනවා, පුරාවිද්‍යා ප්‍රඥප්තිය ගේනවා, මුදල් ප්‍රඥප්තිය ගේනවා. පළාත් සභා ප්‍රඥප්ති පෝලිමේ එනවා. දැනටත් වයඹ පළාත් සභාවේ තියෙනවා පරිසර ප්‍රඥප්තියක් සම්මත කරලා, මධ්‍යම ආණ්ඩුවේ පරිසර අධිකාරියට බලයක් නැහැ වයඹ පළාතට යන්න, වයඹ පළාත පරිසරය පිළිබඳ තීරණ ගන්නේ වයඹ පරිසර අධිකාරිය. 

අන්න ඒ වගේ පරිසර ප්‍රඥප්ති තියෙනවා, ඉඩම් ප්‍රඥප්ති තියෙනවා, පොලිස් ප්‍රඥප්ති තියෙනවා. එතකොට ඒවයේ ස්වාධීන වෙනම පාලනතන්ත්‍ර නිර්මාණය වෙනවා. නැගෙනහිරටත් එනවා, උතුරටත් එනවා. ඊට පස්සේ ඒ ජාතිවාදය දෝලනය කරලා මෙයා හිතනවා දෙමළ ඡන්ද ගෙඩිය පිටින්, මුස්ලිම් ඡන්ද ගෙඩිය පිටින්, වතුකරයේ ඡන්ද ගෙඩිය පිටින්... දැන් ඒගොල්ලොන්ටත් අලුත් නමක් දැම්මානේ, "මලයහ/මලයග අහූ" - මෙතෙක් නොතිබිච්ච එකක් ඒක. තව එකක් දානවා ඔලුවට, ඒ ඡන්දත් අරගෙන... ඒක ආණ්ඩුවෙන්ම පේටන්ට් කරලා දුන්නනේ.

ඊළඟට මොකද කරන්නේ? එයා හිතනවා ජනාධිපති වෙන්න ගිහිල්ලා සිංහල මොලේ මඤ්ඤං වෙච්ච ටිකගෙන්, ගොන්තාලාගෙන් ටිකක් අරන් ප්‍රතිවාදියෙක්... එහෙම ප්‍රතිවාදියෙක් නැති තත්වයක 50%ක් පූර්ණ නැහැ, කීයක් හරි ගත්තාම එයා තමයි වැඩි ගාන ගත්තේ කියලා දිනාගන්න පුළුවන් කියලා. ඒක තමයි සූත්‍රය. හැබැයි ඒක විතරක් නෙමෙයි, එතනින් එහාට අර ඉඩම් ප්‍රඥප්ති, පරිසර ප්‍රඥප්ති, පුරාවිද්‍යා ප්‍රඥප්ති මේ ඔක්කොම සම්මත කරගෙන ඊළඟට මොකද වෙන්නේ? මධ්‍යම ආණ්ඩුවේ නීතියයි මේකයි ගැටෙනවා, දෙක ගැටෙන්න ගන්නවා. ගැටෙන්න ගන්න එක ජාත්‍යන්තරයට යනවා. ඔය අතරේ අනිත් මිනීවලවල් දෙකත් හාරලා "සමූල ඝාතනය කරා" කියලා ඔප්පු කරනවා. නීති දෙක - උතුරේ නීතියයි, පරිදියේ නීතියයි ගැටෙනවා. ගැටීම ලෝකෙට යනවා, ලෝකෙට ගියාම ලෝකෙන් පීඩනය එනවා "උතුරේ සහ නැගෙනහිර ජනමත විචාරණයක් තියලා මේක විසඳන්න" කියලා. අන්න එතනට තමයි අනුර කුමාර ඊළඟට අඩිය තියන්නේ. 

ඉතියෝපියාවෙන් එරිට්‍රියාව කැඩුවේ ඒ විදියට. උතුර හා නැගෙනහිරට පමණක් බලපාන විදියට ජනමත විචාරණය තියෙනවා. මොකක්ද අහන්නේ? ඒ පළාත් දෙකේ අයගෙන් අහනවා "උඹලා අපි කැමතිද එකට එකතු වෙන්න?" දෙවෙනි ප්‍රශ්නය: "ශ්‍රී ලංකා රාජ්‍යයෙන් වෙන් වෙන්න කැමතිද?"[58]

ඕක තමයි අහන්නේ. නැගෙනහිර අයගෙන් අහනවා "උතුරත් එක්ක එකතු වෙන්න කැමතිද?", උතුරේ අයගෙන් අහනවා "නැගෙනහිරත් එක්ක එකතු වෙන්න කැමතිද?", "ශ්‍රී ලංකා රාජ්‍යයෙන් වෙන් වෙන්න කැමතිද?". ඒ පළාත් දෙකේ ජනමත විචාරණය තියලා ඒකෙන් ඒගොල්ලෝ දිනනවා. ඊට පස්සේ ජාත්‍යන්තරව ඒක වෙනම රටක් හැටියට පිළිගන්නවා. ඇමෙරිකාව, කැනඩාව, යුරෝපය ඔක්කොම පිළිගන්නවා. දකුණු ආසියාවේ හැදෙන්න ගිය ඊශ්‍රායලය, යුධ හමුදා දූපුතුන්, රණවිරු ජීවිත පුදලා, පණ පුදලා බේරාගත්තු, බෙදුම්වාදී උවමනාවන් ඉටු වෙන පාරක්. ආයේ මේ යුද්ධ කරන්න ඕනේ නැහැ, දැන් අනෙක යුද්ධ කරන්න සම්ප්‍රදායික හමුදාව ඕනේ නැහැ, දැන් ඕනෑතරම් එක එක ජාති තියෙනවා ඒවා පාවිච්චි කරන්න විතරයි ඕනේ. ඒ නිසා මේ යන්නේ ඒ පාරේ, මේ ගමන යමින් තියෙන්නේ එතනට. අපි අපේ සාක්ෂියෙන් අහන්න ඕනේ, මේ පොළොවේ උපන් සුජාත දූපුතුන් නම්, මේ දකුණේ උපන් මිනිස්සු නම්, මේ පාපතර පාලනයට මේ අපරාධය ඇස් පනාපිට කරන්න ඉඩ දීලා බලා ඉන්නවාද? ශාසනයට ගහන්නේ ඒකටනේ, ශාසනයනේ ඒකට විරුද්ධ වෙන්නේ හැමදාම. බුද්ධාගම කියන්නේ හැමවෙලේම යටත්විජිත විරෝධී, ආක්‍රමණ විරෝධී - අනාගාරික ධර්මපාලතුමා ශුද්ධ විරෝධී.

ඒ බුද්ධාගමේ, අපේ බුද්ධාගමේ තියෙන ගතික ලක්ෂණයක් හැමවෙලේම ස්වදේශික රාජ්‍ය බලගැන්වීම. රජෙක් නැති වෙලාවට රජ කෙනෙක් සොයාගෙන ඇවිල්ලා හිටවීම. ඒ හින්දා තමයි ශාසනයට ගහන්නේ, ඒ හින්දා තමයි සිංහල නායකයෝ ටික ඔක්කොම කූඩු කරන්නේ, ඒ නිසා තමයි අන්‍යාගමික පිරිස් වලට වැඩෙන්න ඉඩ දීලා තියෙන්නේ. ඒ නිසා මේ වෙලාවේ මේ රට ගොඩගන්න. 

අද මහා සංඝරත්නය එනවා පාගමන මහනුවර ඉඳන් කඩුගන්නාවට, කඩුගන්නාවේ ඉඳන් මාවනැල්ලට, මේ විදියට එනවා පාස්කු පෝයට. සකල බෞද්ධ ජනතාවනි, ගිහි-පැවැදි පක්ෂ දෙක විතරයි අද මෙතන තියෙන්නේ. අනිත් ඕනෑම පක්ෂයක් ඒකට යටයි. ගිහි-පැවැදි පක්ෂ දෙක හැටියට එකම අරමුණකින් අරහත් ධජය රකින මහා බලසේනාවක්. 15වෙනිදා ඒ මහා පාගමනත් එක්ක අපි හැමෝම එකතු වෙන්න ඕනේ. ඒ අපේ මහා සංඝරත්නයේ, අපේ බුදු දහමේ, අපේ බුද්ධාගමේ, තේරවාදී පිරිසිදු බුදු දහම රැක්ක භූමිය රකින සටන. අපේ බුද්ධාගම එහෙමයි. අපේ හාමුදුරුවනේ, දැන් සමහරු ගලගොඩඅත්තේ ඥානසාර හාමුදුරුවන්ට එක එක ඒවා කියනවා. මේක හරියට වරක ගෙඩියක් වගේ. නිවන් මග හොයාගෙන යන හොඳ මදුලුත් තියෙනවා, වරගෙඩිය ඇතුලේ පොඩි පොඩි එහෙම නැති මදුලුත් තියෙනවා, ඒ මඩුවත් හේතු වෙනවා අර මදුලු රැකෙන්න.

අපේ පන්සල කියන්නේ නිවන් මග පමණක් හොයාගෙන ගිය පන්සලක් නෙවයි. තේරපුත්තාභය හාමුදුරුවෝ නිර්මාණය වෙන්නේ නැහැ එහෙම නැත්නම්, සුමංගල හාමුදුරුවෝ නිර්මාණය වෙන්නේ නැහැ එහෙම නැත්නම්. ඒ නිසා ඓතිහාසිකව මේ රටට, මේ තේරවාදී දහම රැක්ක රටට, තේරවාදී දහම පණමෙන් රැක්ක රට, ඒ රටට එන තර්ජනය, දහමට එන තර්ජනය, අපේ ජීවිත වලට එන තර්ජනය... ඒක ඉස්සරහ, ඒ අභියෝගය ඉදිරිපිට නොසෙල්වී, නොසැලී අපි මානවත්ව මුහුණදීමේ මහා වීරෝධාර පරපුරක දූපුතුන් හැටියට නැගී සිටිමු! ඒ වෙනුවෙන් රොද බැඳගනිමු! ඒ සඳහා එකතු වෙමු, සමගි වෙමු! ගිහි-පැවැදි බලය 15ඩවැනිදට අගනුවරට කැඳවමු! ඒ සඳහා සමගිය ලැබේවා, ධෛර්යය ලැබේවා, යෝධ බල-යෝධ වීර්යය ලැබේවායි පතමින් මගේ මෙතැන් ස්වල්පය අවසන් කරනවා. සියලු දෙනාටම ජය වේවා!"