දිවුලපතාන ගොවීන්ට අන්තවාදීන්ගෙන් දැඩි තර්ජන එල්ලවෙලා.. – හිටපු නැගෙනහිර පළාත් ආණ්ඩුකාර අනුරාධා යහම්පත් ගෙන් චෝදනා..

Oct 3, 2026 at 07:56 PM

|

Lanka Leader

මඩකලපුව දිවුලපතාන ප්‍රදේශයේ වගා කටයුතුවල නිරත සිංහල ගොවීන්ගේ භූමියට බලහත්කාරයෙන් ඇතුළු වූ පිරිසක්, එම වගාබිම්වලින් වහාම ඉවත් වන ලෙසට පොලිසිය සහ මහවැලි නිලධාරීන් ඉදිරිපිටදීම තර්ජනය කර ඇති බව හිටපු නැගෙනහිර පළාත් ආණ්ඩුකාර අනුරාධා යහම්පත් මහත්මිය සඳහන් කරයි.

ඇයගේ සමාජ මාධ්‍ය සටහනකට අනුව මෙම සිද්ධිය පිළිබඳව අනාවරණය වන තොරතුරු මෙසේය:

දිවුලපතාන ගොවීන්ට නිදහසේ හුස්ම ගන්න ලැබෙන්නේ කවදාද?

අද 3 දින මඩකලපුව දිවුලපතාන ගොවීන් වගාකොට ඇති ගොවි බිම් වලට බලහත්කාරයෙන් ඇතුළුවූ පාර්ලිමේන්තු මන්ත්‍රී රාසමානික්කම් ශානක්‍යන්ගේ ආශිර්වාද ලබන අන්තවාදීන් පිරිසක් වගාකොට ඇති භූමියෙන් වහාම ඉවත්ව යන ලෙසත් එසේ නොකළහොත් ලක්ෂ සඛ්‍යාත කිරින්ගවයින් ප්‍රදේශයට මුදාහැර වගාව විනාශ කරන බවටත් මුදල් වියදම් කොට වගා කිරීමෙන් කිසි ප්‍රයෝජනයක් නොමැති බවටත් පොලිසිය හා මහවැලි නිලධාරීන් ඉදිරිපිටදීම තර්ජනය කොට ඇත.

වගාව ආරම්භ කළ දිනයේ සිට විවිධ හැලහැප්පීම් මැද වගා කටයුතු කරන දිවුලපතාන ගොවීන් වෙනුවෙන් මහවැලිය විසින් ඉඩම් වෙන්කොට දෙමළ ජනතාවගේ කිරි ගවයින්ටත් ඉඩම් වෙන්කොට ගැටලුව තාවකාලිකව සමථයකට පත්කිරීමට උත්සාහ කළද, මඩකලපුවෙන් සිංහල ජනතාව පලවා හරින තෙක් රාසමානික්කම්ලා ඇතුළු අන්තවාදී පිරිසට සාමකාමී විසඳුමක් අවශ්‍ය නොමැති බව මෙවැනි සිද්ධි මගින් දිගින් දිගටම තහවුරු වේ. 

තවද, මොවුන්හේ අවසාන ඉලක්ක මඩකලපුවේ අවසාන සිංහලයාද ඉවත් කිරීම බව මේ රටේ සාමය අගයන සියලුම ජනතාවට මේ මොහොතේ අවධාරණයෙන් වටහා ගත යුතුය.

අනුරාධා යහම්පත් -හිටපු නැගෙනහිර පළාත් ආණ්ඩුකාර