සාර්ව ආර්ථික ස්ථාවරත්වය මත මීළඟ IMF වැඩසටහන තීරණය වේ
වත්මන් ජාත්‍යන්තර මූල්‍ය අරමුදලේ (IMF) වැඩසටහනෙන් පසු රජය ගන්නා මීළඟ පියවර සම්බන්ධයෙන් පවතින අවිනිශ්චිතතාව මධ්‍යයේ, විවිධ දේශපාලන පක්ෂ නව IMF වැඩසටහනක් සම්බන්ධයෙන් විවිධ අදහස් පළ කරමින් සිටී. මේ අතර IMF ප්‍රකාශකයෙකු සඳහන් කළේ, ජාත්‍යන්තර ණය දෙන ආයතනයේ ප්‍රධාන අවධානය මේ වන විට පවතින වැඩසටහන සාර්ථකව අවසන් කිරීම කෙරෙහි යොමු වී ඇති බවයි.
එමෙන්ම, නව IMF වැඩසටහනක් සඳහා ඉල්ලීමක් ඉදිරිපත් වන්නේ නම්, එය සලකා බලනු ලබන්නේ සාර්ව ආර්ථික ස්ථාවරත්වය සහ ගෙවුම් ශේෂ අවශ්‍යතාව පිළිබඳ ඇගයීමකින් අනතුරුව පමණක් බවද ඔහු සඳහන් කළේය.
වෙනත් IMF වැඩසටහනක් සම්බන්ධයෙන් පවතින සාකච්ඡා පිළිබඳව අදහස් දක්වමින් IMF ප්‍රකාශකයා සඳහන් කළේ, දැනට ක්‍රියාත්මක විස්තීර්ණ ණය පහසුකම් (Extended Fund Facility – EFF) වැඩසටහන යටතේ තවත් සමාලෝචන දෙකක් සිදු කිරීමට ඉතිරිව ඇති බවත්, එම වැඩසටහන ලබන වසරේ මාර්තු මාසය දක්වා ක්‍රියාත්මක වන බවත්ය.
“එබැවින්, වහාම කළ යුතු ප්‍රමුඛ කාර්යය වන්නේ වත්මන් වැඩසටහන සාර්ථකව අවසන් කිරීමයි,” යනුවෙන් IMF ප්‍රකාශකයා පැවසීය.
ප්‍රකාශකයාට අනුව, තවත් IMF වැඩසටහනක් අවශ්‍යද යන්න තීරණය කිරීම අවසානයේ ශ්‍රී ලංකා බලධාරීන් සතු වගකීමකි. කෙසේ වෙතත්, මේ වන විට නව වැඩසටහනක් සඳහා ශ්‍රී ලංකාව විසින් නිල ඉල්ලීමක් ඉදිරිපත් කර නොමැති බවද ඔහු සඳහන් කළේය.
කෙසේ වුවද, එවැනි ඉල්ලීමක් ඉදිරිපත් කළහොත් අනුගමනය කරන ක්‍රියාපටිපාටිය සම්බන්ධයෙන් ඔහු මෙසේ පැවසීය.“සාමාන්‍යයෙන්, IMF සාමාජික රටක් නව වැඩසටහනක් සඳහා නිල වශයෙන් සිය කැමැත්ත ප්‍රකාශ කළ විට, IMF කාර්ය මණ්ඩලය සහ එම රටේ බලධාරීන් එක්ව සාර්ව ආර්ථික තත්ත්වය ඇගයීමට, ගෙවුම් ශේෂ අවශ්‍යතාවක් පවතින්නේද යන්න තීරණය කිරීමට සහ ඒ අනුව වැඩසටහනේ සැලසුම පිළිබඳ සාකච්ඡා කිරීමට කටයුතු
කරනවා. නව වැඩසටහනක් සම්බන්ධයෙන් කාර්ය මණ්ඩල මට්ටමේ එකඟතාවකට පැමිණි පසු, එය අනුමත කිරීම සඳහා ඓMF විධායක මණ්ඩලයේ අනුමැතිය අවශ්‍ය වෙනවා.”
IMF කණ්ඩායමක් එහි ප්‍රධානී Evan Papageorgiouගේ නායකත්වයෙන් 2026 සැප්තැම්බර් 10 සිට 23 දක්වා ශ්‍රී ලංකාවේ සංචාරයක නිරත විය.
එහිදී, දැනට ක්‍රියාත්මක විස්තීර්ණ ණය පහසුකම් වැඩසටහන යටතේ මෑත කාලීන මැක්‍රෝ ආර්ථික වර්ධනයන් සහ ආර්ථික හා මූල්‍ය ප්‍රතිපත්ති ක්‍රියාත්මක කිරීමේ ප්‍රගතිය මෙන්ම ප්‍රතිපත්ති නිර්දේශ පිළිබඳව සාකච්ඡා කර ඇත.
එම සංචාරය අවසානයේ Evan Papageorgiou සඳහන් කළේ, “ශ්‍රී ලංකා ආර්ථිකය අඛණ්ඩව එල්ල වූ කම්පනවලට කැපී පෙනෙන ලෙස ඔරොත්තු දීමේ හැකියාවක් පෙන්නුම් කර තිbenawaa. 2026 වසරේ දෙවැනි කාර්තුවේදී ආර්ථික ක්‍රියාකාරකම් සියයට 4.2කින් වර්ධනය වී ඇති අතර, එය අඛණ්ඩව ශක්තිමත් වර්ධනයක් පෙන්නුම් කළ 11 වැනි කාර්තුව සනිටුහන් කරnawaa."
“ගෝලීය තෙල් මිල ඉහළ යාමේ කම්පනය හේතුවෙන් අගෝස්තු මාසයේදී ප්‍රධාන උද්ධමනය වාර්ෂික පදනමින් සියයට 8ක් දක්වා ඉහළ ගියද, උද්ධමන අපේක්ෂාවන් පුළුල් වශයෙන් ස්ථාවරව පවතිනවා."
“2026 අගෝස්තු මාසය අවසන් වන විට ශ්‍රී ලංකාවේ දළ නිල විදේශ සංචිත ඇමෙරිකානු ඩොලර් බිලියන 6.9ක් දක්වා ඉහළ ගොස් තිබේ. බැංකු පද්ධතිය ප්‍රමාණවත් ප්‍රාග්ධනයකින් සමන්විත වන අතර ලාභදායීව ක්‍රියාත්මක වේ. 2026 වසරේ පළමු භාගයේ රාජ්‍ය මූල්‍ය කාර්යසාධනය ශක්තිමත් වූ අතර, ණය ප්‍රතිව්‍යුහගත කිරීමේ ක්‍රියාවලියද බොහෝ දුරට අවසන් කර තිබේ,” යනුවෙනි.
කෙසේ වෙතත්, මැදපෙරදිග යුද්ධයේ කාලසීමාව සහ තීව්‍රතාව සම්බන්ධ අවිනිශ්චිතතාව, ගෝලීය වෙළෙඳ ප්‍රතිපත්ති සහ එල් නිනෝ සංසිද්ධියේ බලපෑම හේතුවෙන් ශ්‍රී ලංකාව තවදුරටත් අවාසිදායක අවදානම්වලට මුහුණ දෙමින් සිටින බවද ඔහු පැවසීය.
කම්පනවලට නිරන්තරයෙන් නිරාවරණය වන පරිසරයක් තුළ saarwa ආර්ථික ස්ථාවරත්වය ආරක්ෂා කර ගැනීම සඳහා විචක්ෂණශීලී ප්‍රතිපත්ති සහ ප්‍රතිසංස්කරණ අඛණ්ඩව දැඩි ලෙස ක්‍රියාත්මක කිරීම අවශ්‍ය බව IMF පසුව නිකුත් කළ මාධ්‍ය නිවේදනයේ සඳහන් කර තිබේ.
එමඟින් රාජ්‍ය මූල්‍ය සහ බාහිර මූල්‍ය ආරක්ෂිත සංචිත නැවත ගොඩනැගීම, මිල ස්ථාවරත්වය පවත්වා ගැනීම සහ යහපාලන න්‍යාය පත්‍රය ඉදිරියට ගෙන යාම මෙන්ම වඩාත් අවදානමට ලක්විය හැකි ජනතාව ආරක්ෂා කිරීම සඳහා සමාජ ආරක්ෂණ ජාල තවදුරටත් ශක්තිමත් කිරීම අවශ්‍ය බවද අවධාරණය කර ඇත.
සම්බන්ධිත පුවත් | Related News
ප්‍රධාන පුවත්
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්‍රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්
උතුරු-නැගෙනහිර බෙදුම්වාදී ක්‍රියා වහා පාලනය කිරීමට මැදිහත්වන්න.. - ජාතික නිදහස් පෙරමුණෙන් ජනපති අනුරට ලිපියක්
වහබ්වාදී ආගමික අන්තවාදය ශ්‍රී ලංකා භූමියෙන් මුලිනුපුටා දැමීම සඳහා වූ ගෝඨාභය රාජපක්ෂ යෝජනාවලිය යනු කුමක් ද?