ශ්‍රී ලංකාවේ දෙමළ ජන සංහාරයක් සිදුවී නෑ.. කැනඩා ශ්‍රේෂ්ඨාධීකරණයෙන් ඓතිහාසික තීන්දුවක්..
වසර ගණනාවක් තිස්සේ ශ්‍රී ලංකාව ජාත්‍යන්තර තලයේ දැඩි පීඩනයකට ලක්වූයේ “දෙමළ ජන සංහාරයක්” සිදුකළ බවට එල්ල වූ අසත්‍ය චෝදනා හේතුවෙනි. එල්.ටී.ටී.ඊ හිතවාදී ඩයස්පෝරාව විසින් ලොව පුරා ගෙන ගිය මෙම බොරු ප්‍රචාරණයට එරෙහිව කැනඩාවේ අධිකරණයකින් ශ්‍රී ලංකාවට දැවැන්ත මෙන්ම ඓතිහාසික නීතිමය ජයග්‍රහණයක් හිමිවී තිබේ.
ඒ, “ශ්‍රී ලංකාව තුළ කිසිදු අයුරකින් දෙමළ ජන සංහාරයක් සිදුවී නොමැති බවට” කැනේඩියානු අධිකරණය හරහා තහවුරු වීමත් සමඟිනි.
මෙම අතිවිශාල ජයග්‍රහණය පිටුපස සිටින ප්‍රධාන නියමුවා වන්නේ කැනඩාවේ ලෝරෙන්ෂියන් විශ්වවිද්‍යාලයේ (Laurentian University) අනුබද්ධ මහාචාර්යවරයෙකු ලෙස කටයුතු කරන ශ්‍රී ලාංකිකයෙකු වන ආචාර්ය නෙවිල් හේවගේ මහතාය.
පාසල් පොතට ගිය බොරුව
2022 වසරේදී කැනේඩියානු පාර්ලිමේන්තුව හරහා මැයි 18 වන දා “දෙමළ ජන සංහාර අනුස්මරණ දිනය” ලෙස ප්‍රකාශයට පත් කරමින් ඊනියා දෙමළ ජන සංහාර අධ්‍යාපන සති පනත (TGEWA) සම්මත කරගැනීමට එල්.ටී.ටී.ඊ හිතවාදී කණ්ඩායම් සමත් විය.
මෙහි ඇති භයානකම තත්ත්වය වූයේ, මෙම පනත හරහා කැනඩාවේ පාසල් විෂය නිර්දේශයන්ට මෙම අසත්‍ය ප්‍රචාරණයන් ඇතුළත් කිරීමට ඉඩ සැලසීමයි. එමගින් එරට දරුවන්ට ශ්‍රී ලංකාවේ ඉතිහාසය පිළිබඳ සම්පූර්ණයෙන්ම විකෘති වූ චිත්‍රයක් ඉගැන්වීමේ අවදානමක් නිර්මාණය වී තිබුණි.
තනිවම කළ දැවැන්ත සටන
මෙම පක්ෂග්‍රාහී ක්‍රියාවට එරෙහිව නැගී සිටි ආචාර්ය නෙවිල් හේවගේ මහතා, ශ්‍රී ලංකා රජයේ කිසිදු සහායකින් තොරව තනිවම මෙම නීතිමය සටන ආරම්භ කළේය. ඒ වෙනුවෙන් ඩොලර් 350,000ක පමණ අතිවිශාල අරමුදලක් සපයා ගත් ඔහු, කැපවීමෙන් යුත් කැනේඩියානු නීතිඥ කණ්ඩායමකගේ ද සහාය ඇතිව කැනඩාවේ ආණ්ඩුක්‍රම ව්‍යවස්ථාව යටතේ මෙම පනත නීත්‍යානුකූල නොවන බවට තර්ක කරමින් නඩු ගොනු කළේය.
පියවරෙන් පියවර ආ ජයග්‍රහණය
ආචාර්ය හේවගේ මහතාගේ මෙම නිර්භීත සටනේ ප්‍රතිඵලයක් ලෙස ශ්‍රී ලංකාවට ජයග්‍රහණය පියවරෙන් පියවර හිමිවිය.
ඔන්ටාරියෝ ශ්‍රේෂ්ඨාධිකරණයේ තීන්දුව:
පළමුව, ඔන්ටාරියෝ අධිකරණය විසින් අදාළ පනත (TGEWA) වලංගු බවට තීන්දු කළද, ඊට සමගාමීව ශ්‍රී ලංකාවේ දෙමළ ජන සංහාරයක් සිදු වී නොමැති බවට පැහැදිලිවම තහවුරු කළේය.
අභියාචනාධිකරණයේ ප්‍රබල තීන්දුව:
ඉන් නොනැවතුණු ඔන්ටාරියෝ අභියාචනාධිකරණය තවත් ඉදිරියට යමින්, 1867 ආණ්ඩුක්‍රම ව්‍යවස්ථා පනතේ අධ්‍යාපනය පාලනය කරන 93 වන වගන්තිය යටතේ TGEWA පනත වලංගු නොවන බවට තීන්දු කළේය.
ශ්‍රේෂ්ඨාධිකරණයේ අවසන් තහවුරුව:
අවසාන වශයෙන්, කැනඩාවේ ශ්‍රේෂ්ඨාධිකරණය විසින් ද ඔන්ටාරියෝ අභියාචනාධිකරණයේ තීරණය තහවුරු කරන ලදී.
සත්‍යයේ ජයග්‍රහණය
මෙම ඓතිහාසික නඩු තීන්දුවල අවසන් අරුත වන්නේ, “දෙමළ ජන සංහාරයක්” යනුවෙන් ගොඩනැගූ බොරුව මින් ඉදිරියට කැනේඩියානු පාසල් විෂයමාලාවල කොටසක් ලෙස කිසිසේත්ම ඉගැන්විය නොහැකි බවයි.
පක්ෂග්‍රාහී මාධ්‍ය සහ ඩයස්පෝරා කණ්ඩායම් කරුණු විකෘති කිරීමට කෙතරම් උත්සාහ කළද, අධ්‍යාපන නීතිය පළාත් අධිකරණ බලයෙන් පිටත පවතින බවත්, එය නීත්‍යානුකූලව පාසල් තුළ ක්‍රියාත්මක කළ නොහැකි බවත් අධිකරණය විසින් තහවුරු කර අවසන්ය.
මේ පිළිබඳව අදහස් දක්වමින් ආචාර්ය හේවගේ මහතා පවසා ඇත්තේ මෙවැන්නකි;
“ශ්‍රී ලංකාවේ දෙමළ ජන සංහාරයක් සිදු නොවූ බව උසස් අධිකරණය සහ ඔන්ටාරියෝ අභියාචනාධිකරණය යන දෙකම තීරණය කළ නිසා එල්.ටී.ටී.ඊ හිතවාදීන් කලබල වී ඇත. කැනඩාවේ ශ්‍රේෂ්ඨාධිකරණය මේ පිළිබඳව තවදුරටත් විමර්ශනය නොකරනු ඇත. සත්‍යය ශක්තිමත්ව පවතී.”
ජාත්‍යන්තර සම්බාධක, දේශපාලන බලපෑම් සහ රටේ කීර්ති නාමයට හානි කිරීමේ අරමුණින් දියත් වන මාධ්‍ය ව්‍යාපාර හමුවේ, මෙය ශ්‍රී ලංකාවට ආදරය කරන සියලුම පුරවැසියන් ලැබූ සුවිශේෂී ජයග්‍රහණයකි.
කිසිදු පාර්ශ්වයකට ආපසු හැරවිය නොහැකි අන්දමින් සත්‍යය ලොවට හඬගා කී ආචාර්ය නෙවිල් හේවගේ වැනි නිර්භීත මිනිසුන්ගේ කැපවීම, අපේ මාතෘභූමියට සැබෑම ආඩම්බරයකි.
මූලාශ්‍රය - lankalokaya
සම්බන්ධිත පුවත් | Related News
ප්‍රධාන පුවත්
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..