නේපාලයේ ගමක් හදිසි ගංවතුරකට යටවෙයි..

Aug 26, 2026 at 05:57 PM

|

Lanka Leader

ටිබෙට්-නේපාල දේශසීමා අතර 50,000 ක පිරිසක් සිටින ගම්මානයක සිදුවූ හදිසි නායයෑමකින් සහ ගංවතුරකින් දැනට අට දෙනෙකු මියගොස් ඇති බව නේපාල මාධ්‍ය වාර්තා කරයි.

කෙසේ වෙතත්, දැඩි ජීවිත හානි හෝ දේපළ හානි වාර්තා වනු ඇති බවයි එරට බලධාරින් ප්‍රකාශ කර ඇත්තේ.

ග්ලැසියර් ආශ්‍රිතව පිහිටි බෝටේ කෝෂි නම් ගංගාවක ජලය ඒවා දිය වීමත් සමග එකවර ඉහළ යෑම හේතුවෙන් මෙම අවදානම හටගෙන ඇති බව දැනට වාර්තා වේ.

මේ වනවිට 400කට වැඩි පිරිසක් අතුරුදන්ව ඇති බවයි CNN මාධ්‍ය වාර්තා කරන්නේ.

update...‍

.................................................................................................................................................................

නේපාලයේ ඇතිවී තිබෙන ගංවතුර තත්ත්වයෙන් පුද්ගලයින් 400 දෙනෙකු අතුරුදන්ව 18දෙනෙකු මියගොස් ඇති බව විදෙස් වාර්තා පවසයි.

අතුරුදන් වූවන් අතර විදේශීය සංචාරකයින් 291ක් සිටින බව විදෙස් මාධ්‍ය වාර්තා සඳහන් කරයි.

චීන සහ ටිබෙට් දේශ සීමාව ආසන්නයේ පිහිටි නේපාලයේ රසුවා ප්‍රදේශයට මෙම හදිසි ගංවතුර තත්ත්වය ඇතිව තිබේ.

දේශසීමාව ආසන්නයෙන් ගලායන බෝත්කොෂි ගංගාව ඔස්සේ හිම දියවීම හේතුවෙන් ඇති වූ විශාල ජල ප්‍රමාණයක් එකවර ගලාඒම හේතුවෙන් මෙම හදිසි ගංවතුර තත්ත්වය ඇතිව තිබේ.

ප්‍රදේශයේ ඇති වූ භූමිකම්පාවක් මෙලෙස හදිසි හිම දියවී යාමට හේතු වී ඇති බවට විශ්වාස කරයි.

ගංවතුර තත්ත්වය හේතුවෙන් බෝත්කොෂි ගංගාව ආසන්නයේ ගමන් කරන මහා මාර්ගයක් සම්පූර්ණයෙන්ම යටව ගිය අතර චීන දේශසීමාවේ පිහිටි චීන රජයට අයත් ගොඩනැගිල්ලක් ද සම්පූර්ණයෙන් විනාශයට පත්ව තිබේ.

නේපාල දේශසීමාවේ පිහිටි ග්ලැසියරයකින් අයිස් සහ ගල් සහිත නායයෑමක් සිදුවී භෝටේ කොෂි ගඟේ අතු ගංගාවක් වන ලෙන්ඩේ කොලා ගඟ අවහිර වීමත් සමඟ මෙලෙස විනාශකාරී ජල ගැලීමක් හටගෙන ඇති අතර, එමගින් පහළ ප්‍රදේශ වෙත හදිසි ජල කඳක් මුදා හැරුණි.