2026 ලෝක කෘත්‍රිම බුද්ධි සමුළුව චීනයේදී ඇරඹෙයි.. චීන ජනපති ෂී ජින්පිං වෙතින් සිව්වැදෑරුම් යෝජනාවලියක්..
2026 ලෝක කෘත්‍රිම බුද්ධි සමුළුව සහ ගෝලීය කෘත්‍රිම බුද්ධි කළමනාකරණය පිළිබඳ උසස් පෙළේ රැස්වීම චීනයේ ශැංහයි නුවරදී අද (17) නිල වශයෙන් ආරම්භ විය.
'සාධාරණ හා යුක්ති සහගත ගෝලීය කෘත්‍රිම බුද්ධි කළමනාකරණ පද්ධතියක් එක්ව ගොඩනැගීම' යන තේමාව යටතේ පැවැත්වෙන මෙම සමුළුවේ සමාරම්භක උළෙලට එක්වෙමින් චීන ජනාධිපති ෂී ජින්පිං ප්‍රධාන දේශනය පවත්වනු ලැබීය.
එහිදී ඔහු අවධාරණය කළේ ජනතාව කේන්ද්‍ර කර ගත්, ත්‍යාගශීලී සහ හිතකර සංකල්පයකට අනුගත වීම චීනයේ ප්‍රධාන ස්ථාවරය වන අතර, කෘත්‍රිම බුද්ධි තාක්ෂණය පොදු සමෘද්ධිය ප්‍රවර්ධනය කරමින් පොදු ආරක්ෂාව තහවුරු කරන වැදගත් ගාමක බලවේගයක් බවට පත් කිරීමට සියලු දෙනා උත්සාහ කළ යුතු බවයි.
මෙම ගෝලීය කළමනාකරණ පද්ධතිය වඩාත් ශක්තිමත් කිරීම උදෙසා චීන ජනාධිපතිවරයා විසින් ප්‍රධාන සිව්වැදෑරුම් යෝජනාවලියක් සමුළුවට ඉදිරිපත් කරන ලදී.
ඒ අනුව විවෘතභාවය හා පොදු ජයග්‍රහණය මත පදනම් වෙමින් නවෝත්පාදන සංවර්ධනය ඉදිරියට ගෙන යාම පළමු යෝජනාව වන අතර, අවදානම් පිළිබඳ අවබෝධය ශක්තිමත් කරමින් සුරක්ෂිතතාව සහ පාලනය කිරීමේ හැකියාව සහතික කිරීම දෙවන යෝජනාව ලෙස දක්වා තිබේ. එමෙන්ම, අන්තර්කරණය හා ශිෂ්ටාචාර අතර අධ්‍යයනය දිරිමත් කිරීම මෙන්ම, පවතින දුෂ්කරතාවන්ට පොදුවේ එක්ව මුහුණ දෙමින් ගෝලීය කළමනාකරණය සාධනීය ප්‍රවේශයකට යොමු කිරීම සෙසු යෝජනා වෙයි.
නිසි වගකීමකින් යුත් දැවැන්ත රාජ්‍යයක් වශයෙන් චීනය, කෘත්‍රිම බුද්ධි තාක්ෂණ ක්ෂේත්‍රයේදී පොදු නිෂ්පාදන සපයන්නෙකු මෙන්ම ඵලදායී විසඳුම් ඉදිරිපත් කරන්නෙකු ලෙස අඛණ්ඩව කටයුතු කරන බව ප්‍රකාශ කළ ජනාධිපතිවරයා, ගෝලීය කෘත්‍රිම බුද්ධි සංවර්ධනයට සහාය වීම වෙනුවෙන් චීනය ගන්නා ඉදිරි ප්‍රධාන පියවර ද මෙහිදී ප්‍රකාශයට පත් කළේය.
මෙම සුවිශේෂී අවස්ථාව සඳහා කසක්ථාන ජනාධිපති Kassym-Jomart Tokayev, කාම්බෝජ අගමැති Hun Manet, තායිලන්ත අගමැති Anutin Chavirakul සහ එක්සත් ජාතීන්ගේ මහලේකම් António Guterres යන මහත්වරුන් ද එක්වෙමින් විශේෂ දේශන පවත්වා තිබේ.
එහිදී එම නායකයන් ගෝලීය කෘත්‍රිම බුද්ධි කළමනාකරණය උදෙසා චීනය දක්වන දායකත්වය බෙහෙවින් අගය කළ අතර, ෂී ජින්පිං ජනාධිපතිවරයා ඉදිරිපත් කළ නව යෝජනා සහ පියවරයන් කෙරෙහි සිය සක්‍රිය ප්‍රතිචාරය ද දක්වා සිටියහ.
සම්බන්ධිත පුවත් | Related News
ප්‍රධාන පුවත්
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..