වසන්ත සමරසිංහලා රනිල්ගේ අමුඩෙන් විදේශීය විනිමය අතීසාරය පාලනය කරන්න හදනවා - ජාතික සංවිධානවලින් අභියෝගයක්

May 23, 2026 at 01:11 PM

|

Lanka Leader

විදේශගත මාලිමා සාමාජිකයින් ඩොලර් එව්වේ නැතිනම් ආර්ථික අර්බුදය වර්ධනය වන බවට අමාත්‍ය වසන්ත සමරසිංහ විසින් සිදුකළ ප්‍රකාශය පිළිබඳව ලංකා ලීඩර් ජාතික සංවිධානවල මතය විමසන ලදී. මේ වෛද්‍ය වසන්ත බණ්ඩාර මහතාගේ ප්‍රතිචාරය ඔහුගේ වචනයෙන්,

"විදේශ විනිමය අර්බුදයට විසඳුම් හොයන්න වසන්ත සමරසිංහලා ඉගෙන ගන්න ඕනෙ බංග්ලාදේශයේ හිටපු අගමැතිනි ෂික් හසීනාගෙන්. පළමුවැන්න කළු වෙළඳපොළ දිරිමත් කෙරෙන සහ විදේශ විනිමය වංචාවලට මග පාදන නීතියේ සිදුරු වැසීම. අපේ රටේ කළේ සිදුරු වැසීම වෙනුවට නීතිය පෙනේරයක් බවට පත් කිරීම. 

රනිල් වික්‍රමසිංහ මහතා 2017 දී රවි කරුනානායක විනිමය වංචා චෝදනාවලින් නිදහස් කරගැනීම සඳහා සම්මත කළ විදේශ විනිමය පනත තිබෙන තාක්කල් මේ ප්‍රශ්නයට විසඳුම් හොයන්න බැහැ. ඒ පනත ඉවත් කරලා පෙරතිබූ පනත් බලාත්මක කරන්න කොන්ද පණ නැති සහ දැනුම නැති පිරිසකට මේ අර්බුදයට විසඳුම් හොයන්න බැහැ.

දෙවැන්න වෙළඳ හිඟය අවමකර ගැනීම සඳහා තම ජාවාරම්කාර ආනයන සගයින්ගේ "සන්තෝෂම්" අතහැර ආනයන ධෛර්යමත් කිරීමේ බදු පැනවීම සහ එම බදු අරමුදල් දේශීය නිෂ්පාදන පද්ධතිය ශක්තිමත් කිරීම මගින් අපනයන වර්ධනය කිරීම සඳහා යෙදවීමය.

තුන්වැන්න කාන්තාවන් අඩු පඩියට විදේශීය වහල් සේවයට සැපයීම වෙනුවට වීෘත්තීය පුහුණුව සහිත වැඩි වැටුප් ලැබෙන ක්ෂේත්‍රවල විදේශීය රැකියා අවස්ථා පුළුල් කිරීම සඳහා පවතින වෘත්තීය පුහුණු ආයතන පද්ධතිය, පෞද්ගලික ආයතන, පිරිවෙන් සහ ආරක්ෂක හමුදා හමුදා සතු සම්පත් යොදාගනිමින් ජාතික වෘත්තීය පුහුණු ක්‍රියාන්විතයක් දියත් කිරීම. බංග්ලාදේශයෙන් ඒ සඳහා හොඳම ආදර්ශය ලබාගත හැක.

සතර වැන්න විදේශ රැකියා ලාභීන්ගේ අරමුදල් ආයෝජනය දිරිමත් කිරීම සඳහා වැඩි පොලියක් සහ ආයෝජන ප්‍රතිලාභ ලැබෙන ජාතික ස්වෛරී අරමුදලක් ගොඩනැගීම සහ ආයෝජන සඳහා රක්ෂණ ආවරණයක් ලබාදීමය.

සිංගප්පූරුවේ 'තමාසෙක්' අරමුදල අධ්‍යයනය කිරීම මගින් ආණ්ඩුවේ දුප්පත්කමට යම් විසඳුමක් ලැබෙනු ඇත. එම අරමුදල යොදවා ලෝකයේ වටිනාම ඛනිජ සම්පත් තිබෙන අපේ රටේ ඩොලර් මිලයන 500ක් වැනි සොච්චමක් ආයෝජනය කළහොත් මිලියන 5000ක් වසරක දී උපයාගත හැක."